منتديات حوامل النسائية

منتديات حوامل النسائية (https://naqatube.com/index.php)
-   ملتقى عضوات حوامل (https://naqatube.com/forumdisplay.php?f=69)
-   -   حبيباتى سيدات ليبيا تفضلو لأعرف ما حالكم (https://naqatube.com/showthread.php?t=262918)

dr.loly 07-09-2013 01:47 PM

رد: حبيباتى سيدات ليبيا تفضلو لأعرف ما حالكم
 
اقتباس:

المشاركة الأصلية كتبت بواسطة اوشي (المشاركة 3288617)
قلت لزوجي يلا انديرو كيفها قصدي جارتي وبنت عمه

قعد يتلون مرة خضر ومرة حمر ... وفي الاخير قالي لا الجو مرات توة يمطر

طبعا هو بسلامته تنبال في شغل الحوش ... بس في شغله الكيد كله عليه


هوة خاصة في التشاركية اللي هو واصحابه الاثنين مشاركينه فيها

مرات من القهر لانه مايفاضالنش واجد .. نقوله بما انك انت اللي مستلم

كل شي وانت اللي تجري وحتى الشوف مانشوفو فيك ... معناها خلوها

بالنسبة مش شراكة ...

انحصل هزيبة ويقولي انت ايش دخلك في وفي اصحابي

بس الحق يعني مش منقصني شي بس التمبلة و لما نطلب منه شي

شي يجيني بس اصبري لين يجي


هو شكلهم الرجالة مايحملوا شئ في اصحاببهم ...
حتي نا قالي بنخسر راجل عشان الكيد بيجي عليك وع عدم الفطرة مع بعضنا نا وياه
بس ابوفراس الحق مش تنبال منظم ودقيق بكل شئ وخصيصا بالحوش ويجيبلك حاجتك بسرعه

أم أجنادين 80 07-09-2013 03:32 PM

رد: حبيباتى سيدات ليبيا تفضلو لأعرف ما حالكم
 
اقتباس:

المشاركة الأصلية كتبت بواسطة اوشي (المشاركة 3288600)
تعرفن يابنات ...مش قلت لكم مشيت للمتين

وحدة منهم عند جارتي وفي نفس الوقت هي تكون بنت عم زوجي لزم يعني وراجلها

ولد عم زوجي من بعيد المهم بنحكيلكم عالجو اللي دايرته لرمضان

ماشاء الله تبارك الر حمن عيني عليها باردة .. كل رمضان ادير فيه الجو هضا

عندها حاجر نصفه صبة والنصف الثاني عريشة عنب اسود

تعلق في السقف الرواق امتاع البيت واتجيب وتعلق عالساس البطانية الحمرا

اكيد عرفتوهن ... وتعلق فوق البطانية جميع الادوات اللي كانو يستعملو فيهن اجدادنا

كانه متحف ومعلقة فنارات واتفرش الارضية بصوالين وفرش

وحاطة الشلال الكهربائي ... يا عليك جو ايهبل القعدة فيه ما ينمل منها بكل

ربي يديم عليها الصحة وراحة البال

مبارك ماشريتي اوشي
ماشاء الله عليها
تعطيك افكار جديدة

بس ماعنديش ادوات قديمة بالاضافة اني مانفطرش في حوشي اههههئئئ

عيون زوجي 07-09-2013 08:49 PM

رد: حبيباتى سيدات ليبيا تفضلو لأعرف ما حالكم
 
السلام عليكم
شنو أخباااركم...ومنو فيكم مذكرني
عموما لكل الحلوات الليبيات مبارك اعليكم هالشهر الفضيل
.....
دورت اعليكم من مده اليوم بس دلتني اعليكم ايمان...ربي يرزقها بالذريه الصالحه

يلي عرفته ان ام وسونه جابت بنوته حلوة اسمها زهاء صح

وام ناريز مازال تكركر وقالولها وليد...

واني.... المفاجاءة...أخخخخ..حامل في الثالت.....
وحابه نتواصل معاكم من جديد بس بشرط أيوه...
اتكونوا ناشطات ولهلوبات في الهدرزة ولانرجع للفيس من تاني نبهتكم

تنحرموا مني...(ريت ولاه..)...ههههعهه

ام معاد 07-09-2013 09:21 PM

رد: حبيباتى سيدات ليبيا تفضلو لأعرف ما حالكم
 
السﻻم عليكم عيون ياحبيبة تي وينك وين هالغيبة ومبروك عليك الحمل وربي يتبته يارب اني خجبت ولد وسمينا أبان.وتوا ماشي في الخمسة شهور.عذرا علي الامﻻء.ﻷني نكتب من النقال

اوشي 07-09-2013 09:51 PM

رد: حبيباتى سيدات ليبيا تفضلو لأعرف ما حالكم
 
السلام عليكم

اوشي 07-09-2013 09:53 PM

رد: حبيباتى سيدات ليبيا تفضلو لأعرف ما حالكم
 
مراااااااااااحب عيون ..

وينك وين ايامك ياحلوة انستينا ومبارك عليك الشهر

ومبارك الحمل ربي يتمم لك علي خير وسلامة

وانا بعدك جبت بنوتة وسميتها روى

sosolibya 07-10-2013 01:16 AM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته

sosolibya 07-10-2013 01:37 AM

رد: حبيباتى سيدات ليبيا تفضلو لأعرف ما حالكم
 
http://t2.gstatic.com/images?q=tbn:A...0veJXEBx1i0UaQ


أهلين وسهلين بنور العين

عيووووووووون

http://t3.gstatic.com/images?q=tbn:A...Z-dUbEKHWcou_R


وينك ياغالية تفاجأت لما شفتك ليك وحشششششششششششةةةةة كبييييييييييييييرة

هذه عملة اديريها مفروض نحرجو منك إحنا مشغليييييييين عليك طول الوقت كنا

وتعرفى انا فرطت قلت مستحيل نشوفوك ثانى


http://up.str-ly.com/uploads/str-ly....0057700512.jpg


انت يللى قاعدة متذكرتنا ولا لااااااااا

إحنا ديما جايبين فى سيرتك ونسألو عليك

عالعموم إن شاء الله تكون صحتك بخير انت وعيلتك

sosolibya 07-10-2013 01:39 AM

رد: حبيباتى سيدات ليبيا تفضلو لأعرف ما حالكم
 
http://t3.gstatic.com/images?q=tbn:A...oGY4nhUfrygm4g


مبروك حملك عيون وإن شاء الله على خير

وقولينا كيف صار هكى


وكيف حال سورينام

عيون زوجي 07-10-2013 09:11 AM

رد: حبيباتى سيدات ليبيا تفضلو لأعرف ما حالكم
 
فرحتوووووني بردودكم الحلوة..(أخجلتم تواضعنا. أحم أحم)...

أم معاد....مبروك عليك أبان ويتربى في عزه مع أوخيينه يارب حتى هالمره ماصارش من معاد...فيها خيره ربي يحفظك ليهم ويحفظهم ليك والفال ﻷم ورد كيف حالها وشن أخبارها....ليكم وحشه

أوووشي...ماشااااءالله...نبوا نشوفوا العروووسه مادخلنيش اني مرته قصقاصه ونحب نشوف البيبز دبري راسك...تتربى في غزك ودلال بوها يااارب. ويجعلها من الصالحات...

سوسو..ست الكل...شن اخبارك واخبارك عويلتك أهل عمك واهلك وصغيويرتك كيف حالهم ومبرووووووك النجاح شفت الزرده وجت في خاطري واني حاملوصايمه دبري راسك وديري حل...

الحمل...ماكانش مش متوقع...هوهذاكا حموده.قريب يسكر ال3 سنوات وساره تقرا.....والعمر يجري ربي يكبرنا في طاعته بوم ميلادي هو 1-7 انصدمت لما جبت انعد ولقيتني في 32. (1982)....هرمنا..من أجل هذه اللحظه..

وقلنا يلا نتوكل ...ونجيبوا السنفور الثالت..رغم اني مابديتش نبني قاعده في حوشي الاول.
الرزاق ربي وعلى قدومه الخير ايصب بأذن الله...

سوربنام ماعنديش أخبارها بس من بومين بعتثلي كومنت عالفيس اتبارك وتسئل...

مش قادره نسئل عالبنات بالاسم خايفه ننسى اسم تزعل صاحبته المهم كلهم كويسات حلوات طيبات سموحات

)نكتب من الموبابل لو فيه خطأ السموووحه منكم)


الساعة الآن 12:57 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .