|
رد: دردشة بنات العراق, دردشة حوامل العراق , تجمع بنات العراق
هلا زنوبه لا بعد موعدها بس اليوم
اجت حماتي الثانيه وسالتني شبيج ماتحملين كتلها مااريد بنونه اريدها تدلل اشو كماشه طفرت وتكول لا يوميه يراجع بيها وماتحمل النسوان بس يسون كورداج يحملن قبل الاربعين وحجي من هذا القبيل واحس روحي طلعت وهسه اكتب وابجي يعني شسوي اذا الله ماانطاني الناس تاكل وجهي |
رد: دردشة بنات العراق, دردشة حوامل العراق , تجمع بنات العراق
شلون اذا هذا الشهر ماحملت اكيد راح يسوون بيها حاله نفسيه
وجماله باجر زوجي يريد يروح لاربيل وبنت خاله خابرت اتكول باجر اجيكم وهيا حامل واكيد راح تسال ليش ماتحملين وليش وشبيج ومن شلعان الكلب واشكد مااحاول اضل اقاوم كلبي يتقطع من جوه |
رد: دردشة بنات العراق, دردشة حوامل العراق , تجمع بنات العراق
استغفر الله ولا حول ولاقوة الا بالله العلي العظيم
يعني صدك ناس متستحي ومتخاف الله ...وشوفي خلي ايمانج قوي بالله وكلشي لتسوين بس كولي يارب اني سلمت كل من ياذيني بكلمة او تصرف سلمتهم بيدك ..وخلي ايمانج قوي بالله بان هو الي ياخذ حقج وشوفي رب العالمين لون راح ياخذ حقج ووشلون راح يعابيهم لان نيتهم سوء والخبث يمشي بدمهم وهاي كماشة مباقي عليها شي جاييها عذاب القبر وخلتحترك حرك هناك وكله من وره لسانه المتبري منها عجوز البين فوك ماتلتجأ لله باخر ايامها بس رب العالمين يهدي من يشاء ويظل من يشاء والله تعجب عالجرئة الي عدها احنا عمرنا منسال وحدة ليش محبلين وليش تاخر عليج الحمل وانتو شعليكم صدك ناس معدها لاحيا ولا مستحى |
رد: دردشة بنات العراق, دردشة حوامل العراق , تجمع بنات العراق
مراح اكلج لتضوجين ولتديرين بال لان هذا كلام مثالي وبعيد عن الواقع واذا اكلج هيج معناها دااستهين بوضعج وبنفسيتج
بس اكلج خلي ايمانج قوي واقري قران ..واتوكلي ع الله واتفقي انتي وزوجج وسوي انابيب شبيكم يحظي ليش هالحركان الاعصاب مدام عدكم فلوس اشترو راحتكم وراحة بالكم واختصري الطريق بتوم وانشالله ولد وتسكتين حلوكهم المتبرية منهم |
رد: دردشة بنات العراق, دردشة حوامل العراق , تجمع بنات العراق
ونعم بالله
والحمدلله على كل حال شسوي شمااحاول اصبر ابقه كدامهم اضحك بس من يروحون ايقه ابجي ومااكدر احجي لزوجي لان يروح يتعارك وياهم ايكول شعليكم بس هما فضول لازم يتدخلون |
رد: دردشة بنات العراق, دردشة حوامل العراق , تجمع بنات العراق
والله انتي صبورة اني بمكانج من اول مرة احجيلزوجي خلي يوقفهم عد حدهم انتي شنو ذنبج
|
رد: دردشة بنات العراق, دردشة حوامل العراق , تجمع بنات العراق
هلوووووووووووووووووو
شلونجن بنات؟؟ فوفو عيوني منوره التجمع وان شاء الله تتونسين ويانه الحمدلله احنه هنا قلب على قلب والحمدلله ...ربي يديمها علينا وفعلا اني كنت بتجمع حوامل الشهور الاخيره من الحمل ونفس حالتج تقريبا... ام دينا كل الهلا بيج اختي نورتينا غلاتي\\\\ اني ام شوق متزوجه صارلي 6 سنوات وعندي بنتين وولد |
رد: دردشة بنات العراق, دردشة حوامل العراق , تجمع بنات العراق
وعليكم السلام امونه
المفروض كل عمه تعتبر زوجة ابنها مثل ابنتها وتعاملها بشكل صحيح وتنصحها واهم شي عدم التدخل بحياتها وحياة ابنها فسوف يعيش الجميع بسعادة وراحة بال اكو مثل يكول اذا العمه رضت علة الجنه جان ابليس دخل الجنه حبيبتي ام بنين لاديرين بال بالعكس قدريها واحترميها لاجل عيون زوجج وهسه يجي يوم تحس على نفسها وتتندم وانت الج الاجر والثواب والذرية الصالحة وحسن العاقبة |
رد: دردشة بنات العراق, دردشة حوامل العراق , تجمع بنات العراق
ايمان الله يعينج عمري.. هذوله مو بشر ...والله راح اتخبل من عمتج واقارب زوجج اي همه شعليهم ؟؟ شو هذي مرة اخوي صارلها 11 سنه والصوج منها شو محد كاللها على عينج حاجب؟؟؟؟
|
رد: دردشة بنات العراق, دردشة حوامل العراق , تجمع بنات العراق
حمدالله عالسلامه عذراء بس لازم تتغذين زين وخصوصا الفواكه والخضروات وجبري نفسج ع الاكل لخاطر طفلج عمري..
غنوه سلامتج عمري حبي مادامج ابيت لوحدج معليج بعيالج وحتى اذا احد اتصل وسمعج كلام مو زين لا تهتمين شمدريج يجوز يحاول يغثج؟؟؟ الله يعينج ويصبرج وتكملين حملج على خير وسلامه نورس شلونج عمري شلون صار هيمو؟؟ نجوله شلونج وشلونه ايهومي الله يعينج عالدراسه يلا هانت حبي ولج زوزو بالعافيه عالمشي ذكرتيني بالممشى الي على كورنيش الممزر احب اتمشى هناك.. ايو مااعرفه الصالون بس سامعه بصاحبته مو صالونها عالبحيره؟؟ اي يكولون شغلها روعه بس غاليه ...هو ردت اروحله احف وجهي عدها وتعدلي حواجبي ويجوز اكص شعري هم |
| الساعة الآن 07:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .