|
رد: دردشة حوامل من الشهر السابع للتاسع
اقتباس:
اتوقع مو ناقصك شي دام بخاص |
رد: دردشة حوامل من الشهر السابع للتاسع
سكر
الله يخليه لك .. وان شالله هالمره هو يوديك احسن لك واريح نفسياً انا كان قصدي ام القمر وفيصل خخخخخخ .. يارب يهون عليك وعلى الباقيات الولاده يااارب ام القمر وفيصل ههههههه دامها منه اجل .. خلاص معذووره يابعد قلبي جربتي تشربين ملين او مسهل؟ عشان تجيك ولاده سكر غريبه ماخذتي شرابات او سروال لان الوالد بعد ولادتها تبرررد مررره وتبي شي يدفيها انا ولدت بحكومي بس جابو لي حفايظ انا والبيبي بس الداخليه جبتهم معي وافكر هالمره اخذ ملابس داخليه يوميه من الصيدليه اللي تنرمي .. مافكرتي تاخذين حبوب تسكين الالم عشان الم الطلق اللي يجي بعد الولاده او مرهم للخياطه عشان ماتوجعك مكان لخياطه.. بس اغراضك كامله انا اشوف .. ^.^ يمكن باقي لك شاحن جوال عشان تصورين البيبي هع |
رد: دردشة حوامل من الشهر السابع للتاسع
اهلين حلا
اخذت بناطيل قطنية نسيت ما اكتبهم والمسكن الممرضات كل شوي يعطون مسكنات ما راح احتاجهم بإذن الله في المستشفى والمرهم جبت لي ميبو بس ع اساس ماراح استخدمه الا في البيت لأني ان شاءالله ماراح اجلس بالمستشفى إذا ولدت طبيعي بإذن الله كله يوم وبطلع .. كئيب جو المستشفيات ممممرة ما احبه ولا احب اجلس لحالي وعيبي .. المكان اللي اول مرة انام فيه اقعد فترة على ما أولف المكان .. يارب بصحة وعافية اميرة الجمال توي شقرت حواجبي من قريب .. وناوية اشقرها الاسبوع الجاي كمان ههاع وبشيل الشعر من جسمي لي زمان بس بالمكينة من الكسل * |
رد: دردشة حوامل من الشهر السابع للتاسع
سلام ياحلوات
اللهم أمين .. ربي يتمم لنا على خير إن شاء الله سكر ﻻتنسين كسرة مرة حطيها في نايلو عشان بعد الولاده إن شاء الله تحطيها في قارورة صحه وتشمينها وتشربي منها حتى البيبي شمميه مره ضروري عن الشمم لا تعفي خيوطك وتتعبيين من غير شر أنا أول شيء حطيته بالشنطه المرة والحتيته وقارورة الصحه وشماغ عشان أربط بطني إن شاء الله والباقي مثل ما ذكرتي لاكن بدون كحل وروج ودهن عود وبولد في مستشفى حكومي إن شاء الله |
رد: دردشة حوامل من الشهر السابع للتاسع
صادقه اجوان
اهم شي المر انا اخذت بالشنطه بعلبه عشان اذا ولدت احطه بعلبة ماء يكون طازج ولاتنسوى تمر لتحنيك البيبي >>ولامره سويتها لعيالي بس بسويها هالمره لان يقولون انها سنه عن الرسول صلى الله عليه وسلم بالنسبه لشماغ خليته بالبيت كلها يوم بالمستشفى وبطلع بربط بالبيت لان بكون مهدود حيلي مو رايقه لربط وميبو كمان خليته بالبيت لان بالمستشفى بيعطونك كريم الخياطه حلا ااااهم شي الشاحن اكييييييييييد صح عليك ذكرتيني بالنسبه لكلوت الدوره اشوووفه ضروووري جداً لانك ترميه وتفتكي منه انا لقيته في بيبي شوب وتنقيت المقاس على راحتي ولا تنسوا فوط الرضاعه استخدام واحد لان الحليب بيملى ملابسك |
رد: دردشة حوامل من الشهر السابع للتاسع
انا اللحين جهزت بعض اغراض النفاس
وحطيتهم بالفريز التمره(تمر+رشاد+سمن) التحاميل (مر+ملح+محلب+قرض+عسل) وطحنت عشبة عباءة السيده بعلبة اممممممم وقسمت اغراض النفاس باكياس عشان ماحوس بيت اهلي وحطيت ملابسي وحجاباتي والداخليات والفوط وكل شي بستخدمه بالنفاس بشنطه لحاله وخليت شنطه لكل اغراض البيبي لحالها وشنطه لملابسي اللي بحتاجه قبل الولادة وبعد الاربعين وشنطه لملابس اولادي احس وضعي مرتب بس اخاف انسى شي |
رد: دردشة حوامل من الشهر السابع للتاسع
وش بتستخدمون لبشراتكم !!
خاصه اللي بترضع طبيعي!! |
رد: دردشة حوامل من الشهر السابع للتاسع
السلام إليكم.بنات
اخباركم؟ من ضمن محتويات الشنطة..اخذت مشد عريض مطاط وكريم الترهلات وانصحكم بكيس نايلون الله يجعلنى انتظم عليه والف بطنى من قبل ما اطلع من المستشفى وطبعا فى البيت نقلت اغراضى الخاصة وكريمات الترطيب لغرفة الاولاد حتى اخلى غرفة نومى ريحتها ماتتخربط بأدوية النفاس وجهزت قهوة وشاى الاعشاب وكريمات العناية للأربعين...وملابس جديدة بعد الاربعين ماشاء الله مقاسات صغيرة حتى انحف عليها حلا حبيبتى الملين انا طوال حمل ماشية عليه وطبعا قبل الولادة باستعمله اخاف اتفشل مع الطلق والحزق ..خخخخخخخخ وتدرين مع الخياطة ما يصلح الامساك لاكن ما يجينى من الملين اى طلوووق بالعكس تنزل على ماء البيبى...وبالمستشفى تحاميل طلق صناعى الله يقوينا وييسر ويهون علينا الصعب قولو اميييين |
رد: دردشة حوامل من الشهر السابع للتاسع
ام القمر فيصل
ليش كم يوم بتجلسي بالمستشفى حبيبتي!!؟ وش نوع كريم الشد اللي بتستخدمينه!! وممكن نعرف اعشابك اللي بتستخدميها وكريماتك!! اتوقع هذي ولادتك الثانيه صح!!؟ حلووه فكرتك تشتري مقاسات صغيره هههههههههههه تعطيك حافز للضعف>>بسوي مثلك بنات وش رايكم في لوشن نيفيا قود باي سوليليت عليه مددددح مو طبيعي!؟ نفسي اجربه وشعري خلطة خروع لشرب مع دابر املا واحس شعري مرتاح عليها |
رد: دردشة حوامل من الشهر السابع للتاسع
صباح الخيرات
|
| الساعة الآن 08:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .