المشاركة الأصلية كتبت بواسطة زهرة الحب (المشاركة 2165685)

جوري آمين يارب والله يسمع منك وصحة وألف هنا على بطاطا
هايدي الله يعينك ويكون بعونك يالله شدي حيلك يارب تصيري أحلى دكتورة بس دكتورة شو؟
أنا كنت بتمنى صير دكتورة أطفال وعالج الأطفال ببلاش وعطهين ألعاب كمان هههههه
كنت دائماً اكتب هالكلام على دفتر واقعد أحلم
هدولة كيفك ياروحي والله يحميك ويخفف عنك الوحام

المشاركة الأصلية كتبت بواسطة jorri sham (المشاركة 2165459)

كيف بدك تعرف السوري من بين 1000 واحـــد ؟
- لو صليت في مكان وبعد الصلاة اللي جنبك مد ايده وقلك تقبل الله.يبقى سوري
- إذا سمعته بعد ما يضحك كثيرا يقول " خير اللهم إجعله خيرفتأكد أنه سوري
- لما بتشوف واحد مسنود على سيارتك واول مابشوفك بيبتسم ويقولك لا تواخذنا.يبقى سوري
- لو دخلت عليه وكان بياكل ولو حتى سندويشة فلافل بقلك اتفضل ويعيدها عليك مرتين او ثلاث مرات يبقى سوري
- لما بتشوف امراة عجوز تدعيلك وانته مو ابنا..تبقى سورية
-لما بتشوف شب بسرفيس وقف منشان تقعد عجوز او بنت ..يبقى سوري
-لو دفعت حق غرض اشتريتو من محل وصاحب المحل قلك الله يرزقك ويعوض عليك..يبقى سوري
- لما بتكون بمطعم وبتسمع الأصوات عليت كل واحد فيهم بيحلف إنه يدفع عن التاني..يبقى سوري
-لما بتشوف المسلم بسلم على المسيحي وبيشتغل معو وبيوقف جنبو بأي شدة..يبقى سوري
-لما بتلاقي الواحد بيقول الحمدالله رغم مافي شغل..يبقى سوري
هاد السوري الي وين ما راح بيرفع راسنا والناس بتحلف براسو.إرافع راسك لأنك سوري

ولما بتشوف واحد ريحة كفو ياسمين شامي وحبق
و بلدو محفورة بقلبو متل الوشم ..
واسمها عم يضوي بعيونو ..
بيدعيلها بصلاتو ..وبيحلف بترابها ..
وبيرفع راسو و بيكبس على جرحو و بيبقى معتز بكرامتو مهما جارت عليه الدنيي والإيام ..
اطلع بعيونو منيح ..وخود منهن شوية عزة لأنو هاد........... أكيد سوري .



سورية وكل الفخررررر

المشاركة الأصلية كتبت بواسطة jorri sham (المشاركة 2165804)

يييي ياهدولة سامحلا رعب الوحام كتير عادي ادامك طريق طويل التقل والعب والوده ««««فوئ ماهونها عليكي عم خوفك هبولة ما ا ا ا ههه

بش بدعيلك الله يهون عليكي الحمل والتعب والوده ويرزقك طفل كامل مكمل حسن الخلق والخلق

المشاركة الأصلية كتبت بواسطة سرووءة (المشاركة 2165881)

هدولة
عنجد يلي زاد وجعي وقت الولادة هو انو امي مومعي
بس وجود زوجي ريحني كتير
وانا معي اقامة
بس مالي نصيب
انشالله انتي من هون لولادتك نكون انتصرنا
يارب

المشاركة الأصلية كتبت بواسطة hadeel al rouh (المشاركة 2168054)

ممممممم منورة عبورتي اليوم أهلا حبيبتي انا منيحة الحمد الله بس اسكتي مبارح مرة خالي تحكيلي شو كانت مهتمة باول فترة حملها بحالها وشو تاخود كتير اكلات تين يابس وجوز وزبيب ومدري شو ولي قلت لحالي انا وين رايحة بهالسحبة الله يعين البيبي علي اي فيتامينيتي يادوب باخدون يوم اي ويومين لأ وطبعا اخيانا بيمرق النهار كلو على وجبة طيب ياربي معقول الولد يصرلو شي مع انو دكتورتي ساوتلي تحاليل الدم والحديد والسكر كلو كويس الحمد الله بس عطتني فيتامين مشكل والفوليك بس انا ماعباخدون كل يوم ياربي بلشت اخاف واليوم من الصبح عملت كاسة كوكتيل كبيرة حليب وتفاح وموز وكيوي وشربتها غصب قلت منشان البيبي مع اني كنت استفرغ من الحليب واخدت بسكونة معها واخدة الفيتامين وكاسة مي ياربي بلشت حس حالي مقصرة كتير
طيب اذا انا قصرت بالفترة الي ماضية فيني اتدارك التقصير ‏
عبورة جوري سروءة رنومة وكل الحوامل نصحوني وطمنوني وحكولي عن تجاربكون
والله ماما كانت تقول بحياتي مااخدت شي وانا حامل واجينا انا واخواتي كلنا متل الخواريف ههههه وكني انا اتاثرت فيها بدون ماحس مع انها هي بتقلي خدي حبوبك وكلي ببيضة كل يوم مع انو هي ماكانت تساوي هيك بس بتخاف علي وعلى البيبي ‏
ياااااااااااللله سامحني ياابني اذا كنت عبقصر معك ياربي ساعدني لحق حالي ‏

المشاركة الأصلية كتبت بواسطة سرووءة (المشاركة 2169739)

كيفكم بنات
هدولة حبيبتي لاينشغل بالك
بماانك عم تاخدي فيتامينات وفوليك عدول اهم شي اول فترة
وترى شوفي انا ضليت للشهر الرابع هيك لااكل ولاشرب
وكل مااكل شي استفرغ ونزلت 7 كيلو
وكنت خايفة علجنين
بس كنت كل يوم اشرب كاسة حليب مع شوكولا مع نسكويك
باردة طبعا وضليت طوول حملي كل يوم كل يوم كاسة
وتغي شوفي بنتي هلا ماشالله اديش عصبها قوي ومابقدر افردلا ايدها من كتر مابتشد
وكل هاد الكلس من الحليب
وانا بلشت اعتني بغذائي من الشهر الخامس
لان صار الي نفس اكل وصرت اطبخ عادي
بئا لاتاكلي هم
بلعكس بكرا بعد الشهر الخامس راح تصيري فجعانةههههه
وكل شوي ختحسي بجوع
لان الجنين بياكل الاكلات
بقا اصبري ولاتستعجلي
هي حكيتلك تجربتي انا

المشاركة الأصلية كتبت بواسطة silla (المشاركة 2169613)

ااااااااااااااه الله يفرجها عالجميع يارب
قلبي معك يا سروءة ...
والله العظيم ما تمالكت نفسي وانا عم اقرا قصتك وصرت ابكي
مع انك عم تروي القصة بشكل عادي بس اتخيلت كل التفاصيل
الحمد لله ع سلامتك .... والحمد لله ع سلامة جود الامورة الله يخليها يارب

الله ييسر ولادتي وولادة عبورة وهايدي وهديل الله ييسر ويسهل ولادة كل حامل
يارب ما تحرمني وقفة ماما جنبي بهاليوم يارب تيسر جيتها يارب تسهل هالامر
يارب يارب يارب ....




كيفكم يا بنات سامحوني ع تقصيري معكم بس النت عندي مصيف يظهر مو بس التغطية بهالمنطقة مو زيادة حتى النت والله ..