|
رد: ديوانية حوامل البحرين
الله يسمع منج ان شاء الله
فديتوووووووج ^_^ |
رد: ديوانية حوامل البحرين
روز سول ... بتطبخين فطورج ولا بتتفطرين عند اهلج ... ؟؟ انا مسكين ريلي يخلص دوامه من وقت في رمضان واتصل يبي ياخذني .. بس انا ماتخيل اتفطر في مكان غير بيت ابوووي
ولا احب فطور اي احد غير امي ,,,, هاي اول رمضان لي وانا متزوجة ... العام كنت مخطوبة بس ماعرف شلون بتأقلم .. هالموضوع وايد محيرني |
رد: ديوانية حوامل البحرين
لا انا في بيت اهلي
فبيكون فطور عندهم انزين اقترحي عليه يتفطر معاج...علشان مرة وحدة ما تتفطرين الا بطباخ امج ههههههه شرايج |
رد: ديوانية حوامل البحرين
صباح الخير شخباركم مع الصيام ، انا كله منبطحة وارقد لي شوي لان مابي احس بتعب مافيني شدة
ام حماني جنج تتكلمين عني انا جذي اول سنة لي رمضان وانا متزوجة وماقدر طبعا اطبخ وبالاحرى للحين ماتعودت اطبخ عدل ، ومب حابة اني اتفطر في مكان غير بيت امي لان متعودة على طباخها الحين مفكرة اني العصر اخليه يوديني بيت امي خاطري اسوي شوربة في احد عنده طريقة سهلة وحلوة؟ |
رد: ديوانية حوامل البحرين
صباح الانوار
شكلج قاعدة من الرقاد :p مادري ماعندي فكرة عن الشوربات ههه بس احس الشوربة ما يبي لها شي ما شاء الله عليكم تطبخون بعد الله يعطيكم الصحة والعافية |
رد: ديوانية حوامل البحرين
هههههههههههه اشوة مب بس انا .. بس احساس كرريه ...
انا الشوربة اللي كله اسويها شوربة اليزر والطماط .. حلوة وسريعه اطحن الطماط في الخلاط وابشر اليزر .. بعدين اخلي الطماط يطبخ واحط عليه اليزر وتقدرين تحطين دياي مفيوح ومقطع ... وتحطين الشوفان وبعدين الماجي وملح وفلفل اسود ,,, تطلع حلوة وفيها حموضه شوي بسبب الطماط |
رد: ديوانية حوامل البحرين
والله شهيتيني عليها .. خاطري اسويها بس امي الله يحفظها ماترضى تخليني ادش المطبخ ... وبعدين تقعد تقول لي والله احنا كنا بالشهر التاسع ونربي اعيالنا ونطبخ ونغسل الثياب وانظف بيوتنا ,, والله ماعرفنا لهم ... يدلعونا بعدين يعيبون علينا ههههههههههه
|
رد: ديوانية حوامل البحرين
اف ان كريه الاحساس ، عيل شبتسوين ام حماني اليوم وين بتتفطرين؟
مشكورة بنجربها اليوم بنشوف |
رد: ديوانية حوامل البحرين
نفس كلام امي بالضبط اتقولي حتى بداية الشهور في الحمل تقول قبل عايله ابوج شكثرهم ماشاء الله وكنت اخم واطبخ واشيل الجدور مب انتوا الحين ولين اقولها بسوي شي لا مالج سالفة ارتاحي
|
رد: ديوانية حوامل البحرين
امي يوميا الله يعطيها الصحة والعافية تسوي شوربة حب هريس لكن صج ماشاء الله شوربة لذيذة انا وايد مستانسة في رمضان الله يقدرنا ان نصوم الشهر كامل يااارب ، ادعي من ربي والله الله يخفف علينا ومانحس بتعب
|
| الساعة الآن 06:24 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .