|
رد: تجمع حوامل ليبيا
اللهم صلى على محمد وعلى ال محمد كما صليت على ابراهيم وعلى ال ابراهيم انك حميد مجيد
وبارك على محمد وعلى ال محمد كما باركت على ابراهيم وعلى ال ابراهيم انك حميد مجيد |
رد: تجمع حوامل ليبيا
ميمو كيف حالك ؟؟؟
تسلميلي يارب |
رد: تجمع حوامل ليبيا
هلا بحلوين مصر ... إزيك ياملاك ؟؟؟
تسلمي وربنا يخليكي .. على سيرة مصر حنييييييييييييييييييييييين طمنينا عليك |
رد: تجمع حوامل ليبيا
هلاااااااااااااااا بأم السوبر ستار سعودي ( ربي يحفظهولك يارب )
كيف حالك وشن أخبارك ؟؟ والله استاحشناك |
رد: تجمع حوامل ليبيا
أنا أموري تمام والحمد لله
ماشية ... وأخباري اممممممم لا جديد ... انتي شن مدايرة وشن آخر أخبارك؟؟ |
رد: تجمع حوامل ليبيا
انا الحمد لله أخباري موجودة في الصفحات اللي قبل شويا ( مشالله من الصبح ددددددددددددددوة ههههههههههههههه ) شكلك ماقريتيش اللي فات .
انتي شن مدايرة فيك العملية وشن شعور الأمومة ؟؟؟ اوصفيلي لأني حتى اني بكر وحايسة في بعضي |
رد: تجمع حوامل ليبيا
هلا حكومه_
أم سعد أنا بنمشي لناديةالقدارب اليوم تعرفي خايفه من السونار المهبلي هيا أتابع به التبويض من جربته تقولي؟ خايفه أطلع مش سليمة هو الجهاز شن يطلع_ |
رد: تجمع حوامل ليبيا
هلا حكومه_
أم سعد أنا بنمشي لناديةالقدارب اليوم تعرفي خايفه من السونار المهبلي هيا أتابع به التبويض من جربته تقولي؟ خايفه أطلع مش سليمة هو الجهاز شن يطلع_ |
رد: تجمع حوامل ليبيا
عاشقة ... العملية الحمد لله نداوي فيها كل يوم واليوم أول مرة نحزم على خفيف لأن الدكتورة قتلي بعد أسبوعين حزمي ... وبالنسبة للأمومة والله ماتوقعت نفسي هكي ... ماتحملاش يبكي .. ونخاف لو حد قربه ... تعرفي رفعته للمراجعه يوم الخميس اللي فات .. قالي الدكتور فيه الصفير أرفعي ديريله تحليل دم .. خدوه مني بيضربوله يبرة يسحبوله الدم وقالولي اقعدي برا .. نسمع فيه يبكي هو يبكي داخل وأنا نبكي برا ... طلعتلي الممرضة قتلي معليشي بري لنهاية الممر واقعدي غادي شوية وتعالي ولدك ماباش يطلع منه الدم لأنك حانه عليه وفعلا بمجرد مامشيت شوية وجابوهولي ... لكن ياناري جابوه ايديه الزوز ملفوفات ضربوله 3 يباري وياناري ايده لليوم زرقاء ..
المهم هو احساس غريب ... مرات نقعمز نشبح لراجلي نقول توا أنا تزوجت وهذا راجلي وتوا جبت ولد وهذا ولدي ؟؟؟ ميمونة ... والله مادرتاش قبل الجهاز .. بس ماتخافيش .. هي الدكتورة يدها خفيفة بكل |
رد: تجمع حوامل ليبيا
ياميمو انشالله خير ماتوسوسيش ... المنظار المهبلي يستخدم لحالات عديدة ومنها أول شي الكشف على عنق الرحم باش يشوفوا وضعه .. وباقي الأسباب ماليكش بيها علاقة لأن تستخدم في حالات الطب الشرعي للكشف عن الاغتصاب ... أو مع النساء اللي عندهم تاريخ مرضي لسرطان عنق الرحم ( عفانا الله وإياكم وربي يحفظك يارب ) يعني ماتخافيش الدكتورة بتكشف على عنق الرحم عندك وتفائلي بالخير ...
لكن اللي نعرفه ونتذكر فيه ان مفروض قبل ماتديره الدكتورة تديرلك اختبار حمل ضروري ونعرف ان فيه مادة تستخدم في الكشف المهبلي تقعد تنزل منك بعد الكشف شكلها زي القهوة المطحونة لكن هذي مش حاجة أساسية يمكن يستخدموا في مواد أجدد وغير اللي نعرفها .. طمنينا شن يصير معاك |
| الساعة الآن 07:21 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .