|
رد: تجمع حوامل ليبيا
وزيدك يا زايد من الأسبوع اللي فات قررنا بنعزمو بنت حماتي العروسة هيا وراجلها الخميس الجاي وقلنالهم المشكلة ... انشاءالله من هني لنهاية السبوع يكون حالي باهي وننستر معاهم ..
|
رد: تجمع حوامل ليبيا
ميمونة كل عام وانتي بألف خير وسنة خيرات عليك انشاالله وماتكمل لين تشوفي فيها وليد وألا بنية .. وألا حتى الزوز مع بعض مافيش مشكلة هههه
|
رد: تجمع حوامل ليبيا
نسرينا بالنسبة للحنة اللي حاطة صورها مش لازم تتحنى باللزقة البيضا أني محنيتهم كان مش كلهم أغلبهم اللي في الصور وباللزقة الواتية يعني قصدي توا في السوق تلقي تشكيلات حلوااااااااااا لين خلاص زي اللي حطيتي صورهم وأحلى ايقولولها الحنة المصراتية وحتى نوعيتها كويسة وما تشربش بكل وتلصق مية مية .. أني ليا 3 سنين متزوجة وحنيت مرة وحدة عند حناية بس .. وبعدها اكتشفت اللزقة هاذي بديت نشري فيها وتلصقلي فيها بنت جارتي وتحنيلي والله تطلع ماشاءالله وآخرها توا في عرس بنت حماتي والله كلهم يحسابوني حنيت عند حناية من نزاكتها الحنة ونضافتها ... كان عندك من ايحنيك (مش لازم ايكون حد خبره راهو) بري اشريها وجربي وادعيلي ....
|
رد: تجمع حوامل ليبيا
سلامي للحلوة عيووووووووووون وراهو بين الحبايب لعتب مقبول والزعل مرفوووووووووووووع .. وبري طهري ولدك خير من نطلعو عليك مظاهرة ههههههههههههههههههه
|
رد: تجمع حوامل ليبيا
اهلين سورينام
حتي حتلي عليها صاحبتي الحنة هذه بس مانعرفش اسمها الا منك توا صحيتي حبيبة حتي استفدت من كلامك هيا سلام توا وتيت روحي بنمشي للعزومة |
رد: تجمع حوامل ليبيا
عيوووووووون ... شن رأيك نرفعو ولدي وولدك في نفس اليوم نطهروهم ههههههه
أنا نبيه يشد صحته شوية وبنطهره ... هو المفروض مازال قاعد في البطن ... بنزيده متع 10 - 15 يوم وبنطهره .. ويستر الله |
رد: تجمع حوامل ليبيا
سلام للحلويييييييييين ... من موجود ؟؟ أم سعد قاعدة والا طلعتي ؟؟
|
رد: تجمع حوامل ليبيا
تعرفو يا بنات نسيت كلمة المرور- الباسوورد- اللي نخش بيها للتجمع .. عليك شماته وخلاص hwaml15.. لأني مانستعملش فيها يعني مخلياته مفتوح دايركت لما نفتح النت نفتح صفحة التجمع نلقى نفسي موجودة من غير تعب واكتبي اسمك وبسوورد وبلا بلا بلا ... لكن هذا البورتل متاعي هذا علاش مش معدلة .. كان بنخش من جهاز راجلي .. زعما كيف اندير ؟؟؟ بالله اللي تعرف اتقوللي hwaml90!! |
رد: تجمع حوامل ليبيا
سورينام تسلمين حبيبتي كيف حالك _
|
رد: تجمع حوامل ليبيا
سلامات ميمونه وسورينام وحكومه وام سعودى وكل الحلوين والله نحنا فى درنه جمود صقع بشكل ماتقدرى طلعى اصبعك ومن البخت كنا من مده محددين اليوم عشان نمشى انا وصبايا خوتى واختى الصغيره نتعرفو على خطيبه خويا والله جمدت من فوق دافيه بس كنت لابسه قونه قصيره جمدن كرعيا hwaml15
|
| الساعة الآن 08:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .