|
رد: تجمع حوامل ليبيا
قوليلى انتى شن تشتغلى بالضبط زايطه فى العمل هههههههههههههه انا دايره غداى طبيخه مشكله بيضا بالدجاج تفضلى
|
رد: تجمع حوامل ليبيا
بولينا مرحبتين يبك وطرابلسيه انشالله امورك بخير
|
رد: تجمع حوامل ليبيا
ام قصي و محمد
الله ايخليك سخبارك انا خايفة من الالتهابات هلبة لانه في البداية قالوا عندك و عطوني علاج لكن؟؟؟ خايفة منه لو في حد صاره الالتهابات مثلي من البنات يفيدن؟؟ عاشقة البازين الله يسترك انسيه نين تحصليه التوحم و الوحم مشكلة بجد ان لما يسالوني شن تبي تقول ..... بيتزا.................ههههههههههههههههههه |
رد: تجمع حوامل ليبيا
اقتباس:
|
رد: تجمع حوامل ليبيا
الالتهبات انا ذوبونى فى بنتى البكريه والله نقعد نبكى من الالم مافرحت بحملى بكل
|
رد: تجمع حوامل ليبيا
تسلميلي يا أم قصي ياقمر ... يالله معاش بنديرها وبنمشي هكي مسافات ..
تعرفي متضايقة من حاجة ومهبلتني حماتي اللي هي وحيدة أهلها ومواليد 84 ومش متزوجة المهم جوها تمام معاي ونحبوا بعض وماشالله عليها إلا في حاجة وحدة .. مرات نحس فيها من كتر ماتحبني ولا مافهمتش شن نفسر تبي تتملكني .. ديما تحب تكون معاي وديما مع بعضنا حتى في الخدمة نخدموا مع بعض وكان مشيت لحوش أهلي تقولي نبي نمشي معاك وتخيلوا لما طلعت مع راجلي وقلنا ان يوم خاص بينا تغير شكلها وتضايقت وقعدت تقوللي باهي شن بندير من غيرك غدوة ... قلتلها عادي خودي راحة مني معليش يوم ويفوت .. وقبلي كانت مهبلة سلفتي بنفس الحالة لين جيت اني .. لكن سلفتي مشردتها أكتر مني كانت لأن تحب خوها التاني ومتفقين مع بعض اكتر من علاقتها براجلي .. المهم سلفتي مزينة وتقعد طول اليوم برا يعني مافيش عندها غيري شادتها في جرتي وتحب تعرف عليا كل شي وتحب كل شي نديره نقولهولها ومسكينة بالفعل تحبني ونحبها لأن لما تشوفني متضايقة ولا عندي مشكلة توقف معاي هلبا لكن خنقتني من كتر ماتلحق فيا في كل شي ... واني طبعا إلا في طلعتي مع راجلي مدايرة خط أحمر ومانقوللهاش تعالي معانا ولو قلتلها ماكانتش حتقول لا ... حتى اهلى لاحظو الموضوع .. قولولي كيف ندير ؟؟؟ |
رد: تجمع حوامل ليبيا
ام قصي و محمد
سلم ايدياتك على الغذاء خطرتي عليا الطاجين الابيض بالدجاج مرات الوحدة تحير فيه شن؟؟؟؟؟؟؟؟؟؟؟؟؟ |
رد: تجمع حوامل ليبيا
ام قصي و محمد
المشكلة اني مش حاسة بيهن بكل الا لما كشفت عليا الدكتورة قالت انت كيف مش حاسة بيهن شن الحل |
رد: تجمع حوامل ليبيا
تعرفى هى مسكينه شكلها ما عندهاش اصحاب حاولى تخليها تكون صدقات بعيد عنك وانتى عوديها بشويش بشويش انك مستقله عنها ممكن هى تحبك ومفسره مشاعره غلط ومتمسكه فيك مره مره اطلعى مع راجلك من غير ما تقوليها وبعدين احكيلها وامشى لهلك وما تخبريها نين ترجعى هكى تفهم انك مستقله عنها ومثلا لما تجيك فى حوشك خليها تحكى مع خوها وفى نص الحوار اتركيهم وعدى اشغلى نفسك بعيد عليهم طبعا مع مراعاه مشاعرها بالابتسامه
|
رد: تجمع حوامل ليبيا
امممممممممممممممم جبتوا سيرة الماكلة ... لكن للأسف كرهت الدجاج بشكل غير عادي ومعاش نحب نشوفه حتى في الشارع ههههههههههههه
حبيبتي أم قصي انا نشتغل في مكتب خدمات تعليمية يعني نراسل في الجامعات اللي برا ويردوا عليا بالقبول ونكمل للطالب اوراقيه المطلوبة باش تخش للسفارة وتطلعله التأشيرة ويتوكل .. وقرايتي بتبدا يوم 1/ 3 انشالله علي خير |
| الساعة الآن 03:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .