المشاركة الأصلية كتبت بواسطة ام رفا (المشاركة 1476798)

صباح الخير عشمانة في ربنا
حبيت اسئلك شغالتك استقدام ولا بدون
عشان لو استقدام احرصي منها واستني تنتهي مدة الإقامة
اما اذا بدون خرجيها من بيتك
ونصيحه خذي رقم الرجال واكتبيه عند احتياط الواحد مايعرف لو يوم شردت
يمكن تستفيدي من الرقم والله يأخذها كيف قدرت تأكل عقل الرجال 6 سنين
والله والعالم اذا كان شاب ولا متزوج هذولا جنس خبيث
واذا انت خايفة ع زوجك منها والله خرجيها فوراً اما اذا الامور طبيعي زي ماقلتلك اول وع الله
اسكتي تررررررررا مرا مقهورا واصله حدي نفسي تمسكها واديها علقة هههههههه

عشمانه زوجك ليه مايفكر يكلم الرجال يمكن ربنا يتوب علية وينصلح حالو ولكم الأجر وبالمرا تعرفو مضمونها وسرها
قلبي معاكي طمنينا الله يخليك لا تنسي

المشاركة الأصلية كتبت بواسطة ام منصور (المشاركة 1476805)

صباح الفل
شحالكم حبايبي كل وحده لحالها

ام رفا حبيبتي تسلمين على الشعور الطيب ربي يجزاج خير عني وعن خواتي
ياقلبي بالنسبه للفحص والمتابعه يمكن هي حابه تشوف نبضهم وحركتهم ... انتي في اي اسبوع ؟؟

عشمانه
ياقلبي لا تهمين عمرج فيها اذا كانت زينه مع عيالج شو بتسوين انتي وراج شهور حمل متعبه
خليها وانسي موضوع التيلفون انتي تكلمي معاها وقولي لها هذا مب زين عندنا حرام بعدين لما ترجعين بلادج سوي اللي تبينه ... ياختي شرهم اكثر من خيرهم هالخادمات انا عندي 3 ملوعين جبدي لوعه لكن انا اتغاضا عن اللي يسونه واقولهم ترا انا اعرف انج تسوين جذيه لكن بخليج عشان مااقطع رزقج ... عندي اندونيسيه طباخه وفلبينيات وحده للبيت ووالتنظيف ووحده لليهال
وتساعدها في البيت ويوم يتضاربن اقولهم انا اشوفكم في الكاميرات ( اختج حاطه 14 كاميرا في البيت ) هههه استغفر الله وراهم وراهم وهم يعرفون خاصه الطباخه عن تلعب من ورانا
وبس لازم تاقلمين نفسج على هالشي خليها تولي كلمت والا لا لكن قولي لها هذا حرام اذا كانت مسلمه وقولي لها انا ماريد اقطع رزقج انا زينه وانتي زينه لا تسوين جذيه
والله يهديها لج والله ياختي بتتوهقين لو تروح
والله يعينج عليها

المشاركة الأصلية كتبت بواسطة ام رفا (المشاركة 1476828)

عشمانة كيف بناتك وكيف دحين تميزهم للأصوات سار احسن
طمنينا عليهم

المشاركة الأصلية كتبت بواسطة أم جبر (المشاركة 1476947)

اخباركم بنات وشكرا ام رفا على السؤال
hwaml13


لا والله ما جد سمعت عنها @@

...........................................






شفته قبل وسويت عنه بحث
لقيت وحده اشترته ما ارتاحت عليه
وبعد الوالده سالتها شرايها قالت لي لا تاخذينه !

..........................



حبيبتي انا مريت بموقفج مرتين
واقولج اياها باختصار "من اليوم ورايح ما راح تكون اوكي مع عيالج فحاسبي عليهم والاهم ســـــــــــــــــــــــفـــــــــــــــــريــــــ ــــــــــها نهائي!!! وكنسلي الفيزا " بدون اي تفاهم
لا تعطينها خبر انها بتسافر لكن قبل ما تطلع لموعد الطياره بساعه قوليها لها لمي اغراضج < واستنيها عند غرفتها لا تخلينها تعر وتحوس في البيت!
اول ما ترتب شنطتها تنزل جدامج عند الباب .. وفتشيها وفتشي شنطتها "برسيجر لازم"علشان تتاكدين ما خذت شئ لكم او شئ فيه ريحتكم لا سمح الله تسويلكم عمل ولا شئ!
بعدها على طول المطار والافضل تختمون في جوازها ان ممنوع تدخل ثاني !
لان الي سوته زنا لا تسمحين انه يستمر في بيتج ما تدرين غير الي شفتيه ايش مهببه وراج يمكن مدخلته داخل او طالعه معاه في الليل ولا شئ <لا تستبعدين !!

لا تقولين راي "شرير" هاي حزم وانتي راعيه البيت لازم تديرينه بحزم
زوجج يمكن ما يبي يسفرها لانه عيزان
اقنعيه حتى لو ما اقتنع قولي حاسه ان مدخله حد البيت امس او شئ
مب مشكله اذا قلتي اي شئ فيه تشكيك اكثر علشان يحس باهميه حمايه بيته

الله يعينج
ادري موضوع ان حامل وعندج توام متعبه بدون محد يساعدج
فشوفي حد من خدم اهلج اذا يسلف لج اياها
او شوفي شركه ثقه ومعروفه الي تشغل الخدم بالساعات او بالشهر
بس تاكدي ان الي تشتغل على كفاله الي تشتغل عنها مب لامتهم من الشارع او مجرمات تشغلهم
.............................................
.............................

المشاركة الأصلية كتبت بواسطة أم جبر (المشاركة 1476950)

بنات انا بدش اخلص شغلي وبعدها بروح عندي موعد ف الولاده على 2 الله يسهل واتطمن عليهم

ادعولي
>_<"""""""""""""""""""

المشاركة الأصلية كتبت بواسطة أم عائشة (المشاركة 1477257)

السلام عليكم
مشكورين لكل اللي باركلي
الله يبارك بعمركم يارب ويخلي اولادكم ويتمملكم على خير


كروشات معليش استحملوني الله يخليكم
الحين انا 6 اسابيع و3 ايام يعني دخلت الثاني
طيب ليش ماقاعدة احس بالوحام
وربي ميتة رعب
حتى اللوعة اليوم اختفت
ماعندي الا الم بصدري وشهيتي مفتوحةدايما للاكل

الله يخليكم هالشي اللي احس فيه موطبيعي صح؟؟
لازم احس بالوحام ودكتوري معاند موراضي يسمعني النبض الا بعد عشرة ايام

اروح عند اخصائية بالسونار واتطمن؟؟
واذا رحت الحين اقدر اسمع النبض وانا 6 اسابيع و3ايام؟؟؟
بالله عليكم طمنوني

المشاركة الأصلية كتبت بواسطة رضاك ربي (المشاركة 1477537)

كيفكم كروشات شخباركم استمتعوا بلحظات الحمل ولحظات وجود التوأم بكرشتكم وربي يسهل امركم انا البنات الله يسلمهم عاملين فيني العمايل ما ادري متى يستقر وضعهم بس برغم كلشي احببببببببببهم وتعبهم حلو وسهرهم احلى الصغيرة لعوبة تبارك الله دائما تسوي حركات وتضحك والكبيرة احسها مصدقها نفسها وثقيلة بتصرفاتها كككككككككككك سبحان الخالق الله يحميهم ويبارك فيهم

عشمانة حبيبتي ؟ الله يعطيك خير الشغالة ويبعد عنك شرها انا فترة الحمل كنت مرتاحة لها وبعد الولادة احس مع التوأم والضيوف صار عندها سوالف برغم اني ما اكلفها بشي لا للتوأم ولا بالمطبخ فقط للتنظيف الظاهر اخذت وجه بوجود الضيوف الله يهديها