|
رد: تجمع حوامل ليبيا
طرابلسية اني نراجع في الخضرا عند دكتورة منيرة ...
|
رد: تجمع حوامل ليبيا
حد شاف حبيبتي أم قصي ؟؟؟
شكلها قاعدة راقدة ... أم قصي وييييييييييييييييييييييينك ؟؟؟ |
رد: تجمع حوامل ليبيا
عاشقه يسلمك ربي،،
اني مواليد86متزوجه ليا قريب 10شهور،خريجة تقنية طبية قسم علم أمراض |
رد: تجمع حوامل ليبيا
اها واني عند الدكتوره كميله
|
رد: تجمع حوامل ليبيا
اووووووووووو طلعنا قراب من بعض في كل شي يا طرابلسية ..
اني مواليد شهر 12 سنة 85 .. ليا 6 شهور متزوجة .. كنت نقرا في الطب البشري وتوا عادلت موادي نبي علم أمراض وقرايتي بتبدا يوم 1/3 انشالله .. اني أيامي مع الدكتورة منيرة كل اتنين من بداية كل شهر عندي ويوم الاتنين اللي فات كنت عندها . ماتندريش مرات يجي يوم ونتلاقو انشالله .. قوليلي ؟؟ تخدمي توا ولا قاعدة في الحوش ؟؟ |
رد: تجمع حوامل ليبيا
صباح الخير مدامات وصبايا
مفيش وحدة موجودة اتهدرز عليا |
رد: تجمع حوامل ليبيا
[quote=طرابلسيه;741030]سلمها ياربي واني دكتورتي نلقى فيها يوم الاحد،،
قاعده في الحوش مانخدمش ههههههه وين بنحطها الكرشه اللي قدامي اني يادوبك انلحق على حوشي وغداي،،كل مانكلم ماما نقعد نديرلها في الجو واندير في روحي انعيط وااك مابعد نساوين زمان اللي يولدوا في روحهم بروحهم تحت الزيتونه تخايلي وتبدا في شهرها تخدم في الحوازه وتلقط في الحطب وتعصد في البازين هههههه مش زينا توا ندلعوا،،ههههههه كل مانعيط لماما تقولي ترا فكيني منك اني جربت قبلك ونبي نرتاح |
رد: تجمع حوامل ليبيا
خاطري انفضفض لحد
انا توا 4 شهور متزوجة وماحملتش لتوا قبل الزواج كنت مقتنعة ان الوحدة تأجل حملها شوي اقل شي تتعود عالحياة الجديدة وتستقر مع زوجها وتأقلم نفسها مع العيلة الجديدة بس لما ماحملتش لتوا وبدوا الناس يسألوا شن مفيش حاجة بديت نستني في موعد الدورة كل شهر تجي او لا وندور في وصفات للحمل وغيره... لدرجة اني مشيت لدكتورة قالتلي مفيك شي الرحم والمبايض كويسات بس قاعدة اموسوسة من الموضوع ونفكر فيه هلبة رغم ان زوجي مخليها علي ربي ويقولي امتة يرزقنا ربي باهي بس انا بنت ونعرف كلام الناس وتبوا الحق اتغيرت قناعتي الحمل في اول الزواج احسن اقل شي الوحدة تتطمن علي روحها وترتاح من الأسئلة والقصقصة .... |
رد: تجمع حوامل ليبيا
ههههههههههههه والله حق ياطرابلسية فعلا تحسي جيلنا مايتحمل في شي لحد امبارح كنا نهدرزوا اني وشيبانيا وقعد يحكيلي قاللي اني امي جابتني وهي في الحوازة وقصت الحبل السري برشادة ولفتني وروحت بيا للحوش وووووووووووووووووه تخيلي اععععععععععععععععع
تعرفي صايرلي الوسواس والخوف من الولادة من لما حملت ونتمنى أمي تخش معاي ليييييييييين يطلع العيل ومانقعدش بروحي والله خايفة بنموت ... يستر الله .. انتي عارفاتك في التاسع لكن شن قالولك عندك ولد ولا بنية ؟؟؟ حكومة صباح الخيرات والليرات .. شن جوك ؟؟ نحن هنا ونبوا نهدرزوا معاك ... |
رد: تجمع حوامل ليبيا
لالالا ياحكومة صدقيني الحمل على طول مش حلو ... يعني ضروري الوحدة تتأقلم على حياتها قبل بعدين تحمل .. تعرفي لما توحمت قعدت نقول الحمد لله ماحملتش طول ..يعني تخيلي روحك جديدة وماعشتيش انتي وراجلك ويجيك الوحام ومرات تطلعي زيي تكرهيه عالحمل وتكرهي المطبخ وتكرهي روحك ووووووووووووووووووه هم ماهو هم ... اني في البداية من أول شهر كنت نبي وراجلي هو اللي مانع ومشينا عالجدول الطبيعي وفعلا قعدت 3 شهور وشويا بعدين حملت وعلى قولتك الناس يسألو مافيش حاجة ؟؟؟ حسسوني ان ليا سنين متزوجة ..
حبيبتي ماتقلقيش روحك وصدقيني كل شي بوقته والله بكري عالتخميم يعني كلها 4 شهور معقولة صاير فيك هكي ؟؟؟ والدكتورة طمناتك يعني عادي واللي يسألك قولي مازال مانبوش توا .. مازال بكري ... الناس دوتهم ماتكملش ياحلوة عيشي حياتك واطلعي واستمتعي مع راجلك وجايك الهم والوحام والتعب لين تفدي هههههههههههههههههههههه |
| الساعة الآن 01:52 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .