|
رد: تجمع حــوامل التوائم
متلهفة لحضوركم .... حنان الهاجري
وأنا معاكم بنفس الاسبوع ( 33 ) والله يتمم لنا ونوصل للتاسع بس حتى لو ممكن نولد الحين وما علينا شر يقولج يا حنان 10 أيام في بطنج ولا يوم في الحاضنه بعد لو ناخذ اسبوع اسبوعين من التاسع خير وبركه .. وأنا بروح لدكتورتي اللي أراجع عندها في العيادة الخاصة انشاء الله يكونون الاثنين نازلين براسهم علشان ابدا امشي احس دمي احتبس في جسمي من الراحه ولو المشي متعب لنا بسبب الثقل الا اني أقول بعد أفضل من الراحه الزايده عن حدها طبعا أكيد لانه نخاف عليهم والله يتمم لكل الحوامل ويوصلون للتاسع ومافي ولا وحده فينا تولد قبله |
رد: تجمع حوامل التوائم
اقتباس:
وماشاء الله اوزان أجنتك كويسه مقاربه لاوزان أجنتي.. وانا اخذت ابرة الرئة من يومني في السادس لان جاني طلق هذيك الفتره.. وانا ياقلبي ودي انهم يجلسون للتاسع يارب ياكريم يتمم علينااا يارب.. ومشكوره ياقلبي على الرد.. |
رد: تجمع حوامل التوائم
اقتباس:
انا بالنوم اثقلب ومادري يضر بولدي قبل نتقلب وماشافو شر بس لو التوام غير مادري وحركتهم طبيعي متزيد الا نهاية الخامس على السادس لانم اثنين وبعد بتقل حركتهم بالشهور الاخيرة من شان تطمنين من الحين على كلام البنات اللي سبفونا والثقل حاسه فيه من الرابع وعلى حسب اللي بطنها مايبان على طول وبعضهم تحس من اول شي انا بولدي على نحفي من شهرين ينط بطني وتردد الحمام كل شوي وحكه المثانه يمكن ان تحسرين البول او تطولين الوقوف يبدا الجنين يدق على المثانه متلهفه سلامتك وربي يكون بعونك ووالله لاتشكيتي ارحمك واشيل همي بعدك ربي يعين جومانا سلامتك واهم تطمنتي على نفسك انا الاحد باذن الله عندي تحليل سكروصرت مثل البزران زادحبي بالحلا يوم صار ممنوعhwaml03رغم اني وحامي اكره الحلا |
رد: تجمع حــوامل التوائم
قمرين 2
الله يسمع منك ياااارب.. بس لازم تتحركين وتحركين رجولك خاصه علشان الله يكفينااا شر التجلطات قالت لي الدكتوره امشي وكل شي عادي خلاص عديتي مرحلة الخطر بس لاترهقين نفسك شوي شوي وحتى وانتي منسدحه حركي رجلك.. واناا روسهم فوق واحس فيهااا للحين فوق وماتغيرت الاسبوع الجاي قالوا بنشوف وضعهم واذا فوق بيحددون لي موعد للعمليه الله يهونهااا يارب.. |
رد: تجمع حــوامل التوائم
محجبه ياقليبي الله يسعدك يااارب كلنااا حالنا واحد والله المستعاان..
وان شاء الله نتيجة تحليل السكر تكون سليمه ومايكون فيك شي انااااا صايره مدمنه حلى وببسي مدري وش اللي جايني .. |
رد: تجمع حــوامل التوائم
محجبه
وأنا بعد اتقلب لان صعب تضلين على جنب واحد ما تتحملين الالم وانا في كل حمل كنت أتقلب بنفس الطريقه بس أجلس اول وبعدين انقلب بس ها الحمل الجلوس صعب وايد .. وانشاء الله ما يصير عليهم شيء . متلهفة لحضوركم انا اللي زعلني انه لما كنت في الاسبوع 30 كانوا الاثنين نازلين براسهم بس في مراجعتي الاربعاء اللي فات قالت الدكتوره واحد براسه والثاني قلب فقلت اراجع ها الاسبوع بالخاص واتمنى انه يكون رجع قلب وصار نازل براسه خواتي كيف تحسون بحركتهم الحين هل زادت ولا خفت عن أول ولا عادي |
رد: تجمع حــوامل التوائم
مسائكم فل وياسمين وجوري
اخباركم هذا المساء ياكروشات والله كني غرت منكم ودي احمل بس متردده وخاصه اني رجعت لصفحات الي قبل واستفدت منهم سواليفكم حلوه واتخيل نفسي اول ماحملت وهذاك الثقل الي جاني مادريت ان الي حامل بتوأم يكون لها كذا والله اني خايفه من الحمل واوقات احس فيني طمانينه من حملي الرابع وانا احس اني عايشه في قلق وخوف واحس اني ماتهنيت بحملي انفصلت عندي المشيمه في الشهر الخامس ومن دون مقدمات ماحسيت الاوانا انزف جالسه اكلم بالتلفون واشوف التلفزيون والحمل الي بعده نزلت المشيمه في عنق الرحم من السادس وتنويم في المستشفى 3شهور والنفسيه حدث ولا حرج من تخريع الدكاتره لي وقلق وخوف الين ربي فرجها والي بعده طلع كيس من دون جنين وعمليه تنظيف والي بعده حملي بالتوأم مات الاول بعد شهرين مامداني افرح ان فيني توام بس يمكن 10ايام ومات الثاني بعد 4شهور ولا مداني افرح فيه بس اسبوع بعد مادريت انه ولد بعد اربع بنات وتمت ولادتي في شهر شعبان 7/8/1431هـ ودخل علي رمضان وانا ماصمت بعدين جتني اخت النفاس وكملت ولا طهرت الافي24رمضان والحين بكره اخر يوم لي في قضاء صيام رمضان يوم الاثنين يعني فطرت 24يوم وخايفه احمل اللحين تكون ولادتي على رمضان واحيان اقول وقت حملي بعد رمضان بكم شهر علشان اصوم رمضان وكتب الله لي الولاده قبل رمضان وفطرت 3ارباع الشهر تقريبا الي الله كاتبه بيصير الصراحه احس اني اليوم طفشت وانا كل يوم اقوم بناتي للمدرسه واسويلهم فطور وفسحه بعدين تقوم بنتي الصغيره واسوي لها فطور بعدين ابدأ بالغداء وبعد مايخلصون ابدأ بالفطور حق الصيام واذا خلصت أبدا بالعشاء وكل يوم على هالموال تعبت من مقابل المطبخ وبناتي طفشو من تغسيل الصحون وقت اقول اعيد تجربه التوأم ووقت اقول اخليها الي يجي من الله هو الي فيه خيره لي بس والله الي خلاني افكر اني اعيدها هوكثره اسقاطاتي وحملي الي اتعب فيه يعني قلت اجيبهم مره وحده وش رايكم يابنات اشيرو علي وانا ان شاء الله باستخير ربي أستغفر الله الذي لااله الاهو الحي القيوم واتوب اليه الحمد لله كما ينبغي لجلال وجهك وعظيم سلطانك الحمد لله كما ينبغي لجلال وجهك وعظيم سلطانك الحمد لله كما ينبغي لجلال وجهك وعظيم سلطانك انا لله وانا اليه راجعون اللهم اجرني في مصيبتي واخلف لي خيرا منها |
رد: تجمع حــوامل التوائم
قمرين 2
الله يكتب لك اللي فيه الخير سواء طبيعي ولا عمليه لاتشيلين هم .. والحركه بسم الله عليهم عندي بدت تقل بس صارت اقوى لانهم كبروا اكيد .. الله يبلغنااا بشوفتهم يارب سليمين معافيين .. |
رد: تجمع حــوامل التوائم
ام الحلوين .........محجبة .........تسلمون يا الغاليات والله ان كلامكم يبرد القلب .
جومانا......... الحمدلله تطمنتي على البيبيات وبيبياتك نفس اوزان بيبياتي الله يتمم علينا يارب . الذوق .............. صلي الاستخارة والله يكتب اللي فية الخير . ندى السعودية ........ عادي يا قلبي الموقف اللي صار يمكن زوجك خايف على مشاعرك صدقيني .....انا حمواتي يحملون ومايعلمون الا وبطنهم متر جدامهم واحنا عندنا خير ونعمه عادي يابنت الحلال طمني بالك والله يسعدك بالتوام عاجلا غير اجلا يارب العالمين ماء الزير....انا اقول حاولي ترتاحين هالفترة بعد الحمل اكيد تعبتي عطي نفسك فترة يرتاح رحمك على الاقل سنة وانت براحتك وعليك بصلاة الاستخارة . |
رد: تجمع حــوامل التوائم
قصه للعضه والعبره بسم الله الرحمن الرحيم السلام عليكم ورحمة الله وبركاته اذ قصه قريت وحبت انقله للعبرررررره انااخت لكم سعوديه حملت بطفلين تؤوم وانا كنت اكل حبوب حساسيه كرتزون وابرتين ظربتهم كرتزون من قو الحساسيه وكنت ماشيه على حبوب منع الحمل واعطوني مضادات حيويه وانا ماني داريه اني حامل بالشهر الأول ولمن تعدت الدوره شهرين ماجات رحت سويت تحليل دم وسونار قالت مبرررروك فيك تؤوم في كيسين ومعهم مشيمتين تصوري كيف شعوري بغيت اموت بكااااء ونكدت على زوجي وأمي وقعدت اشيل واحط في اثاث البيت وأغسل سجاد واشيله وهو غرقان والعب حبله (نطيطى) وسبحان من حطهم في رحمي وثبتهم >>>امر الله مامنه مفر المهم قررت اسوي عملية اجهاض في جده من خوفي من التشوه ورحت اودع امي وهي تعبانه توها مسويه عمليه استأصال الثدي (سرطان الثدي) وزعلت مني وبكت وطلبتني اني ما أقتل نفسين ربي رزقني فيهم ربي وهو بيكتفل بي وبهم حاولتها انها ترضى عني واروح اسقطهم قالت لالالالالا الله لايسامحك لوقتلتي نفسين غيرك مو لاقي طفل واحد تصوروا اخواتي {{والله هو الشاهد على كلامي}} انا قبل ها الحمل عندي 6 بنات وترجيت امي وزوجي اجهظهم خوف من التشوه والأعاقه قالت امي حتى لو تشوهوا ارعيهم وقومي بهم يمكن ماتدخلين الجنه الا بأسبابهم طعت أمي واستسلمت لقدري ومسكت الصلاة والأستغفار وقيام الليل والدعاء ولما صرت بالشهر الخامس وتحركوا في رحمي مرضت أمي وسافرت معها جده وقرروا لها في الألماني عملية استئصال اورام بالرحم وبدئوا يعطونها (اشعاع روديوم) وكيماويو لزموا على سفري عنها وعدم قربي منها ابداً لمسافة 6 أمتار على الأقل ولا المس اي كوب او وعاء تلمسه ولا ادخل بعدها اعزكم الله للحمام لأن الأشعاع يشوه الأجنه 90 % ولا يموتون ورفضت ولا زمت امي زي ضلها اغسلها والبسها واكلها واشربها شهر كامل ولمن تنام امسك سجادتي ومصحفي واجلس ادعي ربي دعاء وصلاة واستغفار وبكاء وتضرع (ان كان في بقائهم خير لي ولهم ان يتمم علي حملي وان كان في نزولهم خير لي ولهم ادعوا الله ان يجعلهم شفعاء لي يوم القيامه ورجعت بأمي ومرينا مكه واعتمرنا في الفجر وانا اسند أمي وادفها انا واخوي الوحيد بالعربيه ودعيت ربي في حوض الرحمه وعند باب الكعبه بأن يحسن خلقهم وخلقتهم وناجيت ربي عند مقام ابراهيم (يارب تعلم اني تركت بيتي وزوجي وبناتي السته لطاعتك ورضاك ورضى أمي يارب ان ترفع عن الأجنه الي في ارحامي البلاء والوباء والتشوه والأعاقه وأمي تدعو معي وتكب علي وعلى بطني زمزم وتشربني وتبكي وتدعي ربي لي ولآولادي وتقول الله يرضى عليك فان قلبي راضي عنك وابشري برحمه من ربك رجعت وكملت رعاية أمي واطفالي وانا بدون خادمه ولا معاي الا الله وحده يعاوني ولا يئست من رحمة ربي ومرضت ورحت اكثر من مستشفى وأقسم بالله العلي العظيم انهم قالوا لي مشوهين تماماً وف الألماني راجعت بأمي وسويت كشف وسونار قالوا مشوهين وفيهم بنت راسها مجرد لحمه مافيها لاعيون ولا اذان ولا انف وبيجون لو عاشوا صم او عمي او بكم او معتوهين وجلست بقية الشهور ابكي وادعي ربي وابوي وأمي يدعون لي ويقرا ابوي في ماء ويشربني وامسح على بطني ويوم حانت ولا دتي تعذبت عذاب مايعلم به الا الله 8 اطباء ماسكين حالتي وجلست 4 ايام في عنبر الولاده (بابها العام حكومي) وهم يحاولون يولدوني طبيعي وفي الأخر لمن مت وعشت وصارخت عليهم>>>افرموهم قطعوهم اسحبوهم بس خلصوني حرام عليكم باااااااموت اخيراً سووا لي قيصريه وولدوني وزوجي وامي بكرسيها المتحرك وابوي واخواتي كلهم ينتظرون برى علشان ما انصدم من منظر المواليد واختي جابت اكفان مواليد عشان لو ماتو تشيلهم وانا باقي مبنجه وفجأه صحيت من البنج على دموع وقبلاات أمي وابوي وزوجي على جبيني وخدي وبشروني ان ربي (رزقني بولد وبنت كاااااملين معافين ولا حتى يحتاجون للحضانه والله الذي لااله غيره ماكذبت عليكم بكيت وصرخت وبس ابغى اسجد سجود شكر لله فزيت ابغى اجلس اسجد لله صرخت وحسيت العمليه وتألمت ولاصدقت أحد قلت جيبوهم اشوفهم الدكتور قال حتى اصابعهم رح تكون متشابكه وكثيررره ابوي بمعكازه راح وطلب الدكتور يوروني اياهم وطلع الدور الثاني وراح مع الممرضات وجابوهم لي والله يابنات اني هلحين اكتب وابكي وجابوهم وزوجي يفصخ حفاضت الولد وهو فرحان ويقول شوفي ولد ولد وكنتي بتجهضينه يامجرمه وامي تشيل شعر بنتي الطويل الأسود من فوق عيونها وتقول شفتي الدكاتره الكذابين شوفي فمها وعيونها وانفها وكانت قمررررررر بسم الله ماشاء الله والله اني احتقرت الدكتور وقلت ليش خليتوني مرعوبه 9 شهور وتقولون بنتي راسها مجرد لحمه بدون حواس قال احامال طول شعرها غطى معالم وجهها وقت السونار قلت انا سويت كل شهر سونار وفي كذا مستشفى والكل يقولي مشوهين معاقين >>>>قال (((دي معجزه من ربي ))) وبعد ما شافهم دكتور اطفال وفحصهم قال احتمال من الأشعاع الروديوم اللي تعرضتي له لمن يكبرون يفقدون السمع او البصر او النطق او يبين معاهم اي شي بعدين واليوم أقسم بالله عمر هم 10 سنوات واذكياء ومتفوقين واشقياء وآآآآيه في الجمال والصحه والله يا البنت اني اقص شعرها كل فتره من طوله وغزره تبارك الرحمن والكل يحبهم ويستلطفهم بعد كل ها الكلام ارجوكم سموا عليهم وقولوا ماشاء الله تبارك الله وخذوا قصتي عبره ولا عاد تصدقون الأطباء والسونار قريت هذا القصه في الصفحات الاولى وحبيت انقلها لكم |
| الساعة الآن 07:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .