|
رد: حبيباتى سيدات ليبيا تفضلو لأعرف ما حالكم
هدايا انا موجوده كيف حالك انتي وبنوتك وراجلك
وربي يعاونكم في الصيام ويتقبل منكم ياارب انسيت نوصي راجلي علي كروت النت الليله ايتم |
رد: حبيباتى سيدات ليبيا تفضلو لأعرف ما حالكم
اهلين جيجي نورتي أخيرا حد خش hwaml7
|
رد: حبيباتى سيدات ليبيا تفضلو لأعرف ما حالكم
سلم ايدياتك وصحه فطوركم مقدما
|
رد: حبيباتى سيدات ليبيا تفضلو لأعرف ما حالكم
كيف حالك جيجي وكيف حال بنيتك وشن أخبار حملك
احني كويسين والحمد لله |
رد: حبيباتى سيدات ليبيا تفضلو لأعرف ما حالكم
النور نورك ياغاليه
بنوتك شن ادير والا قاعده راقده ؟؟؟ |
رد: حبيباتى سيدات ليبيا تفضلو لأعرف ما حالكم
اقتباس:
هما طلبوا نديرلهم لازانيا ومش عارفه شن مندير تاني |
رد: حبيباتى سيدات ليبيا تفضلو لأعرف ما حالكم
بنتي كيف نوضتها كانت راقده مع انها متحبش النوم بس بوها طلع يسهر وكساد
لعبت معاي وملت هههه ربي يحفظها |
رد: حبيباتى سيدات ليبيا تفضلو لأعرف ما حالكم
يممممممممم يمممممممممم
عقلي اللازانيا ومكرونه الباشميل انموووووت فيهم |
رد: حبيباتى سيدات ليبيا تفضلو لأعرف ما حالكم
اقتباس:
اضحكي حتي أنتي ياجيجي فرقت نومها سوما بترقد للظهر اماله اشبح شن بيصير في الدنيا هههههه |
رد: حبيباتى سيدات ليبيا تفضلو لأعرف ما حالكم
علاش هما صحاب راجلك صايمين؟؟؟
|
رد: حبيباتى سيدات ليبيا تفضلو لأعرف ما حالكم
اقتباس:
تو نبعتلك صونية أدللي |
رد: حبيباتى سيدات ليبيا تفضلو لأعرف ما حالكم
هههههههههههههه والله حتي بنتي تكره النوم وعندها قدره تقعد 24نايضه
طبعا وحمي كان هكي مانرقدش ابدااااااااا بس بنتي هادي نومي فوق اللازم ان شاء الله غير تطلع نومها كويس مش زي اختها سنتين وانا نومي ماهو بنوم |
رد: حبيباتى سيدات ليبيا تفضلو لأعرف ما حالكم
اقتباس:
ديما يجي يفطر عندنا في رمضان امشي قعد يشكر في ماكلتي لأصحابه قالهم بالذات اللازانيا روعه أدير فيها قالو لرجلي خلاص نبو لازانيا هههه فقرر يرفعلهم اليوم |
رد: حبيباتى سيدات ليبيا تفضلو لأعرف ما حالكم
والله عارفاتك صاحبت واجب ووصلت عزومتك وصحتين علي قلوبكم
|
رد: حبيباتى سيدات ليبيا تفضلو لأعرف ما حالكم
ان شاء الله في ميزان حسناتك حسبتك لاصحاب راجلك
وسلم ايدياتك |
رد: حبيباتى سيدات ليبيا تفضلو لأعرف ما حالكم
اقتباس:
ربي يحفظها إن شاء الله حتي أني في حملي كارهة النوم ههههه تصوري نقعد بروحي من الصبح للمغرب كساد ومع هذا ما نرقدش يروح راجلي يقولي خيرك مارقدتيش قتله كان نرقد ونوض منرجع هههه ماهو جربت لما انوض الصبح نرجع طول حشاك هذا علاش قعدت نخمم في النوم لما يجي وقته |
رد: حبيباتى سيدات ليبيا تفضلو لأعرف ما حالكم
اقتباس:
|
رد: حبيباتى سيدات ليبيا تفضلو لأعرف ما حالكم
جيجي احني النت اشتراك شهري
والحمد لله يسد فينا طول الشهر وكان ما هلبة مانكملوش فيه مع إني ديما نفتح علي برامج ومسلسلات من النت |
رد: حبيباتى سيدات ليبيا تفضلو لأعرف ما حالكم
راجلي بيمشي الاسبوع الجاي لبنغازي عمل بيشوف الفرع اللي غادي كيف ماشي
وانا خايفه عليه لان اوضاع البلاد مطمنش في كل مكان حتي توه يمشي يسهر وايدي علي قلبي ربي يحفظ البلاد |
رد: حبيباتى سيدات ليبيا تفضلو لأعرف ما حالكم
حتي احني يسد فينا كل شهر بس توه بناخدو اللي نازل جديد ب400ويسد سنه كامله اريح
ونفس نظام الوايلس |
رد: حبيباتى سيدات ليبيا تفضلو لأعرف ما حالكم
ربي يحفظه ويسلمه
ربي يفرج علي بلادنا وخلاص تعرفي راجلي ديما لما يكلم فيه بوه يقوله ماتروحوش خيرلكم البلاد مش مستقرة والوضع قاعد ملخبط قتله في خاطري كان تسمعك عزوزتي والله مسكينه بتهبل ديما تسال في كل مكالمة أمتي بتروحو |
رد: حبيباتى سيدات ليبيا تفضلو لأعرف ما حالكم
اقتباس:
|
رد: حبيباتى سيدات ليبيا تفضلو لأعرف ما حالكم
الضئ بيفسد الدنيا كلها ينقص ويتقوا فجأة مش عارفه شن الحل خصوصا التلاجه والمكيف لاغني عنهم
راجلي طلب مولد من النت وعلي اساس الاسبوع هادا يوصل وقاعد موصلش |
رد: حبيباتى سيدات ليبيا تفضلو لأعرف ما حالكم
إيه صح والله بالذات في النو ماتقدريش تقعدي بلا مكيف وامية مسقعة
الله يعينكم وخلاص |
رد: حبيباتى سيدات ليبيا تفضلو لأعرف ما حالكم
تو علي اساس آمتي المرواح هدايا قريب
|
رد: حبيباتى سيدات ليبيا تفضلو لأعرف ما حالكم
احني اليوم صقع فاتحه الرواشن علي أساس نهوي من الصبح
نحس في روحي ثلجت خفت علي سما سكرت |
رد: حبيباتى سيدات ليبيا تفضلو لأعرف ما حالكم
هههههههههه غبطك ياريت الصقع عندنا تعرفي الاسبوع هذا لسبت فوق 40درجه الحراره آآآآه رحمتك يارب
|
رد: حبيباتى سيدات ليبيا تفضلو لأعرف ما حالكم
والله يا جيجي مش معروف بالظبط لان راجلي حاليا يشتغل عالمشروع
قال كان صار منا وقبلوه معناها امتاع ستة او تمانية شهور بالكتير ويكمل إن شاء الله لكن المشكلة خايف بعد هالتعب تكون الفكره اللي دايرها في المشروع دايرها قبله حد كان هذا بح كل التعب بيعاود المشروع من جديد يستر الله وخلاص مع إنه قال قلبت ودورت لا حد الأن مفيش حد داير زي فكرتي |
رد: حبيباتى سيدات ليبيا تفضلو لأعرف ما حالكم
اتصلت باختي اللي اتجيب بعدي باسبوعين واحتمال انجيبوا مع بعض نحسابها عرفت جنس النونو
لكن الحلو قاعد امسكر رجليه وعاطيهم ظهره ههه وهي بتمووووووووت علي بنت عندها 3ولاد الاخير حتي اسمه ادلع فيه باسم بنت خصوصا ان بكرها قالولها بنت وجابت ولد ههههههه قريب هبلت وجي التاني وجي التالت وقاعدين التلاته ميقروش ربي يحفظهم شطانتهم تهبببببببل مشاكسين درجه اولي الصغير في عمر بنتي لكن افكاره عدوانيه واكبر منه هههههههههههههه انموت فيهم امسمينهم التلاثي المرح طول الوقت لعب بس ومتعلقين التلاته في بعض ربي يحفظه ومرات اختي اتقول والله بتنظلم البنت الا ما يجنننوها ويهبلوها ههههههههههه |
رد: حبيباتى سيدات ليبيا تفضلو لأعرف ما حالكم
اقتباس:
لا احني تصوري ما عندناش حتي مكيف في الاحياش كلها لان جوهم ديما معدل الصيف امتاعهم نو شوي لكن محتمل ما يحتاجش مكيف لهذا ما يديروش فيهن في الاحياش لكن يبيعو فيهن مش اللي يتركبو في الحيط لا زي الدفاية ينحط في الوطا هههههه |
رد: حبيباتى سيدات ليبيا تفضلو لأعرف ما حالكم
ربي يوفقه وايكون مشروعه محد امدايره قبله ياااااااااااااارب وترجعوا بالف سلامه يارب
|
رد: حبيباتى سيدات ليبيا تفضلو لأعرف ما حالكم
اقتباس:
ويرزق وخيتك باحلى بنوته تقريبا كان مسكره رجليها بنت هكي سامعه سبحان الله اختك زي مرت خالي عندها تلاته أولاد وهي بتهبل عالبنيات من أول واحد تمنت بنت وحتي هما سبحان الله بيهبلو وبيطيرو من الشطانه |
رد: حبيباتى سيدات ليبيا تفضلو لأعرف ما حالكم
جنوده وينك تعالي وانا انديرلك احلي طويسه شاهي بالوز
شن درتي اليوم في طرابلس دهواري مع ان اليوم الجو نووووووووووووووو |
رد: حبيباتى سيدات ليبيا تفضلو لأعرف ما حالكم
اقتباس:
مع انا تعودنا عالوضع اهني والجو لكن في النهاية الواحد ماليه كان بلاده |
رد: حبيباتى سيدات ليبيا تفضلو لأعرف ما حالكم
هدايه ماشاء الله
احني خمسه حوامل خوات عندي اختي العروسه تزوجت نهايه السنه اللي فاتت شهرها مازال فيه اسبوع كل يوم انكلم فيها اتقول مازال واختي الدكتوره عندها بنت وولد قالوها توه ولد وهي تتمني بنت ولده بيجننها وبعدها انا وبعدي اختي اللي عندها الولاد وفي الاخير اختي اللي عنده زوز ولاد وبنت قاعده مادارتش جهاز وتتمني بنت مع بنتها |
رد: حبيباتى سيدات ليبيا تفضلو لأعرف ما حالكم
وينك هدايا ,؟؟؟؟؟
|
رد: حبيباتى سيدات ليبيا تفضلو لأعرف ما حالكم
اقتباس:
ورزق كل وحده ما تتمني اني عندي الكبيرة عندها تلاته بنيات والي بعدها بنت ولد كيف جايبته وبعدها أني وحده توا حامل في الخامس قاعدة معرفتش شني جنس الجنين وحده مخطوبه عرسها قريب شكله بيفوتني hwaml79 والباقي صغيرات ربي يحفظهم |
رد: حبيباتى سيدات ليبيا تفضلو لأعرف ما حالكم
بنتي عملتها
نمشي اندوشلها مره وحده اصلا من غير منقول بتقولي ماما دييلي دوش سلمها حبيبتي النضافه ههههه |
رد: حبيباتى سيدات ليبيا تفضلو لأعرف ما حالكم
قاعدة جيجي غير دخلت سوما لسريرها رقدت
وكتبتلك الرد بس |
رد: حبيباتى سيدات ليبيا تفضلو لأعرف ما حالكم
لالالا ان شاء الله تحضري عرس وخيتك وربي يحفظ عيلتك كلها ودوم ملتمين وفرحانين يااااارب
|
| الساعة الآن 03:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .