|
رد: حبيباتى سيدات ليبيا تفضلو لأعرف ما حالكم
جيجي ياعيني كيف حالك
شن اخبارك الوالد ربي يحفظه لكم ويشفيه ويعافيه ويردة بالصحة ليكم ادخلي طمنينا عليه ربي يطول في عمره عمود البيت ونوره |
رد: حبيباتى سيدات ليبيا تفضلو لأعرف ما حالكم
صباحك ورد اوشي ,, نا حالي الحمدلله من اول ماجيت نيوكاسل اول ليلة نرقد بلا سهر وارق او العيال ينوضوا
رقدت 12ونص ونضت 9 .. وامين يارب اجمعين ان شاء الله شخبارك انتي وشن استعداتك للشهر الكريم .. وكيف عاداتكم بالصيام بشحات؟؟ |
رد: حبيباتى سيدات ليبيا تفضلو لأعرف ما حالكم
ام فراس ... صباحك عسل
وسعي بالك ديمة ايصيرن المناوشات السريعة هههههههههه بس اهم شي ديري كيفي اي كلمة في خاطرك قوليها بس برقي وادب ودلع وبابتسامة وفي الاخير تكوني مسحتي كبدك وما زمطتيش غصتك خخخخخخخخخخخ |
رد: حبيباتى سيدات ليبيا تفضلو لأعرف ما حالكم
اقتباس:
وكل عام وانتي بخير http://i6.photobucket.com/albums/y20...02-12-1046.gif |
رد: حبيباتى سيدات ليبيا تفضلو لأعرف ما حالكم
والله تجهيزاتي بسيطة جدا
جبت اللي يجيبو فيه العرب ... وخذينا اللحم والمفروم والكبدة فواكه مجففة وجميع انواع البهارات خذيتهم من طبرق ومن درنة والجيلي والكريمات والخمائر والذي منه يعني اشياء بسيطة ... وناقصني العصائر والحليب والكاسترد .... ونبي ناخذ طواجين فخار اليوم كان ربي سخر لان امس ما طلعتش ... لاني شريت تلفزيون بلازما زصحن للمطبخ وكنت امس العشية انعلقو فيهن |
رد: حبيباتى سيدات ليبيا تفضلو لأعرف ما حالكم
اقتباس:
قعدت مرات مانردش ومرات نبكي وكان بكيت يتنرفز المشكله اخرتهاااااااا يجي يقولي بدلي الساعه بساعه اخري ويضحك ويراضيني وانا الغضب الساطع شاعل شعل من جوا خخخخخخخخخخخخ انقوله انا مش انسان الي تبيني نتحول من الغضب للسعاده في لحظه؟؟؟؟؟؟ وكان عاودتي ناقشتي الموضوع في ساعة صفا يقولك انسي... في انغص وخلاص كلي غصات هههههههه |
رد: حبيباتى سيدات ليبيا تفضلو لأعرف ما حالكم
تعرفن يابنات ...مش قلت لكم مشيت للمتين
وحدة منهم عند جارتي وفي نفس الوقت هي تكون بنت عم زوجي لزم يعني وراجلها ولد عم زوجي من بعيد المهم بنحكيلكم عالجو اللي دايرته لرمضان ماشاء الله تبارك الر حمن عيني عليها باردة .. كل رمضان ادير فيه الجو هضا عندها حاجر نصفه صبة والنصف الثاني عريشة عنب اسود تعلق في السقف الرواق امتاع البيت واتجيب وتعلق عالساس البطانية الحمرا اكيد عرفتوهن ... وتعلق فوق البطانية جميع الادوات اللي كانو يستعملو فيهن اجدادنا كانه متحف ومعلقة فنارات واتفرش الارضية بصوالين وفرش وحاطة الشلال الكهربائي ... يا عليك جو ايهبل القعدة فيه ما ينمل منها بكل ربي يديم عليها الصحة وراحة البال |
رد: حبيباتى سيدات ليبيا تفضلو لأعرف ما حالكم
ماشاء الله...
ومبارك الشاشة .. بصراحة المطبخ حلاوته بها برمضان .. لان نحن الليبيات اسم الله علينا حياتنا كلها مطبخ هههههههه جيراني من شرفة المطبخ سور اللي بينا واطي فانحق فيهم طبعا مطبخهم يفتحوا في بابه عادة وخصيصا حشاك عندهم كلب يفجع امسخط امحرم عليا فتح الباب ديما... يوم الاحد بس شفتها خشت المطبخ وتشغل فيها الات والباقي راحه خخخخخخ ع سيرة الخميرة امس اسوقنا من سوبرماركت جنبنا لقيت قسم خاص بمستلزمات الفطائر والحلويات يييييييييييه مافي حاجة مافيه في دقيق خبزة وفي دقيق بيتزا وفي خلطات تورتات وكيكات كلهن ضيف امية وحط في الفرن ههههه ونحن نشروا في البيتزا الواتيه يعني بصلصتها بموزاريلتها سخن وكول بس خديت حاجاتها خاطري فيها من ايدياتي ... |
رد: حبيباتى سيدات ليبيا تفضلو لأعرف ما حالكم
اقتباس:
ماشاء الله جو روعه .. حلو جو اجدادنا خطرتي عليا امي اللي هي جدتي الله يرحمها ام والدتي.. في عجة ادير فيها بسيطه جدا العجة الحمرا المقليه ديما انديرو فيها امسمينها عجة امي انا وخالاتي 2 وماما وحتي خوالي يحبوها .. مفتقدة اجواء رمضان بليبيا بس مش ليبيا توا ليبيا زماااااااااااااااان |
رد: حبيباتى سيدات ليبيا تفضلو لأعرف ما حالكم
اسم علينا التعب ورانا وقدامنا ..
ريتي ياحنة ماخشت المطبخ الا يوم الاحد ييييييييييييييه نحنا كان طولتي وماخشيتي المطبخ يسيرلك رعشة حيه عليا امتا بنكمل حيه عليا توة يجي والغدا مازال ماجهز واااااااااااك علينا وخلاص |
| الساعة الآن 07:35 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .