|
رد: دردشة حوامل الأحساء- تجمع بنات الأحساء - الحسآويآآت
عذوب تصدقين اقول لأمي اللي صار لي من العين
لان حنا بالدوام كذا وحدة حامل ولله تقريبا 10 اذا ما ابالغ وتعرفين كل وحدة جسمها يختلف عن الثانية انا عريضة وبطني صاير عريض مو بارز مو باين علي الحمل ودايما مقارنات ودايما يسالون ليش مافيك بطن وما تبهدل جسمك ومن هالكلام والله من يعرف اني حامل و وصلت الخامس يسترب حيييييييل مع ان الوضع طبيعي لاني بكرية وما يبان بطني الا بالسابع او الثامن بس هم حاطين علي |
رد: دردشة حوامل الأحساء- تجمع بنات الأحساء - الحسآويآآت
انا حمد ربي الحمد الله على كل حااال
تصدقين في ناس يقلون يليت ازواجهم يشتغلون بعيد علشان لجاو يجلسون معم انا صديقتي تقول يليت زوجها يشتغل برياض كان يجي خميس وجمعه ويتفرغ لها |
رد: دردشة حوامل الأحساء- تجمع بنات الأحساء - الحسآويآآت
والله حاولت بس مو مشتهية اكل شي
حطيت لي فاكهة تعالي شوفيها على الثلاجة احس اني من الزهق ودي انام ولا يصحيني الا الطلق واولد وارتاح>> رنون على غفلة هوووع |
رد: دردشة حوامل الأحساء- تجمع بنات الأحساء - الحسآويآآت
بس ياعذوب ياحبيبتي لو لا قدر الله صار لك شي منو بيجيك؟؟
انا صحيح معي اربعه من حمياني بالبيت بس تحسين بثقل وانا مااحب الا زوجي يوديني ويجيبني احس مالي خلق حتى اهلي |
رد: دردشة حوامل الأحساء- تجمع بنات الأحساء - الحسآويآآت
هذا اقولك لاتقولين لاه لقلابتى تدخلين الثالث ولحد اسالك قولى تونى
اممم مايصحيك لا اطلاق قويه شوفي صموت صوتها رايح من صراخها اليوم |
رد: دردشة حوامل الأحساء- تجمع بنات الأحساء - الحسآويآآت
بعد وش نسوى ونفس مشكلتى محب اطلب من احد استحي
|
رد: دردشة حوامل الأحساء- تجمع بنات الأحساء - الحسآويآآت
مسا الخير ياحلوات
مبروك للي ولدو وعقبال اللي موصلين حدهم شخباركم؟ |
رد: دردشة حوامل الأحساء- تجمع بنات الأحساء - الحسآويآآت
هههههههههههههههههه عسى صوتها رايح
اول اقول الحريم يبالغون لما يتكلمون عن الولادة بس لما جربت وضقت الطلق الصناعي قدرت اللي يمرون فيه وما الومهم عذوب انا مقررة اذا حملت اطلع من الشغل خلاااااااااااص صحتي وصحة البيبي أولى |
رد: دردشة حوامل الأحساء- تجمع بنات الأحساء - الحسآويآآت
هلا بك مس اخبارك اليوم ان شاء الله احسن من امس
هااا قوللى اعشق اطلق حاااار وش سويتى |
رد: دردشة حوامل الأحساء- تجمع بنات الأحساء - الحسآويآآت
الحمدلله بخير
وحده قالت لي كلي كورن فلكس ويخف الوحام وفعلا اليوم احسن من قبل بواجد بس امس تحمست وغسلت المطبخ واليوم ظهري أحسه بينكسر الله يعين أعشق فعلا الوظيف بدالها وظيفه وماتستاهل يارب يكتب لش اللي فيه الخير |
رد: دردشة حوامل الأحساء- تجمع بنات الأحساء - الحسآويآآت
الحمد الله مس اجل كل يوم كورن فلكس
|
رد: دردشة حوامل الأحساء- تجمع بنات الأحساء - الحسآويآآت
السلام عليكم حساويات
عندي سؤال ممكن يصير حمل وانا ارضع طبيعي مية بالمية وكيف اعرف اني حامل |
رد: دردشة حوامل الأحساء- تجمع بنات الأحساء - الحسآويآآت
إيه والله من الصبح وانا أدح كورن فلكس هههه
هذا اللي نفع صمونه حبيبتي في ناس تحمل وهي ترضع عادي |
رد: دردشة حوامل الأحساء- تجمع بنات الأحساء - الحسآويآآت
هلا بك صمونه
اي ممكن يصير حمل انتى كم لك وانتى ترضعين وهل مانعك بس ارضاعه |
رد: دردشة حوامل الأحساء- تجمع بنات الأحساء - الحسآويآآت
والله يا عذوبة الطلق الصناعي حاااااااااااااااار
يومين كانوا يحطون لي كبسولات بالمهبل لمدة يومين بس ما استجاب وبعدها حطوا لي قسطرة بالرحم وكانوا يحطون لي حقنة كل ساعة والالم في البداية تحملته ومن بعدها صار يروح ويجي بس بعدها اشتد وصار الألم متواصل اذا جا حتى ما اقدر اتكلم بس ساعة الجد تحسين كأنه سوط يضرب على الظهر والبطن انا من النوعية اللي اتحمل الألم بس ألم الطلق ماقدرت قمت اصارخ بجنون واصيح وصافعت بعمري ومشعت شعري وكنت احاول ادفع وما كان في جنبي ولا ممرضة ولا احد وكنت بقوم من الالم بطلع انادي احد يجيني الا وسبحان الله حسيت ان البيبي بيطلع وطلع وظليت بعدها وما طلعت المشيمة جات الدكتورة طلعتها وقررت لي تنظيف بس بعدها تحسين نفسك في حالة استرخاء كأنك في حلم وراحة |
رد: دردشة حوامل الأحساء- تجمع بنات الأحساء - الحسآويآآت
أعشق ... أجر وعافيه والحمدلله على سلامتك
والله من كثر مانسمع عن الألم نصير نخاف من أول مايقولون مبروك انتي حامل هههههه الله يسهل على حامل ويرزق كل وحده تبي يارب |
رد: دردشة حوامل الأحساء- تجمع بنات الأحساء - الحسآويآآت
الله يسلمكم بنات
انا ما امانع ابد بس معتمدة على الرضاعة توني من 3 شهور والدة جاتني الدورة بعد الاربعين وجاتني مرة ثانية بعد شهر واشوي والحين جا موعدها ولا جات ولا احس باي اعراض لا حمل ولادورة |
رد: دردشة حوامل الأحساء- تجمع بنات الأحساء - الحسآويآآت
اي والله موت الله ياجرنا بس
بس انا ماصارخ ولا اسوي شي بس وقت الى بيطلع البيبي اعطيك ذااك الصوتين الى يعبي المستشفي ....وين وايت كان الحين تقول سمعتك وانت تصارخين هع |
رد: دردشة حوامل الأحساء- تجمع بنات الأحساء - الحسآويآآت
يعني اعشق كم يوم ميت الجنين في بطنك؟؟
والموية اللي كانت تنزل معك وش قد؟؟ |
رد: دردشة حوامل الأحساء- تجمع بنات الأحساء - الحسآويآآت
ميس .. الله يتمم لك على خير
بس الحريم وحتى ماما قالت لي ان الم الطلق للولادة الطبيعية اخف بكثير من الطلق الصناعي لان في الولادة الطبيعية من الله سبحانه ومافي تحريض للولادة وان البيبي اخذ وقته وهو راح ينزل من نفسه بس بالنسبة لي ما كان وقت ولادته عشان كذا في فرق |
رد: دردشة حوامل الأحساء- تجمع بنات الأحساء - الحسآويآآت
لا ماتمنع الرضاعه مانعي مع الرضاعه علشان ماتحملين
واذا على الدوره يمكن متاخره بس |
رد: دردشة حوامل الأحساء- تجمع بنات الأحساء - الحسآويآآت
إن شاء الله خاتمة الأحزان اعشق
الله يعوضك بـ أخير منه يارب |
رد: دردشة حوامل الأحساء- تجمع بنات الأحساء - الحسآويآآت
صمونه دامك ترضعين اوقات تصير فيه لخبطه
مو لازم تكونين حامل بس الرضاعه ماتمنع على حد علمي صبري عليها شوي وبعدين جربي اختبار حمل اذا تأخرت واجد |
رد: دردشة حوامل الأحساء- تجمع بنات الأحساء - الحسآويآآت
عذوب انا كنت عارفة ان الصراخ يخليك تفقدين طاقتك وقت الطلق عشان كذا كنت ماسكة نفسي
بس وقت اللي قريب يطلع خلاص راح الصوت واللي خلاني اصارخ كنت خايفة لان ما كان معاي ممرضة .. تدرون ان خلوني اولده في غرفة التنويم العادية مو في قسم الطلق ومافي اي دكتورة او ممرضة واناديها تقولي انا مشغولة مع غيرك تخيلي تولدين لحالك وكل شوي تجي حرمة تطل علي بالنسبة للموية نزلت كلها مرة وحدة بعدها مباشرة رحت المشفى قالت الدكتورة النبض ضعف وما صار يتحرك ومستحيل يعيش |
رد: دردشة حوامل الأحساء- تجمع بنات الأحساء - الحسآويآآت
بعضهم الرضاعة تمنع وبعضهم ما تمنعهم
انتي صبري واذا تأخرت اكثر سوي تحليل للحمل والله يكتب لك اللي فيه الخير |
رد: دردشة حوامل الأحساء- تجمع بنات الأحساء - الحسآويآآت
مشكورين بنات
الله يكتب اللي فيه الخير زوجي ما يحب يمانع ورافض اخذ حبوب او اي مانع الله يعين |
رد: دردشة حوامل الأحساء- تجمع بنات الأحساء - الحسآويآآت
ربي يعوضك خير اعشق
ويعطيك كل اللي تتمنين يااااارب بحق الامام الجواد جيت للماتم أصيح اوهمى زاد أنخه وتوسل الليلة بالجواد* ــــــــــــــــــــ جيت للماتم ودمعاتي تسيل أنخه وتوسل ابحماي الدخيل منهو غيرك سيدي الهمي يشيل عطني امرادي وبرد هالفاد* ضاقت الدنيا ابعيني يالولي يالجواد هاليوم غيرك ماالي أنتخي وتوسل ابجدك علي يا امامي بيدك تعطيني لمراد* نخوة يامولاي ياابن الرضا ضاقت الدنيا عليناوالفضا نظرة من عينك اتشافي المرضي يالجواد انت الطبيب وغيرك مافاد* |
رد: دردشة حوامل الأحساء- تجمع بنات الأحساء - الحسآويآآت
ربي يعوض اعشق
ويجعل ضناش في ميزان حسناتش الا اعشق انتي ساكنه بشارع النجاح اجل مثلي انتي ساكنه بالسوق ؟ |
رد: دردشة حوامل الأحساء- تجمع بنات الأحساء - الحسآويآآت
انا في البداية ما كنت متقبلة الموضوع
بس الان .. الحمدلله على كل حال مو مكتوب لي سميته ( الباقر ) الله يعوضني باللي احسن منه |
رد: دردشة حوامل الأحساء- تجمع بنات الأحساء - الحسآويآآت
رنون تروح تتخمر وترجع
قومي سبحي ترا مايجوز تدخلين المنتدى وانتي على شيسمونة هوووع |
رد: دردشة حوامل الأحساء- تجمع بنات الأحساء - الحسآويآآت
رنون انا بيت ابوي بعد كم شارع من النجاح
وشقتي بالراشدية |
رد: دردشة حوامل الأحساء- تجمع بنات الأحساء - الحسآويآآت
احسنتي جنون رحم الله والديك
اعشق الله كريم عندي اختي اربع مرات تسقط ومره من المرات كانت حامل معي بولدي حميد انا ولدت وبعد يمكن 7 ايام جاها الم وهي بالثامن وولدت وجابت بنت كانت مبسوطه ومجهزه كل شيء هي وزوجها وبعدها بس يوم وماتت بنتها والله بكيت عليها بشده بحكم اني مربيتها واعتبرها بنت لي مو اخت لدرجه اني تمنيت انا اللي مات ولدي وعاشت لها هالبنت استغفر الله ا |
رد: دردشة حوامل الأحساء- تجمع بنات الأحساء - الحسآويآآت
انا كنت مسقطة والجنين مات في بطني اسبوع
تخيلي وانا ماادري ويوم نزل عندي دم والم وحالة ورحت المستشفى وسوت لي الدكتورة سونار عادي وسونار مهبلي قالت لي الجنين مافية نبض ميت ولازم ينزل واكتب لي خروج وجيت البيت واخذت لي ساعة يمكن بس وبدا الالم ودم ينزل تخيلي سريري مايبين من الدم لاني كنت بنام تعبانة وارجع المستشفى وقالت لي الدكتورة يلا نحطي لازم ينزل الجنين اهو فيني طلق بس لانوالجنين صغير وميت شلون يدفع وموتتني بس فيها تدخل ايدها وتطلع من قطع المشيمة وانا صراخي لاخر الدنيا وبعدين حط السونار مرة ثانية وشافت انو الجنين لسى فوق بطني مانزل وقالت خلاص بنسوي لك غسيل قلت كان قلتي من البداية ولاذبحتيني وعلى طول سوت لي غسيل وبعد ساعتين طلعت من غرفة العمليات بس انتي لية ماسويتي غسيل اعشق؟؟ |
رد: دردشة حوامل الأحساء- تجمع بنات الأحساء - الحسآويآآت
يؤيؤ أنا ماجربت الا اول الطلق وخفت يعني كانت مجرد تقلصات وحسيت انها تألم وقعدت أقول ياربي الطلق يوجع هههه أنا ما أتخيل أني أصارخ بس بصيح لأني صياحه حتى وانا أدخل غرفه العمليات بدموعي وحالتي حاله حتى الدكتور جلس يهدي فيني
|
رد: دردشة حوامل الأحساء- تجمع بنات الأحساء - الحسآويآآت
الله يرزقها يا رنون ويعضوها
ويحفظ لك ما جبتي من جدة تجربة أليمة فقد الضنا الله يرزق كل محرومة |
رد: دردشة حوامل الأحساء- تجمع بنات الأحساء - الحسآويآآت
جنون والله ماسويت شيء بريئه .... فيس متعجب
مسكين جوجي تعبين نومت هالحزون اللي عندي وماجاني نوم جيت امل السهره معكم |
رد: دردشة حوامل الأحساء- تجمع بنات الأحساء - الحسآويآآت
يؤيؤ رنون شنو هالكلام حرام عليك ربي كتب لها هالشي أمتحان منه لها
|
رد: دردشة حوامل الأحساء- تجمع بنات الأحساء - الحسآويآآت
جنة
انا سويت تنظيف بعد ماولدت البيبي لان لما جات تطلع المشيمة غاصت بيدها وقمت اصارخ من قمة راسي هي ماتبي تتعب نفسها قالت لازم غسيل ونزلت غرفة العمليات |
رد: دردشة حوامل الأحساء- تجمع بنات الأحساء - الحسآويآآت
اهو شي زوجك نام رنون
والا اهو بالعادة من تدق 12 جا على راسك يلا قومي نامي وتركي عندك هالغبر تذكرين وانتي حامل بس تصير 12 تدق اجراسس سندريلا هووووع |
رد: دردشة حوامل الأحساء- تجمع بنات الأحساء - الحسآويآآت
يالله حبيباتي تصبحون على خير اخليكم مع أن الجلسه معاكم ما تنمل بس بقوم أجابل رجلي *_^
|
| الساعة الآن 12:23 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .