منتديات حوامل النسائية - تجمع حــوامل التوائم

اقتباس:

المشاركة الأصلية كتبت بواسطة ندى السعوديه (المشاركة 415168)

ام عدي

ماء الزير

لميــــاء

همس الموج

نواعم النعومه

وكل من دعت لي او نصحتني

اهلين بنات الله يسعدكم ويوفقكم

والله اني اكتب لكم وانا ابكي شكرا شكرا لكم من الاعماق

حسيت باحساس غريب من كلامكم ... انا بأذن الله متوكله على ربنا يعطينا هذا الشهر

وقاعده اسوي كل شي قلتوه لي

والله انا يابنات صحيح كنت اموت في الاطفال واتمنى احمل اليوم قبل بكره

لكن مو يأس من رحمة الله قلت خلاص التفكير ذبحني ... والوحده ذبحتني انا بعيده عن اهلي

وقلت ادخل نادي رياضي العصر وادخل تحفيظ قرآن بعد المغرب اتسلى

والآخره خير وابقى ....

يابنات ابي افضفض لكم فيه شي بقلبي / والله اني اكتب وابكي لكم

تخيلوا اخت زوجي متزوجه من شهرين وماشاء الله حامل

روحنا انا وزوجي واخته السوق وانا وقسم بالله على نيتي اتلفت اقوله وين اختك

يقولي / راحت هناك جلست تعبت

انا خلصت بسرعه وقال هو بيروح يحاسب عن الكاشير

قالي / روحي اجلسي جنبها

روحت لست جنبها قلت لها / معليش تعبناك معانا شكلك تعبتي من السوق

قالت : بس ظهري يعورني

قلت لها / الله يعينك من ايش اشفيه ظهرك

قالت : هذي تبي تجيني ( تقصد يابنات الدوره )

قلت لها / الله يعينا حتى انا عندي الآمها اشربي شي حار .. وبرضوه انتبهي لاتكوني حامل

قالت : لاوش حامل لامو حامل ولاشي

قلت لها / الله يسعدك ويعينك بتأجلين فكرة الحمل ليمن تخلصين دراسه او عادي

قالت : ايه اصلا مانفكر بشي الحين

زوجي اتصل قال يلا خلصت محاسبه

وصلنا البيت يابنات ابي اطبخ العشاء ونتعشى سوى ولمن وصلنا عند الباب

انا شايله اغراض كثيره وثقيييله علي ولاشالت معي اي شئ ..انا قلت عادي ضيفه مو لازم تشيل

وزجي شايف ايديني اثنتين اشلون تبي تتكسر من الاغراض وشافها هي مافيها ولاشي

سكت ولاقالها شي

طلعت البيت ودخلت على طول المطبخ طبخت العشاء

جاء اهو ويبي يطلع لها حلاوه وقهوه ليمن يخلص العشاء انا مستغربه وش ذا الاهتمام

المهم انا قلت له خل الحلاو بعد العشاء احلى

طلعت العشاء يابنات وليمت سفرة العشاء وطلعت الحلى والقهوه ... ولاشالت معي ولاشي

وانا عاااااادي عندي وربي لانو في بيتي

تخيلوا تدرون متى انصدمت ..لمن قالت لزوجي ودني لبيتي خلاص تاخر الوقت

وداها بيتها ورجع عندي

وقالي / اهل زوج اختي بيجون عندها وحسيته متضايق

قلت له وشفيها طيب تتحملهم كم يوم والله يعينها عادي

قالي / واذا كانت اختي حامل ..! قلت له انا اهي حامل ..قال اييييه حامل

قلت انا ياسبحان الله انا على نيتي اساله وتكذب علي تقول الدوره بتجيني

قال انا قلت لها / لاتقولك

يابنات خلااااااااااااااااااااااااااااااااااااص احس مادري وش صار فيني

يابنات تخيلوا زوجي يسوي فيني كذا ..؟

انا بحسدهم يعني والله اني اقول ماشاء الله تبارك الله لكل وحده حامل والله يتمم عليها

وانا خلاص بكيت واتصل في اختي واشكي لها

وقلت لزوجي يعني انا بالله باحسدها ..؟ ولا ايش يعني قصدك ...؟

قلت بالله كيف يكون موقف اختك لمن تقولها لاتعلمين زوجتي ..!!!!!! فهمممممممممني كيف ..!

قال : مابيك تتضايقين لانك باقي ماحملتي .

خلاص تزاعلنا انا وياه وعصب علي ...استغفرالله يابنات

ماعاد اعرف وش اسوي ...احس اني مصددددومه

الله يعين على الدنيا يابنات ( كل يوم ادعي اللهم اني استودعتك قلبي فلاتجعل فيه احدا غيرك )

الله يرزقني من حيث لااحتسب ويفرج همي

ويرزقني توام واسميهم على امي وابوي وافرح فيهم انا وكل مسلمه

سامحوني على الإطاله

سبحانك اللهم وبحمدك اشهد ان لا اله الا انت استغفرك واتوب اليك

حبيبتي ندو لا تزعلين نفسك ,, زوجك يمكن ما يقصد ..بس خاف على مشاعرك يالغاليه.. ياحياتي مافي حد مرتاح بهالدنيا ..بس ربي يصبرنا ان شاء الله .. وبإذن الله بتفرحين قريب .. ونصيحة لاحملتي لا تعلمين احد لين تكملين الشهر الثالث ,,بس انتي وزوجك ,, وربي يفرحكم ويسعدكم قريب يارب.