|
رد: دردشة بنات مصر , دردشة حوامل مصر , تجمع بنات مصر
السلام عليكم
ازيكم ياحبايبي وحشتووووووووني كتييييييييير أخباركم ايه كلكم؟ يارب تكونوا بخير معلش قلقتكم عليا بس انا تعبت كده شوية وما كنتش باقدر ادخل سارة ورانيا كلموني الله يباركلهم واتطمنوا عليا وقالولي انكم قلقانين فقلت لازم ادخل اطمنكم عليا حتى لو فيا ايه انا تعبت يوم السبت كده من ساعة ما قريت الخبر بتاع علياء قلبي وجعني وزعلت جاااامد وفضلت زعلانة طول اليوم وحاسة اني مش طبيعية لحد ما اغمى عليا بالليل ,واول مافوقت حسيت بتقلصات جامده زي التشنجات وجسمي كله بينشر عليا ولقيت جوزي بيفوقني ومكلم دكتور وهنروحله لان انتم عارفين دكتوري في عمرة.. فروحنا لدكتور تاني ولقى ضغطي عالي وطبعا جوزي قاللي انتي مش مظبوطة مش ساعة ماجيت وصمم يعرف السبب قولتله ان واحدة صاحبتي عزيزة عليا اتوفت هي وابنها زعل هو كمان بس زعقلي ع اللي عاملاه في نفسي وكمان عشان ماكنتش حاسة بحركة الجنين خالص فالدكتور قالي ان النبض كويس بس بس مش حاسة بالحركة عشان شدة جسمي وتشنجه وده مش كويس والمفروض ابقى مرخية عن كده شوية واتمشى او انام مده طويلة المهم روحت البيت وماقدرتش امشي عشان كانت التقلصات عندي جامدة وفضلت زعلانة برضه ودماغي مشغولة بالموضوع ونمت وانا كده صحيت قبل الفجر لقيت جسمي كله مولع وعرق شديد وعضلات بطني من تحت تقلص جامد اوي والبنت متكومة وبس طبعا الدكتور قالي مش هاكتبلك ادوية لان انتي عارفة ده تأثير الحالة النفسية اللي انتي انتي فيها وانا مش مسؤل خليكي كده براحتك وجوزي زعقلي كتير انا بصراحة زعلت فعلا جامد لاني اتعلقت بيها وكنت باحبها جدا بس ما اكنتش اعرف ان الزعل هيعملي كده ومن يوم الاحد للنهاردة وانا تعبانة مش عارفة ادخل اكلمكم بس النهاردة اتحسنت شوية الحمد لله الحرارة قلت والضغط نزل شوية والتقلصات كمان قلت وبدأت احس بالحركة لسه بس جسمي بينشر شوية وحتقان في وشي كله كان دور برد بس من غير عطس وصوتي رايح شوية ومع الحاجات دي كلها الدكتور قالي لسه على ولادتك شوية والتعب اللي عندك في ايديكي حله لانه حالة نفسية ومش هاديكي ادوية عشان كنت بآخد ادوية كتير الفترة الي فاتت وكفاية كده وقالي لو جتلي ولادة وانا لسه عندي الاعراض دي هاتعب اوي وقالي احاول افك نفسي شوية عشان الفترة الجاية بسسسسسس عشان كده قلت لازم ادخل هنا تاني واكلمك واطمنكم عليا وانتم بجد وحشتوني كتير |
رد: دردشة بنات مصر , دردشة حوامل مصر , تجمع بنات مصر
هو تقطيعه هو الى هيبقى صعب بس هو بيشرف ف العزومات
ممكن بقى تسيبى مهمه تقطيعه بقى لجوزك |
رد: دردشة بنات مصر , دردشة حوامل مصر , تجمع بنات مصر
الف سلامه عليكى يا ايه والله قلقنا عليكى
ربنا يطمنا عليكى وتقومى بالسلامه يا حبيبتى انتى والنونو يارب وهونى علي نفسك علشان البيبى |
رد: دردشة بنات مصر , دردشة حوامل مصر , تجمع بنات مصر
وانتى كمان وحشتينا قلقنا عليكى اوى يأيه ياحبيبتى لازم علشان نفسيتك تتحسن تبصى للموضوع من ناحيه لولو هى الوقتى ف دار الحق ومستريحه اوى ولو خيروها ترجع تانى عمرها ما هترجع احنا الى ف دار الباطل ضيوف فيها لاكن هى راحت للحياه الابديه ف الجنه ان شاء الله وانا مطمنه عليها اوى لان ماشاء الله خاتمتها كانت جميله تعرفى انها ادفنت ف البقيع وصلوا عليها ف المسجد النبوى ربنا يطولنا حسن الخاتمه
انا عارفه ان الفراق صعب اعتبرى ان مبقاش عندها نت تكلمنا منه بس احنا عارفين انها كويسه |
رد: دردشة بنات مصر , دردشة حوامل مصر , تجمع بنات مصر
الله يسلمك يالوكا
اخبار ايه وازي سلمى؟؟ انا باحاول والله اهو اخرج نفسي من المود شوية عشان افوق وابقى كويسة ومايأثرش ع الجنين هي مرحلة صعبة وهتعدي , بس اكمن انا اتأثرت بزيادة شوية ربنا يهون الايام اللي فاضلة انا جالي وجع اول امبارح وقلت ولادة وماطلعتش حاجة ربنا ييسر ويجيب الوقت المناسب |
رد: دردشة بنات مصر , دردشة حوامل مصر , تجمع بنات مصر
لولو هتفضل ف قلبنا بس الحياه هتستمر ولازم تاخدى بالك من نفسك علشان بنتك الى بتستنيها من زمان ياأيه تعملى فيها كده وتتعبى نفسك
عارفه انا بعدت فتره عن التجمع بس بجد نفسيتى متحسنتش الا لما جيت وسطكوا تانى انتى ابقى ادخلى واتكلمى معانا وكل ما تفكرى فكرى انها احسن منا وهى الى قلقانه علينا الوقتى هى خلصت الامتحان احنا الى لسه ياأيه |
رد: دردشة بنات مصر , دردشة حوامل مصر , تجمع بنات مصر
ماتقلقيش كلها حاجه بسيطه ان شاء الله وتولدى وتقومى بالسلامه ياااارب انا اخدت زيك حوالى21 يوم فى التاسع
|
رد: دردشة بنات مصر , دردشة حوامل مصر , تجمع بنات مصر
ربنا يخليكي ياجوجو
انتي اخبارك ايه؟ انا فعلا بقيت باقول لنفسي الكلام ده وان شاء الله ربنا يجعلها في نعيمه ويكرمنا بنهاية جميلة زي كده ويوفقنا في ايام حياتنا لعمل مايحبه ويرضاه كل الايام اللي هتيجي في عمرنا مسؤولين عنها ربنا بس يقدرنا ده حمل كبير |
رد: دردشة بنات مصر , دردشة حوامل مصر , تجمع بنات مصر
سما كانت عايزه تكلمك كانت عايزه تقلك بدام تعبانه ليه الدكتور مولدكيش
|
رد: دردشة بنات مصر , دردشة حوامل مصر , تجمع بنات مصر
انتى خلاص نويتى على اسم محدد ولا لسه
|
| الساعة الآن 02:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .