|
رد: التجمع الجديد للمقبلات على الحقن المجهري أو أطفال الأنابيب
انا استخدم الثنتين
تحاميل مرتين باليوم وابره مرتين بالاسبوع |
رد: التجمع الجديد للمقبلات على الحقن المجهري أو أطفال الأنابيب
ريووومي انا مثلك تحميلتين ف اليوم وابرة مرتين ف الاسبوع
ابي اسالك بالنسبة للتحاميل مثلا تحطيها ٨ الصبح و ٨ بالليل صح؟؟؟ انا اليوم حطيتها في الخبري خبرج حسيتها نزلت انتي جذي؟؟ اليوم قالي الدكتور لي ٤ اسابيع وعقب اسبوعين بحطني ع السونار عشان نسمع دقات البيبي يارب انك تثبت حملي وحمل كل البنات يارب صج احساس حلو الله لا يحرمنا منه انثى الحرير ترا ندري هالحركات تكتبين باسم كل وحدة عشان تيمعين مشاركات ههههههههه امزح فديتج انا زينه وموعدي بكرة للتحليل لانه بصيرلي ١٢ يوم بس خبرج ماقدرت اصبر ورحت حللت اليوم والحمدلله النسبه ارتفعت وبس طمنينا عليج حبيبتي |
رد: التجمع الجديد للمقبلات على الحقن المجهري أو أطفال الأنابيب
رحيق الجنه
اااخ والله اكثر شي اشتهي المخلل ف الليل واول ما اقعد ف النوم هههههه اخاف يضرني متفائلة افاا عليج بروحي ابي احد يشجعني ههههه وبعد شخباركم بنات ؟؟ |
رد: التجمع الجديد للمقبلات على الحقن المجهري أو أطفال الأنابيب
انا بصراحه خايفه اروح أعيد التحليل ودكتوري ماقالي عيدي التحليل قال بعد أسبوعين تعالي أشعه
|
رد: التجمع الجديد للمقبلات على الحقن المجهري أو أطفال الأنابيب
الحين اخر دوره لي كانت 2/23 وأخذت الابره التحضيرية وبعد ثلاث أسابيع بدأت التنشيط وكان طبعا النظام الطويل
راح يكون لي كم في الحمل الله يثبته لان الهرمون نسبته ضعيفه يعني احتمال في بدايته |
رد: التجمع الجديد للمقبلات على الحقن المجهري أو أطفال الأنابيب
والله انا الحمدلله طيبه
اليوم عندنا عشاء و توني جايه راسي يفتتتر و ابي اناام فبأخذ شور و عقب ابي أشوف فلم فروزن ههههه رسوم متحركة نزلته قبل ما اروح و الحين كمل تحميله ف بس الي باقي لي أسوي نفيش و انطر زوجي يجئ يشبكه لي على التلفزيون لآني ما اعرف و بكره أقول لكم قصته هههههههه |
رد: التجمع الجديد للمقبلات على الحقن المجهري أو أطفال الأنابيب
سعاادتي يهم لا تخربين على نفسج بالوسواس
تعوذي من ابليس و وكلي امرج لله و عيشي فرحتج لحظه ب لحظه ترى جذي انتي تحطمين نفسيتج بيدينج عادي نسبته حلوه ما فيها شيء و ان شاء الله بتتطمنين في الموعد الجائ لا تأكلين نفسج مب زين ترى بسم الله عليج عقب تنزل الدوره من التفكير و تخسرين كل تعبج احفظي على نفسج و أبعيد من التفكير و كل شي ان شاء الله بيمشي تمام |
رد: التجمع الجديد للمقبلات على الحقن المجهري أو أطفال الأنابيب
انثى الحرير
صحتين حبيبتي فروزن عجيب عجيب بتستانسين عليه سعادتي عيل كلام الدكتور يطمن وهو بعد متاكد ان شاء الله انه النسبة بترتفع عشان جذي قالج تعالي دايركت اشعه لو هو شاك جان قالج عيدي التحليل عيشي استانسي انتي حامل لا تقعدين توسوسين الله يثبت اجنتنا على خير يارب اليوم عطست اخاف صار شي لاجنتي |
رد: التجمع الجديد للمقبلات على الحقن المجهري أو أطفال الأنابيب
أنثى حرير..
ام عبدالرحمن الله يطمن قلوبكم ..بس كيف احسب كم لي اسبوع |
رد: التجمع الجديد للمقبلات على الحقن المجهري أو أطفال الأنابيب
السلااام علييكم بنااات
شو الاخبااااار انثى انا الحمدلله بخيييير ^^ شخباركم الي بادين ب الحقن ؟ الله يتمم للكم ان شاء الله ام عبدالرحمن انا مادري شو يايني ع العطس ف اليوم عشر مرات اعطس خايفه نفسج هههه بس اتوقع مايضر ان شاء الله :( انا باجر موعدي ان شاء الله ^ـ^ |
| الساعة الآن 08:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .