رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

الله يجزاك خير يالغلا امي قد ولدت بالمشاري بس كان على حساب عمل الوالد وكويس مره تمدحه مره ..الله يهون عليك ماقصرتي

رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

السلام عليكم وـآلرحمه

صبآحكم سعآده ورآحة بآل

كيفكم حبايبي ان شآء الله الكل بخير

طبعآ هذي آول مشآركه لي في المنتدى وعندي آستفسآر بسيط آتمنى تفيدوني

آنآ تقريبآ حآمل في بدآية آلشهر آلثآلث حسب ماسويت الشريط تبع الحمل بس مادري علمآ آن آخر دوره لي كانت في 5-8 -1431هـ اللي بامكانها تحسب لي اشهر حملي بالظبط لاتبخل علي

والمشكله الثانيه انو آعآني من آلم متكرر آسفل آلبطن ومنطقة الظهر بين فتره وفتره هل هذآ طبيعي آو في خطر على الجنين خاصه لما اقوم بمجهود او اتضايق آتمنى من اللي لها خبره بهالشي تفيدني

وآكون شآكره للكم

...

رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

السلام عليكم
اخباركم ياكروشااااات
انا ساكنه بالرياض وحامل بالشهر السابع الله يهون علينا جميعا
بس بستفسر عن كذا مستشفى تكفون لاتردوني ردو علي الله يوفق ويسهل ولادت كل من ترد علي ويسخر لها زوجها
انا من حملت وانا اراجع عن دكتوره بشغل زوجي يعني تبع شغله
وقالت ان جيتي تولدين بحولك على 4مستشفيات تبعنا لاني مااولد
المهم خيرتني بين الجامعي والشميسي وسلمان واليمامه
طبعا سئلت كثير اللي جربو
كلهم نصحوني بالجامعي او الشميسي
فااخذت منها تحويله للجامعي ولحد الان مابعد راح لهم زوجي
بس انا محتاره شايله هم الخياطه لان اي مستشفى يخيط خياطه عاديه عشان التوسع اللي بيسوونه وقت الولاده بس انا ابي خياطه تجميله وسمعت ان البكره يسوون لها خياطه تجميله
فحبيت اسئل اللي ولدت بالجامعي اول مولود هل خاطوها خياطه تجميليه والا عاديه ولو بطلب خياطه تجميليه يسوون لي والا لا
ولو ماقبلوني تنصحوني بالشميسي وبرضوه هل يخيطون
انا بصراحه ودي اولد بخاص بس زوجي مايقدر على الغالي مره وماعنده تامين
وكان ودي اولد بمستشفى الجافل اللي بالدائري الظاهر بالسويدي انا رحت اجرب كشف عند الدكتوره الباكستانيه نجاه مرررررررررررره حبوبه وطيوبه واخلاقه ممتازه تتحمل رغم الزحمه اللي عليها
واللي اعرفه الولاده عندهم مع الخياطه الظاهر 2500 بس اخاف اروح على هالمبلغ واتفاجئ باانهم يسحبون اكثر يعني يدورون اي شي اشعه تحليل كشف على البيبي او تطعيمه ويسحبون مني اكثر من 2500 ويرتفع ظغطي انا ماهمتني الفلوس بس مااحب النصب والغلا على لاشي
تكفون اللي جربت ولدت فيه عند الدكتوره نجاه كم كلفتها الولاده كلها ووشلون خياطتهم ورعايتهم بالبيبي تكفوووووووووووون ردووووووو علي لاني شوي وبنهاااااااار من كثر التفكير والقلق

انا كان ودي بمستشفى الملك فهد على حسابي كلمتهم قالوا مانضمن لك سرير وقت الولاده
انا اول واحد وابي ارتاح مو اتعب اكثر من تعبي الحين
وودي بعد بمستشفى الملك فيصل ونفس الشي يقولون لازم حالتك صعبه او الجنين بسم الله علي وعلى ولدي
ولازوجي يشتغل عندهم لاالمستشفى فهد ولا فيصل
طيب دله والمشاري كم تكلفت الولاده كلها بدون تامين
انا كلمت الحمادي قالوا لي 7000 بس مااقدر اقل شي 4000اقدر عليه

شي ثاني تكفوووووون تاعبني انا سويت عند ثلاث دكاتره اشعه وكلهم قالوا ولد
واحيانن حلومي بنت واحيانن ولد
وام زوجي وجدتي محلمين فيني ويقولن بتجيبين بنت
وخالتي قد حلمت بعيالها وفعلا جابو عيالهم على حلمها وقلت لها سويت اشعه عند 3كلهم قالوا ولد قالت لا بتجيبين بنت واذكرك
وتعبت اكثر من التفكير لاني ابي اجهز
انا عادي اهم شي صحته وسلامته بس ماابي انصدم خاصه اول واحد
ورحت امس لموعدي رفضت اسوي اشعه قالت ترى بيضر سمعه انتي من حملتي وانا كل شهر اسوي لك اشعه
طيب متى ابدى اجهز ودي من الحين لاني باديه اثقل واتعب

وبخصوص ابرة الظهر نصيحه لااحد ياخذها لاتقولون ماتضر وقتها بس صداع والم بالظهر
واحيانن تؤدي شلل
بس المصيبه مستقبلا ترى لها اضراااااار ماتعرفون الا بعدين
كل قريباتي حملو وولدو وكل وحده عندها 5و6 عيال يقولن مااخذناها ولا مره
انا ناصحه لكم

ااااااااسفه على الاطااااااله بربرتي وااااااجده بس والله من الخوف والقلل
تكفووووووووووون عاااااد ردو اجبرو بخااااطري الله يجبر بخاطركم ويفرحكم

رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

الجامعي الولاده عندهم كويسه والخياطه كمان اعرف وحده تمدحهم والظاهر عملولها تجميليه ...

وبالنسبه للخاص في مستشفيات اسعارهم معقوله عندك المشاري 4500
المواساة 3500 بس ما انصحك فيه ,,, او عبيد التخصصي مرررره يمدحونه واسعاره مناسبه بس ما اعرف بكم لكن مو غالي ,,, او المستشفى الوطني كمان قديم وعندهم خبرات من ايام امي كانت تولد فيه وانا ان شاء الله راح اولد فيه والولاده عندهم بـــــ3600ليلتين +حضانه
وربي يهون عليك وعليا وعلى الجميع يارب

رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

الله يهون علينا يارب
تصدقون احس قبل الحمل الايام تركض ركض
والحين احس العكس

رد: تجمع حوامل *(( الرياض ))* .. حياكم
 

نفس الحاله اللي عندي
حتى الاسبوع صار شهر عندي

رد: تجمع حوامل *(( الرياض ))* .. حياكم
 

هلا أختي ديمو بس ممكن تقولين لي وين المستشفى الوطني ؟؟؟؟ وهل المكان نظيف وإلا يعني ؟؟؟؟

رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

مشكوره حبيبتي ديمو
طيب اللي تعرف تعلمني بعد
زوجي راح ودى روقة التحويل للجامعي قال تعال لنا بعد اسبوع لانها جايه تفتح ملف متاخره بالشهر السابع كان جت قبل
طيب مستشفى الوطني ياديمو حلو ووين موقعه فيه بالظبط وكل تكاليف الولاده مع الكشوف والتحاليل والبيبي3600 اخاف يزودون علي
وتسلمين ياعمري

رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

والله حبيباتي ما اعرف أوصف لكن اللي اعرفه انه مقابل مستشفى قوى الامن على شارع الستين وعليكم بالجوجل اكيد بتلاقون وصف للموقع اكثر دقه ... وهذا رقم المستشفى اللي تبي تسأل عن معلومات زياده 4761211

رد: تـجــمـــع حـــوامـــــل *(( الــريـــــــــــاض ))* .. حــيــاكــم
 

مرحبا صبايا

حابه استفسر عن حمل البكر هل ولادتها بالعاده تكون بدري ولا تتأخر يعني بأي أسبوع تقريبآ ؟

باقي اسبوع وادخل التاسع وخايفه تجيني الولاده !!!