|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
بنات بسأل كيف الولادة بمستشفى الحرس ( بولد فيه على حسابي ) فيه الكمام الأسود اللي يخدر الوحدة وإلا لا ؟؟؟؟ وبكم الولادة عندهم سواء طبيعي أو عملية ؟؟؟؟؟؟
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
تسلميين حبيبتي بوح والله ريحتيني
انا ناويه اشتري الرضاعات وطقم الحمام من الصيدليه اضمن على قولتك طيب بسئلك الحين انا تقضيت من الهرم بلازا والله اشيائه حلوه ومنزل اشاء قطنيه وكم طويل بعد بس ودي اروح اتقضى بعد من سنتر بوينت وستي ماكس شوي منه للنفاس للتقديم على قولتك وشوي لبعد النفاس زوجي يقول خلي بعد النفاس تقضي له لانه بيكبر شوي بس ماودي بعد النفاس بيصير معي مراح اخذ راحتي بالسوق خابره النونو الوالد بس يصيح ووش رايك اروح اشتري شوي له ومذركير مدري يقولون يشمر وتصير فتحت القبه وسيعه مع الغسل والله ملابس سنتر بوينت وستي ماكس روعه ومشكلتي بولد بعز البرد يعني يبي له شتوي بخصوص التخفيضات اشوف هالايام سنتر بوينت وستي ماكس مسوي تخفيضات50% طيب محل الشنط بااي عثيم هل العثيم مول الكبير والا فيه غيره وكم اسعارهم اخبره غالي العثيم والشنط القماش واللي الصنادق المربعه انا ابي اللي مثل كذا طايحين فيها كثير واحس اكشخhttp://www.a22c.com/vb/imgcache/3044.imgcache.bmp انا سمعت انها تنباع بمذركير صح والا لا طيب وين القى محلات مذركير بالرياض بس قريبه من حي السويدي والبديعه بلقى بسلام مول والا لا وبلقى بالبديعه مول والا لا علموني بصراحه رحت تقضيت بس يوم والله لي الحين اربع ايام مااعرف انام او اجلس من الوجع اللي فيني احس كن شي بينزل هذي شكلها وتسلمون يالغالين |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
هلا بك
شوفي انا اقصدي قضي كم شغله لبعد النفاس تعرفين ماراح تروحي لسوق على طول كيف بتروحي لاهل زوجك وانتي ماقضيتي لنونو لاتكثري كم قطعه لطلعه انا اقصد العثيم اللي على شار ع المئه انا اخذت شنطه طلعه لنونو 2 من فل فري على 45كان مسوي تخفيظ الشنطه هذي اللي منزلته بجد حلوه بس من وين هههههههه مذركير بجنب قريب من سنتر بونت بجنب على شارع خريص ان شاء الله ان بقضي لنونو باخر 11 رغم انه بيكون زحمه وغالي عشان عيد الاضحى انتي قضي شوي شوي لاتكثرين الاغراض ترى بعد الاربعين يتغير وبذات اول مولد تكوني متحمسه مثل مولودي الاول هههههههه شلت السوق كله بس افكر المره هذي انتبه وش الاشياء اللي احتاجه اتعلم من نفاسي الول |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
لوسامحتو مستشفى الملك فيصل التخصصي للمولك والامراء والثاني بفلوس
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
اهلين اخواتي حبيبه زوجها الشنطه البلاستيك انا شاريتها من سنتر بوينت وتلقينها عند مذركير وبكل مكان اما اغراض الهرم ماانصحك فيها لاانها مع الغسيل تسيل لان قطنها ماهو اصلي وريحتها تجي معفنه لازم تغسلينها بشامبو البيبي عشانه خفيف
واغراض سنتربوينت لايعلا عليها اناقه وجوده وتستاهل الفلوس وفيه مذركير بسلام مول تحت عند الملاهي ترئ بضاعته جوده وماتخرب من الغسيل بس غالي شوي والى تبي سرير مميز للبيبي تروح ممنون الى بشمال الرياض طريق الامام بعد الرياض غاليري في الجهه المقابله عنده اشياء روعه بس غاليه شوي ومميزه والشناط بكل مكان تلقينها بس ابسالكم بنات انا ناويه اولد بالسعودي البريطاني لانه اقرب مستشفى عندي عند د. فايزه احد جربه وكيف خياطتها ؟ والعنايه بالبيبي؟ |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
والله يابوح الشنطه البلاستك يقولون بمذركير وانا والله مدري
بخصوص الملابس والله ماودي اكثر وبعد النفاس يكبر واتوهق انا ماكثرت من الهرم اخذت شوي بس بس بغسلها بمويه وصابون الوزير على قولت البنات والله يعيني على الكوي انا ساكنه بالبديعه واقرب مالي البديعه والسويدي وين القى مذركير غير طريق خريص والعثيم اللي قلتي عنه هو نفسه اللي جددوه اللي مثل السفينه والا اللي صغير وفوق العاب وتحت بنده وكم محل وبعدين نصيحه تقضي لو شوي الحين مسوين تخفيضات وقبل ماتثقلين انتي بااي شهر الحين انا الحين باقي اسبوع ادخل الثامن ومن الحين ثقيله مااعرف امشي كثير الله يستر مااولد قبل حلي |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
مشكوره اختي همس
بس شريت من الهرم بس ماكثرت وقالوا لي البنات اغسليها بمويه وصابون الوزير المبشور انا كنت ناويه اشتري من سنتر بوينت ومذركير وستي ماكس بس قلت بالنفاس قبله ملفوف محد بيشوفه اهم شي طقم التقديم شريته فخم وبعدين النفاس بيطلع كله ريحه مثلي خابره الحلبه وغيرها وزوجي محذرني مايبي خساير يقول ورانا مصاريف وانا والله مو ناقصه انكد على نفسي يكفي نفسية الحامل ورجلي مايحتاج ناااااار شاااااااااابه مايتحرك بس انشاءالله بتقضى من سنتر بوينت وستي ماكس لبعد النفاس والا مذركير اللي جربوه يقولون مع الغسل تتوسع القبه فتحة الرقبه وتنكمش وتطق بسرعه مع الغسل بس سنتر بوينت وستي ماكس يمدحونه طيب بسئلك بلقى بسلام مول هالشنطه لانه قريب من بيتي واشوف هالايام مسوين تخفيضات على سنتر بوينت بس اللي قبال بيتي انا شفت اللي جنب اسواق الرياض الدولي بس مدري عن فرع سلام مول ماتدرين مخفضين والا لا وبخصوص المستشفى مااعرف عنه شي ياعمري الله يهون عليك وعلي ويقومنا بالسلامه |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
الله يهوووووون على الجميع
انا لي يومين داخله الثامن وماجهزت ولاشي بجهز على اخر الثامن ان شاء الله يعني على زحمة السوق للعيد هههههههههه عاد تعالي شوفي النفسيه انا أخرتها شوي عشان اتسلى ومنها اتمشى ويروح عن بعض الوقت اللحين الحمدلله وضعي تمااااام |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
الله يهون علينا ويسهل ولادتنا ويقومنا بالسلامه ياااااااااااارب
ادعولي يقبلوني الجامعي بكره بيروح لهم زوجي يشوف قبلوني والا لا لو ماقبلوني مالي الا الشميسي والله بموت من الخوف كلن يذم الشميسي |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
ان شاء الله تتيسر اموركم ويكتب مكان فيه خيره لك
ا |
| الساعة الآن 11:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .