|
رد: سيدات ليبيا الحبيبات ..تفضلووو
ماعنديش قدره عالكتيبه والتعليق
سلام وخياتي |
رد: سيدات ليبيا الحبيبات ..تفضلووو
اقتباس:
صباحووووووووو اولا يامرحبا بهدووو معليش حتي نا امس كان خاطري نحكي معاااك لكن باب دق جايات شويه حاجات من الدبنهامز واخدتهم اون لاين وبعدها لهيت نشوف فيهم انسيت شفتي الزهايمر هههه حتي اختي كانت معايا ع الفايبر ومشكله كان صامت لاب ونقال لو هذا فطنت عموما بالنسبه لقصر المهبل اعتقد ان لازم يدرو عمليه ربط لعنق الرحم منعا لحدوت ولاده مبكره خصيصا ف الساءس والله اعلم.. ان شاء اللله ربي يهون عليها وفعلا غريبه صار معاها هكي في ثالت بطن؟؟ بالنسبه للدوره نا قتلك عادي يمكن عندك شئ ما يخليها تأخر لان اخر دورات توقعنا حمل بعد تأخرن مرتين او 3 اعتقد يمكن في سبب هالشهور صايرلك او سبب نفسي مثلا تفكري واجد السترس له تأثير وعلاقه بالهرمونات الانثويه فأنا حكيتيلك هكي من باب استغراب وعن حاجه قاريتها زمان بسسس حسيتك زعلتي منها hwaml02 اما حماتك شن بنقول الواحد يدير لي عليه انطلاقا من مبدأ ككل واحد وأصله وحتي عشان خاطر زوجك صلة رحم اهله اكيد يفرحهم الشئ هذاااا .. بس بعد نقابل بالتطنيش ياودي الواحد مرات توجعه نفسه؟؟ يقول كني نا مايسألو عني او بعد صارلي كذااا ماقالوليش مثلا اوشي طبعا حكيتلك هكي لان حاسه بموقف وجربته سوا بعد كنت ف ليبيا او جيت هنا نا عن نفسي من بعد عيد الاضحي معش كلمت عربي انكلم وندور وهم لا مرات نقول مكالمه غاليه وهكي بس حتي المسج ؟؟؟ وحتي نا زيك بعد فراس انفتح راسه مادوروش رغم ان الخبر انتشر تلاقيت معاهم ف فايبر دزيتلهم صورته وراسه مربوط قالولي مازال متعلق بشاله؟؟ ههههه عنده شال غالي عليه كان جنبه ف صوره ولا عدلواااا بس نا مشكلتي ديما نتعرض لمواقف هكي من قبل لا مبالاه من طرف الاخر ونا مثلا نسأل ونتصل ع مرض وع ابسط حادث بسيط ولا سمعت صبع فلانه انجرح لبموس خضره..\\ قررت هالفتره بالذات اني انتغير ونعامل بالمثــل مانبيش ننصحك هك ياهدووو الواحد يسعي للخير وللتي هي احسن حتي من ناحيه الاجر بس نا حكيتلك اني قررت ندير هك لان فديييييييييييت كثرن المواقف وتراكـــمن واااجد مرات مديران هكي ليا يقولو لا هذي طيبه وماعندهش نيه مادوروش؟؟ والله اعلم..... كلا قصة دس الحمل وجنس البيبي اسكتي ساكته ههههههههه نا كلمت صبيتي ف شهر 11 طول قالتلي سلفتك فلانه حامل ونا عالمتها من زوجي لان خو قاله بس ماحكتش ع بنتهااا لي توا شهرها هههه يلا نا حسيت اغلب هل الزوج هكي به انتي تريحتي ف سما من تدخلات مباشره او غير مباشره ههههه مثلا وكليها هك وكنها هك وكنها ما مشت ؟؟ وليش مازحفت لنوا معقوله ماطلعتش سنون هههه عمرها 9 شهور ويحطو بيبسي قدامها تعيط تبي تلعب ب شيشه يقولك حرام عليك شربيها هههههه ولا عطيها تشيبس كان هذا الاكل لي بيكبرها ههههههههههه hwaml9 وبعد تقولي لا يقولك هذه تفلسف وووو ونعطوا ف عويلتنا زمان كل شئ شن صارلهم ههههههههه خوفتك صح توا تقولي كنها ام فروسي انفجرت هك خخخخخ بس بجد نا من شعوري بس في بعض الامور فديت وكأن مرت الولد او مرت الاخ لازم يطلعوا فيها لوله ع قولتنا هههه |
رد: سيدات ليبيا الحبيبات ..تفضلووو
ماشاء الله ربي يحفظه له ويتربي ف عزها ان شاء الله رغوووده
والحمدلله ع سلامتها هي تجيب بالعمليه قالت والموضوع هذا كان مخوفها يمكن هذا ليش أجلت سفرتها لبريطانيا لان تأشيرة عويلتها طلعت 6 شهور بالله سلميلي عليها سوسو تعبتك بتوصيل السلامات صح؟ هههه وعقبال مانفرحوا بسلامة وجياب حواملنا فيفي وشمووسه وجنوده وكل متمني ياااارب وان شاء الله ب نسمعوا خبر حملك عن قريب سوسو يارب قولي امييين |
رد: سيدات ليبيا الحبيبات ..تفضلووو
اقتباس:
احسن مادرتي استغليتي الوقت دام بنوتك ساكته احسن شئ طيبتي غداكم حتي نا نايضه من ال 5 أرق نفكر ف مرواحه قبل رمضان وحوسة الشحن وقصه ان شاء الله ربي يسهل الامور بعد نوصلوا طيبين ان شاء الله وبالنسبه للتسنين ف ناس تسنن بدري وتمشي شفت بنت سلفتي عمرها 10 شهور ومشت ماشاء الله ووقتها عندها 6 سنون ماشاء الله توا لولي سنة وشهرين ومازلت ما مشتش اهئ اهئ قت بالك عشان ترضع طبيعي بس لان خوها مشي ع سنة |
رد: سيدات ليبيا الحبيبات ..تفضلووو
السلام عليكم ورحمة الله وبركاته
كيف حالكم اليوم يا حلوات |
رد: سيدات ليبيا الحبيبات ..تفضلووو
فروسة ياغالية مشكورة عالرد بارك الله فيك مش غريب عليك حب الإفادة ان شاء الله في ميزان حسناتك
وصحيتي عالمعلومات بخصوص موضوع صاحبتي فعلا قالولها زي ماقلتي بالزبط وقاتلي قالولها انهم بيدخلولها جهاز ابصر شن بيديرولها شكله هذا هوا بيديرولها ربط غير هيا مافهمتش وبالنسبة لردك علي دورتي لا حبيبتي والله مازعلت منك بالعكس درتها بضحكة قلت طالما أجمعتوا الثلاثة انتي وصاحبتي وراجلي معناها فيها إن ههههههه قصدي شككتوني في روحي لانه الواحد لما الحاجة تكون ليه مايحسش وينسى لكن لما حد متابع معاك الحدث يذكرك إنه هذا طبيعي وصايرلك قبل ومعاكم حق اني صارتلي كذا مرة لكن المرة هادي طولت اليوم ليها اسبوع ماجتش عمري ماصارلي هكي إلا في حملي الاول تصوري كنت جديدة عالوضع وغبية حشاك ههههههه غايبة عليا الدورة ومش مهتمتلها ماجاش في بالي انه حمل حتي نهدرز مع حماتي. قلتلها راجلي ينوض فيا بالثلج في الفجر وهيا تفكيرها مشي لبعيد طول شكت فيا حامل لانه موعد دورتي نفس موعد دورتها ووقتها كانت عليها الدورة واني قاعدة نصلي فاستغربت لكن ماقاتليش طول وكلمت اختي الكبيرة وتقولي شن اخبارك قتلها بحسن نية باهي هالدورة رقتهلي ماجتش قاعدة طول قاتلي باهي هذا خبر حلو نقولوا مبرووووووك وقتها هذا وين صحيت وبدي الفار يلعب في عبي وشكيت هههههه حتي وقتها راسي صداع رهيب راجلي قالي وقفي الحبوب اللي تاخدي فيهم لراسك لين نتأكدوا ومشينا للسوق جبنا اختبار الحمل لكن ماقدرتش نديره خايفة ومتوترة هههههه قعد ملوح والصبح مشيت للمستشفي دارولي تحليل هما وخبروني ههههه حكيتلك قصة حياتي ااااسفة المهم المرة هادي طولت هلبة بالاضافة انه عندي اعراض كسل وراسي صداااااع اليوم الفجر لما نطبس نسجد قريب نعيط نحس في حاجة بطيح من راسي وتوا لما نضت ندير في الفطور لراجلي نشم في التوست في الماكينةأخيييييي حشا النعمة وان شاء الله خير بديت خااااايفة حسيبت انه الموضوع جد اكثر حاجة خايفة من الوحم وبنيتي كيف يصير فيها وخايفة من المرواحة واني حامل صعب بصراااااحة حمل وترزين وطيارة عشر ساعات متواصلة عالكرسي ربي يسهل ويكتبلي اللي فيه الخير وبالنسبة لكلامك علي قلة الاتصال والتطنيش كلامك صح مية في المية في النهاية احني بشر مش انبياء باش نتحملوا ونقابلوا الاساءة بالحسنة ساد واحد لازم يدير قيمة لروحه باش يحترموه ويدوروه ويحسبوله الف حساب اني كان مندور المواقف ومنحاسب عليهم معادش نكلمهم بكل اولها لما ما عزونيش في جدي وبعدها لما سمعت بوفاة خوي الله يرحمه تصوري لما كلمتني عزوزتي شن قالت ؟؟؟؟؟ بدل ماتعزيني وتهديني قاتلي اسمعي راهو احني مادخلناش اهلك هما اللي قالولنا ماتخبروش ودسوا عليك!!!!!!!! توا وقته الكلام هذا مع العلم انه شيبانيه مشارك مشاركة كبيرة في دس الخبر تصوري يوم الدفينة وبوي حالته حاله جاه شيبانيه بكل بساطة وقاله ماتخبروهاش تو تقول منروح وتفسد عالولد يروح ويسيب قرايته هذا ماهمه وقتها قراية ولده وجاي لبوي في وقت حساس يزيد عليه بوي قاله اني نفهم مش حنقوللها لانها مراة حامل ومش حمل خبر زي هذا وطبعا وقتها اهلي مازال مايعلموش انه بوي بيدس الموضوع امشي اتصلت بيا اختي بتخبرني لكن كنت راقدة مارديتش واتصلت براجلي خبراته ولما سمع شيبانيه انهم خبروا راجلي جي لبوي بكل صحة وجه في العزي وقعد يقوله وين الكلمة اللي عطيتهلي هكي خبرتوا الولد ورعشتوه وعزوزتي الكريمة تلود وتهدرز في العزي للخاص والعام تقوللهم يرعشوا في ولدي ويخبروا فيه ليش ؟ شوفي قلة الذوق في عزي وفي وقت حرج واهل المتوفي مايعلم بحالهم الا ربي وهما دايرين هالحالة وكل اللي هامهم من الموضوع انه ولدهم رعش وماهمتهمش المسكينة اللي ملوحة تتوحم وزي الاطرش في الزفة ولا همهم البو والأم اللي والعة فيهم النار ومش محتاجين في هالوقت الا المواساة والطبطبة لكن شن بتقولي ربي يسامحهم الموت هذا حق علي الجميع وكل حد حيذوقه فلهذا ليش الواحد مايحسش بغيره والا اللي ايده في المية مش زي الي ايده في النار المهم حبيت نحكيلك هذا كله باش نوضحلك إني بعد ماشفت هالمواقف مفروض كانه وحدة ثانية تقطع صلتها بيهم نهائي وماحد يلومها لكن اني اصلي طيب ونسامح لكن ماننساش يقعد الموقف جارحني وواجعني منهم لكن مايأثرش علي تعاملي معاهم والله لما يكملم فيهم راجلي عالسكايب يقولي تعالي كلميهم نجي ونتكملم وننشد عليهم ونضحك لكن اللي في القلب ماعالم بيه الا ربي وهما حقهم عليا نحترهم ونعاملهم بما يرضي الله ونوقف معاهم في افراحهم واحزانهم كلا باش نحبهم زي بوي وامي هادي صعبة كل واحد ومكانته والبو والام مايجي في مكانتهم حد ولا يتساوي معاهم حد في الغلا وكلا حماتي هادي مش فرض عليا نسايرها زي مانساير بوها وامها لانهم شيابين واحترامهم فرض عليا حتيب لو كانوا مايمتوليش بصلة فمابالك والدين زوجي نحترمهم علي هالاساس عالاقل اما هيا فقررت نجبد روحي عليا شوية ونشوف قدري عندها يعني لو نوقف معاش نتصل هل حدورني وتنشد علي بنتي والا لا وهيا تكلم في خوها لما يتصل براجلها يعني من الاخير خلاص بالنسبة ليها مكالمة خوها تكفي وتوفي الباقي مش ملزومة بيهم سامحيني طولت عليك فرصة ولقيتها باش نفضفض وربي يسامحني ان شاء الله والله ماقصدي من هالدوة الا الفضفضة لا اكثر |
رد: سيدات ليبيا الحبيبات ..تفضلووو
تعرفوا سلفتي علي مواقف بسيطة شافتهم من العيلة قطعت علاقتها بيهم مايشوفوش فيها بالشهور وولدها شوفتهم فيه
كان شافوه مرة فيب الاسبوع مازيهم حد وحتي لما تمشي للعمل كل صبح ترفع في ولدها لامها وماتحطش فيه عندهم هذا وماشافت منهم الا مواقف بسيبطة وعادية تصير بين الكنة والعيلة امالا كان شافت منهم نفس المواقف اللي شفتها كيف دارت لكن اني الحمد لله مش هكي طبعي ومستحيل ندير اللي داراته ولا نحرمهم من حفيدهم ولا ننقطع عليهم بالشهور لدرجة يصيرولهم مناسبات ومانعلم بشي واني فوق منهم ربي ماقال بيه هذا كله في النهاية الواحد يتعامل بأصله ويحط اهله ديما في مكان اهل الزوج واللي مايرضاشي لاهله مفروض مايرضاشي لاهل زوجه والله هي طيبة وكويسة تنشد وتهدرز لكن عيبها ماتسامحش كان حد غلط فيها هيا قالتها بروحها قالت اني طيبة وكويسة لكن لما حد يديرلي موقف ويغلط فيا مانعرفش نساير ونسامح نجبد روحي عليه نهائي ومعاش يهمني فلهذا اني الحق نحمد في ربي إني عندي طبع التسامح ومانظهرش للشخص ٱني متحاملة عليه أو مضايقة منا بالعكس لما نتلاقى معاه نصفي نيتي ونهدرز ونضحك حتي لو واجعتني منا ومش نفاق أو حاجة لا نوع من المسايرة علي عيون شخص ما فقط |
رد: سيدات ليبيا الحبيبات ..تفضلووو
اااااااااااخ يابنات الحقوني
رجعت توا حشاكم قريب روحي طلعت وماطلع شي الا مرار اصفر حشاكم لأني قاعدة مافطرتش |
رد: سيدات ليبيا الحبيبات ..تفضلووو
حي عليكم كان طلعت حامل منهبلكم ههههههى
وحمي صععععععب شاف الويل راجلي زمان يحطلي فطوري ويمشي للجامعة يبدأ كيف واصل نتصل بيه ونقوله تعالي منموت توا يجي يجري ومن غير الرسايل اللي نبعتله فيهم نقوله ياتلحقني ياماتحلقنيش معاش قادرة تخيلوا الترجيبع بروحه يوصل للعشر مرات في اليوم ربي يهون عليا المرة هادي ويجيني أخف ياااارب |
رد: سيدات ليبيا الحبيبات ..تفضلووو
مرحبا هدووو
ان شاء الله خير ع كل حال فعلا الواحد يكون متسامح واحيانا نردو السيئه بالحسنه وانا معاك ف لي قلتيه ميه بالميه بالنسبه لاب وام زوج مهما كانوا يجب احترامهم وتقبلهم كيف ماكانوا والحمدلله نا كويسين خصيصا عمي راجل حقاني ونزيه وعارف كل شئ يصير وعارف الحق مع من وموقف لي ار ف عزا هلك صعب صح خصيصا ان هلك ف هدكا وقت مش ف حال كلام هك وموت مايحس به الا لي فقد عزيز عليه وان شاء الله خير بالنسبه للوحم لو ذلعتي حامل ان شاء الله تفائلي خييير ان شاء الله وتوحمي بعييييد خير من يقولوا زمان مانعرفوا هالخبر ومش عارفه ايش وجو ها هههه توا تقولي كنها ام فروسي معايا وربي يكون ف عونك نا شفت صاحبه اختي قضتها كلها دخول وخروج م مستشفي كرهت الميه؟؟؟ ومش قادره تبلع ريقها نهائي تعبت واااجد مسكينه ووزنها نزل 48 واخرتها عربها قعدو مدايرنها تدلع عشان ماتنزلش عندهم وهي قالت نا ميه ماتحملت شربها يابال بنة التطييب |
| الساعة الآن 12:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .