منتديات حوامل النسائية - تجمع الحوامل اللي ولادتهم في صفر 1434هِ

قصة ولادتي بحبيبة قلبي كوكي ...
طبعا صبايا كلكن بتعرفو أنا كنت بالأسبوع سبعة وتلاتين و خمس أيام يوم اللي قررت اني أولد ..وبتعرفو أنو الدكتورة قالتلي كل شي جاهز ايمت مابدك يالله تعي منولدك ..بحطلق شوية طلق صناعي ..وتناقشت أنا وياها بالموضوع وكمان شجعني التاريخ اللي مابقى يتكرر الا بعد مية سنة 12 12 2012 ههه..حتى قالت منحاول لد الساعة 12..ههه
المهم قبل بيوم كنت متشجعة بس وقت صار الليل ..صرت أرجف وخايفة وأبكي وأرجف ضليت شي ساعتين وكنت قبل بكم يوم مو نايمة غير ساعتين ..المهم استهديت بالله وصليت ودعيت ..وجوزي صار يهون عليي ويشجعني ..ويقلي معك أنا وما بتركك ولا دقيقة ..وأنا عهالأساس كنت متفقة مع الدكتورة ..واخترت مشفى خاص عشان يسمحولي جوزي يفوت الولادة والمخاض ..المهم
فتت عالمنتدى الصبح وخبرتكن اني رايحة أولد وكنت مقررة أني كون قوية وابتسم واحكي وانا عم أولد ومجهزة الكاميرا للتصوير ..وشحنت الموبايل وكل شي ..طلعنا كان برد كتير وفتنا منرقسم الطوارئ وقالولي ياللهرع غرفة المخاض طلعت لفوق وجوزي ضلريزبط الأوراق ولما صرت فوق قالولي فوتي قلتلهن .وجوزي ؟قالولي خلص مابقى تشوفيه لحد ما تولدي ..قلتلهن لأ مابفوت ..أنا مو هيك متفقة مع الدكتورة صارو يضحكو ..تركت القسم ونزلت لتحت لعند زوجي وبلشت أبكي وأرجف ..وأنا مامعي حدا من النساء حتى يفوت معي المخاض ..يعني بدهن يتركوني لحالي بالطلق ..المهم جوزي صار يشجعني .يقلي المهم نشوف البنت ..معليش تدحكري انتي اشتقتيلها وقلي أنا رح وقف عباب القسم وما بتركك ولا دقيقة منضل عالموبايل ..وهيك بتحسيني معك عطول ..
توكلت عالله وفتت فاتت سستر تجهزني ولبست التياب وتسطحت عالسرير وقعدت صور حالي فيديو وشجع حاليخخخخخ..واجت ممرصة عطتني طلق صناعي أول شي بالجل ..وبلشت المغصات ..والمشكلة اني بلشت اسمع صوات النسوان الي بالغرف جنبي ..صياح ..وبكا ..و..نحيب ..ولاويل ...وأنا قول ..لا مارح صيح دقيت لجوزي وبلشنا نحكي سوا ..طبعا الممرضة قالت محام الرحم 2سانت ..وأنا طار عقلي .كيف 3 كان مبارح ..هي تقول لأ 2..بس ..دقيت لجوزي وحكينا ..هو توتر ..وفاتت دكتورة مصرية ..تحكي معي تقلي ليش كنت تبكي ..حكيتلها ..قالت أي جوزك بيفوت ..أنا هون هم الدنيا راح عن قلبي ..وراحت وفات جوزي ..دخيل ألبو ..ارتحت ..وانسيت الطلق ..وبلشنا أنا وياه نصثحك ..وأتوجع ..ويذكرني بالتنفس الصحيح ...ويفركلي ضهري .وكتافي ...ويحكيلي نكت ..ويقلي ..يالله إلق جاية حبيبتي التانية ..طالإيها ..
المهم ما سمحو لي فوت الحمام ..حسبت حالي بدي أنفجر ..وماعاد قدرت أتمالك حالي ..وصرت للهن بدي فوت ..وما يخلوني ..عصبت وقلتلهن فايتة ..قالو لنفحصك ..قلت كيف بدك تفحصي وأنا شادة ع حالي رح موت تقول معليش سربيها عليي لابسة كفوف ..قلها لأ ما حزرتي ...فكيت الجهاز وفت الحمام غصب عنهن ..وطلعت ..فات دكتور ..وقال ..الرحم فاتح 2سانت ..وسماكة عنق الرحم كبيرة ..وهون كانت الصدمة ..جوزي انقهر ودق للدكتورة قلها تعي هلق أو نحنا طالعين ..اجت ..وقلنالهأ حطموني ..فحصت قالتلي الرحم فاتح 4سانت ..والولادة شي ساعتين أو ساعة انشالله ..وهي كتير شاطرة وبوثق فيها ..حطتلي الطلق بالسيرون وطبعا هاد هو الطلق الفظيع اللي بتسمعو عنو ..قالت بس يصير 100..عالولادة ..
ضليت أنا وجوزي نعمل نفس الشي بس كتير زاد الوجع وطلبت منها تخليني أقعد قلتلها ما بطالع صوتي بس خلوني اقعد قالت اوكي ..وهييييك حتى قوي كتير كتير ..وأنا عم اسمع صوات النسوان برى وقول أنا أقوى من هيك ..جوزي صاح للدكتورة قلي وضعك حاسو زاد فوتت ايدها قالتلي هلق بس تحسي مغصة قوية ادفشي لشوف انتي قوية ولا لأ...قلتلها عم موت الوجع قالتلي بدك ولدك بساعة ولا تضلي لبكرى الصبح تطلقي ؟..وجوزي قلي يالله كوكي بدها تيجي ساعديها اتحملي كرمالها ..قلتلها طيب مخدر ..قالت بعطيكي بتضلي 6 ساعات تطلقي ..وليييييييييي...وقتإا قالت ياله بديت معركتنا ..ولما اجت المغصة الفظيعة كبتت نفس ودفييت بكل القوى اللي فيي ..صاحت الدكتورة يالله أبدعتي يا شاطرة فتح من 4..فورا صار سبعة ....بعد ربع ساعة اجت كنت عم سكر عيوني ...وقول خلص اقتلوني ..بس عطوني مخدر ..صرت قول دخيلك يادكتورة دخيلك ياجوزي ببوس ايدك طالعني منرالي أنا فيه ..تقلي انتي الوحيدة اللي فتح الرحم عندها خلال ساعتين 7 سانت ..اتحملي يالله ..المهم دفعةرتانية صار 8 ..بعدها عطتني مخدر البيثادين ..بس جرعة خفيفة ..بس صارت تهدأ المغصو وتجي بس متل النار بدين اجت النيرس قالت خلاص 10 سانت .بالله ولادة ..وطلعنا على غرفة الةلادة وكنت أنارعم صور ..ونسيت الوجع شوي ..وفتنا وبلشنا ..ادفش ادفش ..ومايصير شي ...وادفش بكل أوتي ..تقولؤياللهرسفت الراس ..يالله كملي ..وأنا ادفش ومايصير شي ..والوجع كان فظييييييع ..وصارت الممرضة تكبس عبطني من فوق وتكبسلي راسي من ورا رقبتي ...وتضغطني لتحت ..بعد هيك ..طلبت الدكتورة من جوزي يبلش يكبسني لتحت كمان ..وصرنا كلنا نتعاون وما يصير شي ...صارت الدكتورة تقول ..لك من طيبو الجنة تحت رجلين الأم ..شفت شو يعني أم ؟..وجوزي ياحرام رح يجن ويقلي يالله برافو حبيبي ..أنا شايف راس بنتنا ساعديها .....أخر شي أخدت نعس قوي لأنو حسيت الدكتورة خلص كأنو بلشت تفكر بالعملية ..تقول يالله تأخرنا ..الراس علق ..وصرت قول ياربي دخيلك المهم البنت ..بعد كذا دفشة ..وكتير كتير ..ضغط من جوزي والممرضة ..والدكتورة ..صرخت صوت ودفشت بقوة ..قالولي يالله برافو طلع الراس ....وبعدها جوزي مسك الموبايل مرة تانية ..وكمل التصوير ..ودفشت دفشة صغيرة لأنو قلي جوزي اني غفيت لحطكة فيقوني ..سحبو البنت وكانت مزرقة وراسها طويل ..قامت الدكتورة شالتها عطترالممرضة بسرعة ..وأنارقول ..حبيبتي ..ماما ...عطوني حبيبتي ..وفورا عفيت ..هههه...حضرت كيف اسيتفعلو فيي الباقي وأنا نايمة ..وبعدين قلي جوزي أنو لما طلعترالبنت ..والدكتورة ماحطتها بحضني ..وزتتها فورا ..قلي فكرتإا لا سمح الله لا سمح الله اخاتتقت لأنو الدكتورة قالتلو الحبل لف عراسها ..ولحقناها لحسن الحظ ..وقلي قعدت فكر كيف بدي وصلك الخبر..وكيف بدك تتحمليه ..الشي الغريب أنو ماؤفكر ببنتو فكر بتعبي كل هاشهوور وتعبؤالولادة لأنو شافو بعيونو ...ولما سمع صوتها بحيت تبكي ..قلي حسيت أخيرا بالراحة ..وضل جنبها كانت يا قلبي منفخة ..بس بعد شي ساعتين تلاتة الراسؤرجع تقريبا ..وراح الاتنفيخ منها ..
ونشكر الله اللي خلاني وخلاها ..وكان معي ...
يارب تيسر ولادة كل حامل ..ويخليكن لولادكن ..ويخليلكن أماتكن
يا صبايا ..نصيحة خلي جوزك يحضر معك كل شي ...ما بتتخيلو قديه حاسس فيني ووقديه بيزيد حب زوجك الك بعد ما يشوف الولتدة بعيونو ..وبيصير بس بدو يخلص ضميرة مع ربو فيكي ..وبيقدر أمو أكتر ..وبيقدرك أكتر ..
وهاي هي قصتي ..حكيتها بالتفاصيل كرما عيون حوامل تجمعرصفر ..طالبوني بكتلبت كل شي ...
وأكيد شكرا لكلؤالي باركولي والي كانو معي كلؤالحمل ...
اننشالله دايما متلؤالأخوة نضل ..والله ييسر لكل وحدة فيكن ..تل النار