|
رد: تجمع حوامل ليبيا
مساء الخيرات ياحلوات ياكروشات ... كيف حالكم ...
أم سعد وليبيا كيف حالكم وانشالله ربي يسهل عليكم انتو و آية ياااااااااااارب وتفرحونا وتحكولنا على تجربتكم ... حنين كيف حالك حبيبتي وشن أخبار مصر معاك ؟؟؟ بالنسبة للوجع اللي عندك أكيد من الحركة ردي بالك وخففي من التطبيس والفلاحة توا ههههههههههههههه ... انشالله حنبدا ندهن في زيت الزيتون لكن حاجة وحدة نفكر فيها هي ريحته باهي وحدة جنب راجلها كيف بتقعد ريحتها زيت زيتون حااااااااااااااااالة وخلاص .. مرة درت حمام زيت لشعري حسسني إني من المريخ على قولت شن هالريحةههههههههههههه كيف مدايرين انتو يابنات لما تدهنوا بيه ... وبالنسبة للشعور اللي تحسي بيه مع الماكلة والله العظيم توا نكلم فيك وصايرلي نفس الشعور تعرفي لما ناكل تنتفخ بطني وتقولي كله ينزل عند فم كبدي ومانحكيلكش عالحموضة مع إني قاعدة ماشبعتش لكن قولي الحمد لله مايطولش هلبا هالشعور وبمجرد مايفوت تلقي روحك جعتي جوع تقول ليك يومين من غير أكل هههههههههههه وليت وحش الكوجينة ... ربي يحفظك وردي بالك علي روحك ياحنو . |
رد: تجمع حوامل ليبيا
مانعرفش بالنسبة لحوايج البيبي ياحنو لكن اللي نعرفه ونسمع بيه هلبا ان مصر جوها ملوث والله يقولولي تنشري حاجة بيضا برا تجي تلقيها مش بيضا والله أعلم ( إنتي أدرى ) فلو هكي يستحسن في رايي حوايج البيبي تخليهم الداخل ... وطبعا أصحاب الخبرة موجودات ويفيدوك أكتر مني ...
|
رد: تجمع حوامل ليبيا
السلام عليكم والله ليييييكم وحشه موش طبيعيه بس كنت تعبانه هلفتره الوحم داير عمايله فيا وحشاكن رقتلي الحراره مع زكمه ولوز ملتهبه ودراه كبد الوحم ولاكن الحمد لله ياارب ياايه يخلصك الله بلسلامه وتفرحي ببنيتك يااارب وماتكدريش روحك لما ربي ياسخرله تجي ساعة الولاده ونا حاساتك طاااايبه غضوه ان شاء الله في حجرة الولاده وينكن ياحبل الوصل ونسرينا وهاتو وام لقمان وصابره الغاليه وميرنا وام اسيل وحبيبتي ميمونه والله خاطره عليا وكم مره بنكلمك يخبط الباب انبطل وسلامي للكل خايفه ننسى حد سامحوني داكرتي ولت بلهون
|
رد: تجمع حوامل ليبيا
السلام عليكمكيف الاحوال اخواتى؟وسلمك نشاده اختى معراجولاباس عليك طهور باذن الله
|
رد: تجمع حوامل ليبيا
آآآآآآآيه العسوله
ربى يسهل عليك وتفرحينا خليك قويه كثرى من التسبيح بيش نفسك اتكون مرتاحه اكثر وانشالله نسمعوا عليك خبر خير |
رد: تجمع حوامل ليبيا
السلام عليكم تعرفو اليوم بس بيش طلعت لفرح من مده وكان فرح اخ خطيبه سلفى ماشالله على النظام والتقديم روعه وانا امس خشيت على مقاطع لتعلم كيف نحط مكياج لانى اخترت لون اول مره نديره وطلعت نهبل (شكار روحه خطم) عاشقه عرفتيه ههههههههههههههه وراجلى انجن هليا بس للاسف الدوره هههههههههههههه ايه شن قصه الدم عدى شوفى روحك لو كثر حبيبتى مانبيش نشغلك بس لو زاد ومافيش ليه ضرورى تمشى وتكشفى ام سعد وينك؟ ميمونه وين غاطسه طمنينى شن صار
|
رد: تجمع حوامل ليبيا
جمعه مباركه على الجميع وشنو حال عويلتك يا عيون وين حمادى يسوق في السياره ولا مزال ويخلصك الله بلسلامه يابوسي وليبا قلبي وتسال عنك العافيه ياام لقمان وشنو اخبار اخلاص وعمور يا حبل الوصل انا توه في تاني اسبوع في الرابع زعمه امتى نقدر نعرف جنسه شنو ياحنين ماتخافيش هدا كله طبيعي اختي لما كانت حامل ببناتها التؤم هكي يصيرلها وانتي امشي للدكتور واطمنى وما تكثريش من رقاية ونزول الدرج والمشي الى التاسع ان شاء الله
|
رد: تجمع حوامل ليبيا
منوره التجمع يا عاشقه وربي يخلصك بلسلامه يااارب
|
رد: تجمع حوامل ليبيا
السلام عليكم
شن حالكم نورتي معراج ليك وحشه_ أنا دورتي قاعدة ماشرفتش لها 6 أيام غايبه |
رد: تجمع حوامل ليبيا
اهلا بنات جمعه مباركه وين ميمونه شغلتينى والله شكلك حامل والوحم جاعليا هههههههههههههههه
|
| الساعة الآن 01:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .