|
رد: اهلا باهل الجود والكرم **اهلا بسيدات ليبيا**
السﻻم عليكم كيف حالكم اليوم
|
رد: اهلا باهل الجود والكرم **اهلا بسيدات ليبيا**
هد هد طهورا ان شاء الله بالك هدي غر توراية الحمل ايقولولها هكي اني في حملي دائما اتجيني
|
رد: اهلا باهل الجود والكرم **اهلا بسيدات ليبيا**
صباح الخير ..
بون جور كيف حالكم اليوم وشن جوكم مدايرة بسبوسة في الكوشة ,, العشية بإذن الله بنمشي لصديقتي مش متزوجة كانت مع أهلها بين مالطا وألمانيا.. |
رد: اهلا باهل الجود والكرم **اهلا بسيدات ليبيا**
اقتباس:
سلمك جنودة,, مش عارفة ليش إستغربتي ,, ولا نقولك صح معاك الحق تستغربي لأني لما تذكرت كنة عمي ألأخرى عرفت أنه صح بعيدة وغريبة اللقطة.. بس الحق بصفة عامة نحنا جيهتنا ديما نبعثو لبعض وحتى أنا نبعثلها.. المهم كنة عمي هذه مواليد 84 وهي ديما تجيني وأنا نمشيلها ,, هذه يللي قلتلكم في نفاسي تقول سلفتي على قد ماتجي وتعاون.. وربي يرزقها بالذرية الصالحة هي وكل متمني يارب ,, هي تزوجت معي في نفس اليوم وهي برانية على العيلة.. |
رد: اهلا باهل الجود والكرم **اهلا بسيدات ليبيا**
هدهد إن شاااااااااء الله خير ياربي..
شوفي زيدي ركزي لو نزلت حاجة ثانية ولا لا وهذه لو كان حمل فهذه يقولوها توراية أوعلامة الحمل وهي تدل على إنغراس البويضة في الرحم وربي يستر وإن شاء الله ماتكونش دورة يارب... |
رد: اهلا باهل الجود والكرم **اهلا بسيدات ليبيا**
بَعضُ الأشيَاء نَحتاجُها ، وأخرَى نتمناهَا ؛
وَلا نَحصلُ إلا عَلى مَاقدرهُ الله لنَا فَ اللهم قَدر لنَا الخَير حَيث كَان ثُمَ ارضنا بَه . إشترك الان في #تطبيق_سنن الشبابي الدعوي حتى يتم النشر على صفحتك |
رد: اهلا باهل الجود والكرم **اهلا بسيدات ليبيا**
جنودة طريقة خبزة الخضرة ماهو أنت منزلتيها قبل في المنتدى ولا نسيتي
وبنسألك على الخبزة الحزونية طويل ونقصوها ولا كل حلزونة بروحها ههههههههه المهم نبيك تحطي توقيعك على الصورة باش أنزلها على الفيس |
رد: اهلا باهل الجود والكرم **اهلا بسيدات ليبيا**
إن شاء الله بنمشي لعيال ونرفع حوتة نديروها غدانا ..
والبسبوسة طلعت رووووووووووعة جيجي تو انزلها صورة الرز إن شاء الله جنودة بسبوسة القالقسي طلعت روووووووووووووووووووووووووعة وكل من ذاقها مات عليها بس ماكانش عندي قالقسي درت شووكلاطة ثديان صفية |
رد: اهلا باهل الجود والكرم **اهلا بسيدات ليبيا**
السلام عليكم ورحمة الله وبركاته
ان شاء الله تكونن كلكن بخير اخواتي الغاليات امس تعرضت لموقف الله لا يجبه لصغاركن فراس طاح ع زاوية الدفايه وفتحت جبهته وجنبي كان ف دفاية المطبخ العيل بكا لدرجة قلبي انقبض برمت ف لحظة يابنات وبدون مبالغه لقيت وجهه كله دم يسيل معش عرفت شن اندير رغم اني دارسه طب ونزيف بالتفصيل لكن ف اللحظه هذه نسيت كل شئ وجسمي كله قعد يرعش وهو يبكي باعلي صوت ويبحت ف دم لي يسيل ع وطا جيت رفعته وقعدت نحط ف مية مسقعه ع جرح تحت الشيشمة والدم يزيد وبعد بان عليا الجرح عميق خلاص والله لا قريب دخت ارضيه المطبخ كله دم بيجامته كلها دم لابسه روب وردي هادي اكتوفي لبطني كله احمر قعد بنرن ع باااته نرعش معس شفت شئ ونقال كله دم والله بدون مبالغه حطيت راسه تحت الميه المسقعه هذا شئ لي اذكرته ان المسقع يقبض الاوعيه الدمويه اسرع والاء تزحف ف وسط الدم ورعش مسكين حتتى هو يبحت فيه ومفجوووع معش عرفت شن ندير اذا كان رقم وزوجي راسي يبرم معش عرفت نطلع خصيصا ان السجل امتسح ف صبح بروحه قعدت نستغفر ونحاول نهدي نفسي لين دورته ف قائمة ورنيت ماردش قاعد ف محاضره.. دزيت مسج بعدها كلمني بسرعه ..وجا بعد ربع ساعه بيش حصل تاكسي هو ووصاحبه.. وشالوه المستشفي وياما صار فيا بعدها انهرت وكلمت خواتي وقتلهم ماتقولهش لماما حسيت روحي بنبكي عند حد انخنقت العيل كان يلعب يالايا ونرد عليه ف حروف متعلمهم ويضحك فجأه انعكس كل شئ وباته ف مستشفي قعد يبعثلي ف صوره يلعب ف حضانة اطفال ف انتظار وبعدها قالي يراجوا ف اخصائية جروح الاطفال شافوه دكتورين وطمنوه وقالوله يديروله لصقة جرح تلمه لان الاطفال مايتخيطوووش افتكينا من علامه الخياطه والحمدللله .. قالي نظفوا جرح بعمق للحم والعظم وصبوله حاجة زي لصقة الاميره بخامتها وسكروا بلصقة من برا وقالوا تقعد يوم ونص اقل شئ وعطونا كرت اصابه راااس فيها بعض الاعراض لوصارلنا نحيبوه بأسرع وقت وهذه قصة فروسي ورعشتي عشية امس والحمدلله الحمدلله يااااارب ولنقانا ف روضه ركزوا عليه واجد امس من حبه للكتب والقصص قالولي مش نفس الاطفال ف عمره .. |
رد: اهلا باهل الجود والكرم **اهلا بسيدات ليبيا**
ماقريتش لي فات يابنات توا
نراجعه كله عشان نعلق ع لي فاتني كله بس حبيت نحكيلكن ب لي صار معايا امس |
| الساعة الآن 01:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .