|
رد: تجمع حــوامل التوائم
قمرين 2 ......... ليش انت مستعجلة بعد باقيلك التاسع خليهم في بطنك احسن حتى لو وضعك تمام .
بنت الهدى ... ماقصرتي على المتابعة يعطيك العافية . |
رد: تجمع حــوامل التوائم
بنات قصص توام مسليه حابه اونسكم ياكروشات عسى الله يسهل عليكم وعسى الله يرزقني حمال توام نهاية هالاسبوع اللهم امين كل الي تشوف اسمي تدعي لي ... وحدة عندها ولد ومن جابته وهي تفكر تحمل لانها تبي بنت وتموت بالبنات وكان عمرها 31 وقعدت تحاول 9 سنين بعدين حملت تقول كانت تتفاءل بزهرتين قدام شباك غرفة الجلوس وشمعدانين عليهم تمثالين حاطتهم بطاولة جنب الشباك وطبعا هذا كله خرفات تقول كل يوم تطالعهم وبعد سنه من هالشي حملت بتوأم بس تقول كان مهدد حملها بانها تطيحه لان المشيمه نازله وكان على طول عندها ضغط مرتفع والتهابات وحراره هذا غير عمرها الكبير كان 39 واحتمال كبير تجيب متلازمة الداون الي كان يطلق عليهم المغوليين وتقول كان يرتفع الضغط باستمرار واتنوم بالمستشفى نفسيه تعبانه جدا لانها تخاف على الي فبطنها خصوصا بعد ماقالولها بنتين بس تقول من كثر ماكانت عصبيه ومتنرفزه على طول قلت بناتي ماراح يكونون طبيعيين وراح يكونون عصبيين المهم ولدت بالسلامه ولاده طبيعيه وجابت بنتين تقول من كثر ماهم هادين مرات اشك اقول اكيد بكم يعني مايتكلمون بس الدكاتره فحصوهم وقالو طبيعيين ميه بالميه وتقول اي مكان اروح معاهم مايزعجون حتى السينمات تقول هاديين بالمره وحبوبين والكل يسألني عن السر وماكانو يدرون عن حملي الصعب ادري هالقصه شكلها تافهه ومالها معنى بس بغيتكم تشوفون صورتهم والي تحاتي حمالها ان تتطمن مو كل شي يقولونه الدكاتره صحيح الله يرزق ويفعل مايشاء سبحانه هذه صورتهم واخوهم يهبلون http://forum.hawaaworld.com/attachme...1&d=1267466600 بنات هذا القصه لقيتها في الصفحات الي قبل وحبيت انقلها لكم للفائده |
رد: تجمع حــوامل التوائم
حنان الهاجري..
لحد الحين ماحددوا يقولون الاسبوع الجاي بيحددون والدكتور قال على الاسبوع 37 الى 38 بس قال لوضعك انتي بنسويهاا ممكن 37 اسبوع علشا يقوا بنيتك ماتتحمل اكثر .. والله يسهل لنااا يارب وخلوا ثقتكم بالله كبيره... |
رد: تجمع حوامل التوائم
دعواتكم لي بالحمال القريب القريب ,,,
هذي وحده مسكينه ماتحمل سوت المستحيل عشان تحمل ولما دشت الاربعين كانت شبه يائسه وكانت تتعالج بالكلوميد وتأخرت عليها الدورة وفرحت وحللت طلعت حامل وهي باول الاربعين المهم باول مراجعه قالولها واحد وبعدها بشهرين لما سوت سونار قالو توأم استغربت وقالت السونار الاول مابان انهم توأم قالو عادي تصييييييييير باحسن العوايل ههههه المهم بالسونار الثالث كل شي انكشف وبان بأن الام احملت بواحد وبعدها بشهرين احملت بالثاني لاتسألوني شلون انا انقلكم القصه الغريبه وياليت الي عندها خبر او سمعت بقصص تأيد مواضيعي تشارك فيها لان فعلا غريبه المهم ولدت الاول عادي جابت ولد وقالولها تقدرين تحتفضين بالثاني بعد شهرين تولدينه او اذا تبين يولد الحين ويكون بالسابع ( استغرب شلون مو الرحم واحد شلون مايصيبه الطلق؟ ) المهم الاخت قالت بتحتفظ فيه برحمها وبعد شهرين تولده ماشاء الله هذه الام مو حنا الملاقيف المهم وبعد شهرين ولدت الثاني وقامت بالسلامه وتوأم الفرق بينهم شهرين شي غريب لكن نرجع ونقول ماعلى الله شي صعب وهذه صورتهم فعلا يابنات انا حصلت لي زي قصتها اول حملي قالت مافيه الا كيس واحد وهي مسويه لي اشاعه مهبليه وسألتها بس كيس واحد قالت ايه بس وسويت بعدها باسبوع ونفس الكلام بس مافيه الاكيس واحد وبعد اسبوعين قالت عندك كيسين استغربت معقول ماتبين الكيس الثاني الا بعدين http://forum.hawaaworld.com/attachme...1&d=1267468445 هذا قصه من الصفحات الي قبل للتسليه |
رد: تجمع حــوامل التوائم
ماء زير ان شاء الله بتبشرينا بحملك
مشكورة على هالطرائف الحلوة |
رد: تجمع حــوامل التوائم
ام حمودي حتي انا احتمال كبير اني اروح مستشفي الاحساء وبروح اسحب اورقي من الموساة يوم السبت ومرة وحدة اسوي تصوير لان اخر مرة كان في السابع واحد راسة تحت والثاني مقعدي والوزن واحد 1200 والثاني 1300 وانا الحين دخلت الثامن وانتي كم اوزان الاجنة وايش قالتلك ماجدة
|
رد: تجمع حــوامل التوائم
ام حمودي انتي جربتي مستشفي الاحساء قبل كذا او هذي اول مرة انا اول مرة يالله انتي انشاء بتولدين قبلي واعرف منك كل شي بس لا تختفين
|
رد: تجمع حــوامل التوائم
نارا
عواطف السلمان الف الف مبروك الولاده والحمد لله عالسلامه الله ييسر لكم تربيتهم |
رد: تجمع حــوامل التوائم
قوه بنات الله يسهل على الكل يا رب و يرزق كل محروم و محتاج هوالقادر على كل شيء.
بنت الهدى :مشكوره حياتي على مجهودج انا اليوم 20/10 أدخل الشهر التاسع خلاص قضينا يالله رفعينا فوق. ماء الزير :الله يرزقج باللي تتمنينه ومشكوره على القصص المفيده والغريبه. *اليوم انشالله عندي موعد بالمستشفى والدكتور يقول انه خلاص بيحدد موعد الولاده وانشالله خير يا رب انا ما ابي طلق صناعي بس اللي الله كاتبه بيصير وراح ابلغكم باللي يصير معاي. |
رد: تجمع حوامل التوائم
آآآآآآآخ ياعالم مليت وةالله مليت من فضول الناس شي غريب..
انا قاعده اخبي موضوع حملي عن الناس مو لشي والله بس ابيه لين اخلص شهري الثالث.... ويستقر حملي واقول,,,,,,, لكن العالم ماتخلي احد فحاله... اضطريت اخذ اجازة من الدوام حفاظا على حملي الله يتمم لي يارب... واضطريت اكذب كذبة طويلة عريضه عشان اقفل باب الفضول والتساؤلات اللي ماتنتهي,,, وعلى بالي اني نجحت بهالشي... تخيلو قاعدين يسألو ن من وراي,,, حتى انهم عرفو المعلمه البديله لي لانه من سوء الحظ طلعت بنفس الحي ومن جماعتهم ومااستبعد انهم وصوها تسال ليش انا اخذت اجازة؟؟؟؟؟؟؟؟؟؟ لكن اللي حصل للاسف ان حضرتهم مااقتنعو هالعالم المتخلف وقعدو يزنون على رأس ام زوجي حتى تكتشف الموضوع السري الخطير وطبعا هي بدأت بموالات التنكيد لي والاسئله المستمره لزوجي تخيلو حتى الشغاله سالتها انتي ماتشوفين اولويز بحمام مدام وربي ياعالم احتقرتها من كل قلبي... تقدر تختصر وتسالني ... بس حضرتها ماتتنازل واليوم طلعت مع زوجي لمشوار ويقول لي ابلشتني والحت علي لين علمتها وحذرتها ماتقول لاحد... وطبعا بكت من الفرحهhwaml4 والدليل انها لما رجعت للبيت لا سلمت علي بتحية الاسلام ولا حتى باركت لي تخيلو رغم انه حمل بعد حرمان باراده الله... والله يابنات ادري منتو عارفيني ويادوب شاركت معكم امس بس لكن احس بانفجر لو ماتكلمت.. ابي رأيكم ... لو سألني احد اضل على رأيي ومااقول لاحد((لاني متاكده راح تعلم بنتها واختها وهالثنتين ماراح يسكتون ابد)) والا اقول واتوكل على الله,,,,,,,,,,وربي الحافظ,,,, شاكره لكل من قرأ موضوعي........................................ديم |
| الساعة الآن 03:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .