|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
يا هلا ام يونس
بالنسبة لرعاية انا جربتها تقريبا ٣ مواعيد بس ،، لان ما كنت اراجعهم من بداية الحمل ،، ومررررة كويسين .. وشغلاتهم بسرعة تخلص ،، يعني بسرعة ينادونك تدخلين للدكتورة ما يطولون واذا السالفة فيها تحليل او تصوير ،، نفس الشي ما تنتظرين كثير .. هذا غير ان الدكاترة فيه مررة حبوبات ،، انا جربت دخلت مرتين عند د. رنا ومرة وحدة عند د. فادي والاثنين روعة واسلوبهم مريح ويطمن ،، هذا بالنسبة للمراجعات اما الولادة فصراحة ما جربت ،، بس اللي سالت عنه انه مررة كويسين ،، رغم ان وحدة من قرايب زوجي قالت لي انها تبهدلت عندهم لان من حظها انه كان عندهم زحمة مرررررة في التوليد وقت ولادتها وما كان فيه مكان تطلق فيه ،، وجاتها الولادة وهي بالسيب عند الويتينج ،،، خوفتني حبتين ،، بس قلت خليني اتوكل على الله ،، اذا بتسالين الناس وحدة وحدة مافيه مستشفى يمدحونه كل الناس لازم فيه وحدة ع الاقل تذم فيه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
ام يونس ... ما عندي فكره بمحلات الخبر في بنات أعرفهم يمدحون طابا
بس انا ما أثق في ذوقهم لانهم عاديين جداً .. ولابعمري دخلته طابا ومقدر أقولك اذا حلو والا لا عندك واحه الجلابيه حلوو بس أسعاره لك عليها يعني من 200 وطالع ما يعترف بـ 100 ابد.. حاطه عيني على واحد عنده تقريبا 300 ابيه للاستقبال طبعا غير الي جبتهم من الكويت الكويت مرررره يجنن شغلهم وخامتهم تجنن يعني مؤ حسوفه ابد للاستقبال بس اما اذا مافي ناس البس أشياء عاديه للبيت واهم شي تكون بارده وقت ولادتي بالحر والرطوبه يعني لازم أشياء بارده الله يعين بس |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اي ام يونس هذا هو الي كله قزاز وتشوفين الارض تحتك خخخخخ
انا مااحب الاماكن المرتفعة تخيلي تطيح من حظي يوم ركبتها وانتي معاي >> نحيسه هههه كلها قزاز يمممممه تخوف لا ان شاء الله ما اركبها |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
يارب رحمتك .....
وش هالغبار الي جانا وربي انكتمت موقادره اتنفس زين وذبحتني الكحه الله يستر |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
loly
صادقه غباآآآآر - وعواصف ياآررب رحمتك |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
يقولون والله اعلم بتستمر يومين " الأحد والاثنين " >> الأرصاد الجويه
اذا عندكم اطفال يدرسون نصيحه لايداومون لان الغبار مره قوي ويقولون راح تجئ موجه أقوى الفجر " الله يرحمنا برحمته لاتستنوا يعطونا اجازه لأنهم ماراح يتعبون مع عيالنا ولا راح يتعذبون معانا الله يستر .. عن نفسي عطيت ولدي اجازه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
الله يحمينا شرهاا ياا رب
الله يستر كيف بداوم بكرة ،، وعندي اختبار كمان |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
الله يستر عليك هنوسه
تدرين لو ضروري تروحين البسي تحت الغطاء كمام اشتريه من الصيدليه عشان لا يتعب صدرك وتتأزمين |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
موفقه هنوسه بإختبارك
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
انا خشمي يصفر من الغبار هههههههه ومافيني صوت وكحه وحساسيه من قبل الغبار بثلاث ايام عاد نبهت الكل ان بيجي غبار
اصلح اشتغل مع الأرصاد هههههههه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
وبقووووووه ههههههه
سلامتك والله من الحساسيه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
الله يسلمج هههههه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
سلام بنات كيف حالكم وايش اخباركم ويا الرياح الغابره الجو مره سيىء الله يستر وعيالي بغيبهم اليوم وانتي كمان هنوسه لاتروحين اليوم اجازه من عندي تسلمين على ردك لرعايه عاد انا فكرت اروح مره واشوف كيف ومثل ماقلتي كل مستشفى له عيوبه ....لولي تسلمين عن على ردك للمحلات عاد طابا انا ماحبه لانه مره كبير وتحوسين الين تحصلين الغرض بعد طلوع النفس مع انه فيه اشياء احيانا زينه ....عاد شكلي انا وهنوسه سوا بنفس الشهر تخيلي عاد نلتقي في غرفة الولاده سوا هههههه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
السلام عليكم صبآح الخير ياحلوات ..
أخباركم .. وكيف البيبيات .. والله يكفينا وياكم شر هالغبار ... هنوسه تسلمين ياقلبي ماتقصرين كلك خير ^,^ .. وبعدين يالدوبه خليتيهم بنات و اولاد عندي ههههههههههههههههه ماعندي الا بنت وحده و ولد واحد ^_* ثنين بس عيالي ... المهم و الله محتاره متحمسه للأثنين ياعمري واحد فيهم بينكسر خاطره .. الله يكتب اللي فيه الخير .. loly هلا حبيبتي دوووم يارب النونو بخير . بالنسبه للمطعم المعلق صح النوم ياحياتي , هو كان على الواجهه بالخبر وكان تبع ملتقى شباب الخبر وقفل معه .. يعني مو مطعم اساسي .. خاص بالملتقى بس .. خيرها بغيرها السنه الجايه ركبوا فيه مع النونو مره وحده , وبالنسبه للمستشفى اسطون تغير كثييييير عن اول .. انصحك بالرعايه حتى في مراجعة الحمل كملي مع بروكير الرعايه .. وبالاول والاخير استخيري قبل كل شي .. أم يونس ,, نورتي التجمع ياهلا فيك و الله .. اخبارك مع الحمل وكيف البيبي .. كم شهر لك ..؟ |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
صباح الخير
مدلعه والله انا من زمااااااااان عن الخبر يا قدمي بس سمعت عنه يمكن اخر مره جيت الخبر بشهر 11 لا ان شاء الله لا هالسنه ولا الي بعدها مابي اركبه زوجي يمكن أخباره قديمه هههههههه على باله مطعم اساسي |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اهليييين يسعد صباحك حبيبتي ,,loly
ههههههههههههههه يمكن شافك تعبانه ويبي يغير جوك ... بصراحه غريبه انك ماجيتي الخبر من زمااان , مافي مسافه طيب ,اقلها مفروض تجين العزيزيه وتشمين ريحة البحر وتطير لك الوحم بسرعه هههههههههههههه .. تصدقين مادري ليه اهل الخبر مايحبون يجون الدمام واهل الدمام مايحبون يجون الخبر .. مادري وش السالفه .. |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
لالالالالالا حرام عليك انا وحده مجنوووووووووونه بالخبر
بس عشان دوام زوجي هو موظف في حديد سابك بالجبيل ونظام شفتات صعبه كل مره أجي للخبر واحيانا انزل لأهلي بالجبيل يعني الظروف ما سمحت وزوجي ما يحب الخبر يقول زحممممه يقول أوديك المريخ ولا الخبر ما يحب زحمتها وبالنسبة للعزيزيه جيتها بدايه وحامي وعليهاااا |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
سلام كيفكم مع الحمل ؟؟
بنات من افضل دكتورة في مستشفى بالمانع بالدمام لاتقولون زينب لاني ماعاد القاها في محلها هنديه مدري هي كويسه ولا لا |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
مررررررحباا بناااات
ام يونس يا هلا فيك والله صادقة مع الغبرة اصلا انتوا متخيلين العباطة ما اعلنوا ان فيه اجازة الا الساعة ٢ بالليل !!!!!!!!!!!!!! مين صاحي لكم ،، قمت الصباح وجهزت وانتظرت السواق والا ادق عليه يقول مافيه دوام ،، على طول زوجي استاذن من الشغل وطلعنا افطرنا ههههههههههه ولووو حبيبتي العفوووو ،، انا كمان ما رحت الرعاية الا عقب ما سالت ودخلت هناك شفت غرف الولادة والحضانة بنفسي عشان اتطمن ... والحمدلله ارتحت متى موعد ولادتك انتي ؟؟ مدلعة ،، مدري والله ،، المهم ان عندك كتاكيت غير اللي ببطنك ،، الله يخليهم لك جميعاا هم وابوهم . لوولي ،، منورة التجمع عزيزتي .. بنت القطان .،، مدري ليه انبسط لا شفت اسمك ،، فيك ريحة الحسااا وجوهاا hwaml93 بيرين .. مدري والله عن المانع ،، ما احبه ولا افكر اراجع فيه ..... بناااااااااااااات .،.،.،.،.، راح اغير شقتي ان شا الله مع موعد الولادة ،، راح ننقل شقة ثانية .،.، ومحتارة في صبغ غرفة النوم ،.،. اخليه شامواه ،، والا فيلفيت .،،، وانا افكر اصبغها اوف وايت على توتش ذهبي ،،، عاجبني هاللون مرررة راايق لغرفة نوم ،، وما يقيدني في لون المفرش اذا باغيره ... |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
Perrin
ما عندي فكره عن مانع الدمام هنوسه لا تذكريني تأزمت وانا أصبغ شقتي قبل مانسكنها اوووف طلعت روحي واغلب المحلات فيها نصب ينرفزوووون اخر شي صبغ زوجي لون واحد سااااده الا مجلس الحريم صبغته فيلفيت والكل انهبل عليها وغيروا صبغهم وحطوا مثلي انا انقهرت والحين ودي اغير بس مالي خلق .. وغرفتي لون مشمشي مرررره هادي وحلوووه راااايق>> غصب تمدح غرفتها ههههههه ناويه اجدد ببيتي بس زوجي صعب يرفع الضغط كل شي لازم يعاند الله يعين |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
عساج دايم تنبسطين ياهنوسه (:
حلو الاف وايت مع الذهبي ماراح يقيدج بالمفرش وكلما كانت الألوان هاديه كان أحلى |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
صباح الخير
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
يسعد صباحكم
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
صبآحك آسعد لولي
ليه ما عندك شريط حمل ،، ؟؟؟ |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اممممم مدري ما فكرت فيه هههههه
وماعرف اسويه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
ههههههه
طيب باي شهر انتي ؟ |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
على كلام الدكتوره أتوقع أني دخلت السابع توني ببدايته
يووووه ذبحتني الكحه والزكام حلقي حده ملتهب الله يعين |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
مساآء الخيررر حبوبات
اخباركم - واجازات اخر الليل حلوة ههههههههههههههه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلابك نجمه في السماء
تمام انتي كيفك وكيف الحمل معاك |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
لولي
بما انك مولدة قبل ،، كم يوم يقعدونا بالمستشفى ؟؟ |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
تمآآم الله يسلم عمرك - loly
هذانى قاعدة اتدربى مع الكرشه الله يعين ع الثقل بعد هالاسبوعين - |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
السلام عليكم كيف كل الكروشات وكيف بيبياتكم عساكم بخير ونعمه سامحوني ودي ادخل وانتوا موجودين بس والله عيالي مو معطيني فرصه اجلس علنت واخر الليل ابو الشباب ...
مدلعه المنتدى منور فيك حبيبتي وفي اهله .خوفتيني من اسطون تغير للاسوى تقصدين بس انا اشوفه للافضل لانه الحين غيروا ديكوره صاراحلا وخدمه حلوه فيه ورعايه تنومت في بداية حملي عندهم تعبت شوي بس والله رعايتهم لي مره حلوه واهتمام لكن عن الولاده فيه عاد ماادري بس سالت صديقاتي ولدوا عندهم يقولون زين وكل وحده لها غرفه لحالها للولاده غير انه الدكتوره هيه الي تولدك لكن رعايه سالت يقولون اذا مو دوامها يولدوك القابلات او دكتوره الي مناوبه والله اعلم.. اما اخباري مع الحمل عاد يبيلي اذانا صاغيه هههههههه مره متعب حملي الله ياجرنا والحين احسن وانا ياعمري في وسط السابع الله يسهل لي ولكم .. |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هنوسه
تقريبا يقعدونك يومين ام ثلاثه على حسب واذا قيصري يقولون 4 الى 5 ايام بس أتوقع مع الزحمات الحين بالمستشفى صاروا بعض المستشفيات يوم والثاني طالعه بس على حسب لو انتي محتاجه متابعه بالمستشفى وتعبانه يجلسونك أنا بعيالي ولدت بمانع الجبيل اجلس تقريبا 3 ايام وازن عليهم يطلعوني اطفش هههههه نجمه الله يهون عليك وييسر ولادتك |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
ام يونس
الله يهون عليك ويسهل ولادتك بصراحه الوحدة ماعاد تدري اي مستشفى تروح وشنو تسوي ناس تذم وناس تمدح والله احترنااا |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
لولي كيف الحال اليوم والله انا مستغربه منك ماتجين الخبر لا وزوجك يقول زحمه الخبر لا ياعمري عاد الزحمه في الدمام معروفه يوم اروح الدمام اروح مصدعه هههههه عاد الخبر احلا بكثير من الدمام ...
هنوسه كيف الحال بصراحه انا افضل انك لاتنقلين الحين خليها بعد الولاده افضل لاني انا جربت بس اغير في ديكور البيت والشهر الفايت والله مره تعبت كيف لانقلت ...اما عن الصبغ انا احب الديكور والصبغ الاجنبي لانه هادى ومريح للعين انا مغيره غرفتي الشهر الفايت الصبغ خليته ابيض مطفي مع طبعات اوراق العنب لؤلؤي مره خطير وهادى وكل الالغرفه مغيرتها من ايكيا وحطيت لحاف اخضر عشان يبرز مع الديكور الابيض طولت عليك بس حبيت اعطيك فكره بصبغ كل ماكان هادى لغرفة النوم كان احلا.. برين هلا فيك انا بصراحه رحت بدايه حملي المانع بس الي في الخبر ماارتحت لهم وجزارين مع انه عندي تامين بس تدفعين كثير هنا وهناك |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
بنات ودي اسوي شريط حمل وامس حاولت وماعرفت هههههه اختكم مو فهيمه كثير علموني كيف اسويه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا لولي كيف الحال والله صادقه انا عن نفسي احترت وكل مستشفى فيه علته وانا محتاره مابين رعايه واسطون انا الي محببني في اسطون الدكتوره الي اراجع عندها يمدحون فيها
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
نجمه الله يهون عليك الثقل ويجعل لك ساعه طيبه واحنا معاكي يارب والله انا كمان بدا الثقل معاي من دخلت السابع الله يسهل..
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اليوم فاضية لكم زوجي عنده موعد لاسنانه وبعدها رايح الجبيل والغداء الله يعافيه جاب لي من المطعم وراح الله وياه ..يعني مريحه اليوم.
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
ام يونس والله الدمام تطفش وربي ودي اطلع منها وأروح الجبيل مكان هادي وراقي ويجنن
وبالنسبة للخبر كنت قبل حملي أجيها كثير وكل مره اكتشف شي جديد فيها وتعجبني حيل بس زوجي ما يطيق الزحمه ويجلس يتحلطم يكرهك بالطلعه هههههه وبالنسبه لشريط الحمل ماعرف |
| الساعة الآن 11:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .