منتديات حوامل النسائية - تجمع الجزائريات المتأخرات في الحمل و أهلين بالتونسيات الغاليات

اقتباس:

المشاركة الأصلية كتبت بواسطة المدام خولة (المشاركة 3527961)

السلام و عليكم
واشكم خياتي ؟
نورتونا صبورة و بسومة على سلامتكم
عبورة حبيبتي صحيتي راني صبرت حتى للصباح و رحت عصرتلهم و الله نتوحشهم بزاف
الا زادت صرات معايا راني ندير كيما قلتيلي

اقتباس:

المشاركة الأصلية كتبت بواسطة المدام خولة (المشاركة 3527988)

اهلا بالاخت صبورة و الله توحشناك بالاكي تزيدي تغيبي مفهوم ههه

اقتباس:

المشاركة الأصلية كتبت بواسطة المدام خولة (المشاركة 3527993)

الحمد لله على سلامة اختك صبورة و انشاء الله ربي يعوضها و يرزقكم كامل

خولة المنتدى منور بوجودك حبيبتي ..يتوحشك الخير..الله يسلمك امين يا رب العالمين

اقتباس:

المشاركة الأصلية كتبت بواسطة nourelhouda (المشاركة 3528024)

اهلا خولة واش راكي لاباس!؟!؟! واش راهم الاميرات تاوعك ان شاء الله بخير،،،،،،
الحمد لله صبورة الحمد لله على سلامة اختك ،،،،،،،ربي يحفظها و يعوضها بالتوأم السليم المعافى،،،،،
هههههه خلي ليلك تبروفيتي انتما اداوسو و هي تتكسى،،،، ربي يحفظهالكم و يهدي سركم انت و راجلك،،،، و ماشي مليح تزعفي روحك عبير راكي حامل ردي بالك على روحك،،،،،

نور الهدى الله يسلمك حبيبتي ..امين يا رب العالمين

اقتباس:

المشاركة الأصلية كتبت بواسطة lamia zina (المشاركة 3528043)

توحشاكم البنات امة الرحمان ربي يعوضك و اله غير امر مؤسف و لكن قدر الله ما شاء فعل
صبورة اهلا بك و راني قريت و عرفت بلي اختك تحسنت الحمد لله و انت كلش جديد و قتاش ديري التلقيح.
اترج واش احوالك مادابيك تعطيني الوصفة تع ضعف التبويض و انت وعلاه ما جربتيش التلقيح الصناعي .
باقي البنات كيفكم..الامومومة ما راهيش تدخل غير الخير

لمياء و بك اهلا حبيبتي..و الله التلقيح كل ما ننوي و نقول هاد الشهر تجيني سبب ناجلوه..في شهر سبتمبر نوينا باش نديروه جانا الكونجي..قلنا بعد الكونجي جاتنا الرحلة بنهار بعد نهاية الكونجي..و قعدنا شهر بالضبط فيها و راجلي ما قدرش يتحرك من الخدمة لان المسؤول الاول كان خرج كونجي و راجلي كان النائب انتاعوا..بعد العيد في 25 اكتوبر عاودنا رجعنا للدار اللي كنا فيها على خاطر المقاول بدا يخدم فالترميم في جميع سكنات المقر..و لازم نخرجوا من تم و بلاك بداية جونفي يكون كمل الترميم و نعاود نرحل للدار وين يخدم راجلي..و بعدها قلنا خلاص نعملوا التلقيح شهر نوفمبر ..كيما تعرفي اختي مرضت و اضطريت نروح لدارنا و قعدت شهر كامل و عندي اسبوع من اللي جيت لداري..يعني كل ما نقرروا نعملوا التلقيح يجينا سبب ياخروا..

اقتباس:

المشاركة الأصلية كتبت بواسطة basouma26 (المشاركة 3528081)

لبنات صحة عشاكم
عبير انا اسمحيلي ما باركتلكش مبروك عليك الحمل و الله يثبتولك و يفرحك بيه بصح نوصيك الزعاف ماشي مليح انا طلعتلي لاطونسيون ببنتي على بيها قلعوهالي قبل وقتها و الله هاد الرجال هوما اللي راه يجيهم لوحم و بالنسبة لبنتك الله يحفظها تهبل
صبورة اختك و الله غاضتني مسكينة يجعل ابنها طير من طيور الجنة و الله يشافيها ان شاء الله و ربي يعوضها و يرزقك انتي تاني ان شاء الله
خولة بناتك زادو قبل الوقت و لا واش

بسومة على سلامتك حبيبتي..صح كل من سمع بحكاية اختي غاضتوا..الله يتقبل منكم الدعاء امين يا رب العالمين..

اقتباس:

المشاركة الأصلية كتبت بواسطة alma021 (المشاركة 3528126)

السلام عليكم لبنات واش راكم
مرحبا بيك بسومة والحمدلله على سلامتك
خولة واش راكي دوري هنا وقيلا نهار تجيبي بناتك تخليهم وتدخلي للمنتدى هههههههههه راكي مربيا الكبدة على التجمع باينة
نور صح فطورك وربي يقبل هاكي عمرتي ليسطومة ههههههههه راكي بيان نورمالمون
عبير واش راكي ربي يشدلك في ليلك انشاء الله ولعقوبة للي راه جاي تجيبلنا اسم جديد باش نسرقو عليك
صبورة الحمد لله على سلامة اختك والله غير اتخلعت كي لقيتك كاتبة ماتت فشلت في بلاصتي حتى كملت الجملة باش رجعت فيا الروح ربي يشافيها انشاء الله ويعوضلها
لامياء وامة واترج انشاء الله تكونو بخير

الما حبيبتي واش راكي..اسمحيلي على الخلعة اللي درتهالك....امين يا رب العالمين..الله يعطيك ما تتمناي..

اقتباس:

المشاركة الأصلية كتبت بواسطة مريم13 (المشاركة 3528237)

صبورة الحمد لله على سلامة اختك توحشتك بزاااااااااااااف

عبير انا ناقصة حنان؟؟

جبتيها في الصح ناقصة حنان و كالسيوم

مريم الله يسلمك حبيبتي..حتى انا توحشتك و ديما في بالي و نخمم عليك و على الحمل..

اقتباس:

المشاركة الأصلية كتبت بواسطة مريم13 (المشاركة 3528926)

السلام عليكم
بنات بالاك نغيب عليكم شوية
خاطر رحت للطبيب ولقا البيبي هابط و لاطونسيون ملي كانت تهبط طلعت مرة وحدة 14/9
خاف على البيبي يتخنق راه اعطاني برية طول للمستشفى لازم ندخل تم يتبعوني وكون تطلع يديكلونشيوني وانا قلقانة شوية ادعيولي نتهنى برك وانا بدوري ماننساكمش بإذن الله
نحاول نخبرطك بكل جديد عن طريق نور

مريم حبيبتي ربي يكون معاك و ما تخافيش مادام دخلتي للسبيطار راح يقوموا بك و تبقاي تحت الملاحظة احسن ماتبقاي فالدار..الله يرزقك وقفة ساهلة و تفرحي بشوفة الكبيدة انتاعك و تنساي كامل التعب اللي تعبتيه..