رد: دردشة حوامل المغرب المغتربات
 

رد: دردشة حوامل المغرب المغتربات
 

رد: دردشة حوامل المغرب المغتربات
 

مساء الخير.الله يكمل عليك بالخير............
فعلا شعور زوييييين بزااااف انا ليا دابا 17 يوم باش بديت كنحس بالحركة ديال البيبي في الاول بدا خفييييييييييييييييف و دابا بدت الحركة كتكترو كتقوى شوية.الحقيقة لهلا يخطي علينا ركيلاتو

رد: دردشة حوامل المغرب المغتربات
 

الله يبارك فعمركم أخواتي :أم الخلفاء و أم صيصة و أم ريان و رنية،وشكراً جزيلاً على ترحيبكم بيا،أنا من المحاميد، كيدايرين مع الحمل والثقل،كاين شي تفركيل ولا وليداتكم نعاسين،عرفتو جنس الجنين ديالكم ولا مزال؟

رد: دردشة حوامل المغرب المغتربات
 

اسمهان وام وصال دخلو معانا للكروب فالامسن نهضرو مجموعين راه الاخت نور صفطاتو لكم فالخاص

غير دخلوه للامسن عادي بحال اي اميل

راه حنا تما مجموعين عطيينها للجماعة هههههه

كديرين بعدا لباس عليكوم

مبروك عليكوم الاحساس بحركة الجنين عقبا لما تشوفوه بحول الله

رد: دردشة حوامل المغرب المغتربات
 

رد: دردشة حوامل المغرب المغتربات
 

صباحكم سعيد
الف مبروك عليكم هدا الاحساس الرائع ربي يكمل بالخير مزال مني تشوفوه بعويناتك غادي تخلط عليكم المشاعر بكيان مع ضحك مع لخلعة مع كلشي كيما حصل ليا في الولادة الاولى سبحان الله الامومة الحقيقية كتفجر مع ولادة البيبي كاين احساس اخر ميحس بيه غير الي مجربو جميل و سبحان الله كانك وليتي واحدة اخرى ربي يوصلك للحساس ده

رد: دردشة حوامل المغرب المغتربات
 

يلاه انا فتح دفتار الحضور الي دخل يسجل و يمضي و يكتب لينا شي دعاء زوين نبداو بيه يومنا
ام صيصة حاضرة
امضاء : http://forum.hwaml.com/imgcache2/hwa...514342_251.jpg
الدعاء:
http://forum.hwaml.com/images/smilies/rose.gifhttp://forum.hwaml.com/images/smilies/rose.gifدعــاء يفضــل قولــه بعـد كـــل صــلاهhttp://forum.hwaml.com/images/smilies/rose.gifhttp://forum.hwaml.com/images/smilies/rose.gif:-
**اللهم ان كنت قدرت جنينا في بطني , أسألك أن تجعله سليما معافى من كل عاهه وبلاء , وأن تجعله في أحسن صورة, اللهم واجعله من عبادك الصالحين , اللهم وأنبته نباتا حسنا , واجعله من حفظة كتابك بمنك ورحمتك وعفوك يااللــــه.

**اللهم اني استودعك ما خلقت في رحمي يا من لا تضيع ودائعه, اللهم احفظه,واجعله سليم معافى لا زيادة في خلقه ولانقصان

رد: دردشة حوامل المغرب المغتربات
 

ام الخلفاء حاضرة

الدعاء

اللهم اني اعيد مافي رحمي بكلماتك التامات من كل شيطان وهامة ومن كل عين لامة

اللهم ارزق كل محرومة يارب

امين امين امين

صباحكم مبروووووووووووك

رد: دردشة حوامل المغرب المغتربات
 

رد: دردشة حوامل المغرب المغتربات
 

الف مبروك اخت نور القمر وعقبال تحتفلي بيه 100 عام ان شاء الله
وانا كدلك حاضرة بدعاء
ربي لا تذرني فردا وانت خير الوارثين
ربي هب لي من لدنك درية طيبة انك سميع الدعاء
ربي هب لي من صالحين

رد: دردشة حوامل المغرب المغتربات
 

اخوات انا باقي يالله شهراين ونص عندي باقي حتى دقات قلب متنحسش بيهم شيمرات تيجيني قلب كيضرب وتنكدب راسي تنقول باقي طبيبة قالتلي حتى ديري 3 شهور وقتاش حسيتو بيه نتومة
وحتى الحركة وقتاش حسيتو بيها كنتمنى فوقاش يوصل ديك نهار وخصوصا نهار لي نشوفو هدايا يا ياههههههههههههههههههههههه احساس فن غيكون

رد: دردشة حوامل المغرب المغتربات
 

اللله يكمل عليك بالخير
حبيبتي ام ريان راه القلب لازم يكون تكون و كينبض في شهرين و انت مغاديش تحسي بيه غير في ليكو غادي يبان ليك شيحاجة كتلعب هو هداك
اما الحركة على حسب كل وحدة ممكن في اخر الرابع و ممكن في الخامس تحسي بركيلات خفيفة
و كل ما يتقدم في الشهور كتقوة الحركة

رد: دردشة حوامل المغرب المغتربات
 

نور القمر مالكي غبرتي علينا راه كنتونسو بكتاباتك
الاخوات طمنونا عليكم ؟؟؟؟؟؟؟؟؟

رد: دردشة حوامل المغرب المغتربات
 

كنتمنى تكونو كاملين بخير و على خير بغيت ناخد الرأي ديالكم باش نختار سمية زويونة لبنتي أنا محتارة و كنتمنى تعاونوني اللي كتعرف فيكم شي سميات زوينين تكتب ليا
أختي نور القمر أنا حاولت ندخل داك الإميل ولكن ما بغاش كون تعاودي تشرحي ليا كيفاش ندير ليه و شكرا بزاف أ تبقاوعلى خير

رد: دردشة حوامل المغرب المغتربات
 

سلام اخوات لباس عليكم عواشركم مبروكة اخت شهرزان حتى انا حايرة بلحق في اسم ولد انا باقا معرفاش شنو عندي لكن الى ولدة بنت نسميها رانيا اما ولد حايرة كنت باغا نسمي محمد ريان مني جات شحباتي 2 سماو هاد يميا ولد خالي كدلك كلشي سماها كترت بزاف اوا قلت نبدل وكل نهار تنقلب عجباتني لحد الان اسم لؤي ولقيت انه اسم احد من اجداد رسول صلى الله عليه وسلم وهو اول واحد سمى يوم الجمعة حيت كانت اسمها العروبة كانت عاجبني ومني قلبت علىيها ولقيتها سمية جد التامن لرسول الله تحمست اكتر والله واعلم واش نسميها ولا لا شنو رايكم في لؤي ورانيا
اما اسماء بنات اختي انا ليكيعجبوني افنان و الاء مدكورين في القران. ريما .دينا .روية .لوجين

رد: دردشة حوامل المغرب المغتربات
 

رد: دردشة حوامل المغرب المغتربات
 

السلام عليكم ورحمة الله تعالى وبركاته في البداية احب ان اشكر صاحبة الفكرة ام صيصة وكل الاخوات المغربيات المغتربات والغير المغتربة واسئل الله ان يثبت حملكم ويرزقكم الدرية الصالحة امين انا اختكم من المغرب عندي طفلين بنت وولد والان انا حامل في الشهر 3 اسال الله ان يسهل ولادتنا وان يجعل هدا التجمع تجمع خير وان نستفيد من بعضنا ويكون لي مكان بينكملانني حتى انا الاهل بعيدين عني انا اسكن في مدينة القنيطرة والاهل في سيدي قاسم

رد: دردشة حوامل المغرب المغتربات
 

السلام عليكم خواتاتي

مرحبا بالاخت معرفة بينتنا

سمحو ليا غبرت عليكوم حيت كنت عيانة شوية واحد الرجل قاتلاني مشكيت عليكوم وزتها تا بشي وجع تايجيني هاد الايامات
نسئل الله السلامة

نور الزنتوش سمحي ليا مباركتش ليك داك النهار على دكرىالخطوبة
ربي يسعدك ويخليكوم ديمة مجموعين


الاخوات لخرين كديرين توحشتكوم كاملين

يلاه اشوفكم احبكن في الله

رد: دردشة حوامل المغرب المغتربات
 

مرحبا بيك اختي معرفة و الف مرحبة
الله يكمل ليك الحمل على خير و يبارك ليك في طفليك نتمنى تدخلي و تستافدي معانا بارائك شاركينا و نشارك بعضيتنا المعلومات
و اهلا بيكي بين اخواتك

رد: دردشة حوامل المغرب المغتربات
 

مبروك عليك العروسة الله يحفضها ليك

الاسامي بزاف زوينين
نور
حنين
منة
ميار
ملك
لوجين
جنات

رد: دردشة حوامل المغرب المغتربات
 

السلام على جميع الامهات الغاليات.كيف دايرين لاباس عليكم نتمنى تكونو في اتم الصحة و العافية.اختي المعرفة مرحبا و الف مرحبا بيك بيناتنا.نتمنى تستافدي و تمتعي معانا
اختي نور انا ماوصلني حتا حاجة على الخاص بخصوص الكروب اللي دايرين .عافاك عاودي صيفطيه ليا ندخلو عندي في الامسن .و شكرا

رد: دردشة حوامل المغرب المغتربات
 

سلام عليكم الاهوات مرحبة بالاخت الجديدة معانا والله يتمم حملك وحملنا على خير تقريبا انا وياك بحال بحال غنولدو في اخر شهر ماي ان شاء الله
واخا فيكم الاخوات تاوحدة مقلتلي رئيها في اسماء لي ختاريت واش مزيانين ولا لا زعما كنشاور خوتاتي الى كانت بنت انشاء الله رنيا والى ولد باقا حايرة مابين ريان ولؤي ريان كلشي ولا مسميها ورجلي مبغاش الى عجباتكم كولولي راه لؤي اسم جد التامن لرسول الله وهو لي سما يوم الجمعة حيت كان عندها اسم العروبة بفتحة فوق العين وكان معروف بالحكمة الى عندكم اسماء جديدة قولوهالي ومتنساوش رئيكم في اسماء لي ختاريت

رد: دردشة حوامل المغرب المغتربات
 

السلام عليكم الحبيبات اشكرك اختي ام الخلفاء على الترحيب مايكون عندك باس الحبيبة الله اشافيك حاولي تدلكي رجلك بزيت الزيتون فهي مفيدة واشكر اختي ام صيصة الله يجمعني بكم في الجنة امين واشكر اختي ismahan2000 واختي ام ريان هدا معروف على خواتتي المغربيات الجود والكرم نفعنا الله بكم اما بالنسبة لاختي ام ريان ورنيا

اختاري هده الاسماء للدكور ادا اعجبتكي

ادام حمزة احمد توفيق بدر ايمن

رد: دردشة حوامل المغرب المغتربات
 

شكرا اخت معرفة على الاسماء لي عطيتيني

رد: دردشة حوامل المغرب المغتربات
 

شكرا اختي أم صيصة عجباتني بزاف ملك و جنات وراجلي بغا يسميها سلمى المهم حنا باقين فمفاوضات من هنا 3 اشهر و ناخدو قرار أخير
أختي أم ريان و رانية هي فعلا إسم ريان ولات بزاف أنا تلاقيت واحد البنت مسمية وليدها عمران حلوة و ماكيناش بزاف و زيد كاين حاتم وليد عدنان مالك بدر علاء عطا الله الخير

رد: دردشة حوامل المغرب المغتربات
 

رد: دردشة حوامل المغرب المغتربات
 

شكرا اخواتي على اسماء زوينة لي عطيتوني لكن حتى وحدة مفلتلي رايها في اسم لؤي واش زوين ولا لا واخي حنا مغاربة معمرني سمعت شيحد مسمي هاد الاسم
اخوات عافاكم بغيت لي كتعرف في رباط فين كيتباعو ملابس الاطفال ولوازم ديالهوم شي حاجة زوينة باغا نمشي لمغرب وكلت نشري من تما حوجات هنا غاليين بزاف وكاين شي حويجات تيديروهوم فلمغرب زوينين

رد: دردشة حوامل المغرب المغتربات
 

السلام عليكم
اخواتي اشخباركم ليوم ان شاء الله تكونو بخير و الحمل ماشي على خير
ام ريان و الله اختي ما هملت اساميك بالعكس عجبني اسم رانية و ريان ماشيين مع بعضياتهم
و لكن حتى لؤي زوينة معروفة عندنا هنا عند الشرقيين كيسموها بزاف
و كاين لبيب - انس- عمر و يوسف و حمزة و عماد و الياس هو نبي من انبياء الله
و انت لك الاختيار اما اماكن في الرباط فكايم في شاريع محمد الخامس محلات ماركة مزيانة من ا للياء و كاين و حتى في سويقة لداخل بزاف و في واحد السنتر معقلتش سميتو راه مورا الساعة لكبيرة الي في الشارع الي فيه لبرلمان
الاخوات الي دخلو في الاول معادوش دخلو الله يسمعنا اخبار خير عليهم

رد: دردشة حوامل المغرب المغتربات
 

السلام عليكم كيدايرين ومرحبا بالاخت معرفة
الاخت ام ريان ايطالياا فيها احسن ملابس الاطفال وكاينين محلات لا غالية لا والو اما المغرب هياا نفس المحلات الاوروبية تتكرر وانشريهاا نفس الشي غالية فانتى دوري مزيان كاينتين محلات فرنسية وايطالية انا ولدي ماعمري شريت ليه ابداا من المغرب لانو الحوايج هناا زوينين
بحال داباا جاي الصولد خودي لوازم الطفل الي تخصك لانو الوان منوعة يلبسهاا ولد وبنت في وقت الولادة سيري ضربي ضريبة ف كيكو الي هياا تشيكو تيقولوا ليها بالفرنسي وخودي التوتات ديال الزيادة في الصولد فنين وفي كل الالوان وشي حاجة زوينة

رد: دردشة حوامل المغرب المغتربات
 

salam 3likom alah ya3ti saha ali darat had atajamo3 walahila makrahtch hata ana ankon ahna am3akom d3iw am3aya alah ikhalikom ana daba les regl hadi chi 37yom ochi tlata nadyal aqlmarat o ana kandir tahlila akhoti omakayan walo walahila ghadiya nahma9 ewa gher ad3iw am3aya anchelah hata ana ankon am3akom ahnaya

رد: دردشة حوامل المغرب المغتربات
 

شكرا اخت ام صيصة على اسماء زوينين وعلى رايك في اسمائي وحتى على المحلات
اخت دولتشي عندك الحق حويجات هنا زوينين لكن كيما قلتي خص وقيت افيرطة وانا حويجات المغرب مبغاش نخد منهوم توتات ولا ملابس عادية نشريهم منهنا حسن انا باغا نشري شي حاجة لي مكلقاهاش هنا وحتى الى لقيتها كنلقاها من 100 اورو ولا 50 اورو بحال متلا لي كتحط فيها رضاعة ولتروس وسلة وفوطات صغار في المغرب تتلقاي اشغال يدوية ومشيبين انصونبل واحد هنا كاين صاك لي كتشريه مع كروسة وحتى ديال رضاعة لكن بغيت شي حاجة لي مكيناش هنا وزوينة انا عطيتك فقط متل لكن كاين بزاف حوايج اما ملابس عادية نشريهوم منهنا وكتلقايهم قطن مزيانين وشكرا

رد: دردشة حوامل المغرب المغتربات
 

اخت كريمة مرحبابيك معانا متبرزطيش راسك بزاف صبري ونساي الموضوع وانشاء الله يرزقك بالدرية الصالحة انا عاماين ونص مجابش الله وكنت تنتعصب في الاول خصوصا انا جاراتي كلهوم ولدات هالي حاملة هالي يالله ولدات وكنت تنصبر وتنقول ياربي الى حتى انا متحرمنيش من هاد النعمة وكندعي وتبعت عند طبيبة وكلشي تيقوقولي نورماب ومكين والو حتى بغا الله وحملت ومكملش عليا الله وطاح وصبرت وتنقول ياربي هاد صبر ديالي الىما عوضني بيه خير والله مع الصابرين ودوزت اربعة اشهر وحملت بعد ماطاحلي اول والحمد لله الله يتبت حملي يارب ويرزقك الله بالدرية الصالحة دائما دعاء استغفار ماشي كل شهر تعطل عليك تديري تحليلا تعقدك هاكداك خصوصا الى مولفة ماشي مرة ماشي 2 كتعطل عليك هادا كيعني معندكش منضمة وانا كنت هاكداك نصحك نصيحة الى كانت ممنضماش عادة شهرية سيري عند طبيبة وكوليها تعطيك ديري تحليل ديال هرمون الحليب اي prolatine _fsh_lh قليها تديري هاد تحاليل بتلات هما هرمونات كديريهم تحليلات بدم انا كان هندي سبب بسيط هرمون حليب طالع والى كان طالع راه المراة مكتولدش وكتخربقلها عادة شهرية وحتى بزازلها كيكونو كبار شوية على المعتاد وانشاء الله يكون الخير انا قريت هاد تحليل غير فانترنيت ومشيت درتهوم ولقيت سبب منهوم وشرب دواء شهر وحملت المرة الاولى والمرة تانيا مشربتوش حيت تنضمت عندي

رد: دردشة حوامل المغرب المغتربات
 

salam lbnat bladi lghalyatt ana ilhame men oujda whada awel nhar 3endi flmontada ana kanstena bébé wana f simana 7 netmena rebi ytebet hmelna wy3ewed khir 3la khowatatna

رد: دردشة حوامل المغرب المغتربات
 

khti karima ga3 mat9el9ich hta ana w9e3li bhalek wakha ghi 3 mois mnin ntzewejt wchher lifat jatni les regle 3adi mais 9lila wlounha mekhtalef golt safi walakin rebi kremni wkanet ferha kbira mnin doctora gatli raki hamla wana kont hasba ghi lberd 2eter fiya..yj3el rebi tferhina wtgoulina lmera jaaya raki hamla

رد: دردشة حوامل المغرب المغتربات
 

السلام عليكم يا كروشات المغرب انا جديده بالموقع واتمنى لكم صحه والسلامه وربي ييسر ولادتكم يارب وانا حامله بالاسبوع الاول من السابع

رد: دردشة حوامل المغرب المغتربات
 

مرحبا بالاخوات الجداد والله يتبت حملكم يارب

رد: دردشة حوامل المغرب المغتربات
 

ربي يخليك ام ريان وراينه فين لبنات ناعسين ولا مالهم

رد: دردشة حوامل المغرب المغتربات
 

مرحبا بالاخوات الجديدات متاخدونيش على لغبور ديالي راني كنوجد

لوراق باش ننزل المغرب السيمانة الماجية انشاء الله وشوية كرشي هاد الايامات متعباني بلوجع راجلي تخلع بغا غير اصفطني عند امي

مسكين امي فامور لعيالات ههههههههههه وكيخاف بزاف الى شفني تنتوجع

تهلاو فريوسكوم بزاف ودعيو معايا نوصل بخير للبلاد

غدي نتوحشكم

احبكن في الله

رد: دردشة حوامل المغرب المغتربات
 

اختي ام الخلفاء انتي اتولدي في المغرب ووراق الولد راه غادي ياخد وقت وتبرزطي علاش ماتولدي فين كاينه عاد تسالي الاجراءات وسيري المغرب الله يسهل ولادتك يارب