|
رد: تجمع حوامل ليبيا
بسم الله ماشالله ربي يحفظك يابوسي ... ارقي روحك قبل ماتطلعي لأن الناس عينهم ماترحمش وبالنسبة للبس الحوامل قوليلي وين فيه مكان عنده حاجات حلوة للطلعة وتكون يعني سبورت شويا وفي نفس الوقت مستورة ( ساسي ويتشرط ههههههههههه )
من اللي عندها خلفية علة اماكن حلوة في طرابلس للبس الحوامل العملي تقوللي |
رد: تجمع حوامل ليبيا
صح يابوسي أكلهم أبيض لكن أكتر حاجة حبيتها وعجبتني أكلات اللبن يعني لو حد يوصفهم وصف مستحيل تتخيلي تاكليهم وتقولي شن جاب اللبن للحم والخضرة لكن والله حاجة مش عادية بجديات ...
عادي ياحبيبة كان خاطرك في حاجة معينة قوليلي شن هي وبإذن الله نجيبلك منها بجديات مش تقولي عزومة كدب والله العظيم ماعندي مشكلة راهو بجد |
رد: تجمع حوامل ليبيا
والله يا بوسي تصوري ما ركزت ، انتم الحوامل ما شاء الله فيسع ما تحملوا وتحطوا وما نحسوش بيكم بكل ،،، واحنى اللي نستنوا الشهر يفوت بسنة والله .
مبارك عليك وعقبااال التاسع والنفاس يارب ..... |
رد: تجمع حوامل ليبيا
الله ايسلمك يا عاشقة تعرفي بالنسبة للبس الحوامل فيه محل في زاوية الدهماني امتاع حوامل اسمة رؤيا ايجيب في لبس حلو وسبور وفي نفس الوقت تلقي عنده بديلات قنينة وشبابية اني عن نفسي نشري منه
|
رد: تجمع حوامل ليبيا
الله ايسلمك يا نسرينا ويفرح قلبك في القريب العاجل يا رب
|
رد: تجمع حوامل ليبيا
ما قلتلكمش ، كملت جلستي وفرشت دار الجلوس متع النساوين
بجد جت تجنن كلهم عجبتهم . |
رد: تجمع حوامل ليبيا
انشالله بالصحة عليك يانسرينا .. شن درتي لونها ؟؟؟
بوسي قوليلي المحل وين بالضبط في زاوية الدهماني باش نمشي اليوم يمكن نشوف حاجات لأني سراويلي كلهم ضياقوا عليا من فوق وحالتي تشرد ههههههههههههه نبي وصف دقيق ياحبيبة |
رد: تجمع حوامل ليبيا
سلمك يارب
الجلسة درتها 3 الوان احمر اسود و " زيبرا " ( اسود وابيض ) وكل قماش لقطة بروحه ان شاء الله غدوة نصورها ونوريهالكم تعطوني رايكم فيها . عاشقة في محل انشوف فيه جنب العاشوري وجنت محل ليلى متع ملابس النوم ، طبعاً اني ما خشيتلاش بس هو خاص بالحوامل شكله بالك تلاقي فيه حاجة حلوة يا حلوة هههههههههههه بعدين انتي ليش ما تلبسيش السرايول متع الحوامل ...؟؟؟ . |
رد: تجمع حوامل ليبيا
انشاء الله مبروكة عليك يا نسرينا تبيديها بالهنيئ وعقبال ما تستقبلي فيها في نفاسك يا ربي
|
رد: تجمع حوامل ليبيا
اللللللللللللللللله حلوة الألوان ...بالصحة يارب
توا ندير دورة انشالله اليوم غادي لأن حتى مش بعاد على حوشي وبالنسبة لسراويل الحمل الشهر هذا بس حسيت بطني تضايقت ومشيت لنادي الاتحاد لقيت ماعجبونيش ألوانهم .. توا نزيد ندور انشالله .. تعرفي اني شن مشكلتي ؟؟؟ اني راجلي يبيني نطلع بحجاب رسمي يعني حتى كان نلبس خمار يفرح أكتر لكن اني قاعدة نقاوم مش لأني مانبيش نلبس الحجاب الرسمي ولا لأن لبسي سبورت زيادة لا والله لبسي محترم وطويل وكله واسع لكن هو بسلامته غيور ... تعرفي الفترة اللي فاتت شريت جبتين ولبستهم وتوا بدو ضيقات عليا والفترة هاذي وبطني كل شهر تزيد مانبيش نمشي ناخد جبة ب150 ونلبسها شهر واحد والشهر اللي بعده نلوحها .. وهو مش مستوعب الفكرة ويقوللي مادخلنيش المهم سروال وحاجات ملونة لاااااااااااااااااا .. توا قاعدة هكي تشرد ونحس في روحي حالة لأني مش عارفة كيف نتصرف .. وتوا اليوم انشالله ندور في محلات الحوامل بالك نلقى حاجة حوامل تكون عاجبتني وتريحه حتى هو ... كل يوم الصبح لما نطلعوا للخدمة يقعد يشبحلي في شبحات يخوفوا ويقوللي اني مش راضي راهو حااااااااااااااالة وربي يستر ... |
| الساعة الآن 12:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .