|
رد: ** ليبيا زين علي زين ليبيا ورد وياسمين ** تجمع الليبيات
لاباس ع خوك ان شاء الله..
وين عدو اسطنبول ولا تنقلوا...؟ ماما ع ايامها قالت احلى ايام ف أزمير..ايامات شهر العسل لان اسطنبول ع اساس ماله منها خخخ واحسن شئ توا انها بلا تأشيره .. وشن جو السقع عندكم ما احلاه سقع الجبل بعدك ... خصيصا ف الربيع |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
اقتباس:
هلا حبيبتي .. ماتشوفي باس يالغلا ... بالنسبة لتركيا هم قعدو في اسطنبول في فندق بس كان معاهم مرشد سياحي وكل يوم يطلعو من 8 الصبح ايردو 1 في الليل مشو لازمير ومشو للمناطق اللي فيهن الثلج وامصورين صور روعة بكل وحتى اختي زمان مشت شهر العسل وقضت اغلبيته في ازمير اما انا قضيته في قصر البيضاء و سوسة اصلي انشجع في السياحة الوطنية ههههههههههه |
رد: ** ليبيا زين علي زين ليبيا ورد وياسمين ** تجمع الليبيات
عيوش ألاااهـ ماعرفتيهاش
يمكن كرسييك |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم
كيف حالكم ياحلوات هدوشه حبيبتي صار صايرلك زيني قبل وتعرفي لقطه تخليط الحليب الطبيعي مع الصناعي درتها مره هههههه لكن خوفوني قالولي مش كويسه والله فعلا اول بيبي بروحك تبدي تتعلمي فيه وخلاص لكن الحمد لله مشيت لدكتورتها واعطني نوع حليب قتلي كويس ومره هكي ومره هكي وردي بالك ع روحك من الصقع حتي اني تصيرلي انوض نرضع فطومه في الليل انوض سخونه ونمشي للكوجينه لكن ديما نخلي في الحوش دافي ونقوي في الحراره ردي بالك ع روحك وان شاء الله لاباس عليك وضحكتني سوما شن مدايره فيك ربي يحفظها الله غالب اقعدي عسي عليها وخلاص اوشي حبيبتي ماشاء الله ع العزومه ست بيت شاطره ربي يحفظك والف لاباس ع خوك طهور ان شاء الله ام فروسه وجيجي وسوسو وجنوده واثوره ان شاء الله تكونو بخير اني ان شاء الله دايره يوم الجمعه لمة ويوم الاحد لمة طبعا قسمتهم امجموعتين لانه حوشي صغير وهما 20 امراه وان شاء الله ربي يسترني معاهم قاعده نخبط في الحلويات والمكسرات والملبس زعميتك نجهز من توا والخميس نحاول نطيب جزء طبعا اكيد بتستغربو منين جو العشرين واني في الغربه تصدقو 20 هدوما زعميتك الي نواصل فيهم اكثر وهلبا وحدات فتتهم وماعزمتهمش وعارفه هلبا بيحرجو مني لكن ماعنديش قدره اني ندير 3 لمات لذلك خديت المهمات وقسمتهم ع 2 هنا الجو تقولي ليبيا ماشاء الله الليبين هلبا وان شاء الله طريقة تقديمي كالاتي عصير وشكلاته العشاء بنديره نظام بوفيه كسكسي وبصله ولحم محمر وسلاطه عربيه (شرموله) ومخلل مشكل وزيتون وبطاطا مقليه كل حاجه في صحن وعصبان وطاجين جبن وبوريك وامبطن مع المشاريب طبعا وبعدين 4 انواع حلويات مع الكابتشينو وبعدها مكسرات وملبس وبس بالله شن رايكم هكي كويس والا نزيد ولو عندكم ملاحظه او اقتراح بالله قولولي وعااااارفتكم ذوق وماتقصروش |
رد: ** ليبيا زين علي زين ليبيا ورد وياسمين ** تجمع الليبيات
عيوش بنت صفيه قصدك خخخخخخ
|
رد: ** ليبيا زين علي زين ليبيا ورد وياسمين ** تجمع الليبيات
ماشاء الله اموله .. ان شاء الله اتم ع خير
حصلتي توزيعات حلوة اكيد؟؟ ياريت تورينا صورتهااا بالنسبه للبوفيه ماشاء الله روعه تقدري تضيفله سلة فواكه مشكله وكل وحده تختار لي تبيهن او فروت سالاد ومخلل وسلطة تمام .. لوقدرتي تزيدي نوع سلطه كان هذا حتى هكي كويس يعني بابا غنوج او طحينه او كول سلو... لان مقبلات في بوفيه فيهن جوووو |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
ولك تؤبرني اللي تشجع في السياحه المحليه ههههه حتىى نا زيك قضيته في جبلنا الاشم لان كان ايام احدااااث......ومافش طيراان خارجي بس الحق ولا اروووع بلادنا احلى جو فيهااا .. |
رد: ** ليبيا زين علي زين ليبيا ورد وياسمين ** تجمع الليبيات
امووووله ماتنسيش جو التزييين ...
يعطي لمسة حلوة في البوفيه وهذا طبق من ام فروسي للمساعده http://forum.hwaml.com/imgcache2/hwa...798599_200.jpg |
رد: ** ليبيا زين علي زين ليبيا ورد وياسمين ** تجمع الليبيات
اللحم نعطيك فكرة لو تلغيف في ورق الالمونيوم وتحطيه يتحمر ف كوشه وبعد تفحميه
يعطي لذه ونكهة رهيبه هذه قصعة من العزومه التاريخيه درت اربع نفسهاااا وهكي يبقي شكله... اللحم وع فكرة اصحاب زوجي عجبهم بكل قالي http://forum.hwaml.com/imgcache2/hwa...799015_479.jpg |
| الساعة الآن 12:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .