|
رد: تجمع حوامل ليبيا
السلام عليكم .. كيف حالكم يا حلوات ....
يا عاشقة خلي بالك واسع وبتصرفاتك خليها تفهم أنك مستقل عليها وحاولي أنك تساعديها بالتعرف ع صديقات علشان تفك عليك .. أهم حاجة خلي زوجك بعيد عن الموضوع .. وبالنسبة للبازين تعالي لمصراته وتحصلي أحسن بازين ع كيف كيفك |
رد: تجمع حوامل ليبيا
اني شن صارلي..هداكا الوقت كنت في نهاية السابع لما درت التحليل ونحس في وجع في منطقة الحوض كلها،وجع+ثقل+تسطير+ولما سألتني الدكتوره لو نحس بوجع أو لا طبعا قبل ماندير التحليل قلتلها اني نحس بثقل بس لاني ماكنتش نحس بحكة مثلا او وجع في المهبل هداكا الوقت ماقلتلهاش،ولأن الحوض كله كان ثقيل ويسطر ماقدرتش نميز لو فيه عندي التهاب مسالك أو لا،اعطتني الدكتوره دوا،هفت الوجع فتره واول ماتم الدوا رجع الوجع من جديد والحمد لله على كل حال
|
رد: تجمع حوامل ليبيا
بس اللي نعرفه ان يابنات ردو بالكم من الجماع لما يكون فيه التهابات لان الجماع ينقل العدوى للزوج وهذا يزيد الطين بله،هذا اولا..
ثانيا:لازم التجفيف بقطعه قطنيه بيضاء نظيفه بعد استعمال التواليت ويكون التجفيف بالتربيت على المنطقه الحساسه ولا تنسي دائما عند تنظيف او تجفيف هذه المنطقه ان تنتقلي من الامام الى الخلف وليس العكس.. ثالثا:تبعي مع الدكتوره واشرحيلها اي تطور في الحاله.. رابعا:كثري من شرب الميه والاحسن لو تكون اميه معدنيه مش امية تحليه.. |
رد: تجمع حوامل ليبيا
اقتباس:
|
رد: تجمع حوامل ليبيا
الطرابلسية
كيف حالك ان شاء الله امورك تمام و شن تجهيزاتك للبيبي؟؟؟ المشكلة اني انراجع عند دكتور و هو ما يكشفش ...مرة وحدة ارسلني لدكتورة تكشف عن عنق الرحم عشان الربط و هي اللي قالت عندك التهابات و رغم حرصي على التجفيف لكن بدون فايدة و خايفة منه خاصة مع هالرطوبة المرتفعة |
رد: تجمع حوامل ليبيا
ميرنا
كيف الحال |
رد: تجمع حوامل ليبيا
يابنات تصير امعكم لم تخشو على الدكتورة تنسو جميع الاسئلة لى تبى تسئليهم لها انا من كثر ما ننسى راجلى قالى المرة الجاية نخش ابروحى انتى ما تفرغيش السر
|
رد: تجمع حوامل ليبيا
ما نيش عارفه ايش يصير معى بدل ما نا لى نسئلها هى لى تسئل كم عمرك وكم ليك متزوج وراجلى لم نطلع عليه نقول سئلتنى على عمرى يطير فى سماء ربه هذا عليش خاش عليها
|
رد: تجمع حوامل ليبيا
السلام عليكم
كيف حالكم انشالله بخيركلكن؟ عاشقه حاولى معاها بيش اتكون صداقات وكملى جميلك معاها وصليلها الموضوع بكلمات بسيطه اغلبنا تعرضنا لمثل هالامور ومع الوقت مشى الحال وما بقى كان المحبه انشالله مثلا انى من الناس الى عاشوا فى حوش العيله وكانت حماتى طول الوقت معاى لدرجة حتى حياتى الخاصه اصبحت فيها بغض المشاكل المهم بشوية مواقف وبدون مشاكل مشى الحال واحنا توا مازالت العشره الطيبه بينا تصدقى دائما ولله الحمد صافه معاى ضد العائله كلها واتجى من حوشها وتبات بيش انعدى لاى مكان نبيه وانخليلها الصغار والحق انروح حتى غداى نلقاه واتى والحوش كانها فى حوشها واكثر وهى الى عانتنى نين سبعت لان امى كبيره وما تقدر على شىء المهم صدقينى ما يضيع شىء عند ربى وباش تعرفى مشاعرها حطى نفسك مكانها الخلاصه اشوى اشوى ماتخبريهاش على امورك الخاصه توا اتلاحظ |
رد: تجمع حوامل ليبيا
ميرنا كيف الحال؟
|
| الساعة الآن 06:32 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .