|
رد: تجمع اللي بيولدون في شهر ذو الحجه
اسمعوا سووا زي خلطت ملعقة زيت زيتون مع زبادي واخدتها ع الريق ما جا الظهر الا الالام الولاده باديه وووو ... الليل الساعة 2 ولدت شفتوا الابتكار كيف...
|
رد: تجمع اللي بيولدون في شهر ذو الحجه
صباح الخير قلبي مدينه انتي كان لك قد ايه باالتاسع يوم ولدتي
|
رد: تجمع اللي بيولدون في شهر ذو الحجه
قلبي مدينه طيب من ايش المويات اللي بتنزل..انا باخد سفوف مجمع للضهر يمكن منه بينضف الرحم..انا الدم له يومين مافي دحين
\وبالنسبه للاكل ما ني عامله برنامج الصراحه وقت ما جعت اكلت سلطات وشوربه معا لحم او دجاج او سمك وقليل رز ولبن عادي صح؟ طيب عندي هرجه برا موضوع الحمل وكده..ابو الشباب يبغا من دحين اصبغ شعري واقص وكده وانا قبل الحمل اشيل شعر جسمي ليزر ..احس بدري دحين اسوي كل دا..بس هوا مصر كيق اقنعه انو بدري ولا اسوي اللي يبغاه وخلاص..لانو بصراحه انا حاسه فيه منظر يقرف من 9 شهور ولا ليا خلق اتشيك بس لبس عادي بس نفس الوقت ابغا اخلص اربعين واسوي اكشن بشكلي مو دحين...يالا ادوني رايكم كلكم بليز |
رد: تجمع اللي بيولدون في شهر ذو الحجه
قوشه
ايوة احسن خلصي اربعينك وسوي الي يبغاه عشان تفاجئيه هههههه مو تفجعيه ؛) |
رد: تجمع اللي بيولدون في شهر ذو الحجه
زهره هوا ما يبغا بعد الاربعين..يبغا دددححححين..سافر يومين ومتوقع يرجع يلقاني المع..اصلا لسا جسمي ما اتزبط ولسا سوووووده يعني مدري كيف يفكر الله يهديه..عشان كده لا تولدو في بيتكم يادوب تبغى تزبطي نومك وجسمك.. مره مالي خلق صالونات واسواق دحين لاني ابغا احرق ملابسي ماني طايقتها
|
رد: تجمع اللي بيولدون في شهر ذو الحجه
ودي ولدك عند مامتك وروحي سوي الي يبغاه
ادامت هوا الي طلب :) |
رد: تجمع اللي بيولدون في شهر ذو الحجه
شكلك ما قريتي توقيعي...هيا لو موجوده كنت اتبهدلت دي البهدله..دي اول ولاده ليا من غيرها الله يرحمها..كانت هيا اللي تسوي لي كل شي ..اللهم ارحم من هم تحت التراب ارحم ارواح اشتاقت لها اروحنا اللهم امين
|
رد: تجمع اللي بيولدون في شهر ذو الحجه
صباح الخير ...
قوشه الله يرحمها يارب ومسكنها الفردوس الاعلى يارب ،،،، امممممممم انا زوجي أبدا ماقالي سوي نيولوك بالعكس يقولي لاتلمسين شعرك لاصبغ ولاقص وانا لي سنه ونص متزوجه ونفس الشكل ما تغير ... بس ابصبغه عشان ابي تغيير طفشت من شكله .. |
رد: تجمع اللي بيولدون في شهر ذو الحجه
غلا,,
والله انتي على بالي امس قلت يارب تولد ,,طلعتي لسا ياللله,, طيب كويس البيبي نازل بس الرحم عندك مفتوح او لسا؟؟؟ انا اقولك انتظري ولادتك احسن انا لو باخد طلق صناعي عشان موية البيبي قليله وخايفه يقولوا اذا قلت ينخنق البيبي الله يستر ويطمني بشوفة بنوتي سليمه بس كمان ماراح استعجل لو رحت السبت راح اقنع الدكتور لو في امل يخليني على راحتي .. حبيبة موني,, وانتي دكتورتك ايش قالتلك؟؟ نزل الحوض؟؟ فتح الرحم؟؟ والله احيانا نفسي اولد واحيانا اخاف من المسؤوليه واقول كل شي بوقتو حلو ماعرف كيف مو عارفه راسي من رجليني هههههههه عطر المكان,, ياحياتي على امك سلمي عليها.. كيف بنوتك طمنينا عنها؟؟ طيب انتي ولاداتك اللي قبل كيف متى تولدي؟؟ اذا تطولي معناتو خلاص بكل حملاتك راح تطولي ترى سبحان الله احس يعتمد على اول بيبي بعد كدا تصير ولاداتك الباقيه نفس الشكل.. غوشه,, اما من دحين تتعدلي مره بدري شويا عالاقل يمر عشرين يوم احلى وتكوني مروقه دحين قوليلو لسا قاعده ابحث ايش اعمل مااستقريت ويوم تصريف ويوم ينسى ويوم مسافر الين تعدي العشرين يوم ههههههههههههه قلب غيث,, تصدقي انا مثلك زوجي يقولي لاتلمسي نفسك بس شيلي شعر جسمك وتعاليلي ههههههههههه بس ماراح اسمع كلامو طفشت من شكلي راح اصبغ واقص وكل شي .. مامات في شي مقلقني ,, الله يكرمكم الافرازات عندي من امس وهيا شبه معدومه ,,تتوقعوا عادي؟؟ |
رد: تجمع اللي بيولدون في شهر ذو الحجه
قلب غيث...امين يارب ويخليلك مامتك ومايحرمك منها
اجوان..شكلي بسوي كده والله لسا تعبانه ومالي خلق اخرج من البيت..يمكن اصبغ في البيت والبس من ملابسي الجديده اللي ما لبستها كم يوم ويصير خير بس ان شاء الله ينسى...بس لا تقلقلي نفسك على قولتك كل شي بوقته ان شاء الله ..بس حاولي في مامتك تجيكي |
| الساعة الآن 04:51 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .