|
رد: .·¤ تجمع الحوامل اللي ولادتهم في محرم¤·.
مشاعل
ما تشوفي شر انا جاتني نزلة وانا بالخامس واخذت محلول واعطتني دواء الغثيان حق الحوامل اكله قبل الاكل بنص ساعة وحاولي تريحي بطنك لا تكثري اكل هذه اليومين خليكي على اللبن الزبادي والسفن والتوست والتفاح ام عبد الرحمن الله يطمن قلبك اشربي موية زمزم تزود موية الطفل ان شاء الله كثري منها وفقر التمر كلي زبيب وتمر والالتهاب في مضاد تصرفو الدكتورة وان شاء الله الموضوع بسيط وتفرحي بالبيبي |
رد: .·¤ تجمع الحوامل اللي ولادتهم في محرم¤·.
الف مبروك يام عبدالرحمن وعقبال ماتشوفينها بين يدينك يارب
والله اتمنى افيدك بس ماعندي معلومات اتوقع السوائل تزيد ماء الجنين وعليك ماء زمزم |
رد: .·¤ تجمع الحوامل اللي ولادتهم في محرم¤·.
ام عبدالرحمن ،. ماعليج الا العافيه ان شاء الله .. كثري من شرب ماء زمزم .. وكل ساعتين اشربي كاسة ماي كبيره .. هالشي يساعد كثير وان شاء الله ربي يحفظج ويحفظ النونو من كل شر يالغلا .. ومبروك البنوته الحلوة ..*
|
رد: .·¤ تجمع الحوامل اللي ولادتهم في محرم¤·.
اميرة الورد .. فديتج مشكوره على سؤالج يالغلا .. سلامات سلامات بالحديد ولافيكم .. سلامتج فديتج .. روحي المستشفى لا تسكتين عن نفسج .. وان شاء الله ماعليج الا العافيه بس اهم شي تتطمنين وتطمنينا عليج وعلى التوينز .. ربي يحفظكم من كل شر ..*
وانا رايي من رأي امج لاتكلفين على روحج لان توأم وبيكون تعب عليج غير الانظار كلها عليج .. ربي يبعد عنج العين والحسد .. واشوف ان التوينز اولى بالفلوس اللي بنقطينها على الضيافه والعفسه والناس ما يملي عينها شي .. |
رد: .·¤ تجمع الحوامل اللي ولادتهم في محرم¤·.
روعة النسيان .. مبروك دخولج السابع وعقبال الثامن للتاسع يارب .. واحس احلى شهرين مريت بهم السادس والسابع .. ان شاء الله الثامن يكون خفيف مثلهم اما التاسع معروف انه اثقل شهر ههههه الله يعين ..*
|
رد: .·¤ تجمع الحوامل اللي ولادتهم في محرم¤·.
اللهم سترك .. ياحياتي انتي .. ماعليج الا العافيه حبيبتي ماتشوفين شر .. اشربي عصير برتقال وليمون ممكن ينفعج .. وشاي وعسل .. ربي يشفيج ويبعد عنج كل شر يالغلا ،، مبروك دخولج السابع وعقبال التاسع فديتج*
|
رد: .·¤ تجمع الحوامل اللي ولادتهم في محرم¤·.
اثري في مدادي .. ربي يسلمج يالغلا .. والله وقتي صاير ضيق لان زوجي اجازه ولزوم اقعد معاه وهو اكثر وقته بالبيت مايحب الطلعات كثير مع ربعه .. ولو بيطلع لازم اكون معاه .. عشان جي دخلتي صارت قليله .. والحمدلله انج تطمنتي فديتج والف مبروووك البنوته الكتكوته .. وشكله التجمع كله اميرات مثل ماقلتي بدل النائمات صاروا صاحيات هههههه فديتهم انا .. وعليها بالعافيه الاميره الملابس تلبسهم بالعافيه .. وسالفة الشتوي والربيعي والله زهقت وانا افكر فيها .. وانا اشتريت اكثر شي ربيعي والصيفي جوني هدايا كم قطعه .. بس الكل قال ان في فترة النفاس النونو بيكون باللفه ومغطى بالبطانيه فما تحتاجين شتوي كثير .. خصوصا يقولون لي ان البيبي يكون حران ويعرق كثير بالاربعين مع الرضاعه والمغص وهالسوالف .. قلت ان شاء الله بس اخلص نفاس باخذ كم شغله شتويه ..*
|
رد: .·¤ تجمع الحوامل اللي ولادتهم في محرم¤·.
وردة الجوري .. بسم الله عليج من الطفش والبكي .. لا تضايقين نفسج سولفي بالتجمع .. انا من كثر مت شافني زوجي طفشانه امس اشترى اشتراك osn عشان اتابع مسلسلات وافلام .. هههههه ومن بعدها نسيت الطفش وصرت اشوف فلم ورا فلم ..*
واحسن شي سويتيه انج صليتي ركعتين .. ربي يبعد عنج وعننا الشيطان .. ربي يشفي صديقتج مسكينه ياحرام .. ربي يبعد عنها كل شر ويقومها هي والنونر بالسلامه يارب ..* |
رد: .·¤ تجمع الحوامل اللي ولادتهم في محرم¤·.
ام اسكندر .. ربي يسلمج حياتي اي والله عدت على خير وطول الوقت اتذكرج واقول شلون كان وضعج .. حسااافه على الموعد *.. ومتى بتروحين مره ثانيه للموعد ؟!*
ياحراااام والله مو زين يظلمونهم ويدخلونهم السجن عشان طلعوا للسوق بدون محرم !!! وشنو ذنب اعيالهم !* الله في ذمتهم هالشي يظلمونهم ويسجنونهم ويخترب مستقبلهم عشان شي مثل هذا ! كل وحده ادرى بمصلحتها ليش يتحكمون فيهم !!! ههههههههههه من جد احنا عجولات .. انا من البدايه قالوا لي ما يبان وبعدها 70 بالميه بنوته* بنهاية السادس اكدوا لي انها بنوته بس للحين احس نفسي بشك ههههههه .. مو واثقه بالدكاتره .. |
رد: .·¤ تجمع الحوامل اللي ولادتهم في محرم¤·.
دلع .. الحمدلله انج تطمنتي على النونو والف مبروك دخولج السابع عقبال التاسع يارب .. ولا تحاتين مثل ماقلتي هذا من حرص الدكتوره مو شرط فيه شي .. ربي يبلغج بحمودي وتشوفينه معرس .. وصج ملكتني واعز الناس وام التوينز وينهم ؟!*
والواجب خليه على جنب والله يومين وانا اكتب ههههههههه |
| الساعة الآن 06:02 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .