|
رد: حبيباتى سيدات ليبيا تفضلو لأعرف ما حالكم
صباح الخير
|
رد: حبيباتى سيدات ليبيا تفضلو لأعرف ما حالكم
صباح الخير
|
رد: حبيباتى سيدات ليبيا تفضلو لأعرف ما حالكم
صباح الخيرات والليرات ...........خخخخخ
الظهر اذن عندنا من 10 دقايق .. بصراحة انا الوعية عندي من 10 و 11 لاني نرقد 2 ونوض الفجر وماتصح الرقدة الا قريب 6 وياريت غير رقدة مليحة الا الست روى شوي وترضع تقريبا كل ساعتين او ساعة ونص ربي يكتبلنا الاجر فلذلك نوض متاخر مع اني من قبل كنت انوض 9 جو سمح ومرات ثمانية ونص وخاطري روى تبدى ترقد كويس وانا نظم وقتي |
رد: حبيباتى سيدات ليبيا تفضلو لأعرف ما حالكم
مــــــــــاشاء الله اوشي
وين المناظر الخلابة والخضراء من كم يوم كنت نحكي لزوجي قلتله مليت من الحوش ومن الأسوار وجو المدينة خاطري نشم هواء نظيف بس وين وين الجبل حاليا مانقدروش نمشوا والبحر اكثر من مرة بنمشوا ومايسخرش ربي هدية المهم تشوفوا في المناظر الحلوة والخضراء ومرتاحين من تشنج الأعصاب والاخبار المفزعة ربي يهنيكم ويرجعكم سالمين وان شاء الله لما ترجعوا تلقوا ليبيا احسن من دول الأجنبية |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
[color="rgb(255, 0, 255)"]امولة شن اخبارك واخبار زوجك
شفتي شن صاير في بلادنا والله الي امس الليل نسمع في الضرب وسمعنا ان قذيفة طاحت في حوازة الدوكالي في جوددايم معادش خاطري حتي في اي عرس ناس تموت وشباب صغير ليش مش فاهمة علي اساس الجيش بيدخل بس قالوا ديروا هدنة واخترقوا الهدنة هذه وحسب مافهمت الزاوية هي الغالطة من الاول لاحول ولاقوة الا بالله العلي العظيم اهيا انتي قلتيها بروحك بنساير علي مصلحتي والله هلبة من السبت نبوا نشموا لطرابلس وكل يوم مانخليش في راجلي يمشي نقوله الطريق مش امان حتي لو مصارش منه مشروعنا مش مهم المهم سلامتك انجي توا نقول نبي نمشي لعرس [/color] |
رد: حبيباتى سيدات ليبيا تفضلو لأعرف ما حالكم
[color="rgb(255, 0, 255)"]وعليك السلام ورحمة الله وبركاته جيجي
صباح الانوار اوشي والله انشغلت علي سوسو المشكلة صايرة في منطقتهم [/color] |
رد: حبيباتى سيدات ليبيا تفضلو لأعرف ما حالكم
كيف فطرت انا واميرتي الحلوه انا طلعت فطيره وسخنتها ودرتها بجبنه بوك وهريسه عربيه يممممممم
طبعا انا اللي يبي يودني معروفه ايدير هريسه عربيه ويبعتلي انمووووت فيها المهم في الحوش وموثوقه وعسولتي فطرت جبنه شرائح وسن توب بس هذا فطورها |
رد: حبيباتى سيدات ليبيا تفضلو لأعرف ما حالكم
[color="rgb(255, 0, 255)"]حتي شموسة ربي يطمنا عليها
وان شاء الله نسمعوا عليها الأخبار الطيبة هيا وام نوزة نفرحوا بخبر ولادتها [/color] |
رد: حبيباتى سيدات ليبيا تفضلو لأعرف ما حالكم
صحتين علي قلوبكم
انا صايمة اليوم ثالث يوم |
رد: حبيباتى سيدات ليبيا تفضلو لأعرف ما حالكم
لاحول ولاقوه الا بالله
انا منحبش الاخبار لكن توقعت ان المشكله انحلت وتمت وسوسو ربي يطمنا عليها والله توه قلقانه موت لما قلتي في منطقتهم ربي يحفظهم |
رد: حبيباتى سيدات ليبيا تفضلو لأعرف ما حالكم
شن اخبار حملك امولة
|
رد: حبيباتى سيدات ليبيا تفضلو لأعرف ما حالكم
قداش يوم جنوده بتصيمي ان شاء الله
|
رد: حبيباتى سيدات ليبيا تفضلو لأعرف ما حالكم
4 ايام دين
وبنزيد يومين ولو لحقت بنصمي 6 شوال |
رد: حبيباتى سيدات ليبيا تفضلو لأعرف ما حالكم
آآآآآف كيف قلت بنوض انضم علي روحي وبنشغل الغساله والكهربائيه
هررررررررررررب الضئ |
رد: حبيباتى سيدات ليبيا تفضلو لأعرف ما حالكم
ربي ايعاونك جنوده وان شاء الله في ميزان حسناتك يااارب
|
رد: حبيباتى سيدات ليبيا تفضلو لأعرف ما حالكم
اقتباس:
يالله شوي واتجو لليبيا وتشبعو شوايات في الهواء الطلق ومش مهم كان ماخلوك اديري شواية عالارض اهم شي تطلقي نظرك في اللون الاخضر وتشمي اكسجين نقي اقتباس:
انت شن دايرة وشن اخبار البيبي ...روربي يحفظك ويحفظ كل احبابك اقتباس:
جنودة كيف حالك .. ماعندكمش حوازة تمشو تزردو فيها والله الا خليتيني نرتاب في امر سوسو ان شاء الله يارب ماشورهم سو |
رد: حبيباتى سيدات ليبيا تفضلو لأعرف ما حالكم
شوية ونرجع نمشي نبدا في الشربة والطاجين لان العشية عندي طلعة
بنمشي انحني خالتي ومرات الليل يكون عندي مشوار فنمشي العشية افضل |
رد: حبيباتى سيدات ليبيا تفضلو لأعرف ما حالكم
بنات شن رايكم نديرو حلقة نقاش في اللي ساير في
ليبيا ومن السبب وليش المشاحنات بين الجيران وليش مجموعة تطالب بقانون العزل السياسي ومجموعة رفضاته وليش مجموعة تبي النظام الفيدرالي وليش هما مصرين عليه وشن رايك في المؤتمر الوطني وعمله وقرارته وشن رايك في السيد زيدان وحكومته وشن رايك في السفراء اللي طلعوهم جديد زي فوزي بوكتف وشن رايك في انه خليفة حفتر هو رجل المرحلة وشن رايك في الاعتصامات في حقول النفط وسرقته هل هي صحيح ام تهويل وشن رايك في دور المراة في المؤتمر الوطني هل هو فعلا وطني والابلاش منه وشن رايك في المجالس المحلية والانتخابات اللي تبي تصير فيها لانتخاب رؤساء البلديات وهل انت ستذهبي للانتخاب ام لا ولماذا في كلتا الحالتين وشن رايك في الميزانيات اللي صرفوهن في السنتين هاذين اللي مايقارب عن 140 مليار دينار شن دارو بيهن ووين صرفوهن ولو انت عطوك الميزانية شن درتي بيها لبلادك ولو انت رئيسةو المؤتمر ماهي اولوياتك وكيف تديرين ليبيا هل بالحزم ام باسلوب الجزرة ام باللين |
رد: حبيباتى سيدات ليبيا تفضلو لأعرف ما حالكم
قصدك في موضوع منفصل او هنايا في التجمع
لو في التجمع كويس لانه المنتدي مش ليبي ولا افضل النقاش في امور تخص البلاد امام الجميع |
رد: حبيباتى سيدات ليبيا تفضلو لأعرف ما حالكم
اقتباس:
اقتباس:
|
رد: حبيباتى سيدات ليبيا تفضلو لأعرف ما حالكم
ان شاء الله تكوني بخير ياسوسو؟؟
مافيش حد عنده ايميلها ع الفيس؟؟ |
رد: حبيباتى سيدات ليبيا تفضلو لأعرف ما حالكم
هدايه شن صار فيك طلعتي امس والا لا؟
فعلا ديما تصير اللقطه هذه يجوك ضيوف مش وقتهم بكل تعرفي اني رابع يوم العرس جا صاحب زوجي من مدينة بعيده ع اساس بيباركله تخيلي عروس يجيني مرة مرة لانه لازم يسايره ضيف وقاعد في مربوعتنا حتي الليل يبات معاه لين ياخده النوم وبعدين يجيني وقعد قريب اسبوع بصراحة ربي يسامحه مش وقت اقامة بكل |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
إيه باهي الحمد لله طلعنا الساعة 7ونص في سوق واحد يقعد فاتح للساعة 11 أما الباقي يسكرو بكري تعرفو الأجانب في الليل وين يكونو استغفر الله من المغرب تقريبا تلقي الدنيا فاضية بالذات أيام العطلة المهم مشينا بضعنا للحوش ولقيت جارتي الاردنية ماشية حتي هيا مع راجلها للسوق هدرزنا في الطريق وغيرنا جو |
رد: حبيباتى سيدات ليبيا تفضلو لأعرف ما حالكم
مساء الخيرات حبيباتي
|
رد: حبيباتى سيدات ليبيا تفضلو لأعرف ما حالكم
تعرفي امول موقفك لما عروسه وصاحب راجلك والله زي صاحبتي اللي عزوزتها نفس عزوزتك سبحان الله الصدف
كيف اشتركتوا حتي في هالموقف شئ لااااايحسد عليه ربي يهدي ايقولوا عزايزنا ارحم من زار وخفف ربي يهدي العباد |
رد: حبيباتى سيدات ليبيا تفضلو لأعرف ما حالكم
روح راجلي وتغدينا غداي كان مكرونه مسقيه مع حارتين امبطن وسلاطه وفاكهه والحمد لله
ارتاح ساعه وطلعنا امشيت خديت بساطات للدار العمليه في نص ساعه موكيت وعجمي بيضاوي وصلي راجلي المغرب في الطريق وروحنا صليت ودرت شاهي اخضر باللوز وقعمزنا طبعا راجلي انا انهدرز وهو في عالم تاني عالم الكوووووووووووووووووووووره الدوريات بدت وهو عقله الكوره بالرغم ان الحمد لله مايتفرجش الا وقت فضوته ووقت الصلاه اينوض يجري الحمد لله بس لما بجنبي ايدير نفسه معاي وهو ولاهنا هههه ربي يهديه |
رد: حبيباتى سيدات ليبيا تفضلو لأعرف ما حالكم
اتصلت بصاحبتي العروسه اللي اتزوجت هي واختها في شهر سته نطمن عليها تسكن في المايه
قالتلي الحمد لله مافيه شئ ونطلعوا وانخشوا عادي بعيد علينا وقالتلي خبر فرحتلها هلللللللللللبه حاااااااااااااااامل وتتوحم ربي يتمملها علي خير وعقبال جنوده ياااااااااارب اختها قاعده مازال انا سكرت واتصلت وحده من عرايس يوم الخميس ماشيه لتركيا وقالتلي بلكي تبي اوخاطرك في حاجه احرجتني عروسه ليها اربع ايام وتقولي هكي فعلا يوم اعتبرتهم هالبنات الاربعه زي خواتي ماكنتش غالطه قلتلها نبي سلامتك ودير بالها علي نفسها وراجلها ووصيتها هي هما ماشين لمنطقه ريفيه اغلبيه سياحها عرب ومستوره قالتلي لان الحق هي وهو محافضين ومش معطلين تغيير جو بس واختها بعد يومين بتمشي اختها فرفوشه واتحب تستمتع بس والله متربيات هللللبه ومحترمات فنتوقع اختها ان لما بتمشي بتستمتع ومدور حد المهم احترامها وتغض بصرها وسعادتها والمناظر ايدبروا روحهم ههههههه |
رد: حبيباتى سيدات ليبيا تفضلو لأعرف ما حالكم
خاطري في كباب كتبته من ضمن المشتريات بدون منقوله لكن مانتوقعش ايجيب لان اللي في جمبنا زحمه وهو حلو بصراحه
وهو معادش يتعشي راح سموني عيوني انا عاجبني حلو بس هو قال بنقص اربعه او خمسه كيلوا احسن |
رد: حبيباتى سيدات ليبيا تفضلو لأعرف ما حالكم
هدايه وينك بالعاده هالوقت موجوده كيف حالك وحال العسل سما
اوشي طلي علينا والله تبي طريحه علي هالمناظر الحلوه ربي يهنيكم ودوم هاللمه الحلوه اغبطك ماشاء الله اتقعميزه اترد الروح تبارك الله جنوده وينك والا تعب بعد الصيام وفشل ربي يهنيك ويسعدك ويعطيك كل ماتتمني امول ربي ايعاونك |
رد: حبيباتى سيدات ليبيا تفضلو لأعرف ما حالكم
السلام عليكم شن الجو جيجي
إن شاء الله غير قاعدة بس كل مرة نخش ما نلقي في حد هذا علاش عييت معدش خشيت هههه وحتي الوقت مش مناسب ليا فترة صبح ووقت قضية |
رد: حبيباتى سيدات ليبيا تفضلو لأعرف ما حالكم
اقتباس:
حتي أني راجلي أحرف من راجلك أربعة وعشرين ساعة سرحان في الكمبيوتر بحكم قرايته ديما عليه وواخد شاشة تانية موصلها بالكمبيوتر الشاشة فاتح فيها فيلم والا حاجة يتفرج عليها والكمبيوتر يشتغل عليه هههههه ااااخر رواق كلا هو واني نبدأ نهدرز معاه وهو يرد عليا وعيونه مش معاي نين نتنرفز وهو يضحك عليا ويقولي والله إلا معاك أني نسمع بوداني مش بعيوني هههههه |
رد: حبيباتى سيدات ليبيا تفضلو لأعرف ما حالكم
والله ياهدهوده التهيت مع راجلي وناكل في السنكرس وبس بنتي هادي بتطلع طرف شكلاتهhwaml03 من كثر ماناكل فيها
عكس رنوده الحار والحامض كنت ناكل الحار والزيتون والشطه وووو سبحان الله كل بطن وعجبها وخديت من شوي دوش وتغندرت ههههههه وراجلي عند امه هو ورنو قريب ايروحوا |
رد: حبيباتى سيدات ليبيا تفضلو لأعرف ما حالكم
ام فراس وينك اليوم مغطسه ان شاء الله المانع خير
سوسو والله قلوبنا ياعسوله معاك ياريت اطمنينا عليك |
رد: حبيباتى سيدات ليبيا تفضلو لأعرف ما حالكم
وييييينكم اليوم ؟
|
رد: حبيباتى سيدات ليبيا تفضلو لأعرف ما حالكم
جيجي صحتين علي قلبك بس ردي بالك كثرة الحلو مش كويس
والله أني من كثر التعليمات الصارمة اللي تلقيتها اهني خفت وطبقتهن بحذافيرهن هههههه طبعا لأني بكره وما نعرف شي ومش حدا أهلي ف اللي يقولولي عليه الدكاتره حااااااااضر علي طول سيبت المشروب والقهوة والشاهي والحار والمخللات والتوابل وما ناكلش في الدسم عشان الوزن خفت نولي بطه هههههه والحلو كان قلييييل جدا لما ناخد |
رد: حبيباتى سيدات ليبيا تفضلو لأعرف ما حالكم
كساد بنتي رقدت وضميت الحوش وحطيت دجاج عالنار
مندير رز بلاو العشي إن شاء الله |
رد: حبيباتى سيدات ليبيا تفضلو لأعرف ما حالكم
صحتين عشاك هدايا انحب الرز وخصوصا لو كان خفيف وطعمه وووووووااااااااااااااااو يميميمممممممم
|
رد: حبيباتى سيدات ليبيا تفضلو لأعرف ما حالكم
مساءكم فل .. ياجماعة ياعسل
شن حالكم كلكم |
| الساعة الآن 02:44 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .