رد: تجمع حوامل ليبيا
 

رد: تجمع حوامل ليبيا
 

عاشقة شن الجو ماشاء الله شكله مشي الوحم سعدودك بالله
اني مازال انحس في روحي مش صافية وحتى اني انحس في وجع اسفل البطن وثقل تعرفي زعمة عادي ؟؟؟؟

كيف حالك يابنات كلكم من غير استثناء طبعا
اية وام سعد وليبيا قريبة العصيدة ولا ؟؟؟

رد: تجمع حوامل ليبيا
 

عاشقة مشاء الله
والحمد لله افتكيتي من الوحم
بصراحة احلى واخف شهور الرابع والخامس والسادس
بعدها يبدى التعب والرزن
..
ام سعد سلامتك والله حتى انا عندي هبوط ومعادش ناكل زي قبل والله بديت نحس اللقمة تخنقني ومتنهضمش طول اليوم شدتها فوكه وخلاص ..
ياااااارب نجيب الليلة يارب مدايرة قرفة وكمون حلو وقرنفل ونشرب فيهم مع عسل حبة البركة
عندي وجع خفيف هلبا يارب يزيد ونولد ادعولي بنات ربي يسهل عليا وعليكم..
ليبيا قلبي كتري تمر وحليب على قد ما تقدري يسهل والله اعلم

رد: تجمع حوامل ليبيا
 

ام قصي عقبالك
انا مستعجلة لان حجم البيبي كبير مشاء الله
وكل ما زاد في بطني يزيد حجمة مدابيه نجيبه اليوم قبل غدوة
كل غرام زيادة بي بونتوhwaml15 ..
حنين ربي يسهل عليك وتفتكي من الوحم
وعصيدتي مازال دعواتكم بس.

رد: تجمع حوامل ليبيا
 

أم قصي .. حنين .. عاشقة .. ليبيا قلبي .. نورتو وكيف حالكم

آية .. حتى أنا الوجع خفيف يجي ويمشي آمس كليت تمر وشربت الرب وندور في أي حاجة تخليني نجيب طبيعي

رد: تجمع حوامل ليبيا
 

كيييييييييييف حالك يا أم قصي ؟؟ عجباتك الصورة ؟؟ عارفة روحي ذويقة هههههههههه ( شكار روحه يقعد بروحه ) ههههههههه تسلميلي كلك ذوق .
حنيييييييييييييييييين ياحنين باهي اللي شفناك ..شن أمورك وشن دايرة فيك مصر .. بالنسبة للوجع اللي تحسي فيه كان هلبا معناها شوفي دكتورتك وريحي روحك ونقصي حركة لأن صار معاي وجع فظييييييييييع في الليلة اللي قبل مشيتي للمستشفى تعرفي لين قعدت نبكي ولما مشيت عطتني إبر تثبيت .. ردي بالك حبيبتي وخففي من الحركة ..
أيوووووووته النحولة تبي تجيبي الليلة شوفي روحك وديري لراجلك زعتر واعطيه حبوب بندول امتع الزكمة باش من هني لليل يتحسن وتمشي أمورك هههههههههههههههههههههههههه
ووووووووووه سهفتوني في العصيدة ومش حنديرها في جيابي انشالله لأني بندير لمة وحدة كبير ومانبيش سريب الماشي والجاي .. خلي نلم الحبايب مرة وحدة ونرتاح وبندير عشي كبير للرجالة انشالله طبعا مازال بكري على هالتخطيطات لكن من توا خطتي واضحة

رد: تجمع حوامل ليبيا
 

تعرفوا يا صبايا احنا الطوارق عندنا اعتماد كبير عالأعشاب والدوا العربي .. يعني عندنا الوحدة لما تخش شهرها تبدا تاخد في خلطة أعشاب زي المسهل والله العظيم أمي وبنات اعمامي وقريباتي كلهم يحلفولي ان الوحدة فيهم تجيب على طول وبدون تعب ووجع ظهر زيادة وقالولي ان في بداية الوجع تحسي كإنك تبي تخشي الحمام وبعدين تتفاجئ بالولادة ... ناوية بإذن الله وكان ربي تمم عليا بخير حنتبع نفس الطريقة انشالله .

رد: تجمع حوامل ليبيا
 

عاشقة صورتك حلوة تشبهلك هلبا هههههههههههههههه
غر ما تزعليش بس الا زعلك ...
وبنسبة للاعشاب شن هيا
افيديني وخياتك يبو يجبو اليوم قبل غدوة..

رد: تجمع حوامل ليبيا
 

- يسهل وضع القرفصاء الولادة ، لذا حاولي الاستناد على كرسي مع فرد الظهر ، وإذا وجدتِ صعوبة فى أداء هذا الوضع يمكنك الاستعانة ببطانية تحت كعبيكِ.
http://forum.hwaml.com/imgcache2/hwa...047219_246.png

رد: تجمع حوامل ليبيا
 

- هذا التمرين يساعد على تقوية عضلات الحوض والفخذين ،اجلسي جلسة القرفصاء ، على أن يكون القدمين مفرودان تماماً على الأرض وظهرك مستقيم ، ضمي كلا يديك بالضغط بقوة باتجاه معاكس ، استمري فى هذا التمرين وخاصة إذا كان يشعرك بالراحة.



http://forum.hwaml.com/imgcache2/hwa...047266_459.png