رد: .·¤ تجمع الحوامل اللي ولادتهم في محرم¤·.
 

دلع .. الله يسلمج حبيبتي .. اي والله حتى لو انا ما قضيت اهلي بيقضون لي .. عشان جي الدولاب مليان لان غير اللي اشتريته انا .. زوجي اشترى وامي وخواتي كل وحده شاريه شغلات .. وامي الاسبوعالجاي واجعه البحرين من الدوحه وجايبه لي اغراض وملابس .. شكلي بعد الولاده بفتح محل وببيع هالاغراض بالمزاد ههههه ..

رد: .·¤ تجمع الحوامل اللي ولادتهم في محرم¤·.
 

عيش الحياة ،. ربي يسلمج من الشر يالغاليه .. والله انا عن نفسي ما احب الشغالات ولا ارتاح لهم ،، وما افكر اجيب كلش .. شغل البيت مو كثير .. يعني لو تنظمين وقتج وترتبين التنظيف راح يكون اسهل عليج .. يعني انا قبل لا احمل عندي يرنامج للتنظيف وهو ان يوم واحد بالاسبوع ( الخميس بالعاده) اغسل الملابس ( لان بس انا وزوجي في البيت بدون اعيال ) وكل يومين اغسل الحمامات ( اغسل واحد بس لان الثاني محد يدخله كلش الا الضيوف واساسا محد يجيني فاغسله مره بالاسبوع) والبيت كامل انظفه مرتين بالاسبوع بس لان ما عندي اطفال يلعوزون .. واساسا ما نقعد كثير فيه .. والحمدلله كل اللي يدخلون بيتي يقولون نظيف ومرتب وكل شي فيه حلو ماشاء الله ..*بصراحه اشتري راحة بالي وبال زوجي لان الشغالات هم في هم خصوصا ان جايتني نونو ف الدرب وما احب اترك اليهال عند الخدم .. ومن حملت زوجي ما يخليني انظف شي الا لو بمسح الاثاث على خفيف وهو قايم بالشغل فديته ،، وانتي وراحتج *ياقلبي،،*

رد: .·¤ تجمع الحوامل اللي ولادتهم في محرم¤·.
 

وردة الجوري .. فديت روحج يا قلبي الحمدلله استانست والتعب صادني في السوق من المشي وحسيت ف لحظات اني راح اولد هههههه بس عقب اتعوذ من ابليس واطرد هالافكار من راسي ،، بصراحه لما ركبت الطياره وارتفعت مع الضغط قلت بقلبي ليتني ما سافرت ! النونو اهم واولى وجات مليون فكره وفكره ف بالي ،، وزوجي اول ما وصلنا قال لي حسيت قلبي يدق بسرعه خايف يصير لكم شي لا سمح الله ومثل ماقلتي حمل عزيز علي وعليه وعلى اهلي كلهم .. بس الحمدلله عدت على خير ،، ما افكر اسافر مسافه بعيده لان بجد متعب السفر ،،*

رد: .·¤ تجمع الحوامل اللي ولادتهم في محرم¤·.
 

شولولي ،، ياهلا فيج فديتج ،، ربي يعوده علينا ان شاء الله ،، والحمدلله انج بخير والنونو بخير وصحه وسلامه ،، لاتضايقين نفسج وكلها كم اسبوع وتشوفين النونو بحضنج ولا شافه زوجج راح يحن قلبه عليه اكثر .. فديت قلبج لج وحشه ..*

رد: .·¤ تجمع الحوامل اللي ولادتهم في محرم¤·.
 

نوقا ،، فديتج الله يسلمج حبيبتي .. انتظرج تسوين وتقولين لنا شلون الكتكوته الحلوه .. بخاطري اسوي مره ثانيه هههههه بس خايفه اقول لزوجي ويقول مصختيها ههههه .. اكلي ولا تجوعين بنتنا مسكينه ! احسها قالت مافي غير الترفيس يمكن تحس امي وتقوم تاكل شي ! ههههه*
بشري شخبار الدوام اليوم ؟ ان شاء الله ماتعبتي ؟!

رد: .·¤ تجمع الحوامل اللي ولادتهم في محرم¤·.
 

ملوكه .. ياهلا فيج ربي يتمم لج ولنا على خير يارب .. انا بعد بكريه ..*


فل وكادي ،، الف مبروك البنوته .. ربي يبلغج فيها عروووسه حلوه يارب ،،*

رد: .·¤ تجمع الحوامل اللي ولادتهم في محرم¤·.
 

مراوي ،، مابي اضحك عليك انك بتعيدين السونار اخاف بعد مااحربه اسوي مثلك هههههههههه
والدوام الحمد الله كنت احسه بيكون ثقيل بس والله بالعكس ضيع علي الوقت اول بس احسب وحالتي حاله

رد: .·¤ تجمع الحوامل اللي ولادتهم في محرم¤·.
 

انا طفشااااانه مليييت ابي اداوم مالي خلق انظف بيتي ولا اسوي شي
اليوم اهل زوجي رايحين ملاهي ومارضى اروح يقول اجلسي معي وسحبها نوووومه إلى صلاة العشاء حقدة عليه وانا اقومه

رد: .·¤ تجمع الحوامل اللي ولادتهم في محرم¤·.
 

غريب مشاعل للحين ما تأكدتي
انا بعد بان من بداية الخامس بنوته
هم لاني مسويه السونار الدقيق

يلا بكره بشرينا

يعني انا وانتي وفل وكادي بكريات وهم قريبين من بعض ^^

رد: .·¤ تجمع الحوامل اللي ولادتهم في محرم¤·.
 

ياهلا فيك مراوي بعد انتي بكريه
وش طلع بنت ولا ولد


اشوف في بنات عندهم دوامات هنيالكم
انا تخرجت وشهر عرست وبعدين شهر حملت هههههه
بس والله ودي ادرس تضيع الايام
الحين ماشغلتي الا احسب في هالايام