منتديات حوامل النسائية - تجمع اللي بيولدوا في شهر ربيع الثاني 1434

يأرب يهووووون على كل الكروشات
وييسر لكن ولادتكن إلى خير

يوم الخميس كان عندي سهرة حريم
تعبت في التقديم والضيافة وسويت الحلا والمعجنات في البيت
وراحوا الحريم من عندي ع الساعه 12بالليل
كنت مرة تعبانه من الالم والشد اللي تحت مدري هي من الوقفه ولا من الشغل والقومه كل شؤي
المهم نضفت البيت بعد السهرة ونمت ع الساعه 1بالليل وقمت ع الساعه 3الفجر تعبانه
ومن قمت من السرير وحسيت مويه دافئة نزلت علي لدرجه فكرته انه بول وانتن بكرامه
بس غسلت واخذت دوش ساخن على ظهري قلت بيخف الوجع والتحجر وفعلا ريحني كثير
ونمت على طول
ويوم الجمعه صحيت ع الظهر سويت الغداء وبديت احس بألم بظهري بس قلت من شغل امس وبعد مارتحت في النومه
وعادي شربت حليب بحلبة
وجلست للعصر وانا جالسة بالصاله ادرس بناتي
وبعدها حسيت بغثيان مو طبيعي كل شوي يجي
وشربت عصير برتقال علية ملعقتين زيت خروع
وعادي ماحسيت بشي بس طعمه مش ولابد
وجى العشاء طلعت انا وزوجي نمشي وتعبت من المشي
مريت محل عطارة وشريت شويه اغراض
ومنها حبة سوداء
ورجعت ع الساعه 10بالليل
عشيت بناتي وناموا
فضى علي الجو نظفت حالي وجهزت اغراضي
لان اصلا عندي موعد يوم السبت في العسكري
وقال لي الدكتور من اسبوع تنويم عشان سكر الحمل
المهم رحت سويت لي مويه تمر بحلبة وشربت كوبين
ونقعت حبة سوداء بزيت زيتون وخليتها للفجر عشان اخذها معي
ونمت تقريبا ع الساعه 2الفجر بعد ماتنقعت بمويه حارة
صحيت الصبح على الم موطبيعي وكل شوي ع الحمام وانتم بكرامه
وخليت زوجي يدهن ظهري بزيت الزيتون اللي سويته
واخذت دش حار مرة بعدة بنص ساعه
ورحت موعدي عادي
وانا بالسيارة الالم يجي ويروح
وانا كان لي يوم بالتاسع
دخلت ع الدكتور قال لي كل شئ تمام بس نبي نطمن على نبض الجنين لان وزنه كبير شوي وانتي ببدايه التاسع
وكان وزنه 3900
المهم جلست عندهم لساعه4العصر وبعدها حولوني تنويم لان التخطيط ماخلص
والعيادات قفلت
وفعلا اتنومت عندهم 4ساعات بس
وجاب الدكتور سونار وكشف على وضعية الجنين
وقال مقعدي مع ان الرحم عندك
مفتوح 3سم
وبصراحة استغربت مفتوح من ايش
المهم قال خلاص باكتبلك خروج الحين وتعالي بكرة الصبح الساعه 8صايمة عشان التحليل
وارتاحي قد ماتقدري
ونامي على الجهه اليسار عشان تحسي بحركة الجنين
رحت من هنا وطلعت على الممشى
ع طول وكان معي مويه التمر بالحلبة
وشربت منها لين ماخلصت العلبة
ورجعت البيت ع العشاء تقريبا
ومو حاسة بشئ الا نغزات بين فترة والثانية
والم بظهري مستمر

سويت عشاء وتعشيت وبديت اجهز اغراضي واغراض النونو
واخذت دش وانا بالحمام نزل من دم بس مو كثير
قلت يمكن لاني جالسة وفجاة قمت
طلعت ودهنت ظهري بزيت الزيتون اللي ناقعته من بدري
وانسدحت بالصاله
وغفيت وع الساعه 3الفجر الا الالم مو راضي يخف تبخرت بميرميه من تحت
لان الرحم عندي فاتح
ولبست وصحيت زوجي عشان يوديني المستشفى
وانا بالطريق احس دفع من تحت مو طبيعي والالم وصوت يطلع من بطني كاني جوعانه
وحسيت بطقة من تحت
وبيتي بعيد شوي عن العسكري
وشوي الا المويه تنكب علي وصارت ملابسي الداخلية غرقانه
دخلت الطوارئ ع طول وقالوا ولادة
طلعت فوق حطوا علي الاجهزة والمغذي
وجت الدكتورة المناوبه تكشف علي قالت مفتوح 9سم
ولادة وقامت تهزئني ليش ماجيتي بدري
قلت لها امس كنت عندكم وكان 3سم بس والدكتور كتب لي خروج
المهم حطوا التخطيط
وقمت ادفع وادفع وشوي قالت الدكتورة انتظري شوي قلب الجنين مو تحت مانحس له نبظ
نبض خفيف
قلت يمكن تغير مكانه
وراحت جابت السونار ولقت الجنين راسه فوق وقالت لا لازم عملية
وانتي قبل عملية
والنبض خفيف
قلت سبحان الله من الاول كنت ابي عملية اريح لي
ولما فتح الرحم عندي صار الجنين مقعدي وطلع بعملية

وطلعت قبل أذان الفجر
وودوني الغرفة ونمت وصحيت ع الساعه9الصبح من يوم الاحد وولدي جنبي نايم بسم الله علية
وفعلا كان منفخ من السكر

نسيت لاقول لكم معلومه غريبة
انا طول حملي كل ماكشف يقووولون بنت
بس كنت دوم اقول لا حملي هاذا غير ببناتي
وسبحان الله جبت ولد
لينظم الى اخوه خالد
وهذا اكشن قصتي القميلة
والفال لكم
ولبيروتي اللي هي معي بنفس الشهر

عاد بروح ارضع ولدي وبستقبل ازعاجه من اللحين
الحمدالله ع كل شئ
وبدخل كل مافضى من فترة لثانيه اشوف من بعدي
الله ييسر لكم اجمعين ويفرج همومكن

اختكم لمورة