|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله
صباحكم معطر بالصلاة عالنبي كيف حالكم كلكم خواتي .... ان شاء الله طيبين من رب العالمين اقتباس:
سوسو حبيبتي ... كيف حالك واصغارك .. خوذي راحتك معاي زي اختك الكبيرة لاني انحس في روحي انا واثري اكبر الجميع وادللي علي اختك الكبيرة ... انا ما نحرجش منكن انتن خواتي اقتباس:
العين والحسد حق ومذكورة في القران ... ولاني عانيت منها الويل والله العظيم اني اسئل الله ان يخميك ويحمي جميع خياتي من الحسد وصدقتي وانت دائما فالحة ... الله اكبر لا اله الا الله لا قوة الا بالله اقتباس:
اولا انا طريقة امي اللي ادير فيها اللي هي زي ماانت قلتي تكب الدقيق في المية واعرة بكل خاصة التعصيد لذلك انا ها نوريك طريقة الاقراص احسن واخف واسرع ونفس النتيجة بدون بذل مجهود اكبر ياحنة الطريقة هي ...... تغربلي دقيقك واتحطي اشوية ملح واشوية زيت وتبدي تعجني لين تحصلي علي عجينة يابسة وبعدها اديريها اقراص وتكوني اموتية اميتك عانار وتفور اتزقبي فيها الاقراص واتخليها لمدة ساعة ونص واقل شي ساعة بعديها طلعيه من المية وخلية يبرد اشوية وبعدها ابدي اعجنيه بيديك كويس كويس لين تحصلي علي عجينة متماسكة وبهدها شكليه ونعميه بميته بواسطة ايديك وحطية وصبي فوقه الطبيخة وبالهنا والشفا امي تقولي هذي طريق البيار خخخخخخخخ وانا نقول الها مش مشكلة اهو نوفر في جهد وحوسة وفي الاخير نفس النتيجة هذه هي طريقتي اللي معتدتها جميلة وساهلة |
رد: دردشة بنات ليبيا , دردشة حوامل ليبيا , تجمع بنات ليبيا
ام فروسي ايش اخبارك
انا قاعدة في البيضاء لين ايجي توأم روحي من مصر بالسلامة ان شاء الله قوليلي كيف تنزلي في الصور هاذين ياحبيبة .... اشرحي بالتفصيل الممل |
رد: دردشة بنات ليبيا , دردشة حوامل ليبيا , تجمع بنات ليبيا
توة بنمشي اندير الغدا ... انلحلح روحي علي قولة صالح الابيض
|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
ح نحاول نجربها بعد نحصلوا سكــن... ويتوفر دقيق شعيرخخخخخخ,, امس زوجي قاله واحد هنا ع محل باكستاني قاله حتي الزميته والروينه يبيع فيها تخيلن بس توا عنده الدقيق الشعير مقطوع ' |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
اخباري كساد قاعده نا والعيال في هالفندق وخلآص... امس نزلنا تعشينا بالصالة تحت ك تغيرة جو وحطينا جنب لولي النقال عالرد الالي وكل اشوي نتصل بها خخخخخخخ نسمع فيها كان بكت يعني..وهنا عندهم الاتصالاات فري أي مجانا داخل البلاد ... تعشينا استيك دجاج وخضرة نا اخترت وشربة خضرة... وابوفراس برجر وبطاطا وفروسي فروت سالاد... وعصير اورانج فريش... تندمت ع طلبة الخضرة خخخخخخخخخ طلعت جزر وبروكلي وبازيلا وقرنبيط مطبوخات ع مية بس.. بس مرة اخري نطلب تشيبس زي زوجي امس طلعت بطاطا سمحه وسلطتها فريش تهبل ...كملتها عليه ههههههههه توا وفروا الدجاج حلال بس ... واليوم جابلي كرسي هزاز الولي نبي نقعدها عليه سمح عجبني .. بحباسه بكل نفس اللي حاطينهن لنا ف الدار سريرهم هنا عميق وبالحباس ... ماشفتهنش بليبيا لونه زرعي هكي ودرجات فيه الاهتزاز وموسيقي منوعه للاطفال وتوا ببنزلوا قريب للغدا ... اليوم احد ف وجبة غدا خخخخخخخخخخخ بخلاء الاحد يس يتغدوا |
رد: دردشة بنات ليبيا , دردشة حوامل ليبيا , تجمع بنات ليبيا
وان شاء الله يرجع توأم روحكـ طيب يارب...
بالنسبة للطريقه نرفع في الصور من جهازي بالموقع هضا مركز تحميل الصور والملفات وبعض تنزل كرابط انحطها في ايقونه رابط صورة اللي موجود في خيارات في صندوق الرد |
رد: دردشة بنات ليبيا , دردشة حوامل ليبيا , تجمع بنات ليبيا
عاد عطيتك الطريقه هي صوريلي بعد اتديري بازين ... الطريقه بالتفصيل خخخخخخ
بنسألك ع عجنه قبل ماتحطيه في الميه تعجنيه بزيت بس او تضيفي له اميه وزعمه كم مقدار 4انفار ؟؟ |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
شن الجو بناويت ام فروسي ماشاله بديتي تاقلمي مع الجو غاذي ربي ايهنيكي ان شالله اوشي ان شالله ايروح زوجك طيب اوشكرا عل طريقة البازين ومنك نستفيد سوسو سلم هل فالحه والحره ربي يحفضك من العين ان شالله مافش اخبار عل نتائج لامتحانات جنووده صحه اللبسه الصداره شن لونها صدارتك او شن هوا فستان الكبير ام نوزه اواوامعاد اواموله وينكن |
رد: دردشة بنات ليبيا , دردشة حوامل ليبيا , تجمع بنات ليبيا
امس ماقدرتش نفتح والله واجعني حالك يابلادي ابصرحه انقهرت عل الشباب لي ماتوا
حسبي الله ونعم الوكيل ياربي الطف بينا والطف بعبادك ابجاه هل الايام المفترجا |
رد: دردشة بنات ليبيا , دردشة حوامل ليبيا , تجمع بنات ليبيا
اليوم حتى انا ياسوسو نضت 8 طلعت المربوعه كلها اوسيقتها اوسيقت البلكوني او نزلت لستاره اوغسلتها اوكبتها اوطرحت فرشتها او سيقت السقيفه لي بره ولحمام الصغير كملتش الا 12 توا خشيت لمطبخ درت مكرونه شعريه بلوز والزبيب اومعاه كفته دجاج اودجاج كنتاكي اوسلاطه طحينه اصلا خويا جاي بيبي اتغدا امعايا اصلا نبيه ايجبلي التربليوا يفريلي الساس نبي انركب كوادروات وصور من زمان شرايتهن توا غير يبن يركبن ليا
هذا هوا تقريري اليوم |
رد: دردشة بنات ليبيا , دردشة حوامل ليبيا , تجمع بنات ليبيا
والله نبي نطلع لسوق نبي انكمل دبشي مازال ماسخر ربي حسيت الوقت زرني اوكل مره تطلع حاجه ناقصه اوضيفتي قريب اتجي
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
كيفكم انا تغديت طبيخة بازيليا بالكرشة (اختراع جديد بدل الفاصوليا) ورز ابيضوطباهج دجاج وخديت شوية من الطاجين وعندى عصبانة سخنتها اوشى واااااااااو على الطريقة وين لقيتيها شكلها ساهلة |
رد: دردشة بنات ليبيا , دردشة حوامل ليبيا , تجمع بنات ليبيا
ونس خوك ياشموسة
ومافهمتش شنو هو يللى بتركبيه فروسة دونك للبازين ماقالك حد ماتتعلميهش عنا يللا جربى فيهم وربى يستر |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
فهمتي ولا نشرحلك اكثر |
رد: دردشة بنات ليبيا , دردشة حوامل ليبيا , تجمع بنات ليبيا
منو موجود نبى نستشيركم فى حاجة
|
رد: دردشة بنات ليبيا , دردشة حوامل ليبيا , تجمع بنات ليبيا
صحه غداك ياسوسو نحنا البازيلا مااتعاملوش امعاها واجد اكيده طعمتها حلوه
|
رد: دردشة بنات ليبيا , دردشة حوامل ليبيا , تجمع بنات ليبيا
تعالي تعالي قاعده تفاضالي استاشيري
|
رد: دردشة بنات ليبيا , دردشة حوامل ليبيا , تجمع بنات ليبيا
تعرفو اليوم عياااانة ورجليا خلاص
نايضة من 5 وحتى القايلة اهو ماصارش من النوم |
رد: دردشة بنات ليبيا , دردشة حوامل ليبيا , تجمع بنات ليبيا
القصة ومافيها ان المراة يللى قلتلكم عليها جايبة بعد 10 سنين
مشينالها صح وهى بنت خالة ماما وفى نفس الوقت كنة خال ماما وبنت سلف عمتى ووو المهم عمام بعضنا والحوايز جب بعض ماشى لهنا كويس لما مشينا المرة الاولى قلنا مشية مباركة وماخدة خاطر وتطيير باس وكانها دارت لمة توا نولو زى اهل خالى تذكرو دارت لمة للناس كلها المهم بعدين تبين ان الفلانة هذه ماتبيش تدير لمة باهى المفروض الحق يللى هناك اعطاته من اول يوم عارفة النا بتجيها كويس لما مشينا المرة الاولى مهناك شى يعنى ضيافة عادية مش ضيافة نفاس والت ماتحسبوهاش جية وتفضلو مرة ثانية باهى توا مرات انا وماما عادى نولو بس نساوين عمى يعتبروبعاد عليها لو مش لمة حقانية مش حيولى حد لان خلاص مشو ويللى بيرفعوه رفعوه باهى كويس يارب والله ماهى قرمة استغفر الله بس نشرحلكم المهم اختها تكون مرت عمى سألتها فى لمة ولا لا قالتلى لا تبيكم تلمو بعضكم وتجو قلتلها راهو كانها مش لمة حقانية منو بيى خلاص مشى توا شن صار المراة لامتنا اليوم وقالت تفضلو يعنى عيلتنا احنا بس كأنها متحشمة مننا قولولى بالله عليكم اللقطة حلوة لو مشيت ولا تبدأ كأنى ماشية على خاطر الماكلة وخلاص لانها اخى اللقطة هذه نكرها المهم هما بيمشو وفيه من مش ماشى بسرعة قولولى |
رد: دردشة بنات ليبيا , دردشة حوامل ليبيا , تجمع بنات ليبيا
شموسة تعالى وييييينك
|
رد: دردشة بنات ليبيا , دردشة حوامل ليبيا , تجمع بنات ليبيا
طبعا اليوم الضى هارب الضحى كلها
والظهر جى وقاعدة نعاند فى تطييب الطاجين لتوا |
رد: دردشة بنات ليبيا , دردشة حوامل ليبيا , تجمع بنات ليبيا
شموسة مش بتردى عليا وينك
|
رد: دردشة بنات ليبيا , دردشة حوامل ليبيا , تجمع بنات ليبيا
شموووووووووووووسة
|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
عاادي ياسوسو مش ضروري عل ماكله هيا اكيد تبيها اتجي منكن اتلمن بعضكن واتجنها خلاص لما دزيتلها اوحددتكلم الموعد عاادي مافيها شي حتى انا في عبسي مادرتش لمه بس قعدوا الناس ايدزولي كل مره مجموعه مجموعه والاقرباء واجد عاادي ايعاودوا كم مره توكلي عل الله اوعدي للمه ان شالله نقعد فهمت عليك |
رد: دردشة بنات ليبيا , دردشة حوامل ليبيا , تجمع بنات ليبيا
سامحيني خويا جا كنت انحطله في غداه هوا اوزوجي او وتتيت الفاكهه دلاع اوبطيخ اوخوخ
اوتوا حطيت براد شاهي اخضر عل النار |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
خشيت ع قصة سوسة طول حبوبه زي ماقالت شموسه عادي جدا بري ومادوري شئ لانه هلبا يديرو هكي يجو كل مجموعه بروحها ويمكن هي ضروفها تعبانه او زوجها مايبيش لمه لانه نعرف هلبا ازواجهم مايحبوش اللمات ويمنعو فيهم والله اعلم لذلك حتي بحكم انها جابت بعد 10 سنين فعادي جدا ومفروض تولي عندها مدام قريبتكم وان شاء الله ربي يرشدك للرأي الصح |
رد: دردشة بنات ليبيا , دردشة حوامل ليبيا , تجمع بنات ليبيا
شموسه صحتين وان شاء الله ربي يخليلك خوك ويطول في عمره الله شعور حلو لما يجي خوك في حوشك كان تلقي عيونك تعطيهمله وتتفاخري بيه قدام اهل زوجك انا هكي نحس مش عارفه انتم زيني او لا
|
رد: دردشة بنات ليبيا , دردشة حوامل ليبيا , تجمع بنات ليبيا
اوشي شكلها ساهله طريقة البازين تقريبا نعرف يقولو طريقه غريانيه والله اعلم بس اني عادي ماشيه معايا الطريقه العاديه وطبعا تعلمتها من لما انخطبت وعرفت خطيبي يحب البازين بديت حتي اني انحبه ونطيب فيه *_^
وان شاء الله ربي يرجعلك زوجك بالسلامه يارب |
رد: دردشة بنات ليبيا , دردشة حوامل ليبيا , تجمع بنات ليبيا
ام فروسي ماشاء الله ان شاء الله تقعدي ديما منسجمه مع جوهم هكي وصحتين وع فكرة حتي اني صارلي الموقف لما رقدت في المستشفى طلبت شربة خضار ونرسملها في صورة في خيالي لين جابولي ميه فيها سفناري وشوية خضرة قعدت مصدومه ههههه
المهم تعرفي ديما نقول لزوجي ياريتنا في بريطانيا لانها قريبه من ليبيا وامريكا بعيده هلبا 16 ساعه او اكثر لانه ماما خاطرها تجي تحضر ولادتي لكن اني مانبيهاش تجي لانها ح تتعب هلبا صعب تتحمل السفر خايفه عليها والحمد لله وخلاص |
رد: دردشة بنات ليبيا , دردشة حوامل ليبيا , تجمع بنات ليبيا
اليوم طلعت اتدهورت فيك يانيوكاسل.....واخيرا مشينا السنتر نا وزوجي ...مشي طبعا كرعيا توا خلاص
شرا تي شيرت راقي يسوي 90 بليبي....وخديت نا تي شيرتين قماشتهن خياااال انعم من النعومه...الواحد ب 15 باوند عاد نا اقتصادية ندبر خخخخخخ زوجي مشكلته الحق يحب الماركات العالميه ونا بعد الزواج قعدت مش نفسه لان نفكر ف العيال . عموما لقيت اوشحة خيال. .شريت اثنين وشرينا ارنوب يهبل ولعبة لفروسي وشوية عطور وشامبو ليا والعيال بم ان خدوهن من الشناطي.... وبعدها الاء قعدت اتنق روحنا باقصي سرعه بعد سمعناها لعند ماكرعيا انشدن...زوجي يعلق عليا قال نقصتي 2 كيلو اليوم |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
نبي نفهم القصه بالضبط مافهمتش وربي يصلح حال البلاد |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
والله يا اموله مش هذكا الانسجام اليوم بعد طلعنا حسيت بروحي خايفه هك...لدرجه مسكت ف دراع زوجي زين تمنيت انروح وانرد للفندق لبسهن متعري جدا وف ناس نظراتهم غريبه وناس العكس تبتسملك...وانا الوحيده لي ف قروب الفندق نلبس ف بالطو طويل يمسح ف الوطا تحت تقدري تقولي وزوجات رفقاء زوجي هنا كلهن بنطالونات وجاكات فوق الركبه او بلوزات..حسيت روحي بكل بس هذي قناعتي اولا...وزوجي يبي هك ثانيا...فالوحبدة اللي ماغيرتش لبسها نفس بلادي نفس هنا هي ام فراس حتي مرات صديق زوجي تلبس ف طروف وبنطالونات ..فهل انا غلط او هم اللي فكرو بالتغيير يمكن عشان طبيعة للبلاد هنا او عشان سهولة الحركه |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
هذه خشتى من المراة مشيت ادهورت وهدرزت وغيرت جوى |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
ردى بالك ردى بالك (زى العزايز هههه) ردى بالك يا ام فراس تغيرى من قناعاتك أو من لبسك راهو ربى هنا وغادى وانا عارفاتك ماشاء الله عليك مسلمة متدينة و واعية بس ممكن مثل هالحاجة(سهولة الحركة وأريح وكذا وكذا) يعنى هالحاجات ممكن تغرك وتغيرى رايك حتى انا مرة صارلى هالموقف فى الجامعة بس خلى نقولك شن صار باللك تاخديها منى قلت كانى غيرت لبسى ضاع عليا ألأجر وخسرت نفسى ومرات حتى احترامى لنفسى وحاجة ثانية مهمة جدااااااااا قلت لمانقعد بلبسى وحجابى هذا مرات ربى يجعله تغيير للكثير من حولى أو على ألأقل لما يشوفونى يتذكرو ويتمنو ويحاولو فقلت ليش نخسر هالأجر وهالحكمة من ربى انى نقعد فى حجابى بس لو انى غيرت وبديت زينى زيهممعاش فيه من بيتذكر وتريح عليا وعليهم |
رد: دردشة بنات ليبيا , دردشة حوامل ليبيا , تجمع بنات ليبيا
والله ياسوسو كلامك صح ومقتنعه به وزينة العقــل ... بس نا انصدمت في الليبيات كلهن دبشهن تغير
هذا ليش حسيت روحي كأني غلط وزوجي يقول انتي ماتغيرتش هك احسن وانا مقتنعه بجد بس مرات الحق الشيطان يوسوس اعوذ بالله منه |
رد: دردشة بنات ليبيا , دردشة حوامل ليبيا , تجمع بنات ليبيا
|
رد: دردشة بنات ليبيا , دردشة حوامل ليبيا , تجمع بنات ليبيا
اختارن من رقم 1 الي 3 ... من اتوقعن يشبه ابوفرااس ع فكره يشبله وااااااااااااااجد
http://forum.hwaml.com/t260827.html |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
|
رد: دردشة بنات ليبيا , دردشة حوامل ليبيا , تجمع بنات ليبيا
يارب احفظ بلادي من كل شر
|
| الساعة الآن 11:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .