منتديات حوامل النسائية

منتديات حوامل النسائية (https://naqatube.com/index.php)
-   إستفسارات حوامل من الشهر السابع إلى الشهر التاسع (https://naqatube.com/forumdisplay.php?f=92)
-   -   دردشة حوامل أهل القصيم - دردشة بنات القصيم - تجمع حوامل القصيم (https://naqatube.com/showthread.php?t=89454)

لكاعه 06-01-2013 09:16 PM

رد: دردشة حوامل أهل القصيم - دردشة بنات القصيم - تجمع حوامل القصيم
 
تيامه أختي ولدت بالملك سعود بعنيزه بس قيصرية من 4 سنوات تمدحه و ما تطلعين إلا والولد مطهر

عروسة نايس 06-02-2013 07:00 PM

رد: دردشة حوامل أهل القصيم - دردشة بنات القصيم - تجمع حوامل القصيم
 
مرحبا حبيباتي كيفكم
انا مو من القصيم وحابه أستفسر عن مستشفياتكم سوا خاص او حكومي ولادتي بتصادف بالقصيم ﻷنزوجي جاله ندب سنه بالقصيم ولا نعرف فيها احد فياليت تنصحوني بمستشفى حلو وخياطة حلوه واهتمام بي وبالبيبي وربي راح ادعي لكم من قلب الندب برمضان وولادتي بذي القعدة لكن م1طره افتح ملف ول ماأجي عشان متابعة الحمل وشكر لكم

تيامه 06-03-2013 03:41 AM

رد: دردشة حوامل أهل القصيم - دردشة بنات القصيم - تجمع حوامل القصيم
 
الله يهون عليك اختي لكاعه وتقومين بالسلامه وتجسن تبشرينا ياارب

انا رحت القصيم الوطني وفتحت ملف وكان بالطوارئ مناوبه استشاريه اسمها سميه ودخلت عند رحاب سودانيه شكلها كويسه بس ماادري والله عندي نسبة تردد خخخخخخخ الله يستر.. قالت لي نبي تحليل واشاعه..

زوجي يقول مهب لازم خلينا مانجيهم الا بالطوارئ احسن..وانا والله متردده لاني تحاليلي واشعتي بالولاده كويسه...
فيه كمان عندهم دكتوره جراحة عامه اسمها عميره كشفت علي تتكلم فصحى مكسر

اللي فهموني اياه ان اللي تولدك الاستشاريه المناوبه كل وحده لها مناوبه واما عروب آخذه إجازه شهر وفيه سميه ورحاب ووحده ثالثه نسيت اسمها
سألت عن التكلفه قالو لي طبيعي 4110 والاقامه ثلاث ايام

ان شاء الله اكون افدتكم بعد ما قصيت لكم قصة حياتي
دعواتكم لي بالشفاء والولاده السهله الميسره

لكاعه 06-03-2013 04:57 AM

رد: دردشة حوامل أهل القصيم - دردشة بنات القصيم - تجمع حوامل القصيم
 
الله يسهل عليك و على كل الحوامل

عروسة نايس 06-03-2013 07:02 AM

رد: دردشة حوامل أهل القصيم - دردشة بنات القصيم - تجمع حوامل القصيم
 
تيامه مشكووورة اختي ربي يسعدك ويوفقك ويسهل عليك حبيبتي التوليد والإقامه 3أيام ب4110بسيطه مقارنه بالوفاء
اولد واريح 3ايام واسافر ﻷهلي
الله يفرج عليك ويناولك مرادك ويسعدك ويفرحك بشوفت جنينك بين يديك

حبيبي يارسولي 06-04-2013 11:33 AM

رد: دردشة حوامل أهل القصيم - دردشة بنات القصيم - تجمع حوامل القصيم
 
رجعت لكم بعد الولاده الحمدلله ولدت بمستشفا الولاده والاطفال وطبعا هم كانو منوميني قبل الولاده بثلاث ايام لان المويه كثيره وقالو مشكله لو تجيك ولاده بالبيت وموعد عمليتي السبت عاد انا جاني طلق طبيعي يوم الخميس العصر وانا عندهم ودوني الكشك وكان فاضي مافيه الا انا والله الظلم ظلمات يوم القيامه والله اهتمو وحتا دقو ع الاستشاريه حقتي وجت من البيت وشافت ملفي وشافو البيبي وقالو المويه كثيره وحجم البيبي كبير ودخلوني عمليات والحمدلله قبل مايجيني الطلق الحار كانو بسرعه يشتغلون كان فاتح 4 سم وبعد الولاده قالو لازم مرافق معك وانا ماعندي احد بالقصيم واصرو ع المرافق جبت شغالتي وخليت عيالي عند جدتهم من ابوهم بس والله كانو مهتمين من ناحية الخدمه العلاجيه وهذا اهم شي ولا مالهم دخل فيك باي خدمه غيره والله الممرضات سعوديات حبوبات مره عكس الي نسمع والدكاتره نفوسهم زينه وهذي قصتي مع المستشفى مشكلتنا حنا الخوف الغير طبيعي انا شوي وافقد اعصابي من الخوف دخلت حاله نفسيه قبل اولد الله يسهل عليكن وتولدن وتقومن وانتن بصحه وسلامه

تيامه 06-04-2013 07:07 PM

رد: دردشة حوامل أهل القصيم - دردشة بنات القصيم - تجمع حوامل القصيم
 
الحمدلله على سلامتك حبيبي يارسولي.. والله يجمع لك بين الاجر والعافيه ويخليلك اطفالك ويخليك لهم يااارب

تسلمين على طرح تجربتك بالولاده الله يجعلها بموازين حسناتك..

والله ياختي الخوف قطعنا وشتتنا الله يرحمنا والا الولاده تساهيل بس انا شكلي ان شاء الله بتيسيره اذا اراد ابولد بالوطني الله يعجل لي ولجميع الحوامل بالفرج العاجل يااارب..

تيامه 06-04-2013 07:10 PM

رد: دردشة حوامل أهل القصيم - دردشة بنات القصيم - تجمع حوامل القصيم
 
اقتباس:

المشاركة الأصلية كتبت بواسطة عروسة نايس (المشاركة 3235325)
تيامه مشكووورة اختي ربي يسعدك ويوفقك ويسهل عليك حبيبتي التوليد والإقامه 3أيام ب4110بسيطه مقارنه بالوفاء
اولد واريح 3ايام واسافر ﻷهلي
الله يفرج عليك ويناولك مرادك ويسعدك ويفرحك بشوفت جنينك بين يديك

اامين ياارب ولك بالمثل الله يسهل علينا الوه ويقومنا بالسلامه مشكوووووووره ياااقلبي...

شقـ بدلع ـاوة 06-05-2013 06:06 AM

رد: دردشة حوامل أهل القصيم - دردشة بنات القصيم - تجمع حوامل القصيم
 
مرحبا بنات كيف حالكم كثير تمنيت اشارك بالمنتدى هذا والحمدلله بعد مرحلة علاح تمت قرابة الثلاث سنوات حللت منزلي مابان الخط الثاني مره كاانو ظل بعد نص ساعه وضح الخط الثاني وتحليل دم طلع ايجابي اني حامل ولما رحت لدكتورتي اللي عالجت عندها باالمعالي قلت. انا حامل وشنو العلاجات اللي اخذها قالت اول اشوفك سونار ضيقت صدري يوم شافت قالت كيس تغذية الطفل موجود وفيه نقطه ممكن انها النطفه قلت كيف تحاليلي تقول انا حامل قالت بعمل تحليل دم رقمي انتي قد اخذتي منشطات وممكن نفس الابر رفعت هرمون الحمل ومايطلع حمل طمنوني تكفون كلامها رفع ضغطي

لكاعه 06-05-2013 01:43 PM

رد: دردشة حوامل أهل القصيم - دردشة بنات القصيم - تجمع حوامل القصيم
 
ما عليك من كلامها توكلي على ربي اذا كاتب ربي حمل بتحملين ... و كل أمرك خير تطمني ي قلبي


الساعة الآن 06:57 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .