|
رد: تجمع حوامل ليبيا
ياناري يحسابني ناسيه يوم ميلاده هههههههه،واني مدايره روحي ناسيه ومانندري عليها منين زارقه..
: شوفي اني من رايي تفاجئيه بيها أحلى،اني مانسوقش ومانقدرش نطلع بروحي،بس حيعاونني خوي هو اللي حيطلعني بإذن الله |
رد: تجمع حوامل ليبيا
سلامات يامدامات تحية للجمبع
|
رد: تجمع حوامل ليبيا
هلا ميراس حتى انتي ساهره؟اني طار من عليا النوم ماهو طولت في رقاد القايله
|
رد: تجمع حوامل ليبيا
عاشقة حى عليك عالخيانة اللى درتيها وينك ياعيون مسكينة واخدتها بردة هى واصغارها من الصقع اللى ضربها وهى تستنى فيك بيش تخطمى عليها وعليا نت لقى احبابه نسى اصحابه حصلتى راجلك رفعتيه واحنا خليتينا نلقطوا فى الصقع باهى ياعاشقة العصيدة
|
رد: تجمع حوامل ليبيا
كيف حالك باطرابلسية
|
رد: تجمع حوامل ليبيا
اسكتى انا زى الخفاش نسهر لعند الافجار ديما هدا حالى لما انخش ديما نلقى فيه امكسد
|
رد: تجمع حوامل ليبيا
شنى طلعتى حتى انت ماتقوليهاش
|
رد: تجمع حوامل ليبيا
شكرا حيوباتي لي باركتولي واسم ناريز من اخيتاري انا ومعناه الدهب القليل غالي التمن
شفتوا بنيتي يعني دهب هههههههههههههههههه والله مشتاقة ليكم كلكم تو يجي وقت ونخش نشوف ونهدرز غير توا جو امومة رضاعة وسهر ليل وووووووووووووووين الحلوات عيون ووحنونة ونسرينا شن صار فيها ميمونة وميرنا وسورينام وتحية للجدد |
رد: تجمع حوامل ليبيا
سامحيني ميراس امس كل ماندير ريفرش للصفحه مايطلعليش رد جديد :( متعبني نت النقال،اني ماهو تليفون حوشي ريفي ومايركبش عليه دي اس ال،وما بيتش نخليه يديرلي حساب في الدايل اب لاننا محولين ان شاء الله بعد3 او4شهور لو سخر ربي،،
ليبيا قلبي ايوه احني جو امومه ربي يحفظك ويحفظلك بنيتك ماشاء الله عليها،، يابناااااات من تراجع في عيادات الخضراء؟ |
رد: تجمع حوامل ليبيا
صباحو ياحلوات ... كيف الحال ؟؟؟
أول شي شكرا لكل من رد عليا بالنسبة لمشكلة حماتي وانشالله ربي يفرج وتتزوج وتريحني ههههه .. ميرنا ... عادي حبيبتي تصير لكن صدقيني مايلوم عليك إلا اللي يبيك ولو مش غالية عليا ماكنتش دورت سلامك ياقمر ... غرام كيف حالك ؟؟؟ حاولي حبيبتي تعايني عند دكتورة أريحلك من ناحية الكشف يعني الدكتور مهما كان كويس مش حيرتاح ولا انتي حترتاحي في الكشف عليك .. وبعدين حي عليك راجلك يوريك هههههههههههه . طرابلسية حبيبتي ... تسلميلي ياغالية عالطريقة والله طلعت ساهلة هالطبيخة اللي قلبتلي كياني ههههههههه ربي يخليك ويجعله في ميزان حسناتك يارب .. ميييييييييييييييييراس ياحلو ... شن أخبارك وعاش من شافك .. توا تقولي عليا اني اللي خاينة ولا انتي اللي شحطيني وبعدين قلتي راجلي حزار ومايبينيش نطلع .. وعيون الراقدة حتى هي بسلامتها هي وصغارها قعدت ساعة برا نستنى وقلبت الشارع بصوت السيارة وماطلعتش لا هي ولا كتاكيتها وبعدين شن قالتلي ؟؟؟ قالتلي خداني النوم ومانحسابش الساعة 5 جت .. باهي باه ياودي زي الطلعة مع الراجل مش حنلقى انتو سريبكم طويل وكل وحدة فيه شن رابطها ههههههههههه .. ليبيا كيف حالك ؟؟؟ وربي يخليلك الغالية اللي زادت عليك يارب. حكومة حبيبتي معاش تقولي آسفة عالتدخل .. عيب عليك .. اني حطيت الموضوع باش الكل يعطيني رايه ورايك على راسي من فوق وتسلميلي يارب .. Lilaكيف حالك وشن أخبارك ؟؟؟ بالنسبة للهدية والمفاجأة حاولي تخلي حد يرفعك وتجيبيها لأن الموضوع والإثارة مش في الهدية هو بيفرح بالمفاجأة أكثر من الهدية وطبعا ماشالله على طرابلسية فالحة شكلها في المفاجآت وقالتلك على كل الخطوات ( ربي يهنيها انشالله ) حتى اني الاسبوع اللي فات كان عيد ميلاد راجلي ودرتله عيد ميلاد عائلي مع عيلتي وعيلته لأن حتى أهلي حبوا يفاجؤوه وهما جابوا التورتة واني على قولت طرابلسية عندي قفطان جديد مش شايفه تكمت روحي ولبسته وسبحان الله يومها طلع مكياجي مش عااااااااااااااااادي والعشي جي حلو وشريتله هدية من غير مايعرف .. لكن اللي ساعدني اني نسوق ونطلع بروحي .. ضروري تحاولي تخلي اي حد يجي يرفعك أو حددي شن تبي وابعتي حد يكون ذوق ... طرابلسية نبي نتعرف عليك أكتر .. انتي قداش ليك متزوجة ومواليد كم وشن تخصصك في الحياة ؟؟؟ ونفس السؤال لحكومة وlila ؟؟؟ |
| الساعة الآن 08:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .