المشاركة الأصلية كتبت بواسطة nourelhouda (المشاركة 3531687)

سلام الينات لاباس!؟!؟
خولة واش قولتيلي نديرلك!؟!؟! ههههههه راه الزهايمر داير حالة اسمحيلي،،،،
صبوة ياك دارنا دخلو خلاص دورك يقعدو في الجزائر عامين باش يزيدو يخرجو بلاد وحد اخرى ان شاء الله،،،،،،، و بابا ما قعدلوش بزاف يخرج تقاعد اذا كتب ربي،،،،، قعدولو زوج خرجات و خلاص ان شاء الله و بالاك يديروهملو في خرجة و حدة هذي الجاية و خلاص،،،،، ربي يحفظو،،،،،،
ريحانة اختي كانت راح تخليهولي بصح ماما ماحبتش على خاطر انا خدامة و سورتو كي ماما دخلت من الماريكان جات مليحة لاختي،،،،،، و انا في العطلة نهبط ادارنا نعاون ماا فيه او نجيبو لداري،،،،، ديجا راني مانصبرش عليه كل ويكند نروح حتى راجلي راه عاذرني مسكين" بالعربية حتى هو يتوحشو" كي نلحقو لدارنا يبدا يدارب معايا باش يرفدو ههههههههه" ربي يخفظ خسونتي يا عمري راني نحكي عليه و قلبي يفيبري عليه،،،،،،
راه بدا يضحك سورتو مع اميرة اختي الصغيرة غير تجي من الليسي ترفدو و تبدى تحكيلو واش صرالها في الليسي و هو يضحك و بالصوت و يلاغي معاها هههههههههههه،،،،،،،

المشاركة الأصلية كتبت بواسطة nourelhouda (المشاركة 3531376)

السلام عليكم يا الزينات واش راكم لاباس!؟!؟!؟!
كنت في العاصمة في دارنا هذا وين جيت،،،، كنت مع حسونتي يا عمري يهبل،،،، انا وقيلا نروح نسكن في دارنا على جالو،،،،، ،،،،
راني هدرت مع مريم راهي شوية مسكينة ديكلونشاوها و الكول تحل 3دوا،،،،،، راهم غير يعونو فيها ،،،،،، ادعولها ربي يعطيها وقفة سهلة يا رب،،،،
قالتلي سلمي عليهم كامل و قالتلي غير نولد نعيطلك،،،،، انا غدوة اذا كتب ربي نعيطلها و نطمن عليها و نطمنكم،،،،،
دوركا لحقت لداري غير دخلت عيطتلي اختي قالتلي بلي أم مرت عمي ماتت الله يرحمها،،،،،،، و الله غاضتني مسكينة كانت امرأة هايلة و تحبنا بزاف،،،،، ادعولها ربي يرحمها، مسكينة كانت تدعي تحضر لعرس وليد عمي " وليد بنتها" و الحمد لله حضرتلو،" وليد عمي اللي تزوج الشهر اللي فات" و قولنالها تحضري لولادو ان شاء الله قالتلنا ماشكيتش مسكينة كانت حاسة بلي تموت،،،،، الله يرحمها و يرحم جميع موتى المسلمين،،،،،
انا اليوم راني صايمة اليوم اخر يوم تاع دين ديالي ، غدوة العيد،،،،، صمت عشرة ايام الحمد لله يا ربي،،،،،،

المشاركة الأصلية كتبت بواسطة rayhana05 (المشاركة 3532202)

ربي اخليهولكم و ربي يرزقك انتي في القريب العاجل
و ان شاء الله مادام راجلك تعلق بيه
دوكا وحدو وحدو يرجع للعلاج بلا ما تقوليلو
يا عمري قلبي ولا افرفر كي قلتيلي بلي بدا ديجا يضحك و هو كالببون
وانا نموت على الاولاد الي كونو هكاك
اوموان نقدر نحكمهم مسقم
باسكو كي كونو صغار نخافهم
منعر انا كيفش رايحة ندير
لعقوبة ليكم كامل يا لبنات