|
رد: تجمع حوامل ليبيا
اقتباس:
الايمان خطوة موافقة باذان الله بس هل الدكتورة لى قالتلك اعملى حقن مجهرى اما انتى لى قرارتى الحقن المجهرى |
رد: تجمع حوامل ليبيا
ميراس...ربي يفرح قلبك انشاءالله
وماشاءالله على الاهتمام بالنفس والصحه حتى انا خاطري نخش نادي بس ماعنديش وقت نهائي صغاري بروحهم نادي في اسبوع مرت خوي الاسبوع الفات يلي يشوفني يقول ناقصه على قبل مع اني ما نقصت شي بس الجري وراء بنتي وتعبي مع ولدي حاله لكن مشواري للرشاقه مازال شوي شدي همتك ولو حققتي نتيجه رح اخطو خطاك وناخد منك برنامجك |
رد: تجمع حوامل ليبيا
الايمان...وينك استحشنااااااااك
كيف حالك واحسن شي درتيه توكلي على الخالق وابدي وطمنينا كل فتره والتانيه مشيتي لاخت الدكتورة ايمان بوطلاق صح طمنينا يا احبيبه |
رد: تجمع حوامل ليبيا
السلام عليكم
كيف حالكم جميعا وشن اخبارك ياعيون؟ انا اخبارى حوسه فى حوسه كبرت العروسه اشويه دارها السكر وكبر معاها وماتلاقينى الانبى نرقد كانى امحصله لدغه من دبابة اتسيتسى وانت بسلامتك تسالى على الحمل من مزال يغلط ويديرها؟ طبعا اعيون عادى اديرها وادير ما اكتر المهم انا ياغاليه امرأة عاملة يعنى وقتى بالثانيه والحق مش مقتنعه بالعمل لكن الضروف تحكم غالبا انخش بالليل لما الامن يستتب فى الحوش انشوف فيكم واخباركم وندعيلكم من كل قلبى لانى ياما جربت انخش عالنت نكتب فىبعض المنتديات ونقرا اراء الغير وهدىاخبار ام لقمان والى اللقاء فى موعد اخبارى مقبل تريحتى يا قصقاقه ابصاره وانشالله مانفقدك |
رد: تجمع حوامل ليبيا
سورينام...ام اسيل...لولي
طمنونا بالله اعليكم وين هالغطسه.............. |
رد: تجمع حوامل ليبيا
اعيون شكلها السهره صباحى؟
شن اخبار السموح المراض؟ |
رد: تجمع حوامل ليبيا
اقتباس:
طمنتيني اعليك بس بجد ماكنتش نعرف حكاية السكر نهائي لاباس طهور انشاءالله انتي ماحكتيش عليها قبل هكي او انا ما شفتش كلامك من قبل سامحيني مرات ماكنتيش تحبي تحكي وانا اصريت بس والله من حبي مش من قصقصتي ههههههههههه مش زعلانه منك نحبك في الله وربي يعينك في عملك ويغنيك اعليه ويرزقك من وسعه يارب زدت تعلقت باخبارك اكثر ولما تخشي طمنيني لو ماتحبيش التفاصيل وتحبي تكون ليك خصوصياتك انتي حرة اكتبي انك بخير وخلاص لاني نحكي في كل شي بس لكل شخص ظروف غير وعلى قد ما يحساب الواحد انه تعبان وظروفه ملخبطة يلقى الناس اكثر منه ومن هانت اعليه الدنيا بمشاكلها تهون كل الدنيا ليه والحمدلله ان لينا رب كريم وانه نحن مسلمون |
رد: تجمع حوامل ليبيا
اقتباس:
وكلمت راجلي عالكالسيوم قال السبت ناخدوه المختبر انديروله تحليل والنوم طار بسلامتهم كلهم رقدوا وقعدت متنحه عالتلفزيون نتفرج ماتخافيش حتى الراجل راقدhwaml7 وراه عمل من 6.30 الصبح |
رد: تجمع حوامل ليبيا
قالك ويسموا فيا حكيمتنا
ماشاء الله اعيون حكاية السكر كنت نحكى فيها قبل اتخشى التجمع يعنى فى حملى واكيد انتى مش عارفه انى ماحصلت بنيتى جنان الا بعد علاج بالاعشاب من طبيب اردنى الله يجزيه كل الخيروهوا صاحب منتدى نوافذ طبيه والحمد لله ربى ايخليلى اعويلتى ويسلمهم ويخليكم ليا ولعلمك اغلب الليالى انخش ونطمن عليكن ومرات النت اديرها ومانقدرش انعلق وعارفاتك ام السموحه صاحبة الدربوكه ضرابة خوها ربى ايسلمهلك وبارك الله فيك على كلماتك ممكن ماتلقينيش انعلق واجد مش حبا فى الخصوصيه ولاهوعقل لكنى ماعاش انعدل واجد عالحكى فى الفتره الاخيره شكلى بنكبر ولكن امام اهتمامك باخبارى استحيت على وجهى وكتبت قصة حياتى وانشالله انحاول انى انكون معكم فى قلب الحدث |
رد: تجمع حوامل ليبيا
توا خلينى بنسالك ياعيون على مرض اوليدك
هوا التهاب رئوى والا ربوا؟ على خاطر الالتهاب حله اتقوى المناعه وتغلفيه بالزيت اوخليهمرقى بيش الخير يكمل |
| الساعة الآن 06:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .