|
رد: حبيباتى سيدات ليبيا تفضلو لأعرف ما حالكم
عندك الحق هديــــة ..
الحمل فيه متاعب صعبه ذكرتيني بأيامات الولي وقعدتي عند هلي وارتفاع الضغط ونزول البنت ومعش قدرت نمشي حتى وقعدت عايشه ع الادويه وجاني تسمم مل بسيط وزلال ومابين دخول وخرووووج للمستشفى ومع ذلك تلقي ان الناااس مادوراتك يعني اهل زوجك .. رغم انك ماتقصريش .. نفس ماقلتي بالضبــط\\ وبعد تشوفي تعاملهم مع بنتهم من لما تحمل تنصدمــي وتقول سلفتي المقربه مني جااارتي ليش مانحن نتعاملوا هكي ؟؟؟ ولو ماتصلتيش وهكــي او صارت مناسبه وماصبيتيش فيهاااا تسمعي الكلام الغير المبااااشر واللوم وكأنك اجرمتي مع انك مريضه ومثقله ويادوب تسااااعدي روحك خخخخخخخ ذكرتيني ف فرح سلفي كنت مثقله ومنفخه بفراااس .. وصبيت تصبايه ماعمري صبيتها حتى لهلي لين زوجي أنبني واجد وعاركني ومع ذلك تحسسي من الاسلوب كأنك مادرتيلهم شئ بعدها بشهر ونص دخلت التاسع وصارتلهم عملية كبيره لعمي وعزومه وذبايح بعدها ونااس ماشيه وجايه الحق وقتها حتي العمل معش قدرت نمشي ومع ذلك بدا اللوم مثلآ لاني ماشاركتش ف الطبخ وشاركت في غسل الحوسات والماعين تبع العزووومه لي هنا عندي اصعب من تطيب طنجرة اكل رز او مكرونه.. وكل شئ بأجره لعند قبل مانسافر وعمي خبطاته سياااره مسكين وصبيت معاهم رغم ان شقتي حايسه ودوبني محوله لهااا وكنت نجهز للسفر .. بس عربي مساكين سلفتي الكبيره دارت فيهم واجد خصيصا ف عمتي هذا ليش مساكين عندهم مواقف من صبايا ولدهم كلهن يعني فيه زي الحاجز هكـــي... ومع ذلك الواحد يدير لي عليه حتي عشان خاطر عيوووون زوجي وبالعكس انحس فيهم بدوا يتغيروا اشوس من ناحيتي وديما يشكروا فيا يقولني بنااات صبيتي البر بأهل الزوج بأجره وكان ماحصلنش الغايه تواا نلقوها قدامنا مع اعيالنا بعد يزوجوا ان شا ء الله |
رد: حبيباتى سيدات ليبيا تفضلو لأعرف ما حالكم
وااااااك ياام فراس والله مابعدك حسيت بيك لاني حتى اني مانقدرش نصبي نتفرج حتى لو كنت مريضة ندير شوي شوي ومع هدا مش سالمين كله باجره وخلاص
اني مشكلتي في حماتي المتزوجة اللي جت معانا اهني هي كويسة الحق وماشاأ الله ليها فضل بعد الله عليا لما جبت باتت معاي تلاته ايام وماخلتني ندير شي لكن فيها عيب انها تدخل في خصوصيات بيني وبين زوجي من زمان بعد قراية الفاتحة لما نكلم في راجلي بالتليفون تتصل بيا وتقولي شن هدرزتوا تخيلي ؟؟؟!!!!!hwaml03 وبعدها دارتلي موقفين مش حننساهم طول حياتي مرة في اسبوع العرس لما روح راجلي من كندا كلمتهم في اليوم اللي روح فيه واستحمدتلهم على سلامته هيا وامي وراجلي هداك الوقت قاعد ماخداش شفرة ليبية ولا كلمني مشي اقترحت عليا اختي اللي اصغر مني قاتلي قوليلها عطيني راجلي شوية نستحمدله بالسلامةفي الاول ترددت بعدين قلت هيا هذا راجلي مش حرام ولا عيب لو طلبت نكلمه مشي بعتلها رسالة قلتلها معليشي تعطيني راجلي نكلمه ونتحمدله بالسلامة شوية وتوصلني رسالة ترعش والله نقرأ فيها ونبكي ونقول بالك تبصر معاي انخلعت الحق كاتبتلي عيب عليك تطلبي الطلب هذا احني عيلة محافظة ومانرضوش بالكلام هذا وانت الكنة الكبيرة مفروض عقلك كبير تعرفي انصدمت وقعدت نراجع في الرسالة اللي بعتها ونقول في خاطري غير شن قلت حاجة غلط اني بس !!!!!لكن احسن حاجة درتها وقاعدة مش ندمانة عليها إني مارديتش عليها بكل ولا كأنه وصلتني رسالة وتاني يوم لما كلمني راجلي قاللي خيرك امس ماسألتيش عليا مشي حكيتله القصة قاللي معليشي ماتدوريهاش امسحيها في وجهي والموقف الثاني مرة واني حامل نتوحم والله ماقادرة انوض من سريري مشي جونا هي وراجلها العشية تحشمت نضت بالسيف دوب مانمشي درتلهم العشي وحتي الايكال ماكليت معاهم خشيت طول بعد العشي راجلي جابلهم الفواكه وتاني يوم الصبح راجلها تلاقي مع راجلي قاله كيف حال المراة اليوم قاله والله قاعدة راقدة وفي حالة واول ماانوض نلقالك الراسايل من حماتي ياحنة امخلية راجلك يطلع بلا فطور وامبارح هوا حطلنه الفواكه وانتي راقدة وكلنا حملنا لكن مادرناش هكي لكن المرة هدي وجعتني نفسي مريضة وهي مش حاسة بيا رديت عليها وماخليت كلمة في خاطري بعدين ولت وتأسفت وقاتلي اني زي اختك ونصحتك حي عليهاكتبتلك قصة حياتي ههههههههههههه |
رد: حبيباتى سيدات ليبيا تفضلو لأعرف ما حالكم
ههههههههههههههههه
سلمها سما الحلوه ياربي ضحكتني من قلب ربي يحفظها وسلم سنيناتها وتستاهلي العضه هههههههههه انبصر |
رد: حبيباتى سيدات ليبيا تفضلو لأعرف ما حالكم
هديه موقفين حماتك لااااا تحسدي عليهم ربي يهديها
صار انا مرتاحه ماعنديش حماوات ههههه |
رد: حبيباتى سيدات ليبيا تفضلو لأعرف ما حالكم
اقتباس:
وااااااااااااااااو بس عليك موقف بجد واااعر ياهديه واحسن حل انك مارديتيش لا الحق صبيتي كويسه كانت ايامات الخطبه وطلبن رقمي وكانن يسألن اوجوهن سمح بس ع فكرة حتي من مواقف صاحباتي وهك ان الكنه بعد اتوووحم مثلا او تمرض يديروها تدلع والجو هذا لكن البنت غير فأحسن شئ الوحده ماتبينش وتكتم وخلاص ع اساس درنااا هكي لكن ماسلمنا ههههه .. الحق عمتي ديما تقولي تريحي وكويسه بس يوصل فيا كلام من سلفتي ان صبيتنا الصغيره تحكي علينا وهكي ومع ذلك ع الطبيعه انحس فيها ماشاء الله وكان كتبتي قصة حياتك عادي سوا سوا ياهدووووو هههههه بس ع فكرة بم انك ازوجتي وطلعتي بعدها ماشفتي شئ مازال عليك اللي ماصدقت تخوف فيك هههههhwaml9hwaml9 |
رد: حبيباتى سيدات ليبيا تفضلو لأعرف ما حالكم
فهذه حياتنا بعد الزواج ديما هكي الوحده اما تلقي صبيتها ..حماتها او سلفتها او عزوزها
لازم حد خخخخخخخخخخ واذا ارتحتي ولقيتي الامور تمام تلقي سلفه اتزن ع راسك ديما ههههه زي حالاتي حتي بعج اتغيري الموضوع ترد من جديد وهذا لي معقدني ان حد يبقي يوصلك ف دوة وانتي مانك عارفه انها صح او خطأ .. بس الافضل الواحد يعامل بنية طيبه ويععتبرهم نفس اهله والنيه الطيبه نلقوها ان شاء الله في اي موقف ب هالدنيا الفانيه بس ماشاء الله ف الموقفين حسيت اصرفتي صح هدووووووو |
رد: حبيباتى سيدات ليبيا تفضلو لأعرف ما حالكم
اقتباس:
كله الا زعلك ياحلوة .. تعرفي مرات نقرى صفحة ونطير الثانية خخخخخخخ لذلك فعلا وللحق ماشفتش اذا كان سؤال او تعليق سامحيني غاليتي اقتباس:
[color="rgb(255, 0, 255)"]نجيلي سةما ياربي ... الحنوطة العسل [/color] |
رد: حبيباتى سيدات ليبيا تفضلو لأعرف ما حالكم
الســــــــــــــــــــــــــــــــــــلام عليكم
كيف حالكم تواااااااااااااااااااااا؟؟؟؟ بنخش في القصص والحكايات طوووووووووووووول لفتت انتباهي كلمة لأم فروووووووووووسي """" يوصل فيا كلام من سلفتي ان صبيتنا الصغيره تحكي علينا وهكي ومع ذلك ع الطبيعه انحس فيها ماشاء الله """ فتذكرت لماذا حرم الله الغيبة والنميمة !!!! مع احترامي لسلفتك بس هذه حقائق يجب أن يشار إليها وتمعنت في حكمة الاسلام عندما يحثنا على التعامل مع البشر بظواهرهم وترك البواطن للرب الخبير فلو طبقنا شرعنا لسعدنا دنيا وآخـــــــــــــــــــــــــــــــــــــــــرة ~~~~~~~~~~~~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
جنووووووووووووووووووودة
كيف أموركـــــــــــــــــــــــــــ حاولي إنك ما ترهقيش نفسك حاليا بقضية علاج وإنجاب ~~~ لكن في ذات الوقت إجعلي لها مرتبة أولــــــــــــــــــــــى أول ما تستقر أحوالك وتترتب أموركــــــــــــــــــــــــــــــ وصدقيني هناك من يسأل وهو مشغول عنك ومايبيكش تلتهي بدراسة عن ما هو أهــــــــــــــــــــــــــــم فحكمتك تتجلى هنا بترتيبك لأموركــــــــــــــــــ وربي يرزقك من بابه الواسع تنبيه ــــ حاولي أن تنوي بدراستك للغة مثلا الآن ، الدعوة بهذه اللغة لدين الله فهذا يعد من أبواب الجهاد الدعوة لدين الله وطبعا هذا يتطلب منك المزيد من التعلم والتفقه في الدين وسدد الله خطاكـــــــــــــــــــــــــــــــــــــــــ |
| الساعة الآن 02:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .