|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاتة
مساء الخيرات كيف حالكم وشن اخباركم؟؟؟ والله يابنات الصداع امداير فيا حالة والحمد لله علي كل حال المشكلة ان دكتورتي اليوم راحتها الا لحالات الولادة بس اتجي منو فيكم من طرابلس وسوق الجمعة بالتحديد |
رد: دردشة بنات ليبيا , دردشة حوامل ليبيا , تجمع بنات ليبيا
هلا جوهرة
شن غداك اليوم انا اليوم حملة تنظيف تكملة ليوم السبت السبت حولت الجلسات والصالون وكنست تحتهم ونظفت التراب من الرواشن وتسيق البلكونات واليوم المطبخ وطبعا ماانتوبش الوركينة ضروري منها بس المرة هذه بالقفازات مزالي تلميع الأثاث بس معادش عندي نية انديرهم اليوم ممكن غدوة ؟؟؟ |
رد: دردشة بنات ليبيا , دردشة حوامل ليبيا , تجمع بنات ليبيا
وينكم
سجلتكم غياب |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
|
رد: دردشة بنات ليبيا , دردشة حوامل ليبيا , تجمع بنات ليبيا
عدنا,,,
والله يسلمكم حبيباتي شموووسه وام اجنادين,,, والحمدلله عدت فترة النفاس,,, وانا ماططلعتش ياام اجنادين الا ف بيان بنت صبيتي وفي اخر ايام النفاس....وحتي نا نفسك مانحبش انسيب زوجي بكل ,,لكن الله غالب ظروف يحكمن,, كان زارد وبعدها عدا يوم لطرابلس عبا الابليكشن ف طرابلس مباشر ع النت بالشركه مع جماعة بريطانيا وبعد روح خداني,, شموووسه حنان العريبي كنت مقتنعه بها هي بس قبل فرحي لدرجة قلت كان ماحصلنهاش مانبش فرقه ماما كانت تبي ناديه ستار والا النجاح ,,,بس اقتنعت فيها ف الفرح ,,الخق دارتلي ليلة سمحه والرقص ماوقفش بكل رغم اني جايبة مصورة فيديو لاكن واجد رقصن عالمسرح والباقي تحت,, وهي بروحها رقصت ودارت جو بس اغلب اغانيها ع الثورة والثوار وشفشوفه وهله خخخخخخخخخخخ فرحي ف شهر6 2011,,, وجبناها ب 750دينار وتوا ماما وخواتي حضرن فررح ولد جيرانا قالو سليمة الفاخري رايحه جوها سمح وماما تقريبآ بتحجزها وقالت ب850 اوشي ياسمحه مافهمتش طريقه عصبانك م الاخير خخخخخخخخخخخخخ,,,, جيبي سبورة وتباشير واشرحي جوهرة ليبيــآ ,,,ماشاء الله عليك وربي يحفظكـ ويخليلك رنوده حتي نا زيك بديت نتعلق ببنتي واجد بس ازغيرونه دوبها امربعنه |
رد: دردشة بنات ليبيا , دردشة حوامل ليبيا , تجمع بنات ليبيا
بكرة ماشيه لاخت زوجي بنعطيها هديه بنتها العروس..
وشريت بدله حمرا للفرح بعد مالفيت نص بنغازي بيش لقيت حاجه تناسب جسمي حي عليا جسمي عدا فيها راحت الرشاقه زمان ماعمريش جربته الشعور هضا امتاع تعجبك حاجه وماتلقيش مقاسك او تلقي بس تجي مكلبزة او ماتسكرش السوسته قريب بكيت وابوفراس يهون عليا يقولي توا تردي زي قبل هدا من الحمل بس,,,,, من38 لي 46مقاسي تخيلن زمان خشيت ع 40 قبل فرحي وزعلت اخري امالا توا شن اندير انحرمت من الفساتين اللي خاطري فيهن ورست اخرتها غ بدلة بس الحق ذوق زوجي حلو كنت انقيس ف 2 وماعجبنيش جابها ليا قستها خيال بس جابها وردي هادي انا اخترت حمرا بس ايديها شفافات واخرتهن تطريز وورده وظهر شفاف نصه |
رد: دردشة بنات ليبيا , دردشة حوامل ليبيا , تجمع بنات ليبيا
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
بنات شنو غداكم اليوم محتارة شن انطيب عندي اكثر من نوع من الحوت لكن مش طايقة ريحتة وخصوصا ان المطبخ امتاعي بار يعني الحوش حاااالة ساعتين تنضيف وتبخير ويالله الريحة تمشي من الحوش بنات شنو معني صبيتي والله مافهمتها هههه؟؟؟ |
رد: دردشة بنات ليبيا , دردشة حوامل ليبيا , تجمع بنات ليبيا
صبيتي معناها ... اخت زوجي
|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
لا قوة الا بالله ربي يعطيك الصحة اقتباس:
هذا ياطويلة العمر قبل ما نبدا في تقريض العصبان نمشي نا خذ الكرشة ونغسله كويس كويس بعدين انتقلي لها ببصلة عادي وانخليها تتشرب طعمة البصلة كويس لين تتحمر بعدين نكون موتية طماطم مبشور وشوية طماطم حكة المعجون ونحطه عالكرشة ونقلبه اشوية لين يذبل الطماطم بعدها نبهر ونملح اشوي ما نكثرش لان العصبان فيه ملح ونوطي عليها ونمشي نقرض العصبان ونحشيه بعد ما نكمله نكون موتية حبات بطاطا ومقصصتهم وناخذهم ونمشي شور طنجرة الكرشه نحط البطاطا فوق الكرشة بعدها نحط العصبان فوقهن ونشوف المية اهم حاجة ما نكثرهاش ونبقى كل اشوي انطل عالمية لا نخليها تنزح ولا واجد نفس الطريقة مع الراس بعد ما تغسليه تبهريه وتتبليه وتحطيه في الطنجرة بعدها اتحطي فوق منه العصبان وطيبيه وشوفي الطعمة واللذاذة وجربيهم وادعيلي .. صدقيني طريقة مختصرة ولذيذة ونادرة وصحة وهنا اقتباس:
هلا بالجوهرة .. انا غداي اليوم فاصوليا علي دجاج مع خبزة ومصير وسلاطة بالنسبة للحوت انا انتبل فيه قبل بوقت وبعدين ناخذه للحاجر ونجيب غاز البريمس الصغير وزيت زيتون وطاجين رقيق زي الطاوة يعني ونسخنة بكل بعدها انحط نقاط زيت لين يدخن ونحط الحوت ونقلب وكل ما احتاج الامر انحط نقطة زيت وبعد ما انكمل مجموعة انكون امجهزة ورق الالومنيوم ونحط فيه الحويتات ونبدا بالمجموعة الثانية وهكي تكوني تخلصتي من رائحة الحوت وتحصلتي على حوت مشوي وطبعا هذا كله انديره بعد ما نكون كملت الاطباق اللي بيتقدمن مع الحوت والحوت انطيبه اخر شي لانه ما يحيرش سريع في التطييب ________________________________ بالنسبة لكلمة صبيتي تقال لاخت الزوج |
| الساعة الآن 07:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .