المشاركة الأصلية كتبت بواسطة MEH (المشاركة 1976255)

هههههههههههههههههههههههه يسعدك عشوقه عجبتني(طحلبه)
اكرهها من قلب الطحلبه..فعلا شكله يشبه اللي عندي
لو يسبونك قدامه يمكن يدافع عنهم زياده
اهله عنده فوق كل شي
لدرجة انه يفكر يطلع قروض لأخوانه بإسمه عشان يكملون عمايرهم
ويقول والله لو يطلبوني ولدي ماأردّهم
بعكس اخوي(الله يهــــــــــــــــــــــــــديه)
آخر همه امي وابوي بعمري عنهم
والله مانطلبه لاسوق ولامشوار ولاقد سمعنا منه كلمه زينه
اهلي دلعوووه دلعوه بقووه لأنه الوحيييد بين بنات
وهذي نتيجة الدلع
واهلي فديتهم طيبييييييييييين مع زوجته
يشهد الله ان غسيلها كله ينغسل عندنا ويتنشف عندنا
ولاتطبخ تغدي عيالها من عندنا ومع ذلك لاجزاء ولا شكورا
ولا قد ضيفوا اهلي ولو مره في بيتهم ومع ذلك امي تدور اللي يرضيها
اعووووذ بالله فعلا الوحده على ماتربّت

عشوووقه دعواتي لك والله يفرجها عليك من اوسع ابوابه
وتفتكين من ابها ولا اي شي
ويهدي زوجك ويفهم انك تعانين

المشاركة الأصلية كتبت بواسطة الديماس (المشاركة 1976453)

عشــــــــوقة

بصراحــــــــــــــــــــــــــة

الله يعينك عليهم والله انه شي يرفع الضغط
هذي مو ميانه هذي

همجيـــــهhwaml4hwaml4

لا تزعلنم مني بس وربي اني انقهرت فيه فرق بين الميانه وبين قلة الادب وش ذا عيب ياناس اصلا حتى الطفل المؤدب يستحي يفتح ثلاجة مو في بيتهم او ياخذ شي مو له من الادب ان الواحد يساعد صاحب البيت لو على الاقل مجامله مو بس تاكل وتضحك وانتي تكرفين (( يعني لو مرة مرتين تنبلع بس مو كل شوي ))
معليش انتي السببhwaml15

ليش تعودينه على كذا ترى الزوج هو السبب يعني لو قالهم او لمح لهم باسلوب ان لكم خصوصيه او شي


يشهد الله علي ان زوج اختي كان العن من كذا كااان فطور رمضان اغلب الاوقات عندها وهي حملها متعب مررررررة يجيها ضغط وزلال وما تكمل السابع ومع هذا لايكرفها بالفطورات في رمضان وخبز التنور والطبخ والنفخ تحلف بالله انهم ما يسرون الا بعد ما يتسحرون ويأذن الفجر ورب البيت وانا شاهده انهم بعد الفطور يتسدحون البنات عند طاش وعند المسلسلات وما يقمون الا اذا انتهت التراويح يقومون يتقهون وينتظرون العشاء
وهم كم تتوقعين عائـــــــــلـــــــــة؟؟؟

6 عواااااااااااائل والبيت ما يندخل من الازعاج كل عائلة عندها سبع ثمان عياااااال
ومع هذا كانت ما تقوله شي لانه اذا قالت له يقولها انتي الطالعه وهم الداخلين عصببببي عصبي نااااارhwaml4

جلست على هذا الحال 8 سنوات وكل ما اشتكت لامي تصبرها امي لانه ولد خالتي وامي تحاول تلمح لخالتي لكن اصلا خالتي فيها البرود والبلاده كنها ما تشوف شي

كان اوقات يهينها قدامهم يرفع صوته عليهم ويقولها كلام شيييين

الله لايعيدها من ايام
بس سبحان اللي غيره حصل له مواقف شينه مع اخوه صار مشكله ومرت اخوه اتهمته بكلام ما قاله ويوم تواجهوا صف اخوة بصف زوجته وبكى يقول والله كل شي الا زوجتي كله الا ام فلان

تقول اختي والله قام يمد ويبسط وينط ويهوي ويقول وانا اللي خليت زوجتي خدامه لكم وانا اللي بابي ما ينصك دونكم ومن هالكلام ومن بعدها تعددددددل وجاب لها شغاله والحمد لله قد هي موظفه وزاااااااانت امورهم