|
رد: .·¤ تجمع الحوامل اللي ولادتهم في محرم¤·.
اقتباس:
هههه كآنك تتكلمين عني مثلي لآرحت لها مجهزه لسته من الاسئله ومن ادخل انسى كل شي والسبب اخلآقها حتى ابتسامه ماتبتسم احس مالها خلق شي بس من اشوف السونآر ابدأ احآول اجمع الاسئله من جديد بس اطلع وكني سويت شي انقهر من نفسي وزوجي يسألني هآه وش صار وش قالت لكـ اقعد اخرف عليه اجابات من راسي ههه-)كله ولاالفشله والحمدلله انك تطمنتي على النونو وربي يخليه ويحفظه لكـ احسس كل البنآت او الاغلب عرفو نوع الجنين الا انآhwaml85 وموعدي احس باقي عليه كثيرررر عاطيتني موعد بعد خمس اسابيع احسهم كنهم دهر:( |
رد: .·¤ تجمع الحوامل اللي ولادتهم في محرم¤·.
نوقآ نتنتظر طبقكـ وياليت ترسلين لنآ منه فيدكس موبس صوره مثل ماقالت مراوي موناقصين شامات اولآدنا هههه
دلع الف سلآمه على الوالد مايشوف شر مراوي احنآ في انتظارك تطمنينآ عن النونو وان شاء الله تعرفين ولد ولابنت بالنسبه للاسبرين وشوله تأخذونه انا دكتورتي ماعطتني ايآه يعني ليش يعطوكم اياه مع اني اجهضت قبل :s |
رد: .·¤ تجمع الحوامل اللي ولادتهم في محرم¤·.
اقتباس:
امآآ مقهوره عشان ماطلع لكـ بطن انآ كرشتي كبرت وللحين ماشريت لي ملآبس حمل هههه مع انه ماكان فيني بطن بس فجأه نطت وعلى طاري الملآبس من وين اشتريتيهم احس مااعرف محلات حوامل ابي بالدمام ^^ |
رد: .·¤ تجمع الحوامل اللي ولادتهم في محرم¤·.
اعز انا قضيت من الدمام من السعر المنافس خذت اشوي و مادري المحلات الي جنبه اشوي
انا خذت بلايز بس مو مخصصين للحامل بس يصلحون للحمل وللي مو حامل عشان استفيد منهم بعد الولاده ان شاء الله والحين طابا يمدحوونه روحيله حتى مراوي بتنزل من البحرين عشانه |
رد: .·¤ تجمع الحوامل اللي ولادتهم في محرم¤·.
اعز الله يساعدك مشوار بعد 5اسابيع
انا حكومي وكل شهر مره ويكون نفس اليوم يعني كل اخر ثلثاء من كل شهر ازورهم |
رد: .·¤ تجمع الحوامل اللي ولادتهم في محرم¤·.
ان شاء الله هاليومين بطلع السوق وبقضي لي ملآبس لآن لبسي اغلبه صار ضيق
وطابا سمعت يمدحونه بس الظاهر انه جديد بشوف وين مكانه وبروحه يعني فيه ملآبسه للحوامل ولاللمواليد بس الادلع صار لك فتره نومك منظم ياحضك هع تدخلين الصبح اخر الليل تختفين اماالموعد طلعت روحي واناانتظر يخلصص باقي لي تقريبا 10 ايام عليه تخيلي اخر موعد لي ببدايه رجب وعطتني الموعد الجديد 17 شعبان hwaml4 ولو رحت بعد وماقالت لي وش جنس الجنين يمكن اسوي مشكله ههه كل مااروح لها قالت وش مستعجله عليه :/ بشوف هالمره كم بتعطيني موعد مراوي طولت ,,, ترآ ننتظرك hwaml7 بنزل لآهل زوجي الليله لاتطولين ابيك تجين وبروح لوماجيتي ماراح انزل -)مالها نيهhwaml87 |
رد: .·¤ تجمع الحوامل اللي ولادتهم في محرم¤·.
مساءالووورد
اخبااااركم مروي في بعدعندك سربال نفس طابا واكبر |
رد: .·¤ تجمع الحوامل اللي ولادتهم في محرم¤·.
انا وياكم....بربي إن شاءالله فمحرم....
19 /محرم...إن شاءالله...يعني 3/12... |
رد: .·¤ تجمع الحوامل اللي ولادتهم في محرم¤·.
مرحبا بنات ،، شخباركم ،، ادري طولت عليكم ،، لاني تأخرت بالمستشفى من الزحمه ،، وبعدها دخلت على الدكتورة ،، بحكي لكم بالتفصيل الممل ،، ههههه
الحمدلله ثم الحمدلله ثم الحمدلله حتى يبلغ الحمد منتهاه ،، اول شي انا شربت سفن اب وانا رايحه بالدرب ،، واكلب قطعة شوكليت ،،على اساس ان البيبي بيتحرك ،، لما وصلت المستشفى كنت حصرانه حيل الله يعزكم وكنت ابي اروح الحمام ،، ولو بس زوجي كلمني شوي كنت بسويها ههههههه الله ستر ،، كنت الهي نفسي في الجوال ،، والا انا ريقي ناشف من الخوف ،، وحسيت دمي بيوقف ،، نادتني الممرضه رحت لها قاست الضغط وكان نازل شوي على كلامها ( من الخوف ههههه) وحرارتي طبيعيه ،، ووزني زاد عن اخر مره تقريبا كيلوين ونص او ثلاثه ،، بعدها انتظرت شوي ونادتني الدكتورة ،، دخلت عليها ،، قلت لها ابي اسوي الترا سوند ،، تمددت على السرير وانا قلبي يرقع ،، صارت حفله في قلبي هههههههه ،، شغلت الجهاز واول ما حطته قالت لي حاصره نفسج كثير ! قلت لها ايوه لان كل مره يقولون لي لازم اكون حصرانه ! قالت لي لا هذا بأول الحمل ،، انتي الحين البيبي كبير ،، وقالت لي شوفي شلون عاصره البيبي هههههه وفعلا كان مرعوص ما يبين ،، ههههه كسر خاطري ،، قالت بسرعه قومي روحي الحمام ورجعي ،، رحت ورجعت لها تمددت مره ثانيه ،، وحطت الجهاز ،، او ما خلت الجهاز كان على فخذ البيبي ،، قالت لي شوفي هذا الفخذ وقاسته ،، وورتني الاكتاف وورتني الرقبه واليد وكل شي بالتفصيل وكانت تقيس ،، وانا اشوف وفاتحه عيوني وابلع في ريقي ههههههه ابيها تسمعني القلب اول هههههههه فيني وسواس ،، وزوجي ماسك رجلي وهو يشوف معاي ،، ومستانس حيل ،، بعدها قاست راسه ورقبته وقالت عشان نتأكد من متلازمة داون لا سمح الله ،، وقالت الحمدلله القياس طبيعي مافي شي ،، والعمود الفقري مافيه تشوهات الحمدلله رب العالمين ،، وشافت الراس والمخ وقالت طبيعي مافيه ماي او شي ،، كل شي طبيعي الحمدلله الحمدلله ياربي ،، كانت وضعيه الجنين ساجد فديت قلبه حياتي انا ،، ورتني الاصابع ووضعية الايد وجهازها واضح ما شاء الله كثير ،، وقالت لي عندي ملون فور دي لو تبين ،، بس قلت لها لا بسويه لما اكون بالسادس ،، سمعتني بعدها دقات القلب ،، فديته فديته ،، لو تشوفون ويهي شلون صار بالظلام ،، ههههههههه حتى زوجي مسك رجولي بقوه وهو يهوس عليها ،، هههههههههه ( اثاري حاس فيني وباللي افكر به ) بعدين قلت لها الحين تطمنت ،، ابي اعرف جنسه ،، قالت بشوف لج بحاول ،، حاولت كثير لكن وضعيته نايم على بطنه وكأنه ساجد ،، وكان يسكر رجوله ويفتحها شوي ويرجع بسرعه يسكرها ،، بعدين قالت بتجرب من فوق ،، جربت روتني الحوض وقالت شوفي هذي رجوله ،، ولما فتح رجله شوي قالت هو ما يخليني اشوف بس ،، 70 % Baby Girl. هههههههههه بنات حسيت روحي بطير من الفرحه ،، زوجي قعد يضحك بصوت ،، هههههههه قلت لها صج !! قالت اي شوفي لو كان ولد كان بانت اشياءه لما يفتح رجوله ،، بس مافي اي عضو طالع لبره لها ،، بس بعد عشان نتأكد بعد اسبوعين تعالي لي ،، فديتها فديتها والله احبها ياناس ،، طلعت من هناك وانا متشققه من الوناسه ،، مو عشان انها بنت ،، لأ للحين ما تأكدت ،، بس لاني شفتها وكبرت عن قبل ،، وشفت تفاصيلها ،، يارب تمم علي وقر عيني بها يارب ،، الحمدلله الحمدلله الحمدلله حمدا كثيرا ،، يالله قولولي شنو تتوقعون ؟ دامها قالت 70 بالميه ؟ يعني معقول يكون فيه خطأ ؟ |
رد: .·¤ تجمع الحوامل اللي ولادتهم في محرم¤·.
دلع ،، ربي يحييج فديت قلبج ،، اي ان شاء الله الخميس رايحه ،، وتسلمين فديتج على السؤال ،، :) الحمدلله تطمنت كل شي بخير ،،
بخصوص اختج ،، خليها تكثر من اكل التفاح الاحمر ،، سبحان الله يقولون يقوي النبض ويرجعه اوقات ،، ربي يطمن قلبها ان شاء الله ،، لاحقه على البطن هههههه راح يكبر وتقولين من وين طلع هذا !! ربي ينقلج لين تمامه يارب ،، اعز الناس ،، فديتج حبيبتي ،، الاسبرين لما سألت الدكتورة عنه قالت لي ان هو يستخدمونه عشان لا يصير لا سمح الله اي تجلطات في المشيمه او جدار الرحم ،، فهو يساعد على زيادة السيوله في الدم ،، لان هذي التجلطات ممكن تسبب الاجهاض المجهول اللي ما ينعرف سببه ،، فهم ياخذون احتياطاتهم ،، بس ع العموم دكتورتي الثانيه قالت لي خلاص المفروض ما اطول وانا اخذه لان المشيمه ارتفعت الحمدلله فوق وكل شي طبيعي ،، وممكن يسبب نزيف في الولاده لا سمح الله لو طولت وانا اخذه ،، ان شاء الله ما تحتاجينه يالغلا،، ههههههه اتخيل انج ما تنزلين عشاني ،، ههههههه اساسا شكلج ما ودج تنزلين وخليتي عذر ،، هههههههههه روح الورد ،، اي والله هذا مدحولي اياه بعد ،، وفيه جنبه محل يبيع اواني وشغلات للتقديم ،، ورخيص ،، يعني اطقم كبيره للتقديم مع الترامس للشاي والقهوه والعصاير والاكواب طبقتين تحصلينه عنده ب 25 دينار يعني 250 ريال ،، من والى ،، قلت بمره عشان اخذ لي كم غرض للتقديم في النفاس للضيوف ،، |
رد: .·¤ تجمع الحوامل اللي ولادتهم في محرم¤·.
اي صح بنات ،، وقالت لي ان حجم البيبي يبين ان انتي 18 اسبوع و4 أيام وموعد الولاده 24 - 11 ميلادي بدل 26 -11
|
رد: .·¤ تجمع الحوامل اللي ولادتهم في محرم¤·.
marawy
مبرووووووووووووووووووووك وانضمت ام جديدة لامهات الاميرات ربي يحفظها لك يارب ويرزقك شوفتها بين ايدينك بالسلامة |
رد: .·¤ تجمع الحوامل اللي ولادتهم في محرم¤·.
noga88 <<< بنوتة
ام للمرة الثانية <<< بنوتة بنت تبوك<<<< بنوتة marawy <<<< بنوتة اللهم سترك<<< ولد مامة اولادي<<< ولد روح الورد <<< ولد االـ م ـهااا <<< ولد دلع <<<< ولد والمهم المهم سلااااااااااااااامة النونو قبل معرفة نوعه ربي يحفظهم من كل سوء |
رد: .·¤ تجمع الحوامل اللي ولادتهم في محرم¤·.
مراوي الف مبروك يا الغاليه على البنوته تتربى في عزكم يارب وان شاء الله تجي بالسلامه والله يحفظلك هي من كل سوءhwaml02
|
رد: .·¤ تجمع الحوامل اللي ولادتهم في محرم¤·.
مراااوووي الف مبروك ياقلبي البنوته والحمدلله انك تطمنتي وشفتيها زين مازين هع
وقامو يزيدون البنوتاااات ~= |
رد: .·¤ تجمع الحوامل اللي ولادتهم في محرم¤·.
بنات انا كنت عامله حسابي على اني حامل في بنوته بس طلع ولد الحمد لله على عطاياه فما فكرت في اسم ولد دحين اباكم تفكروا معايا في اسم ولد ينتهي بالف ونون بس يكون اسم مو مستهلك وجديد انا فكرت في اسم (ابان)وهواسم ولد الصحابي عثمان بن عفان رضي الله عنه ومعناه الجبل وكمان اسم (امان) وهو من الامن والطمأنينه وعدم الخوف وكمان (يمان) وهو من اليمن والبركه ايش رايكم؟
|
رد: .·¤ تجمع الحوامل اللي ولادتهم في محرم¤·.
غسان
نشوان مروان ريان صفوان رضوان سلطان عدنان عبدالرحمن عثمان سليمان سلطان فرحان عمران زيدان حمدان سنيان نشوان والاسماء اللي ذكرتيها هي الافضل ما هي متكررة وربي يحفظه لك |
رد: .·¤ تجمع الحوامل اللي ولادتهم في محرم¤·.
noga88 <<< بنوتة
ام للمرة الثانية <<< بنوتة بنت تبوك<<<< بنوتة marawy <<<< بنوتة اللهم سترك<<< ولد مامة اولادي<<< ولد روح الورد <<< ولد االـ م ـهااا <<< ولد دلع <<<< ولد والمهم المهم سلااااااااااااااامة النونو قبل معرفة نوعه ربي يحفظهم من كل سوء |
رد: .·¤ تجمع الحوامل اللي ولادتهم في محرم¤·.
ام اسكندر يا قلبي تسلمي على الاسماء تعبتك معايا دايما ما تقصري
طيب ايش افضل اسم فيهم ابان او امان او يمان على فكره انا اسم ولدي كنان ربي يحفطه |
رد: .·¤ تجمع الحوامل اللي ولادتهم في محرم¤·.
روح الورد والله طمنتيني ومبروك الولد ان شاء الله يطلع ولد بار في والديه وتفرحين فيه معرس
مروي. .. يارب بطمنا ويبعد الوسواس من قلوبنا دلع الاحساء. .. استخدمي حبوب حديد مص. اسمها فروز انا ارتاح عليها صدق الامساك يعذبني بس اريح من الغثيان وترا ابر المسيلة للدم شوهت جسمي واحس مافي مكان اضربها فيه خلاص صار جسمي مايتحمل يارب نوصل للتاسع وحنا سالمات مع اجنتنا. ... اعز الناس. ... ههههههاي اشوى لقيت احد نفسي يعني حالتنا صعبه انا اقول للرجالي طيب أذا جاء الموعد تعال وودني للمستشفى وأدخل وتفاهم مع الدكتورة يقول لا انا ماكلم نساوين اصلا ياحياتي زوجي مو من نفس المنطقه اللي فيها اهلي هو من الرياض ودوامه فالاحساء وانا وياه مستقرين فالاحساء بس من حملت رحت عند اهلي واهلي فالشمال بس الاسبوع اللي طاف كان موجود قعد اسبوع واليوم راح الله يوصله فالسلامه عاد انا مشتاقه للشقتي اللي فالاحساء وحتى الاحساء مشتاقه له وه يالبى الاحساء. .. ان شاء الله ربي يسهل حملنا وكل وحده تعيش حياتها كما تريد وكيفما تريد ...... |
رد: .·¤ تجمع الحوامل اللي ولادتهم في محرم¤·.
مبرووووووك مروووي البنووته
الله يبارك فيك شولولي حبوب الحديد لازم تشربي قبلهااوبعدهاعصيربرتقال |
رد: .·¤ تجمع الحوامل اللي ولادتهم في محرم¤·.
ام اسكندر ،، الله يبارك فيج فديتج يالغاليه ،، تسلمين حبيبتي ،، بس للحين احس نفسي شاكه هههههه مو مقتنعه ممكن لما اشوفها بالصج اقتنع >> طماعه البنت ،،
ربي يسمع منج حياتي انتي ،، مامة اولادي ،، تسلمين حبيبتي ،، ربي يبارك فيج فديتج ،، وبالنسبه للاسم ،، اختار (ابان) بين الثلاثه ،، احس معناه حلو وكفايه انه اسم ابن الصحابي عثمان بن عفان رضي الله عنه ،، ومن الاسماء اللي ذكرتها ام اسكندر ،، اسم ( ريان) عجبني ،، اعز الناس ،، هههههههه الحمدلله ،، اي الاحظ انهم يزيدون ،، ماشاء الله ربي يزيدهم ويزيد الخلقه الحسنه يارب والكامله ،، امس كنت داخله تجمع في موقع اجنبي اسمه نوفمبر ماميز ،، ومسويين استبيان بنت او ولد ،، ومعظمهم خبروهم ان فيهم بنات ههههه 50 بالميه تقريبا والاولاد بس 30 بالميه ،، هالشي عطاني حافز شوي هههههههههه شولولي ،، ربي يقومج بالسلامه وترجعين الاحساء لشقتج وزوجج وانتي بيدج البيبي ،، ويملي عليج الشقه بصياحه وضحكاته ،، ياحياتي ،، روح الورد ،، ربي يبارك فيج حياتي ،، فديت روحج يالغاليه ،، |
رد: .·¤ تجمع الحوامل اللي ولادتهم في محرم¤·.
""" بنت تبـــــــــــــــــوكـ """
""" مــــــــــــــــــــراوي """" مبااااااااااااااارك عليكما السنفورااااااااات ،،، الناعمات ،،، الرقيقات ،،،، الحلوات ~~~~ """ شولولي """ مبارك عليك التأكد من جنس الفارس ،،، الشجاع ،،، المقدام ،،، الباسل ~~~~ ~~~~~~~~~~~~~~~~~~~~~~~~~~~~~~ ~~~~~~~~~~~~~~~~~~~~~~ الله يحفظكم ويحفظ دراريكم °°°° |
رد: .·¤ تجمع الحوامل اللي ولادتهم في محرم¤·.
"""" عيـــــــــــــــــوش """ شكرا لك حبيبتي على السؤال ،، والدعوات الطيبة ~~~ إي والله بديت في صراعي مع :: علاوي :: ،،، إمممممم ممكن أتراجع ،،ولكنني مصممة أتصدق عليه براحتي في شعبان ، المهم مايجي رمضان إلا أكون منتهـــــــــــــــــــــــــــــــــــــية من هالحووووووووووسة ~~ عمره حبيبي سنتان وتسعة أشهر ،،،، والله المستعان """" مامة أولادي """ بوركت على المشاعر المرهفة ،،، الله يحفظك والأسماء أنا بموووووووووت في اسم { أبان } ومتناسق كثير مع { كنان} مامعنى " كنان " ؟؟؟ على فكـــــــــــــــــــــــرة ؟؟؟ ~~~~~~~~~~~~~~~~~~~~~~~~~~~~~~ بنات شو رأيكم في اسم { تمـــــــــــــــــــيم } ؟؟؟ |
رد: .·¤ تجمع الحوامل اللي ولادتهم في محرم¤·.
""" دلــــــــــــــع """
ألف لابأس على والدك العزيــــــــــــز ،،، إن شاء الله أحسن الآن ~~~ وبالنسبة لحجم البطن ،،، أنا تعاظمت عندي بطني بشكل متغير عن حملي الأول والثاني ؟؟؟ والله ربي يسهل علينا في الشهور المتقدمـــــــــــــــــــــــــــــــــــــــــة ~~~ |
رد: .·¤ تجمع الحوامل اللي ولادتهم في محرم¤·.
اثري تأخرتي انابنتي عمرهاسنتين واعلمهاعلى الحمام
بديت قبل ماتكمل السنتين .....بس البسهااحتياط بس تعرف تدخل الحالها بس باقي تتعلم تغسل نفسها ان شاء الله كم اسبوع وتتعلم ماشاءالله |
رد: .·¤ تجمع الحوامل اللي ولادتهم في محرم¤·.
اثري يا مراحب فيك اسم كنان معناه الستر والغطاء وهو ماخوذ من كنانه وهم قوم سكنوا مصر واشتهرو بالكرم والشجاعه
والى الان صوتين لصالح اسم ابان انتي والغاليه مراوي وبالنسبه لاسم تميم انا مره يعجبني اتوكلي على الله واعتمديهhwaml02 |
رد: .·¤ تجمع الحوامل اللي ولادتهم في محرم¤·.
اقتباس:
هلآ بك حيآكـ معنا بالتجمع وربي يتمم لك حملك ^^ |
رد: .·¤ تجمع الحوامل اللي ولادتهم في محرم¤·.
اقتباس:
ولد ولابنوته كلهم خير ونعمه ربي يتمم لك على خير ويتربى بعزك بالنسبه للاسم انايعجبني اسم ريان واخره الف ونون بس وش هالسر .؟-)ملقوفه هعhwaml52 والاسماء اللي قلتيها يمكن يمان احلآهم |
رد: .·¤ تجمع الحوامل اللي ولادتهم في محرم¤·.
مرآوي,, لآ نزلت بس احس لانزلت مااقدر اطلع شقتي الا اخر وحده مدري ليش
استحي او معرف اتسحب عبط بعيد عنك هههه يعني تخيلي توني الساعه 1 طلعت شولولي ,, الله يقومك بالسلامه وترجعين انتي والبيبي شقتك انالماقعدت عند اهلي شهرين احس وحشتني شقتي بقوه وهي موبعيده شلون انتي منطقه ثانيه الله يوصل زوجك بالسلامه مامه اولادي,, حلو اسم ابان ويمان بس امان موحلو ^^ ليش التجمع رااكد hwaml76 |
رد: .·¤ تجمع الحوامل اللي ولادتهم في محرم¤·.
مراوي
الحمد لله تطمنتي على الجميلة الله يحفظها ما عليكي المهم توقعت الاكثر بنت الله يتمم عليكي |
رد: .·¤ تجمع الحوامل اللي ولادتهم في محرم¤·.
اااه احسس بارهــآآق مو طبيعي
بديناا نبني شقتناا اخيرا , الحمدلله يارب فٌرجت استاذنكم بناام وكل اللي ردوو علي مشكوورين حبيباااتي |
رد: .·¤ تجمع الحوامل اللي ولادتهم في محرم¤·.
المها نوم العوافي
وسلآمتك من التعب ,, عقبال مايبدون بشقتنا هع والف مبروكـ الشقه الجديده راح تسكنيها انتي والنونو ان شاء الله |
رد: .·¤ تجمع الحوامل اللي ولادتهم في محرم¤·.
اعز الناس عافوني ما فهمت عليك يا الغاليه hwaml15 اي سر قصدك عليه احس ما فهمت وضحيلي بسرعه hwaml16
|
رد: .·¤ تجمع الحوامل اللي ولادتهم في محرم¤·.
اقتباس:
هههه لاكنت اقصد وش السر انه لازم الف ونون ماادريت انه عندك ولد اسمه كنان بعدين قريت بالردود الله يخليه لك ويتمم حملك على خير |
رد: .·¤ تجمع الحوامل اللي ولادتهم في محرم¤·.
ههههههههه قولي كدا يا اعز قلي عقلي ايش تقصد ما فهمت
طيب كويس انك عرفتي ليش ابغى اسم نهايته الف ونون |
رد: .·¤ تجمع الحوامل اللي ولادتهم في محرم¤·.
ههههههههههه احسك تعبتي من كثر التفكير ههههه
بس حلو انك تسمين اولادك يتشابهون الاسماء اناااذا افكر فيها زوجي يسكتني -(يبي يسمي على اسم ابوه وامه هههه وفرق شاسع بين الاسماء وقديمه والمشكله اخوه مسمي نفس الاسماء يعني عيالي بيصيرون نفس عيال عمهم رافضه هالفكره بس عجزت اقنعه شورو علي :s |
رد: .·¤ تجمع الحوامل اللي ولادتهم في محرم¤·.
صباح الخير كروشات
|
رد: .·¤ تجمع الحوامل اللي ولادتهم في محرم¤·.
صبآح النور ياآلمستحيل
|
رد: .·¤ تجمع الحوامل اللي ولادتهم في محرم¤·.
اعز يا عمري عليك والله النوعيه دي من الرجال الي يصرو على انه يسموعلى اسم امهم وابوهم مره يقهرو الوحده من حقها تسمي الاسم الي تبغاه بس ايش يقول الواحد
طيب حاولي تجيه بالحيله تقوليله مي حلوه احنا نسمي وقد اخوك مسمي حتى معد لها طعم وبكره راح يقارنو بين اولانا واولاد اخوك ومهي حلوه او قوليله يرضيك بكره لا كبرو وصارو يغلطو اننا نسبهم ونقول يا فلانه يا ------------ او يا قلان يا ____________ انا عن نفسي ما يرضيني وفي نفس الوقت الا ما يتعبوني او قوليله اذا سميت اسم امك وابوك انا كمان راح اسمي على اسم امي وابوياhwaml4 ترى انا عندي خبره لانه زوجي لما جبتي بنتي كان يبى يسمي اسم امه بس انا رفضت امه على عيني وعلى راسي بس انا من حقي اسمي بنتي |
| الساعة الآن 01:01 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .