رد: خدمه..من تشرح ولادتها الطبيعيه بالتفصيل الممل جدا جدا
 

الله يسهل على كل حامل ويقومها بالسلامة
انا ياقلبي كل ولادة وليها حكاية
((الولادة الاولى))
اخر يوم في الثامن 30\2\1428 تعبت وحسيت بدوخة استأذنت من المدرسة(طالبة ثانوية عامة) ولما رحت البيت دخلت الحمام وانتو بكرامة لقيت افراز معاه دم خفت وصرت ازعق وانادي زوجي وطيراااااااان على المستشفى قالت الدكتورة الرحم مفتوح 2سم وقالت امشي بعدين تعالي والله مشيت تقريبا 3 ساعات ومافي لا الم ولا شي وبعدها رحت قعت عند ماما يومين مدري 3 خفت لا تجيني ولادة ومافي احد معايا لان دوام زوجي شفتات وكمان غبت عن المدرسة وهاتك يامشي واكل تمر وشرب حليب مافي شي رجعت لبيتي وكل يوم احس بالم الطلق وعلى المستشفى وكل ما اروح تقول الدكتورة طلق كاذب وادتني مسكن والله قرفت وتعبت وياقلبي تعبت ماما وزوجي معايا ولاني بكرية ما اعرف الفرق بين الطلق الحقيقي والكاذب المهم في يوم14\3 نويت اداوم لاني ضيعت الترم وماباقي ع الاختبارات النهائية الا شهربالضبط المهم وانا بالمدرسة جاني هبوط وصداع والم بظهري وبطني قالت لي المدرسة حاسة بطلق قلتلها ما ادري ايش الطلق بالضبط ((معليش دخلت في تفاصيل كتيرة مالها داعي)) كان الكلام دا الساعة 11 المهم دقيت على اخويا واستحيت اروح معاه عند دكتورة النساء رحت بيت ماما ونمت لين الساعة 3 جا زوجي من الدوام ورحت للبيت لاني قلت في نفسي اكيد طلق كاذب الم مرررررررررررة قوي وانا اتلوى فوق السرير وما ابغى اروح للمستشفى ولا حسست زوجي اني بتألم >>عاملة جامدة <<وياعمري لما انتبه قلت لا تقلق اكيد مو ولادة بس وديني عند ماما ورحنا ونسيت اقول بالثقل وكل شوي ادخل الحمام لين زاد الالم ماما نصحتني اروح للمستشفى اطمن <<<<وقال قال انا ابغى اروح البحر اتمشى طفشانة >>>لما رحت الساعة 9 الليل قالت الرحم مفتوح 6سم وقالت روحي كلي وامشي حول المستشفى وبعدين تعالي ومشيت حوالي ساعتين ونص على ما اعتقد رجعت للدكتورة قالت مفتوح 8 خلاص تدخلي غرفة الولادة وخفت لما سمعت الي بالغرفة الي جنبي تصرخ وتولول بالولادة والله نسيييييت نفسي وصرت ادعيلها وربي حزنت عليهم والطلق كان بارد والرحم انفتح كان طلق خفيف فحطولي طلق صناعي وكمامة لين تقريبا الساعة 6 او 7 بدأ الطلق على اصولو على جية ماما وولدت الساعة 9 يوم 15\3 ولما ادوني ولدي مع التعب قلت خدو ما ابغاه ابغا اناااااااااااام وبس هادي قصتي بولادتي الاولى
ومرررررررررررررررررررة سامحوني لاني طولت والله ييسرها للجميع وامااااااااااااااااانة ادعو ان مامتي تقوم بالسلامة ويهون ولادتها والله شايلة همها واتمنى لو انا الي بولد مكانها

رد: خدمه..من تشرح ولادتها الطبيعيه بالتفصيل الممل جدا جدا
 

رد: خدمه..من تشرح ولادتها الطبيعيه بالتفصيل الممل جدا جدا
 

انا عن نفسي في اولد ولادة كانت حلوة ومضحكة لاني كنت في الاسبوع الثالث من الشهر التاسع في الحمل وشربت في الليل قبل مانام زيت خروع وعصير منجا وطول الليل ماجاني نوم من المغص مع اني شربت الزيت ومافيا الم ولا شي لاني شربتة بمزاج بشوف نفسي اولد بالخروع ولالا وطول الليل وانا اتقلب من المغص انا شربت الخروع الساعهة 1 ليل والساعه 5 الصبح قمت بروح اتوضا واصلي الصبح احس نفسي مرا مكتومة ومضايقة من مغص بطني كانة معايا امساك واروح الحمام ومااقى شي ورحت لامي اصحيها وانا اتوجع قالتي يمكن طلق وقلتلها لسة الدكتورة حددت الولادة بعد 3 اسابيع وشوية رحت الحمام الله يكرمكم الا واشوف شوية دم وجريت على امي واقولها دم دم نزل مني دم وانا ارتعش من الخوف وقلت في نفسي ليش شربت الخروع واسوي في نفسي تجارب ولادة وشوية الا وحسيت كانة في احد رفزي في ظهري الم خلاصني اقوم البيت كلة طبعا لاني كنت مرا مدلعة الا ماالاقي كل اهل البيت صحيو من النوم وهما يصرخو من خوفهم عليا والمحروس زوجي نايم في سابع نومة وامي قالتلي روحي صحي زوجك خلينا نروح المستشفى الا والافندي قلي روحي نامي بلا دلع طبعا امي وابوية ماهان عليهم اني اتوجع شالوني اهلي عالمستشفى وزوجي راح بيت اهلة يكمل نومتة ورحنا المستفى وكشفت عليا الدكتورة قالتلي ولادة والرحم مفتوح 4 سم وكان الوقت الساعه 7 وبعدين طلعوني كشك الولادة وانا كل شوية اسال امي كيف الطلق والولادة تعور ولا لا انا دحين متالمة راح اتالم كمان ولا خلاص وامي تطالع فيا وتبكي وتقولي انا راح اسير جدة وانتي راح تسيري ام وابوية طاير من الفرحة لانة بسير جد خخخ وبس وبعدين ابوية ماقدر يتحمل الالم قال انا رايح الحرم بصلي ركعتين طبعا احنا من مكة المهم كان الالم مرا روعه بس الحمدلله ولدت الساعة 11 وبحضور زوجي اللي اخيرا صدق اني بولد لانة ابويه كلمة وقلة مرتك في كشك الولادة والحمدلله ولدت وكان معايا امي وزوجي وشفت ولدي وفرحنا وبعد 8 شهور من ولادتي اتوفي ولدي اثر سخونة عالية بس الحمدلله اتوفى وانا كنت حامل في 3 شهور والحمدلله جبت بنوتة وكانحملها وولادتها مرا حلوة وسهلة وعمر بنتي دحين سنتين ودحين انا حامل ويارب يعطيني ربي ولد واقر عيني فية ويعوضني عن حمودي اللي اتوفى يارب

رد: خدمه..من تشرح ولادتها الطبيعيه بالتفصيل الممل جدا جدا
 

ياعمري الله يعوضك خير

رد: خدمه..من تشرح ولادتها الطبيعيه بالتفصيل الممل جدا جدا
 

اهليييين حبايبي

ومشكورين على قصصكم اللي تضحك وترفع المعنويات

بصراحه انا لي تقريبا اسبوع في الثامن ..

بس تستغربون لو اقول لكم اني متحمسه اولد وانا بكريه

بس على كثر ما قرأت من ولادات وبعضها متعسره و اسمع هنا من امي وخالاتي

عن الالام الولاده

بس بصراحه احس اني ماني خايفه

بالعكس احس اني متحمسه اجرب هذي التجربه

والله يسهل علينا وعلى جميع الحوامل

و يمكن من كثر ما اقرا و عرفت اشياء كثير عن الولاده وقبل الولاده
ايش اسوي يعني قرات كثيييير عن كووول شي تقريبا يمكن عشان كذا احس اني ما ني خايفه

لان عندي فكره عن كول شي ..

طولت عليكم بس حبيت اشاركم و اقول رايي

رد: خدمه..من تشرح ولادتها الطبيعيه بالتفصيل الممل جدا جدا
 

عشقي توتي

مشاء الله عليك افضل كذا خليك بطله ولاتخافين

والله كريم بيسهل لك انشاء الله

رد: خدمه..من تشرح ولادتها الطبيعيه بالتفصيل الممل جدا جدا
 

انا بحكيلك عن اصعب ولاده ولدتها مو لاني ابغا اخوفك بس لتحسي براحه انو هي اصعب شي
طبعا ولادتي هدي كانت فابني التالت ومر علي التاسع ولسا ماولدت الدكتوره وصفت لي اشرب زيت خروع وقعدت يومين اقوم من الصباح اخد ملعقه ع الريق وفعلا بدات احس بالطلق وكنت مصره اني ماروح المستشفي بسرعه لانو الكشف النساااااائي يعوووووور موت جلست اليوم الاول كلو وانا يجيني طلق قوي والحمدلله المستشفي قريب من البيت مر اليوم التاني وانا صابره ومعانده ماابغي اروح المستشفي اليوم التالت قمت الصباح وحاسه حالي خلاااااص ماعاد فيني استني اكتر من كده قمت من النوم وانا افرش اسناني الا طططططططططع كيس المويه انفجر وصار جسمي كلو يرجف وخوووف مو طبيعي صحيت زوجي بشويش حرام عشان لاافجعو وقلت فورا غير ملابسك ماعندنا وقت واتصلت علي ماما عشان الاقيها هناك من غير امي مقدر اسوي شي ورحت المستشفي وبدا الالم والطلق الصح رحت الساعه 9 صباحا وكان مفتوح الرحم 7 سم واصارخ واقولهم اعطوني مهدئ لاني متعوده فولاداتي الي راحت اخد مهدئات واوكسجين المهم رفضو يعطوني شي ع اساس كل شي طبيعي مافي داعي وكان الم مو طبيعي مرت ساعتين ولسا الرحم مافتح علي الساعه 12 كان الرحم فاتح 9 سم وجاو الدكاتره كلهم فوق راسي ودكتورتين كانهم دايات يضغطو علي بطني بقوه ويقولي ادفعي وانا اصارخ حاسه روحي بتطلع ولله العظيم علي اخر طلقه شقو لي من تحت حسيت بالم شي تااااااااي مو طبيعي ابدا واااااااخر دفعه حسيت كاني احد ماسكني ومغطس راسي بمويه ومو قادره اخد نفس وبس نزل البيبي كانهم خرجوني من المويه سبحان الله يقولو هدا النفس نفحه من الجنه احساس مو طبيعي وبعدها طبعا خرجت المشيمه وحطو لي البيبي علي صدري وكان احساس تاني طبعا بعدها الخياطه ومادراكي مالخياطه حسيت فكل غرزه من الغرز بس الحمدلله علي كل حال اكتر ولاده تعبتني بس سبحان الله ربي عوضني بولد جميل والله كانو السيسترات مايجيوبولي هوا يقولولي اجمل ولد صغير شفناه ملامحو واااااضحه ومتل القمر الحمدلله
ربي يسهل علي كل حامل وللهي مهما كانت صعوبه اللحظات تنسيها كلها برؤيه طفلك وضمو علي صدرك كلو يهون مقابل ه الحنان والحب نعمه كبيره من رب العالمين يارب اطعم كل محروم

رد: خدمه..من تشرح ولادتها الطبيعيه بالتفصيل الممل جدا جدا
 

رد: خدمه..من تشرح ولادتها الطبيعيه بالتفصيل الممل جدا جدا
 

رد: خدمه..من تشرح ولادتها الطبيعيه بالتفصيل الممل جدا جدا
 

ابد حبيبتي لاتخافين من الولاده صارو الحين ياخذون ابره الظهر اول مايطلع الراس اما الام الطلق لابد تحسين فيها والله ييسر امورنا يارب