رد: حبيباتى سيدات ليبيا تفضلو لأعرف ما حالكم
 

بس هي الهديه بقيمتها ان الشخص اذكرك وجابلك حاجه بسيطه لها قيمة معنةيه حلوه

في صديقات 2 بنحسبهم ف هدايا وممرضتي الخاصه لي تمسك معايا ف العياده بنحسبها

بس مثلا ساعه هكي وشوكولاته بريطانيه ..







وع فكرة ياجنوده حتى نا معاك انتي مش مجبورة تواصلي الاقارب درجة 2 اهم شئ اهل زوجك مثلا كان صارت مناسبه ما
لخواله او اعمامه بسسس.. ها ما دايره نا


بصراحه هل زوجي واجد كان بنمشي للكل معش تكمل خصيصا اني نخدم وعيال وزوجي اسبوعين بعيد علياط


يعني بعد ايجي اسبوعين يادوب نقضوا مشاورينا وهكي




وبعدين عندي صديقات الحمدلله حتي ف اجدابيا تعرفت ف الي تعرفيها بروحك مثلآ وتعجبك شخصيتها وتنسجمي معاها وادير عليك ذريق وتواصلوا افضل من اقارب البعاد مثلآ

رد: حبيباتى سيدات ليبيا تفضلو لأعرف ما حالكم
 

ماشاء الله ربي يدوم الاجواء الحلوة ويحفظلك عيلتك كلهااا

وبه الحمدلله لي ذاحت سرتها الامووره تحسي براحه نفسيه هكي صح

وان شاء الله عمليتك حالها باهي وافضل من قبل

رد: حبيباتى سيدات ليبيا تفضلو لأعرف ما حالكم
 

اول نصيحه ياجنوده .. لو كان تقدروا تنقلوا لولايه اسعارها اقل مثلآ ف الدراسه والمعيشه
فننصحكم بقووووة.. وهي ع قولتك اهم شئ تروحي بماجستير من امريكا لا ح يقولو من جامعه كذا او كذا

اهم شئ ماجستير من امريكا..




ثاني شئ بالنسبه للتوفير عندك حق ف كلامك خصيصا عندك اشياء بتديروها بعد تروحوا


بس ضحكت ع كلام زوجك سبحان الله نفس جملة زوجي بالضبط مرة قالها ليا كم مرة بنجوا لبريطانيا

مع العلم ان زوجي لي في جيبه مش له زي مايقولوا وصباااي مع هله لابعد الحدود
والحمدلله نا نعده بار لوالديه .. وربي ح يرزقنا اكثر ..




ورا يا جنوده كان بتفكري ف توفير ولي انصرف واجد ح تتعبي نصيحه من مجربه

خصيصا ان احنا الباوند اي الاسترليني يساوي 2 ونصف ليبي

يعني لو كنا وفرنا من اول ماجينا وقفصنا خخخ والله بلا مبالغه را عندنا قريب 40 الف ليبي توا


الموضوع نصيحه شيليه من راسك حاليا لان ياجنوده لو تخلطت عليك المواضيع ح تتعب نفسيتك بالاخر

مثلا انتي قرايه توا وضغط نفسي اكيد وتفكري ف موضوع الزرع .. وتفكري ف توفير
وممكن مواضيع غيرها ح تتعب نفسيه حراام





خلاص بعد حولت موضوع التوفير من راسي تريحت اشوي ومعش قعدت نقارن ف روحنا باللي جاين معانا قعدو يدزو حتي ف فلوس لحسباتهم وهك


فيه لي سيب حتي من المبلغ لي مداته الشركه لهم ف ايديهم تقريبا خلو فوق من نصه يعني 20 الف ليبي وخاطي التوفير لي هنا





بس نحن والله ماقعد منا جنيه بس الحق ماعدش ف حاجات فاضيه كله صرف ع الاكل والمستلزمات والحاجات الكويسه والعزايم


خصيصا رمضان كنا كل يوم عزومه .. والحمل جا ع زوجي اكثر من جارنا ف الجيب المصروف بحكم ان الطبخ ف بيتنا و زوجي مستحيل يعدي ويتحساب وهك




واهو ماشيه والحمدلله


ربي ح يرزقكم اكيد ووفروا مثلآ مايجيبلكم حق سياره اهم شئ لانها ضروريه اهم ماتروحوا

واكيد ح تقدروا تديروا عزومتكم..



واهم شئ موضوع الزرع .. وميزانيته..


في امريكا ع فكرة تقدري تختاري حتي نوع الجنين وناجح جدآ ع الفكرة
وحسب ماقريت عليها مش حرام..

هم يسألو لو ماكنش عندك صغار قبل . وقالو الشعب الامريكي والبريطاني يرجحوا ف جنس البنت اكثر ..




عمومآ ربي يوفقكم ويسهلكم اموركم


ونستنوا فيك ع احر من الجمر عشان تحكيلنا الموضوع لي قلتي عليه

وعشان نعرفوا شن قالتلك الدكتوره..

رد: حبيباتى سيدات ليبيا تفضلو لأعرف ما حالكم
 

صباح الخيرات
لي عودة للتعليق
شكرًا ام فراس وهدية علي النصيحة
وراح ناخد بتصائحكم
توا ساعه 6 بنوض أندير فطورنا

راح نرجع ونرد عليكم
وتحكي لكم علي الدكتورة علي فكرة مش علي خاطر الحمل
وراح نحكيلكم علي التقرير التيتشر متاعي عليا
شن كاتب فيه عليا
سلامات

رد: حبيباتى سيدات ليبيا تفضلو لأعرف ما حالكم
 

السلام عليكم ورحمه الله وبركاته

ام فراس مشكوره حبيبتي عمليتي الحمد لله بس قاعده انداوي فيها اتصدقي ؟؟؟؟!!!!

المفروض من السبت نحيت اللصقه وخلاص بس شن بندير نصيبي عاينت عند دكتورتين اللي اتشوفها اتقولي خيرها هكي مدايرتها

عندي فضول نشوفها كيف والله حاله وخلاص الحمد لله علي كل حال

عمليتي الاولي لحام تجميلي والله متبان ابدا الا لو مسيتها انحس بمكانها وين بالزبط

الحمد لله وخلاص هذا نصيبي

علي فكره اثري ماجبتش في السرور ماحصلتش عندهم جبت في مصحه الفتح كان تزبطيها طريق الشط وماننصح بيها حد وللاسف

رد: حبيباتى سيدات ليبيا تفضلو لأعرف ما حالكم
 

هيا هذه المشكلة هدية لو بتوسعي معادش بتكملي
والشخص بديهي اول مابيفكر في احبابه والناس اللي يحسبوا فيه
زي الخالات والاصدقاء

طبيعي أتحسي انك لازم تحسبي هم
مثلا انا بنت خالت زوجي حاسبتها في عيد ميلادها لانها كنا تعرفوا بعض قبل زواجي
وحسبتها لما مشيت لتونس وحافظة تاريخ ميلادها
بس هيا وللمرة حسبتني
وفي الأخير قالت عليا دوة
انا حتي معاملتي زي ماهيا ولا حسستها أني سمعت شن قالت
بس نقول في نفسي ليش
ولما تحسبي شخص ومايحسبك بناخد موقف

رد: حبيباتى سيدات ليبيا تفضلو لأعرف ما حالكم
 

السلام عليكم ورحمة الله وبركاته
مساء الخيرات
فروسة صار ليلتك ماتفرقش على ليلتي امبارح مش قلتلكم الساعه ١١ونص ونعسانة وسوما قاعدة ناشطة ؟
ايييييييه قعدت للساعه ١ونص وحتى الواحد ونص بالسيف طفينا عليها التلفزيون ورضعتها بيش رقدت تصوري مدمنة على رسوم التيليتابيز امبارح ساهرة عليهم واليوم ناضت عياطات من السبعه نين انخلعنا منها قريب قلبت الدنيا خديت قريت عليها شوية لانه خالي امس قاللي حطيت صورتها عالفيس بوك وكلهم علقوا عليها راجلي قاللي معاش تحطوا صورها للي يجي الناس في اللي عينه حارة وفي اللي مايسميش ولايذكر في الله وبعد ماقريت عليها ورقدت مجرد حطيتها ناضت طول مرة ثانية مشي فتحتلها التيليتابيز وعطيتها بسكويت في ايدها وحطيتلها العاب والله منسجمة وجوها مليح ماشاء الله ولاكأنه اللي قلبت علينا قبل ساعه
لما راجلي ناض وشافها قاللي ابتداءا من العشرة في الليل مع تعبا عالتفريج يسهر فيها وتنوض تعيط علشانه هههههههههه
قتله طالعه لامهاوالله اني مدمنةتفريج من زمان لما بنت كانوا يقولولي لما تتزوجي تو تبطليه والله كان مازدت هههههه شكله من الكساد والفضوة كان في ليبيا ماحصل فرصة

رد: حبيباتى سيدات ليبيا تفضلو لأعرف ما حالكم
 

آآآه ايام الراحه الليليه تمت الحلوه جمان سلاممتها ماتفرقش علي سوما العسل والولي القمر

ديما نايضه وتبي ترضع وتعيط بس الحمد لله هي قاعده صغيرره المشوار طويل وكله باجره ربي يحفظهم

جنوده احسبي اللي يحسبك وخلاص وربي يوفقكم ويحقق امنياتكم

رد: حبيباتى سيدات ليبيا تفضلو لأعرف ما حالكم
 

سوسو وينها ان شاء الله خير

اثري شن الاجواء عندك

ام نوزه مختفيه

اوشي وينك اليوم

شموووووووسه ربي يوفقك في سفرك ويسر اموركم وتمشوا وترجعوا بالف خير

رد: حبيباتى سيدات ليبيا تفضلو لأعرف ما حالكم
 

فعلا الهدية حتي لو بسيطة تعبر ان في من مهتم بيك
بس مشكلتي لو بنهدي لخالاتي زوجي راح يقولي وخالاتي
وهكي بتكبر
بالله لما يجي الوقت ربي يستر
وأحسن شي اهله وأهلي شوية انا ماعنديش سلفة بس سلفي
خاطب بنت عمته فكرت نحسبها
وممكن حتي بعد مانروحوا ان شاء الله يكون عريهم
حتي انا زيك ام فراس الدرجة الأولي
بس نمشي لصاحباتي زوجي ماعنده مشكلة