|
رد: تجمع حوامل ليبيا
تصدقى انا نريد انجيب ولد لانى لما جبت بنات وخاصه الثانيه قعدو ناس الى بالى بالك يجرحو فيا مع انى لا انا ولاراجلى متضايقين عشان بنات وبعدين انا نحس الولد حمايه لاخواته يلقنه بعدين انشالله
|
رد: تجمع حوامل ليبيا
كيف حالكم شن اخباركم انا الحمد لله ولدت بالعملية وجيبت بنوتة حلوة اسمها ناريز بس توا انا تعبانة من العملية والبنوتة عندها صفير وعندها غازات
|
رد: تجمع حوامل ليبيا
ماشاااااااااااااااااااااااءالله يا ليبيا على اسمها بنوتك ربي يحفظها .. ناريز حلو بجد لكن شن معناه ؟
|
رد: تجمع حوامل ليبيا
وانتي لاباس عليك ليش تعبانة من العملية .. أكيدا خواتك وامك امببينك ومايخلوش فيك تتحركي .. ردي بالك تكتري من التقعميز والرقاد راهو العملية تبي الحركة .. وبالنسبة للبنوته كتريلها من رضعات الكمون ومية غريب وبالذات الكمون مع سكر النبات والله اني مسمياته الحل السحري لغازات الموليد ولتوا اندير فيه لولدي رغم انه وصل لستة شهور لكن الكمون ايخلي فيه يرقد في الليل وحتى الرضاعة اينوضلي مريرة والا 2 بس الحمد لله .... وبنيتك الصفير حتى هو عادي كان مش هلبة ومش واصل لصدرها ورقبتها يعني كان وجهها بس ما تعدليش ومرة مرة حطيها في الشميسة متاع الصبح ضربة ضربة للصفير وانشاالله طهور ليك وليها
|
رد: تجمع حوامل ليبيا
مشكورة أم قصي على الترحيب وأسفة على التأخير في الرد....
بالنسبة ليا أنا من مصراته وحامل في الاسبوع 33 , وحاليا أنا خايفة من الولادة |
رد: تجمع حوامل ليبيا
عيون وينك .. خشي هدرزي عليا استاحشتك .. عندي هلللبة اسئلة على صغارك وصغاري زعما حتى هما يشبهو بعض في الطبايع ولا لا ؟؟ وقوليلي شن مدايرة سرورتك مع حمودي .. اني في الأول كانت مية مية ومش غيرانه .. وتوا مهبلتني حتي الضحك ما تبيني نضحكله ومسمياته ( أودا ) زعميتك خويا لما انشده اتقولي (ماما أودا ككا ) .. وكل ما انشده نرضعه والا بنرقده تبدا تتلصق عليا وتبوس فيا وحااااااااااااااااااالة .... ربي يستر وخلااااص
|
رد: تجمع حوامل ليبيا
عندي سؤال وهو في حد منكم يعرف وين يبيعوا في ألبوم الطفل الرضيع
|
رد: تجمع حوامل ليبيا
هههههههههه جو ياسورينام،،تهبل بنوتك ربي يحفظها،حتى اني ماما حكتلي ان اني غرت زمان من خوي اللي بعدي هلبه ودرت نفس حركات بنوتتك توا هههههههههه عاد كنت اول حفيده في عيلة بابا وعيلة ماما يعني شوفي شن مقدار الدلع من جميع الجهات ههههههههه وبعدين يجيني من يزاحمني في الدلع؟هههههههه المشكله ان كنت نحبه هلبه ولازلت،تحكيلي ماما ان اول ماروحت بيه من المستشفى دسيت العابي كلهم بش مايلعبش بيهم عاد عدو جديد بنكسد عليه(سمايلي شرير)تو يولي حب كله بعدين متخافيش:)
|
رد: تجمع حوامل ليبيا
صباح الخير جميعا:)
صباح الإيمان وطاعة الرحمن:) : المطر اتصب اللهم غيثا نافعا.. نوضوا وحده منكم اديرلنا عصيده(وحده تتصخف) |
رد: تجمع حوامل ليبيا
زعما حنين شن صار فيها؟زعما روحت؟يارب تكون بخير..
حنييييين شكلي هكي نعرفك،كنت نعرف وحده نفس العمر ونفس الجو ونفس الضحكه متاع نياهاهاهاها ههههههه تخلي فيا نضحك بروحي بروحي، خشي وخيتي طمنينا عليك |
| الساعة الآن 08:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .