|
رد: تجمع حوامل ليبيا
مرحبا بالغالية حبل الوصل شورنا قعدنا قعدنا وخشينا مع بعض .. الحمد لله القلوب عند بعضها.. تو عيون تقول متفاهمين والا كانو مع بعض في العطلة ههههه .. عالعموووم كيف حال عموري واللوز شن صار فيهم .. واخلاص السنفورة بدت تغسل في الماعين والا مازااال ؟؟
|
رد: تجمع حوامل ليبيا
عيووووونيي ..حبيبتي كيف الأمووور عندك وكيف حال حموودي .. انشاالله توا كويس .. قالتلك أمي غلفيه بوريقة خروع وقولي قالتها بالنسبة للكحة والنخامة حاش السامعين.. وسرورة السموحة أمتا بتحوليلها الزلباحة ياسرها كبرت أني سارة بنتي ندور كيف نحوللها الشيشة .. وانشاالله نقدر
|
رد: تجمع حوامل ليبيا
وين نسرينا وأم أسيل ولولي وتيمو وكل الغايباااااات .. انشاالله خير
|
رد: تجمع حوامل ليبيا
وبوسي وراجية والهندية وام ريحان و.......... من تاني ياربي .. انشاءالله مانسيت حد
|
رد: تجمع حوامل ليبيا
أم سعد ... ماتفكري في شي بإذن الله أمورك متسهلة من عند ربي .. وزي ما قالت عيون عملية مرات خيرلك افتكيتي من التمزريط والكشف و وجيعة ماشية ووجيعة جاية وووووك عليا جربتها في سرورة قريب كلعو عيوني ومزركوني لين شبعو وفي الاخير دخلوني للعملية .. انتي ربي اينوضك بالسلامة وماتفكري في شي الا انك غضوة بتولي ماما وبتشوفي سعوووووووودي انشاءالله على خير يارب
|
رد: تجمع حوامل ليبيا
تي شنووووووووو ... شوره ما في حد غيري الليلة ...هيا عاد ونسوني وهدرزو معااااااااااااااااي راتي مكسدة وراسي معبي بالافكار الوحشة وضيقة الخاطر .. مانبيش نسرح في هم الدنيا
|
رد: تجمع حوامل ليبيا
نبي نرحب بوخياتي الجدد اللي انضمو للتجمع (عاشقة وغرام وأم قصي وميراس ومن تااااني ...) المهم آنستوووونا وربي يفرحنا بأفراحكم وبصغاركم
|
رد: تجمع حوامل ليبيا
اقتباس:
مرحبتين بيك يالغالية والف لاباس على بنيتك عموري قاعد والله من امس مريض وكنت نعاين فيه وتعبت من العلاج لكن خلاص باذن الله بنحوله اللوزات واخلاص بسلامتها زايدة في العناد لكن عليها لسان يخليك تيبس في مكانك قوية شكلها بتطلع |
رد: تجمع حوامل ليبيا
وحنين الحنووونة .. زعما شن صار فيها في مصر .. انشاءالله غير حاللك باهي ومارعشوكش يا وخيتي .. خشي طمنينا كان تقدري .. اليوم قالو النت رجع لمصر .. انشاالله ربي يحفظك انتي وزوزك واللي في بطنك .. آآآآآآآآآميييييييين
|
رد: تجمع حوامل ليبيا
سلامات توة الراجل جاء
|
| الساعة الآن 12:13 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .