رد: .·¤ تجمع الحوامل اللي ولادتهم في محرم¤·.
 

راح احاول ارد على اللي اقدر عليه منكم وان شاء الله ما اقصر ،،،،

دلع ،، هههههه لا تحاتين فديتج شريت من البحرين فساتين وملابس للبنات لاني ماقدرت اقاومهم ،، هههههه بس مخليتهم بالدولاب مفصولين عن الباقي عشان اسهل لي بعدين عشان شنطة المستشفى ،،
وبالنسبه لعصير المانجو ،، نفع شوي ،، حسيت بحركه خفيفه ،، بس ملاحظه شي ،، اني لما اتعب واهلك نفسي احس بالحركه لكن لما اقعد وارتاح مافي حركه ،،(عكس العالم) ،،
والف مبروك دخولج الخامس مقدما يالغلا ،، عقبال التاسع يارب،،
ان شاء الله كلها اسبوعين ورمضان يدخل علينا ،، ومن حظنا يا بنات ان الشهور اللي تمر بسرعه صادفت شهور حملنا الحمدلله رب العالمين ،، يعني شهر شعبان ورمضان يمرون بسرعه ،، ولا نحس فيهم ،،
وعليج بألف عافيه على الملابس ،، تقطعينهم بالعافيه يالغلا ،،


مسكه ،، مبروك دخولج الشهر الخامس ،، ربي يتمم لج على خير يارب وعقبال التاسع ،، وفعلا الرابع احسه يظلمنا وايد طويل! مافكرت بغرفة البيبي للحين ،، لان بدري على الغرفه ،، ما اقدر اخليه لحاله من البدايه ،، ع الاقل بعد السنه ،، (إذا قلبي طاوعني ) فديته ما اقدر اخليه ،،
بس اشتريت سرير من ايكيا في الخبر لونه ابيض ،، عشان يناسب غرفة نومنا ،، لان غرفتنا بنية غامقه وفيها ابيض (ديزاين مودرن) وهذا قلت بخليه بعد ما اطلع من النفاس من بيت اهلي ،، لاني اخذت طقم كامل للنفاس مفرش لي وللبيبي وكل شي معاه 10 قطع تقريبا او اكثر بشوي وفيه سرير يكفي البيبي لعمر سنه تقريبا ،،
ورايي من راي دلع الاحساء ،، الميزانيه تكون تعبانه في هالفتره خصوصا مصاريف البيبي ،، لازم نحاسب شوي شوي لين نقدر نوفر كل شي للبيبي ،، وبنفس الوقت ما نضغط على ازواجنا ربي يحفظهم ،،

رد: .·¤ تجمع الحوامل اللي ولادتهم في محرم¤·.
 

ام اسكندر ،، هههههه ياعمري على الثقه ،، بس اتخيل ان زوجة اخوج تولد ولد صج ،، ويكذب السونار ههههههههه وربي يتخاف منج ،،
ربي يتمم لها على خير ومبروك البنوته ،،


روح الورد ،، ربي يعافيج فديت قلبج ،، ربي يحفظ لج الوالده يارب ويقومها بالسلامه ،، ماعليها الا العافيه ان شاء الله ،، وبالنسبه لمدس البشت شفته في فينيسيا في الخبر ،، في محل بالطابق الارضي مدري وش اسمه ،، وسلامتج من وجع الاسنان ،،

رد: .·¤ تجمع الحوامل اللي ولادتهم في محرم¤·.
 

بنت تبوك ،، ربي يعينك والله ،، وماعليه شر ولدج ان شاء الله ،، اهم شي حاولي تهدين اعصابج ،، وخلج ريلاكس ،، العصبيه والبكي ما راح يفيد بشي ،، وزوجج ربي يحفظه ويسخره لج يارب ،، وممكن هو مو مقصر بس لان نفسيتج تعبانه حسيتي انه مقصر وتبين تطلعين حرتج فيه ،،
لا يا حبيبتي حاولي تحكمين اعصابج ،، خصوصا ان الرجال ما يحب المره تكون بهالطريقه ،، حاولي تكسبينه صوبج بدون تجريح ،،
ربي يعينج ويطمن قلبج وبالج يارب ،،

رد: .·¤ تجمع الحوامل اللي ولادتهم في محرم¤·.
 

اعز الناس ،، ربي يعافيج يالغاليه ،، ان شاء الله اول ما اخلص حفلة اخوي راح احاول انزل لكم صور التجهيزات ،،
وبالنسبه للاغراض راح انزل لكم لسته للتجهيزات الضروريه ،، اهلي وصديقتي عاملتها لي ،، لاني بكريه ،، بس تنفع كثير ،،
وحالتج مع الاسنان صايره مثلي ،، انا تعبت منهم ودي اجلعهم كلهم ،، على مزاجهم مره مافيهم شي ومره يذبحوني من الالم ،، حتى ما اطيق نفسي من الالم ،، الله يعديها على خير يارب ،،
والله انا بعد ماكله هم التشققات وخايفه منها ،، ودي اغمض وافتح عيوني واشوف نفسي ولدت وجسمي نفس قبل ،، والبيبي يحضني ،، وصايره هاليومين وايد افكر شلون راح ارجع جسمي وارجع رشيقه !!
وفكرة السماعه جاتني ،، بس حسيت نفسي بصير طماعه ،، لاني لو سمعت نبضه راح اطمع ويصير بخاطري اشوفه ،، ههههههه واخاف زوجي تهور ويشتري لي جهاز سونار بالبيت هههههههههه ،،
والف مبروك احساسج بالحركه ،، ربي يقومج بالسلامه وتشوفينه يتحرك بصحه وسلامه قدامج ،، واحساسي فيج بنوته ،، ههههه
ومشكوره فديتج على السؤال ،، خير ان شاء الله بس انشغلت بتجهيزات زواج اخوي ،، واحس نفسيتي شوي تعبانه ،،

رد: .·¤ تجمع الحوامل اللي ولادتهم في محرم¤·.
 

عيش الحياة ،، ماعليكم شر انتي وزوجج وولدج واخوج ،،. ربي يشفيكم يارب ،، حاولي تاكلين على قد حاجتج ،، لا تكثرين ،، ولما تحسبي بالشبع خلاص وقفي اكل عشان ما تقلب عليج معدتج بسم الله عليج ،، انا ما اقدر اكثر اكل ،، ودي اكل نفس قبل بس اكلي كثير قل عن قبل ،،



نوقا ،، حياتي انتي مشكورة حبيبتي وطريقته سهله وشكله لذيذ ،، ان شاء الله راح اجرب اسويه لما يسمح لي زوجي ادخل المطبخ ههههههه ،، فديتج ماتقصرين يالغاليه ،، وربي واصله ،،
ههههههه وحالي من حالج على المقاس ،، افكر بالتاسع شنو بسوي ،، بس متعجبه من شغله ان بطني مو كثير طالعه ،! يعني احس نفسي رايحه بالعرض !! بس قريت في كذا منتدى ان بعد الولاده يصير جسمج مثل لما كنتي في الشهر السادس ،، بعدها تنحفين شوي شوي على حسب اكلج ،، يعني لو بتجهزين ملابس النفاس خلي مقاسج يكون في السادس كاحتياط ،،
هههههههههههههه اما زوجج ،، اي والله خلاص يكفي دلع ،، كبرتي على سوالف الوحام هههههههه قولي له الدلع يستمر لين ينولد البيبي وبعد النفاس باسبوعين بس هههههههههه بعدها خلاص ،، كسرتي خاطري وانتي تدورين صور ايسكريم ههههه

رد: .·¤ تجمع الحوامل اللي ولادتهم في محرم¤·.
 

المها ،، والله الثلج يسوي شغل مع اللوعه والغثيان ،، نفعني كثير ،، بس الحين الكحه ملعوزتني تجي وتروح على مزاجها !


رورو ،، الف مبروك دخلوج الخامس ،، ربي يتمم لج على خير يارب ،، ومثل ماقلتي اهم شي يكون البيبي بصحه وعافيه ،، بنت او ولد مو مهم الاهم السلامه ،،
ربي يرزقج اللي تتمنين ،،


انا المستحيل ،، ربي يطمن قلبج


هدوء الماضي ،، ماعليج شر يالغاليه والحمدلله على السلامه ،، وربي يحفظج ويحفظ لج البيبي من كل شر ،،


احب دادو ،، الحمدلله تطمنتي على البيبي ،، وبالنسبه للسفر اسألي دكتورتج افضل واسلم لأن هي تعرف حالتج بالضبط .. وتقدر تنصحج ،،


مامة اولادي ،، ماعليج شر يالغاليه ،، ربي يبعد عنج كل شر ،، وتقومين بالسلامه انتي والبيبي يارب ،، والف مبروك دخولج الخامس ،، عقبال التاسع يارب ،

رد: .·¤ تجمع الحوامل اللي ولادتهم في محرم¤·.
 

بنات احس نفسي مقهوره شوي ،، وصايره ما استحمل حد خصوصا بنات خالتي وخالتي نفسها ،، هم من قبل شايفين نفسهم علينا ،، لكن الحين بزياده ،! معاملتهم لأمي تقهر حيل وامي تسكت وتحبهم وماتبي المشاكل ! انا انقهر وكنت ارد عليهم بس امي ماترضى اني ارد ! وتبيني اسكت !!صرت اطلع نفسي من الموضوع عشان البيبي مو عشانهم ! ما ابي اعور راسي،، بس اكره لما يعاملوني وخواتي ان احنا انزل منهم ! مع العلم ان في الواقع مستوانا ارفع منهم الحمدلله بس مو نفسهم نطلع اللي عندنا !! ولا نقول شي حنا مو قده ،، الله يهديهم لنفسهم ،،

احس شغلات كثير صارت تحز بخاطري ،، يمكن لاني حامل ومعروف ان نفسية الحامل تتعب وتتحسس من كل شي ،، بس بعطيكم مثال بسيط ،، لما بروح اتقضى للبيبي قلت لخواتي يجون معاي لكن قالوا لا ما يقدرون ! ورحت بنفسي مع زوجي مع اني بكريه وما اعرف شي ! غير اللي اقراه! وبعدها انصدم انهم يومها طالعين للسوق وهم مو مشغولين بشي مهم !! هو صحيح زوجي ما قصر فديته وعطاني ذوقه وانا اوثق بذوقه ! بس كان بخاطري يكونون هم معاي بهالوقت ،، محتاجه اخذ رايهم بشغلات كثير !

وانا فيني طبع اني اسكت واخلي بقلبي ،، ما اكلمهم او اقول لهم اللي فيني ،، واتعامل معاهم عادي،،

رد: .·¤ تجمع الحوامل اللي ولادتهم في محرم¤·.
 

مامه اولادي ,, ماتشوفين شر اكلي عشان تقدرين تصومين احس تعب بعدين تقضين الشهر كامل
والف مبروك دخولك الخامس وعقبال التااسسع يآرب

مراوي,, هلآبك زود وانااقول غريب مراوي مومن عادتها تختفي فجأه
والله يبارك لكم عرس اخوك احس حوسسه الزوجاات الله يعينك ولاتجهدين نفسك روحات وجياات
لازم بالزواجات مايمديك تقعدين ساعه هههه
اماسالفه السونار فكرت فيها لماكنت بالثاني بس زوجي قال كلي هوآ ياقلبي هههه
السماعه ماراح اقوله لانه بيهزأني على كثر وسوستي بس اروح السوق بسأل عنها وباخذها بعدين بعلمه هع
شلون حسيتي ان فيني بنوته :$ -)يالبييه
مع كل اللي يشوفوني يقولون ولد ولد ليين ماطفشوني
سويت الجدول الصيني وطلع لي ولد


بنات من سوته وضبط معها جد؟؟

رد: .·¤ تجمع الحوامل اللي ولادتهم في محرم¤·.
 

مراوي هو صح نفسيتنا مدري شلون تصير مع الحمل وفوق هذا كله نقلب حساسين على اقل شي
انااشوف انك تقولين لهم عادي هذول خواتك موسالفه عتب ولا شي بس بمزح شلون مابتروحون وبنفس اليوم
رايحين السوق .؟؟ ولا يمكن عشان انتي رحتي الدمام وهم مايبون يروحون؟ وبيني وبينك انك تروحين لحالك احسن
الحين النت ماخلآ شي يعني حتى لوبكريه انااصلا مقرره لما اجهز للبيبي ماراح اخذ احد معي عشان يشوفون تجهيزاتي
مع البيبي مره وحده هع

وبالنسبه لبنات خالتك وخالتك عادي طنشي الله يهديهم يمكن في بالهم شي انتو ماتعرفونه يعني شايلين عليكم بشي؟؟

رد: .·¤ تجمع الحوامل اللي ولادتهم في محرم¤·.
 

السلاام اخباااركم

سلامتك مامة اولادي......

اناالدم نازل عندي ودايم ادوخ....

هلاامرووي الله يسلمك وملبوووس العاافيه

ايه في الحمل تزيد الحساسيه

ويكثرالبكي والاكتئاب الله يعين ويسهل علينا

حاولي تشغلين نفسك بااموررثانيه و بفرحتك بالبيبي

رد: .·¤ تجمع الحوامل اللي ولادتهم في محرم¤·.
 

وعليكم السلام
هلابك روح احنا الحمدلله بخير
وماعلى قلبك شر تلاقيك ماتاكلين اشيا مفيده كلي كبدهـ ولاسلطاات
اشربي عصير v8 يفيد واهتمي بنفسك

رد: .·¤ تجمع الحوامل اللي ولادتهم في محرم¤·.
 

اعز الناس ،، تسلمين حبيبتي ربي يبارك فيج ،، اي والله تعب كثير وازعاج ،، وبيت اهلي صاير مزعج كثير ،،
هههههههههههه اما اكلي هوا هذي حلوة ،، اشتري جهاز النبض بنفسج وسويه له مفاجأه ،، عشان ما يأكلج هوا ههههههه

احساسي يقول ان عندج بنوته ،، ولان البنات ما يتحركون الا متأخر بالغالب وانتي حسيتي بالحركه متأخره تقريبا ،، انا الناس اللي حولي كلهم يقولون لي ولد ،، لكن السونار قال لي 70 بالميه بنوته ،، والله العالم ،، عيون الناس مو سونار عشان يعرفون هههههههه

الجدول الصيني ،، جربته بكذا موقع مره طلع لي ولد ،، وباقي المرات بنت ،، بس اشوف ان يختلف من موقع للثاني ،، يعني لو تدخلين قوقل وتكتبين الجدول الصيني في بحث الصور بتطلع لج صور تختلف لجداول صينيه .. ما تعرفين تصدقين منو وتخلين منو ،، بس فيه ناس ضبط معاهم ،،

بالنسبه لخواتي ،، والله انا ما اشيل عليهم ولا احب ازعل عليهم عشان جي اكلمهم عادي ،، وما احب احط نفسي في مواقف معاهم ،، وفعلا احس ان افضل نتقضى بنفسنا لان بتاخذين كل شي براحتج ،، وممكن لو كنت اخذتهم معاي بيلهون بنفسهم عني ،،

بنات خالتي وامهم ،، ما شايلين علينا بشي ،، بس هم الله يهديهم طبعهم من عمر جي ،، هذا طبع فيهم ما يتغير ،، و مو بس معانا ،، لأ مع كل الناس ،، يشوفون نفسهم اعلى من الكل ،، وانا احب التواضع ما احب هالنوعيه من الناس ،،

رد: .·¤ تجمع الحوامل اللي ولادتهم في محرم¤·.
 

روح الورد ،، الله يعيننا يارب ،، وتخلص هالفتره على خير ،، وربي ما مصبرني غير زوجي ووناستي بالحمل والبيبي وتجهيزاته ،،

شخبارج انتي ؟ وشلون البيبي؟

رد: .·¤ تجمع الحوامل اللي ولادتهم في محرم¤·.
 

هههه بنوته ولاولد كله خير ونعمه بس اهم شي الصحه والسلامه
ربي يتمم على خير
ايه بشتريه وبسوي مفاجأه هههه عشان ينبسط لمايسمع النبض لانه دايم يحاول يسمع نبض الجنين
مسكين ولامره دخل معي خخ احسه يخاف ممدري ليش وبعدين اتابع بحكومي وممنوع دخول الرجآل
اماالجدول الصيني مثل ماقلتي ناس تصدف معهم ويصدق وبالنسبه لعيون الناس من جدد مالهم داعي
يعني لابين بطني مره عشان يقولون من شكل كرشتي ولاشي بس يحبون يتفلسفون هع


برب صلآهـ

رد: .·¤ تجمع الحوامل اللي ولادتهم في محرم¤·.
 

بنات جبت لكم لسته للاغراض المهمه اللي نحتاجها بالنفاس وبعد الولاده بالسلامه ان شاء الله تنفعكم مثل مانفعتني،، لاني تعبت لين جمعتها وسويتها وضفت شغلات من النت وشغلات من خبرة صديقتي ،،
( راح احاول انزلها بصوره كامله وتكون مثل البطاقه عشان تسهل عليكم بالمشترى )


* الاغراض اللي تنأخذ من الشهر الخامس والسادس والسابع (يعتمد على الوقت اللي تحبين تقضين فيه):

6 اطقم بجايم مع شلحاتهم (newborn)
6 اطقم بجايم مع شلحاتهم (0-3) - لان البيبي يكبر بعد الاسبوعين.
3 قبعات للراس قطن
2 بدلتين كشوخيات (Newborn)
2 بدلتين كشوخيات (0-3)
6 مهادات للبيبي القطن الباردين ومنهم الخفيف
2 طقم فوط للزوع صغيره (طقم كامل ينباع)
1 طقم فوط الاستحمام (اللي يجي معاه مثلث للراس)
1 شنطة النظافه (تحتوي على مقص + مقراض للاظافر + مشط + منظف الانف ،،، )
2 مرضاعات زجاج ابو 2 انس (اهم شي تكون زجاج)
2 مرضاعات زجاج ابو 4 انس ( اهم شي تكون زجاج والعدد يعتمد على نية الرضاعه الطبيعيه ام لا - وافضل ماركة DrBrown او Chicco او Piegon )
1 فرشاة تنظيف المراضيع
1 جهاز تعقيم المراضيع ( من خلال بحثي افضل ماركه Avent + motherCare + chicco)
1 شفاطة الصدر ( اليدوية افضل على حسب قراءتي بالنت)
1 بانيو صغير مع اسفنجه لاستحمام البيبي (موجود طقم كامل في مذركير )
1 جهاز قياس الحراره ( افضل نوعBrown او Avent ويفضل ان يكون بالاذن عشان ما يغلبكم البيبي )
1 مخدة الرضاعه الخاصه (موجوده بسنتر بوينت ومذركير)
1 شنطة اسعافات اولية (صغيره وخاصه للاطفال )
1 طربال اللي يتبدل البيبي عليه وممكن نحطه تحت البيبي خصوصا بالليل لان باول الايام الحفاضه تخر شوي ،،
3 او 4 برانيص (بطانيات) للبيبي ( اخذتها من طابا ب 30 ريال وحلوة وراقيه مايبين عليها هالسعر ونفسها الموجوده في مذركير لكن هناك سعرها فوق ال 100 ريال )
1 طقم صغير للبيبي يتكون من ( شنطه + مدس + فراش + ملابس ،،، يكون 6 قطع بالكثير واخذته من فينيسيا ب 240 ريال واشكالهم روعه)
جلابيات للنفاس + بجامات للام
1 شبشب نعال (الله يعزكم) للام
فوطه للاستحمام للام
ملابس داخليه خاصه بالنفاس قطن



* الاغراض اللي تنأخذ في نهاية الشهر الثامن او بداية الشهر التاسع من الحمل :

1 طقم النظافه ( الشامبو + الصابون + الكريم ،،، )
1 صابون خاص لغسل وتنظيف المراضيع (ينباع في سنتر بوينت)
1 كريم صودو للحفاضات للبيبي (الرصاصي وموجود في سنتر بوينت والصيدليات)
2 حفاضات للصدر للأم (ماركة Piegon او Chicco )
1 كريم الصدر للام يصلح للرضاعه ( بالمرز جدا ممتاز مع التأكد من مسح الصدر بالقطن والماء الدافي قبل كل رضعه)
كيس قطن
حفاضات البيبي (Newborn)
كوتكس اولويز للام او هافات النفاس الخاصه (تنباع في سنتربوينت ومذركير)
1 صابون ملابس البيبي ( افضل نوع ماركة Piegon وموجود في سنتربوينت)
كريم لجسم الام للتشققات
عطر المسك او دهن العود ( او اي عطر تحبينه للبيبي ولج - افضل المسك من القرشي او بودي شوب)


(طبعا ما ننسى طقم النفاس لو حابه تاخذين + سرير البيبي الخشبي اللي راح ينحط بغرفة نومج له + كبت صغير للبيبي لملابسه واغراضه كلها + التوزيعات والحلى وغيره للضيافه )


** الحين نجي لشنطة المستشفى :
* شنطة الام:
3 قمصان نوم (جلابيات نفاس) وبجامات
ملابس داخليه تكفي لثلاث ايام
استشوار
شفاطة الحليب
حفاضات الصدر للام
كريم الصدر من بالمرز
1 فوطه للاستحمام كبيره
ديودرينت وعطر
كريم للجسم من بالمرز (لو ولادتج طبيعيه تخلينه على بطنج لكن لو قيصري تخلينه بجسمج ماعدا البطن)

* شنطة البيبي :
4 مهادات الباردين القطن
4 اقطم البجامات مع شلحاتهم (NewBorn)
3 قبعات
1 طقم راقي للخروج من المستشفى
1 مرضاعه بو 2 انس
حفاضات البيبي
فوط البيبي الصغيره للزوع
فوطة وحده للاستحمام ( احتياط ولو ان ما راح تحتاجينها لانهم يسبحون البيبي في المستشفى)
عطر البيبي ( افضل المسك)
كريم صودو الرصاصي للحفاضا (احتياط)
1 او 2 برنوص (بطانية للبيبي)


اتمنى تستفيدون منها ،،
مـــــراوي ،،

رد: .·¤ تجمع الحوامل اللي ولادتهم في محرم¤·.
 

اعز الناس ،، اي والله صدقتي يحبون يتفلسفون ،، اوقات يحسسوني اني لعبة يانصيب وكل وحده تشوف شنو في بطني وتخمن ،،!! هههههههه ربي يتمم لنا على خير يارب وتقبل الله منج ومنا صالح الاعمال ،،
وكتبت لج مخصوص قائمة اغراضي وتجهيزاتي لعيونج وعيون حوامل محرم ،،

رد: .·¤ تجمع الحوامل اللي ولادتهم في محرم¤·.
 

وهذي مجموعة محلات جمعتها لكم بالسعوديه ( الخبر والدمام اغلبها):

اطقم النفاس واغراض البيبي (السرير):

*سربال - الدمام

*الخبر بلازا

*فينيسيا - من عند بوابة جوفريز امشي شوي بتلاقين واحة الجلابيه وجنبه محل مدري وش اسمه نسيت تحصلين فيهم قمصان نفاس وستيانات رضاعه وفيه محل بعد بالجهه المقابله تحصلين فيه اسرة مواليد واطقم ناسيه اسمه والله واسعاره جدا مناسبه

*سوق الحب - محل بيبي هوس عند محل نسرين

*محل الحصان - في سوق سويكت بالدمام

*مارينا مول

*الهرم بلازا

*السعر المنافس

*محل الأبي - في سوق الحب بالدمام يصير ورا محل اسمه سهى اللي مقابل الاماره وفيه مواقف بفلوس ويصير عقب م توقفون في المواقف تصير الهيئه على يسارش ودخلي من اول نافذ من عند محلات الذهب امشي شوي تشوفين محل اصغير اسمه الأبي عنده اطقم مفارش حلوه وتختارين القماش اللي يعجبش ويشمل الطقم سرير البيبي ومفرش الام كامل نفر ونص والدولاب وسله لاغراض البيبي وسله زباله وانتي بكرامه وشبشب لش وغلاف الرضاعه...والسعر ألف ريال طبعا على حسب القماش اللي اخترتيه بس متوسط السعر الف(قيمه الطقم اللي اخترته)...

*محل كارترز - نفس مذركير واحسن ملابسه - في مجمع الشراع مول بالدمام + الظهران مول

*مذركير -في الشاطي مول + الظهران مول + وفيه فرع مقابل سعد التخصصي + فرع على الكورنيش + مجمع الراشد بوابة 5

*بيبيز ار اص - يصير في تويز ار اص اللي مقابل مجمع الظهران في الخبر

*محل ساكو - قريب مجمع الراشد + قريب مجمع الظهران


*عندج الظهران مول فيه محلات للأطفال مثل مذركير ونكست ومامز اند بابز وغيرهم كثيييير تقدرين تشترين منهم ملابس للبيبي
باباز اند ماماز بوابه 11 جنبه او مقابله محل رياضه ..
بس بوتري بارن مدري اذا موجود او لا .. وتو سمعت ان فيه محل لأسرة المواليد فاتح في االظهران .. ويمدحوووونه..




وهذي مجموعه ثانيه من منتديات ثانيه جمعتها وحفظتها بجهازي ،، ممكن تفيدكم :


2. باكو دزاين

3. بيبي شوب – الخبر شارع الكورنيش بالقرب من اسواق التميمي و سيتي ماكس و أيضا بالدمام

4. اجواء الطفولة – بالقرب من مستشفى المانع

5. محل بمبينوا هذا يجهزك من الى لكل شئ وعنده مدسات لديور وماركات بعد (في مركز التركي على كورنيش الخبربعد المجمع الي فيه زارا على كورنيش الخبر)

6. محل ورا مجمع التركي يبيع مدسات


b) الدمام:
1. بيبي هاوس - الدمام شارع الكورنيش مقابل سيتي بلازا الكبير - أسرة المواليد عنده شي خيال موديلات جديدة وغريبة وحلوة بس اسعاره شوي غالية كون معظم اغراضة اسبانية ونفس الشيء المفارش تبع السرير والستاير حلوة لكن غالية مرة يعني يجي مفرش السرير والستارة بس بـ 700 وشوي ، اسرة الاطفال مرة روعة والمفارش اللي حق الطفل والاغراض اللي معاها روعة

1. مولودي - الدمام شارع الأمير نايف 42 - خلي رامز على يمينك واتجهي باتجاه الكورنيش سيدة بتجيك الإشارة كملي سيدة بمجرد ما تعدين الإشارة هذي طالعي يسارك بيجيك محل مولودي
- بالنسبة للأسرة ماعنده خيارات كثيرة بس المفارش حلوة عنده اطقم من 8 قطع واكثر واسعاره مناسبة وصناعتهم صينية بس باين جودتهم ممتازة وعنده مفارش تقديم ( بيبي باق ) وملابس للبيبي حلوة وكل مستلزمات الطفل

2. مملكة الطفل-+ الرواد الصغار - الدمام شارع الكورنيش بالقرب من آخر فرصة و بنده و مطعم الارنب الجائع - بالنسبة لي ماعجبني شي عنده المفارش احس قماشها مو حلو ابداً والسراير شكلها كلاسيكي عادي واسعاره اغلى من غير
3. طريق الطفل - الدمام جنب سمينا بنفسك وماانصح احد يروح له ماعنده الا كم قطعة لمواليد مايسوى الروحه له
4. بوابة المولود
2. طريق الطفل – الدمام بالقرب من مطعم المنتزه بجانب محل سمينا بنفسك

3. دادا باي – شارع الأمير نايف ش 42

4. تاج الشرقية – الدمام – شارع الأمير خالد مقابل حلويات سعد الدين وجنب سوبرماركت الشرق الاوسط

5. سوق الحب (بنت الوطن – الأبي – نسرين – أيمن لانجري – روز لانجري- مركزسامي بسوق الحب أمام مركز الؤلؤة مول الجديد

6. البلاد مول الجديد مجمع الذهب سابقا بالدمام


c) سيهات – القطيف – عنك:

5. هدية المولود - القطيف شارع القدس جنب البنك البريطاني ( ساب )و أيضا بسيهات - الاسرة عنده حلوة وكذلك المفارش وكل مستلزمات الطفل , وعنده اطقم تفصيل مكونه من مفرش لسرير الطفل مع الستارة ومفرش تقديم وقميص للام وعلبة كلينكس ودولاب وشنطة كلهم طقم واسعاره كويسه لهم فرع ثاني بمدينة سيهات بمجمع الحطيبي
6. " )
7. بيبي ستايل بعنك

e) عامة:

8. أوكايدي للمواليد


9. مركز التوفيق - مقابل المستشفى المركزي


10. محل بوابة المولود بمجمع فينيسيا بالخبر الدور الثاني

11. محل الوليمة بحي ابن خلدون

12. قصر المهند يصير قريب من الاسواق الدولية – الدمام

13. محل الدنيا الصغيرة

14. نظرة الطفل

15. سمينا بنفسك - الدمام

16. مركز التوفيق - مقابل المستشفى المركزي

17. محل مراحل الأمومه

18. مراحل وفيوليتا ومحل كبير من دورين بس نسيت اسمة في شارع الماجد



بالنسبة لقمصان الرضاعة والاستقبال :
1. واحة الجلابية في مارينا مول بالدمام الطابق الثاني قريب للمطاعم و الجمعة سنتر على الكورتيش

2. روز لانجري عندهم فرع بمارينا مول الطابق الارضي جنب السواني وفرع في سوق الحب وفرع في الحياة بلازا

3. بنت الوطن - الدمام سوق الحب الوصف اذا تعرفون محل نسرين للأطفال تمشون شوي قدام وتعدون الصالح للأقمشة بعدين يجيكم البلالي للجلابيات تلفون باللفة هذي وآخر الشارع بتلقون المحل اسمه بنت الوطن عنده اقمصه رضاعة اللي تجي قطعتين واشكالهم حلوة واسعارهم انسب من واحة الجلابية تقريباً بين 190 و 180 ريال وفيه اقل للاقمصة اللي تجي قطعة

4. السعر المنافس في الدمام مقابل رامز مااعرف الوصف بس هو في الشارع المقابل لدرة الأرياف - اخذت منه قميص رضاعة قطعتين وشكله فخم بـ 35 ريال وعنده بيجامات حلوة وستيانات رضاعة وكيلوتات قطنية وعنده جلابيات كثيرة للي ودها تلبس جلابية للاستقبال واسعاره مناسبة جداً، وقسم المواليد ماتوقعته كذا عنده اشياء مرة حلوة قطع داخلية وخارجية حلوة مرة واسعاره احلى بإختصار هالمحل انصح فيه وبقوة وعنده فرعين بالدمام الفرع الثاني اظن مقابل اسواق الباحوث

5. تاج الشرقية – الدمام – شارع الأمير خالد مقابل حلويات سعد الدين وجنب سوبرماركت الشرق الاوسط ( قرأت عنه بنات يمدحون ملابس المواليد واقمصه الرضاعة بس للأن مارحت له )

6. مركز التوفيق - مقابل المستشفى المركزي ( نفس الشيء قرأت عنه بس مارحت له ويمدحونه بالنسبة لملابس المواليد)

7. محلات ملابس الرضاعه بعد فيه في سوق السويكت محل داخل مجمع صغير ( نسيت اسمه ) بس نفس المجمع فيه محل الملابس المشهور( أسماء) ومحل ملابس داخليه (النحله)

8. البيجامات من لاسنزا و عروضهم حلوه وعندهم برمودات وتيشيرتات ناعمه .......

9. نعومي

10. مركز روز

11. محل هواجس إلي مقابل الظهران مول .. طبعاً هو محل نسائي


بالنسبة للمفارش الاطقم للي ودها في تفصيل :
1. قصر المهند - الدمام شارع الملك عبد العزيز بالقرب من الدنيا الصغيرة - المحل يفصل حسب طلبك مفرش سرير البيبي مع ستارة ومفرش سرير الام وقميص للام والطفل ومفرش تقديم ودولاب وعلبة كلينكس وسلة زبالة وغيره وعنده كاتلوج للأقمشة وفيه نماذج جاهزة

2. الأبي - الدمام سوق الحب مقابل الامارة فيه محل اسمه سهى للمفارش , الأبي يصير وراه عنده فرع كبير لمفارش جاهزة ومحل صغير بس لمفارش المواليد والاطقم وعنده نفس الشيء كاتلوجات شغله حلو واسعاره انسب بكثير من قصر المهند وممكن تجيبي لهم القماش وهم يفصلون لك

والمحلات الكبيرة فيها اقسام للمواليد :
f) الخبر:
1. طابا (الخبر بالقرب من مفروشات العصفور)
2. مذركير
3. آدمز
4. مجمع الراشد (المتجر العام للمفارش)
5. مجمع الظهران (اوركسترا و جاكادي ، زارا هوم للمفارش، دبنهامز، ادمز)
6. ايكيا
7. العيسائي - الخبر شارع البيبسي + مجمع الراشد
1. ماركس & سبنسر - الخبر في مجمع الظهران – الدمام في مجمع ابن خلدون
2. اوكايدي
3. شيكو
4. سيتي بلازا
5. سيتي ماكس
6. باكوا بوتيك قبل نظارات البشاوري على طريق كورنيش الخبر والفرع الثاني موجود داخل فؤاد سنتر



g) الدمام:
7. آخر فرصة - الدمام شارع الكورنيش مقابل بنده
8. سناء– الدمام خلف مجمع الواحة
9. سيتي بلازا – الدمام (سنتر بوينت ، بيبي شوب)
10. سيتي ماكس – الدمام – شارع الكورنيش
11. مارينا مول (قصر الدانة + بيت الجلابيات + واحة الجلابية – قمصان رضاعة، بمبكن باتش)
12. الشاطئ مول
13. الهرم
14. مبارك ستايل
15. مجمع الهرم بالسعودية
16. مجمع الواحة بالدمام الطابق الثاني يم bhs اسمه مراحل الطفولة
17. الحياة بلازا (سماء – الرواد الصغار )
18. مجمع ابن خلدون
19. محل أنا و طفلي
20. الحياة مول

رد: .·¤ تجمع الحوامل اللي ولادتهم في محرم¤·.
 

مراوي الله يسعدك من زمان نفسي اسوي لسته بالاشياء الي المفروض نجهزها ريحتينا الله يسعدكاما خالاتك ماعليك منهم هذا طبع اكثر الاقارب كأننا عايشين في غابه
بس اخواتك انا لو مكانك لازم اسألهم وشوف ليه يسوون كذا احس اخواتي مااحب اشيل عليهم علشان كذا ماارتاح الا لمن اعرف السبب

رد: .·¤ تجمع الحوامل اللي ولادتهم في محرم¤·.
 

العنود ،، تسلمين يالغلا فديتج ،، حاضرين ولو يالغلا ،، انا بكريه وحسيت كيف الوهقه لما اروح اشتري الاغراض ،،
قلت لازم احدد كل شي بالعدد لاني راح اتوه ،،
ربي يسعدج يالغلا على النصيحه ،، وربي يقدم اللي فيه خير وصلاح لنا ،، ويهديهم كلهم ،،


تمسون على خير يا اخواتي ،،

رد: .·¤ تجمع الحوامل اللي ولادتهم في محرم¤·.
 

مراوي يالغاليه الله يتمم فرحكم على خير
يالله شوقتيني اروح الشرقيه على كثر ما حطيتي لسته بمعظم محلات الاطفال ولوازمهم
عاد انا من مكه ودايما اتقضى من جده وهي مليانه مخلات ما شاء الله عاد لازم تزوريناhwaml

رد: .·¤ تجمع الحوامل اللي ولادتهم في محرم¤·.
 

حياتي مراوي تسلميين ويعطيك الف عافيه.
كانك تدرين اني حايسسه موعارفه من شنو ابدأ
ريحتيني الله يسهل عليك ويفرحك بشوفه العسوله

تمسسون على خير كروشآت 

رد: .·¤ تجمع الحوامل اللي ولادتهم في محرم¤·.
 

صباح الخير ياكروشات

رد: .·¤ تجمع الحوامل اللي ولادتهم في محرم¤·.
 

صباح الورد والياسمين،اخبارك؟؟واخبار البيبي؟؟

رد: .·¤ تجمع الحوامل اللي ولادتهم في محرم¤·.
 

صباح الخيرات ،،

مامة اولادي ،، فديتج ان شاء الله عقبال ماتشترين وتشوفين اللبس على النونو يارب وتفرحين فيه ،، ان شاء الله فديتج ازوركم ودي ازور جده ،، بعد ما اولد راح ازوركم مع النونو باذن الله :*


اعز الناس ،، تسلمين حبيبتي انتي ،، وعليج بالف عافيه وان شاء الله تستفيدين منها ونشوف الكتكوت او الكتكوته بعد كم شهر يارب ،،

رد: .·¤ تجمع الحوامل اللي ولادتهم في محرم¤·.
 

شغل اخوي مارضى يخلص
عييت منه وتعبت وودي اكمله قبل رمضان وافتك منه

وماودي اروح مراجعة الا بعد ما اخلص من الشغل

ماقلتيلنا ياعسل تأكدتي من جنس الجنين ؟؟ بلاه اسرار يلاااااااااااا قولــــــــيhwaml5

رد: .·¤ تجمع الحوامل اللي ولادتهم في محرم¤·.
 

خذي بلايز طويلة

او فستان قصير <<< فستان عادي شكله زي البلوزة مو حق سهرة

والبسيه ع استرتش

رد: .·¤ تجمع الحوامل اللي ولادتهم في محرم¤·.
 

noga88 <<< بنوتة


ام للمرة الثانية <<< بنوتة

بنت تبوك<<<< بنوتة

marawy <<<< بنوتة


اللهم سترك<<< ولد

مامة اولادي<<< ولد

روح الورد <<< ولد

االـ م ـهااا <<< ولد

دلع <<<< ولد


ام يارا <<< 21محرم

ام جنى0 <<<< 28 محرم

دلع الاحساء <<<23محرم

والمهم المهم سلااااااااااااااامة النونو قبل معرفة نوعه

ربي يحفظهم من كل سوء

رد: .·¤ تجمع الحوامل اللي ولادتهم في محرم¤·.
 

رد: .·¤ تجمع الحوامل اللي ولادتهم في محرم¤·.
 

رد: .·¤ تجمع الحوامل اللي ولادتهم في محرم¤·.
 

صبححكم وررررد

رد: .·¤ تجمع الحوامل اللي ولادتهم في محرم¤·.
 

صباح الخير بنات
كيف الحال عساكم امنيحين
بسالكم سؤال البارحة دخلت الحمام ونزلت من نقاط افرازات بنيه واني بالشهر الخامس واول مرة مرة يصير وياي كدا ومن خوفي شربت حبه دوفاستون واخدت تحميله سايكلوجست ونمت واليوم جلست ولله الحمد مافيني شي
ايش رايكم تتوقعوا خلاص مابيتكرر وان هالشي عادي
لو يمكن يرجع مرة ثانيه ويمكن يصير لي شي لا قدر الله
لاني خايفه وموعدي بعد 15 يوم

رد: .·¤ تجمع الحوامل اللي ولادتهم في محرم¤·.
 

يسعد مساءكم
كيفكم بنات وكيف النونات
ام اسكندر جيتي على الجررررررررح نفسي بحبحب احمر وسكررري كل الي جبتهم مالها طعم

بناااااااااات انا مو منتظمه بالفتامينات ابددددددددددددن تتوقعون يضر النونو
هالفتره احس بتعب وتنفسي بصعوبه يعني اوقف دقايق مااقدر ابدن بس امشي عادي الوقفه تتعبني احس روحي بتطلع

الله يتمم على خيرر ياااارب

رد: .·¤ تجمع الحوامل اللي ولادتهم في محرم¤·.
 

حنان الورد سلامتك حبيبتي


يمكنك بذلتي مجهود والافضل روحي لدكتوره تطمني و إن شاءالله ماعليك الا العافيه

رد: .·¤ تجمع الحوامل اللي ولادتهم في محرم¤·.
 

استغفر الله العظيم وأتوب إليه

اللهم صل على محمد وعلى آل محمد وصحبه أجمعين

لا آله إلا الله محمد رسول الله

رد: .·¤ تجمع الحوامل اللي ولادتهم في محرم¤·.
 

جنان الورد ،، ماعليج شر يالغاليه ،، انا في بداية حملي نزل علي مرتين نقط افرازات بنيه فاتحه مايله للعسلي ،، رحت المستشفى والدكتورة عطتني حبوب دافستون اكل حبتين في اليوم ،، والحين وقفته الحمدلله ،،

امي كانت تقول ممكن يكون في كل شهر من موعد الدوره تنزل افرازات بنفس هاللون ،، بس الافضل حاولي تراجعين دكتورتج وزين سويتي ان كلتي دافستون واستعملتي التحميله ،، بس نصيحه حاولي هاليومين ما تهلكين نفسج ع الاقل اسبوع دوم تمددي على ظهرج ورفعي ريولج فوق عشان ترتفع المشيمه لو لا سمح الله كانت نازله ،، لان الدكتورة تقول الدم والافرازات البنيه تبان لما المشيمه تنزل ويسمونه ( اجهاض منذر ) بسم الله عليج وعلينا ،،

ريحي نفسج لين موعدج بعد 15 يوم لو ما كنتي قادره تروحين للمستشفى حاليا ،،


اللهم سترك ،، ماعليج الا العافيه يالغاليه ،، التعب هذا من بداية الثقل ،، انا لما اوقف كثير احس نفسي اصير حرانه واعرق مع انه المكيف يكون شغال علي !! بس على كلام امي تقول هذي الهرمونات والدم يتحرك للبيبي فيصير لج جي ،، ربي يتمم علينا على خير ،،

رد: .·¤ تجمع الحوامل اللي ولادتهم في محرم¤·.
 

ما شاء الله التجمع رجع نشط
كيفكم يا احلى حوامل

العنود
رحت مانجو مافي شي عجبني بس استنى ينزلو شي جديد

مراوي
تسلمي الله يسهل عليكي

اللهم سترك استمري على الفاتامينات هيا راح تضرك انت ولا تستهيني بنفسك ابد لأن بعد الولادة محتاجة صحة عشان الطفل يبغالو حيوية ونشاط في تربيته وطولت البال

ام اسكندر
مشكورة ان شاء الله المراجعة الجاية اجي اخبركم على طول

رد: .·¤ تجمع الحوامل اللي ولادتهم في محرم¤·.
 

عيش الحياة ،، ربي يسلمج يالغاليه ،،
انا ماتعجبني بضاعة مانجو كثير ،، لان اوقات ينزلون ملابس مو حلوة ،، وماتحصلين قطعتين على بعض يسوون ،،
افضل ماكس فيه شغلات حلوة وعندج h&m فيه فساتين حلوة ،، ولو انتي من الخبر او الدمام ،، روحي سربال فيه فساتين روعه قصيره اللي تكون واسعه موديلات كويتيه حلوة وناعمه ،،


بنات شلونكم ؟ وشخبار حركة البيبي معاكم ؟ ياربي مدري هذا اللي احس به شنو ؟ حركة والا لاني افكر فيها يتراوالي ،، احس فيها بلحظات ولحظات تصير غير ،، مادري شلون اوصفها ،،

رد: .·¤ تجمع الحوامل اللي ولادتهم في محرم¤·.
 

بنات اليوم رحت الصالون الصبح عشان اشقر حواجبي ،، طبعا بعد ما سألت الدكتورة وقالت ما يضر الحمدلله ،، ولان زوجي رافض اني احف ويقول بعد ما تعلمتي تشقرين الحين تبين تحفين ! اضطريت اشقرهم ،، وسويت بودي كير ومنيكير (مدلعه نفسها) هههههه لكن والله حسيت بتعب مو طبيعي كأني توني حامل بالشهر الثاني او الثالث !
مره وحده حسيت نفسي صرت حراااانه وابي استفرغ وقلت للفلبينيه بروح الحمام (الله يعزكم) وهي مسكينه نطرتني لانها تدري اني حامل واني اتعب ،، بس استغربت من اللي صار لي !
هالشعور اخر مره حسيت فيه كنت في نهاية الثالث ،،!

رد: .·¤ تجمع الحوامل اللي ولادتهم في محرم¤·.
 

السلام عليكم اخباااركم

انامن فقرالدم صرت ادوخ كل يوم ...

لازم تنتظموعلى الحبوب انااحاول قدمااقدرماانساهم

وحبايبي حبيت انبهكم ان الجدول الصيني والتشقير

حرااام ....

وسلامتكم التعبانين ....

ومروي سلامتك يمكن من ريحة التشقير طمنيني عليك

مامة اولادي. المها ودلع وسحاب واثري وعيش ونبوعه وورده ومون وام اسكندر وغايتي واعز وباقي الحوااامل اخباااركم

اناكلت زبيب يماني شوي امس ماحبيته

البيبي الحمدلله بخير

اللي بيبيهامايتحرك حطي القرآن وانسدحي على ظهرك واسترخي وبيتحرك سبحان الله

راح احاول قدمااقدراحط له قرآن علشان يكون من حفاظه ان شاءالله ياارب ...

رد: .·¤ تجمع الحوامل اللي ولادتهم في محرم¤·.
 

تصدقو ان اللي في الموضوع يمكن يصير

http://forum.hwaml.com/t146266.html

اعتقد هرمونات باقية من الحمل الاول صح؟